The Stadium (已結業)

銅鑼灣不嬲出名多野食，今日去左食”the stadium”, 成日行過呢間餐廳，但今日第一次食佢個set lunch! 下就2點幾到，都好多人係入面，睇黎幾旺下！Menu上有十幾個選擇，我就選左「US Roasted chicken」$128 另友人選左「Hawaiian Pizza」$138， share 食！前菜是吃salad,小小一份岩岩好！主菜好快上左，烤原隻春雞，其實好大份下，有成4舊，皮脆肉嫩！好好食！旁邊仲有沙律菜中和！Hawaiian pizza有8大件，批底係薄既批黎，上面有ham, cheese, 菠蘿等！不會好油！脆脆地！個人都愛吃薄批，唔會比厚厚的批底填飽了！最後飲品加錢叫左iced cappuccino 同埋hot latte！大杯抵飲！

The Stadium 已成了我的口袋餐廳，每次聚會想吃西餐，總會想起它。是次要了一個dinner set和 意式香菇手搓粉。是日餐湯是粟米湯，吃得到粟米蓉，真材實料。隨餐附送的凍檸茶，附上環保的紙飲管。意式香菇手搓粉第一次吃手搓粉，形狀細細長長，成螺絲狀，十分可愛！醬汁濃香重黑松露味，包著每條手搓粉，非常好吃！會成為我另一個每次必點的菜色。美國特級肉眼扒牛扒要了5成熟，肉質軟嫩，富有肉汁， 外層陣陣焦香，配上烤蔬菜和炸薯角，份量十足，每次來必點！

今日午市用餐嘅地方 位於銅鑼灣嘅鬧市區 環境非常不錯 職員安排咗我哋坐窗邊位置 可以欣賞外面嘅城景及邊用餐 午市套餐有十個選擇 價錢又88蚊至138蚊 套餐包埋餐湯/沙律 主食及飲品分別點了五號餐炸魚薯條$98 及 10號餐烤美國肉眼扒$138是日餐湯-青豆湯感覺清新健康 好重力嘅奶油香味 入口順滑 沙律前菜 蔬菜夠新鮮 入口非常爽脆清甜煮食 烤美國肉眼扒牛扒烤到有井字紋 有陣陣炭火烤過嘅味道 未食已經流曬口水 旁邊有蔬菜伴著 而且份量多仲可以隨個人喜好調較牛扒嘅生熟程度 一切落去就感覺到塊牛扒軟淋淋 入口非常juicy 對本人嚟講呢塊扒質素非常高 有下次煮食 炸魚薯條薯條及炸魚柳都係即叫即炸 熱辣辣脆卜卜 非常可口 薯條係屬於比較粗身類型的 是我喜歡的 外脆內軟魚柳脆漿比較薄唔會食到成口粉 配合檸檬汁沙律醬一齊食別有一番風味 肉質嫩滑唔嚡口 魚肉厚身 啖啖肉飲品嘅甜度都係自己調教 自己落糖水呢度仲有多款唔同類型嘅酒類提供 又有波睇又有桌球 飛鏢 等於樂設施 搵晚約埋三五知己 嚟呢度享用晚餐先

一入到餐廳已經覺得好新鮮，入邊嘅佈置簡直係成個運動場，所有佈置都係運動的，一入到門口己經有張美式桌球等僅你。水牛城雞翼：大半隻手掌嘅雞翼，冇雪藏未，辣同甜度都適中，啖啖肉，送啤酒都係一個好選擇。Fish and Chips:薄薄嘅粉漿，大大嚿嘅魚，炸得非常乾身，外脆內軟，薯條都一樣，感覺係新鮮炸出嚟。一班人食都係個好選擇。茄汁肉丸意粉：香濃茄汁味，酸甜度好適合，意粉熟嘅程度都係我喜歡，大大粒肉丸，夠飽肚。建議大家多啲人去會好啲，因為每碟份量都非常之大，同時間等齊人先好叫嘢食，因為上菜速度相當快，好有效率。喜歡飲啤酒嘅人留意吓叫一啲套餐，會比較着數。

今日男人又帶我食好西了難得過海，當然交俾佢諗啦，過海本但不太熟嘛。佢話上次朋友帶左佢去一間食都幾唔錯仲有波睇，就帶我去試下啦門面超大同裝修好靚燈光舒服而且好多關於運動既細節位仲有足球機同桌球俾食客玩。咁大個女都係第一次見咁既餐廳野食都係一般西餐有既野，但酒都算幾多選擇餐湯應該係蘑菇湯，咬落仲有一粒粒既蘑菇，口感creamy,應該係加左薯仔既緣故latte咖啡超香而且不酸不澀海膽忌廉汁帶子扁麵一試台已經聞到好香海膽味，食落口口感豐富同超級creamy,帶子煎到剛剛熟，鮮甜彈牙。意粉中我最愛扁麵，呢個煮到軟硬適中，不會過硬，有口感之餘亦唔會過爛美國特級肉眼扒一睇個炭燒紋已經令我垂涎三尺我地叫左五成熟，可能我掛住影相rest耐左，但入面都係粉紅色而且超多肉汁，好重牛味，都算出色坐得舒服，服務一流，又有得睇波，下次約班朋友一齊睇波食野飲酒先

這是一家能吃又能玩的主題餐廳，環境很清爽大方，東西都整整齊齊讓人很舒服，這裡的美食總讓人回味，這是不容錯過的美食。Beefy Mushroom Burger$138超大的漢堡，好有層次感，有西紅柿，培根，牛肉，還有一些蔬菜，一口吃下各種味道齊上嘴，配上醬汁更美味，薯條好飽滿金黃金黃的好好吃。The Stadium Hawaiian$158薄薄的一層餅，上面有千奇百味，酸酸甜甜，味道極好。Apple Crumble$78蘋果酥脆脆的，上面有個白雪球甜甜的好吃，香香脆脆的巧克力卷甜而不膩，還有新鮮的士多啤梨，藍莓裝飾很可愛，好吃。Brownie$78香味濃郁的巧克力蛋糕，搭配一些可愛的小零食，賣相很好，有脆有軟，味道很好。能這麼舒舒服服的坐在這享受一下，真的很舒心。

聽聞呢間餐廳嘅裝修好特別，今日就約左男朋友黎試下！成間餐廳感覺好sporty，空間感非常足夠，門口附近有個open area俾客人玩下足球機，氣氛好好！(男友到嗰陣以為呢度俾人book左搞event）我地叫左兩個set dinner, 包左餐湯，主菜同飲品。1. 海膽忌廉汁帶子扁麵我好鍾意食海膽，所以好期待試下呢個海膽汁嘅味道！食落嘅海膽味唔假，亦好creamy。每一條嘅意粉都沾滿海膽汁，好味！至於帶子感覺類似平時刺身嗰種。2. 威靈頓酥皮三文魚平時威靈頓牛排就聽得多，配三文魚就好少見。整件嘅份量偏少，但三文魚感覺新鮮，配埋酥皮都幾夾！下次黎銅鑼灣都會考慮食番呢間！

原本想去另一間餐廳食lunch，可惜太多人唔知食咩好，去了呢間食炸魚薯條。這間餐廳全層，一定有位。地方闊落，位與位之間疏落，午餐時間抖氣之選。是日餐湯： 煙肉薯仔，不錯，少味精，飲後不口渴魚ok, 可惜漿太厚

食物一般, 服務員染到個頭五顏綠色加埋咁嘅態度基本上茶餐廳d服務仲好。星期六晚唔見得好忙，佢啲服務態度真係差到冇人有， 如果間餐廳有心機繼續做嘅話，唔該真係請啲好啲嘅員工， 呪一啲根本上冇可能做呢一啲叫做中高檔餐廳嘅服務員。

農曆假期食得太多中餐，今晚工作完畢便決定要品嚐西餐中和一下。The Stadium位於銅鑼灣鬧市中，主題以運動休閒和娛樂為中心的特色餐廳。餐廳地方寛敞 ，裝修時尚。我們二人行獲安排靠窗位置，從這裏可以俯瞰銅鑼灣鬧市街景。我們要了兩個晚市套餐，包括餐湯、主菜和餐飲一杯。先來的是雜菜湯，水準不錯，份量剛好。美國特級肉眼扒要了五成熟剛好，份量不少，肉質細膩多汁，配上香脆薯角和甜椒，色香味俱全。軟殼蟹牛油果忌廉燴飯，喜歡吃牛油果和軟殼蟹便最適合不過，大大隻的軟殼蟹非常香軟，以牛油果燴飯不單入味，還非常creamy。整體來說，地方時尚舒適，地理位置方便，食物質素還不錯呢！無論朋友多或少也非常適合聚會的好地方。

個漢堡超巨型！牛肉漢堡都算厚！第一次拍拖食飯 唔好食呢個漢堡😂食到呢咁hea 又要重新堆砌返d餡牛肉有得揀熟度 一如既往揀咗五成熟煮得幾juicy 加埋入面有煎香咗既bacons🥓仲有拉絲芝士 芝士咸香配洋蔥既天然甜味食落完美融合🤤薯條較粗身 但係炸得條條都咁脆🍟環境幾靚 好休閒 仲有桌球枱酒吧大電視約埋三五知己去睇波吹水都幾不錯😈

叫左個the stadium caesar salad，加$20有chicken fillet，好多菜，啲菜仲要好新鮮同埋都多種類，原本擔心食沙律會唔夠飽，但原來份量都幾大；另外雖然加左$20，但原來得幾舊雞胸，唔抵；建議下次唔使加😂

💟愛上all-day-breakfast 因為鍾意茄汁焗豆..嫩滑炒蛋同埋脆脆薯餅.. 呢三樣野加埋就等如一個幸福🥰呢度嘅皮脆肉嫩燒雞🍗份量係非一般人可以K.O. 既.. 不過每次都忍唔住要一order..因為實在好味.. rib-eye水準一直都唔錯.. 次次都燒得剛好#為食滑嘟嘟 #腌尖的Van仔 #雲葉哈思#van_snoopy

今晚到一間美式餐廳晚饍，與朋友點了一份set dinner -美國特級肉眼扒，另外散點了一份蕃茄香草脆條及蘑菇雞肉寛條麵。先來的是跟餐的周打魚湯，配料不少，很多魚肉及薯仔，湯的味道濃度適中，不會淡，如果多一小塊面包配湯會更好。蕃茄香草脆條，佈滿蕃茄粒及洋蔥粒在法式長條麵包上，入囗新鮮爽口，加上脆脆的麵包，連同黑醋味道剛剛好，頗開胃，不錯的小食。跟著來了蘑菇雞肉寛條麵，配料份量十足，雞肉大大塊，不嚡，也有很多瓜類及各種菇類在內，加入了cream cheese sauce,吃落感覺像有點微檸檬味，令整碟寛條麵creamy 卻不膩，特別且淸新。最期待的當然是肉眼扒，五成熟的肉眼扒，很大塊且肉厚，外表烤得微焦，切開肉身呈粉紅色，保留了肉汁，配燒汁吃惹味。不配醬汁，原汁原味，完全食到了肉眼扒的精髓。另外，配菜有很多薯角，香脆可口。不得不提這家餐廳以運動作主題，有美式桌球、飛鏢等供客人玩，另有多部電視播放球賽，是很好的聚會地方。

今日朋友請食飯，帶咗我黎呢間餐廳，貪佢景觀開揚，食物質素又幾好。窗邊位置可以望到電車路，落地玻璃好正，如果兩個人就可以坐窗邊位。我哋叫咗一個火辣水牛雞翼$88雞翼個汁整得好好食，有少少辣，鋪左一個唔應該有芝士嘅沙律醬，嗰醬幾好食。美國黑毛豬$168黑毛豬好厚身，肉質唔錯，伴碟仲有唔少配菜同薯仔，食完好滿足。鵝肝安格斯牛肉漢堡套餐$188，包左一個南瓜湯同一杯飲品。我鍾意牛肉煮到半熟，食落又有牛肉味。鵝肝唔算好厚，但算是大片，食落口感覺幾好。呢度仲有好多野食、啤酒，約埋三五知己其實都唔錯。有個後生男待應態度很好👍🏻