The Stadium (已結業)

第一次嘗試The Stadium這間餐廳是在觀塘店。這間餐廳特色佈置很酒吧feel，有足球機，桌球和飛驃機玩，氣氛也相當不錯的。知道銅鑼灣近排開了間分店，便帶友人試下這間美式餐廳。銅鑼灣店相對觀塘店地方沒那麼寬敞，同相對比較嘈。如果想靜d但又想食哩間餐廳建議去觀塘店，因為今次經驗真是有點糟糕。講返食物，今次叫了三種卜菜式，分別是燒烤雞肉薄餅，火辣水牛雞翼和凍肉拼盤。薄餅餅底相對比較硬，對於還箍緊牙既我咬批邊時比較吃力，但燒烤汁配合雞肉還嘗算可以。而水牛雞翼有兩個食法，第一個食法是配上藍芝士醬食用，利用藍芝士醬水和了辣汁的辣味。第二種食法就是不點任何醬料食，味道辣得來不會令你舌頭發麻，食完一口會好想食第二口，食到不停口。到凍肉拼盤分別有Pama ham,莎樂美腸同麵包來配搭的，款色與味道都一般。

The stadium 是體育運動為主題元素的餐廳，我去過他們觀塘店，非常闊大。這個銅鑼灣店，門口一張美式桌球枱，非常型格！佔地也是非常闊大，我們坐靠窗的位置，充滿私人空間。晚餐可以散叫或set dinner，後來我選擇左套餐。今晚是南瓜湯，主菜是炸軟殼蟹意大利飯。最後還有餐飲。炸軟殼蟹意大利飯。炸得脆口的軟殼蟹，非常有水準。意大利飯份量剛好，吃得滿足。飯後一杯咖啡，舒舒服服地聊天，人生一樂也。今晚我還想向大家推薦 deadman draft beer, 小麥味濃，偏濃口，喝下去有啤酒的麥香，非常獨特。在銅鑼灣的鬧市，找到這了舒適的用餐之地，值得推薦。

前幾日係銅鑼灣放工，打算同fd係附近搵個地方傾計食飯上網睇左陣，決定去The Stadium試下入到店內座位寬闊，見到擺放左一座足球機，桌球 四周有大電視真係好有運動同美式嘅感覺，氣氛好好！首先叫左呢個叫"死佬"煮青口選材大小適中，既味鮮又不失嫩滑口感，份量足夠兩個人食，有驚喜因為我地都係雞冀控所以另外我地仲叫左個水牛城雞翼有6隻大大隻，旁邊仲有火箭菜沙律，感覺比較健康。雞翼好大隻，先炸過，加上酸辣的醃料，勝在醬汁夠多！最後叫左個白汁煙肉寬條麵寬條麵都幾煙韌 口感彈牙個煙肉好似焗過咁 好惹味醬汁份量適中 整個配搭好match辣肉腸Pizza 好大份，大約有15寸黎到嚇一跳，不愧係美式餐廳嘅份量。餅底很香脆亦唔算厚不過食多幾件就真係好飽凍檸檬茶，用紙飲管，夠晒環保！整體來說餐廳水準都唔錯建議一大班人一齊黎睇波 ，聚會，飲酒，食飯輕鬆下，嘢食多選擇份量又多！

今日一早要去銅鑼灣整D野，整完都成兩點，行過銅鑼灣廣場對出條天橋見到有落地玻璃既餐廳環境好似幾舒服，於是二話不說就入咗去 The Stadium餐廳名真係貼題，一入門口有桌球檯，有飛標機，手動足球機，而牆上佈滿簽名棒球，亦有好多大電視，我估有球賽時呢度一定好熱鬧， 呢度有酒吧Happy Hour 可以黎飲杯輕鬆下。呢度既Lunch set 都有成的款可以選擇，沙律丶意粉、pizza丶燒雞...樣樣有。黎得美式餐廳點會唔叫炸魚薯條同漢堡包呢。大大份炸魚薯條滿足最鐘意香口食物嘅我😋炸魚鬆脆，魚肉唔乾，薯條食到尾都keep 住脆👍🏻至於美式漢堡, 芝士丶蕃茄丶煙肉丶免治牛肉餅, 疊得高高, 最鐘意個包有燒過, 一口咬落去, 大滿足，牛肉味濃😋。最後加杯熱咖啡，完美☺️

上星期同朋友遊覽港島區 喺銅鑼灣呢頭有唔少美味高質既餐廳 我同朋友都好中意過海覓食～ 今日夜晚心血來潮想食西餐 見到有人推介The Stadium 啲相睇落又好吸引 又富娛樂性 咁就一於去試下 睇下係咪真係色香味俱全。😜我地一入到餐廳 店員就帶左我地去窗邊既座位，由呢個位置可以觀賞到窗外景色，睇住電車緩緩地行走 🚃The Stadium 係一間大型餐廳，牆上掛滿左充滿歐美特色既油畫，亦有高枱bar 枱，西方氣色濃厚，真係彷如置身於西方國家~~餐牌簡潔俐落，主食、小食、飲品甚至特色食品都包括在內。其實咁樣既餐牌正正係小店既特色，簡單就是美📝 坐落於銅鑼灣呢啲遊客勝地，緊係要有中英對照既餐牌，方便外國遊客點餐啦 👍🏼芝士黑松露醬薯條 🍟 $68薯條有好香濃既芝士味，比平時食開既薯條更香脆，唔係淨係得薯香，仲有黑松露既香味，十分和味 🍟安格斯牛堡 $138光看賣相已經非常吸引～ 雙層漢堡夾著番茄🍅、生菜同芝士 重點當然係中間既雙層牛肉 整塊牛肉漢堡分量十足 同手掌一樣大 而且比一般漢堡排厚 我同朋友將漢堡包切成兩份享用🍔～ 牛肉質量好高🐮 除左食到香濃既牛肉味道 佢既肉質鮮美 嫩滑多汁 番茄

周未放工後同事相約一起午餐，來到銅鑼灣THE stadium交通便利，就在希慎廣場隔離，面對著電車路。店面好大，以運動為主題，入門口擺放左康樂手動足球機、桌球枱、簽左名既棒球排係牆上，整間餐廳盡顯運動風格。午市套餐好吸引！我揀左烤美國肉眼扒$138肉眼扒係薄切上，肉質鮮嫩！😋伴碟既沙律菜係我最愛既火箭菜，夠新鮮，味道甘甘地，可以中和牛扒既膩。😍美式早餐$98同事偏愛既美式早餐，份量十足、食材豐富，可以滿足花心的人，佢食到好滿意，贊不絕口！套餐揀左餐湯同沙律菜，沙律菜新鮮。磨菇忌廉湯香濃順滑，食落有少少豆粒，增加口感都幾特別😋Cappuccino 口感順滑香醇！

臨近放工之際，收到友人約食飯，佢話係呢間以運動為主題嘅餐廳等我場內裝飾注入運動元素，地下劃上跑步線，真係好似一個運動場咁!  而牆上大電視不斷播放各項運動節目晚市有套餐，包餐湯/主菜(五選一)/飲品食物選擇都唔少，特設HAPPY HOUR，可以一邊飲，一邊叫D小食又得咁就一於套餐同散叫各一精選餐湯為粟米湯，香甜粟米味，亦食到粟米粒，若果有埋一塊脆多士伴食會好D!主菜為美國特級肉眼扒 ($288/9安士)，配以大份薯格及燒蔬菜 (茄子/紅椒/翠玉瓜)放低已聞到肉香味，見到燒紋就已引起食慾柯打五成熟，切開時仍見到帶有紅色，唔會過熟; 肉質鬆軟又帶點嚼口，咬落有肉汁，亦可以配燒汁一齊食!薯格惹味，但食完件扒都夠飽，未能全部食晒!另外散叫呢客安格斯牛肉漢堡 ($138)，有好拍檔薯條及沙律菜，以價錢黎講算幾抵食漢堡材料都幾豐富: 有紫洋蔥，芝士，安格斯牛肉，煙肉，啡菇，蕃茄及生菜安格斯牛肉可選擇生熟度，點左七成熟，咬落有肉汁咇出黎; 煙肉唔肥，唔會加添膩感; 芝士嘅咸香及爽脆嘅生菜，一啖有齊幾種味道與口感!另外薯條夠熱又夠脆，唔可以錯過!再飲埋杯凍檸茶先走，飽飽呀!

好耐冇同中學同學約出嚟食飯喇！今次就同佢嚟咗依間喺銅鑼灣時代廣場附近既西餐廳，依度裝潢係以球場同運動為主，都幾特別！影相啱曬！我地每人都叫咗一個晚餐set，會跟餐湯美國特級肉眼扒 $288份量好大！一個女仔根本食唔晒，牛排上枱好香燒烤味，切開肉質仲係好粉嫩，充滿肉香同肉汁。炸薯角都不錯，炸得香脆金黃。朋友叫嗰份意粉我試咗幾啖味道都幾好，朋友話下次都會再食佢喎順便想讚一讚，依度既店主非常之有禮貌，服務態度好好，今餐食得好開心！

星期日銅鑼灣真喺多人到爆，好彩呢間野食坐得舒服又近地鐵站。服務一般，野食好大碟🍽。我叫左安格斯牛肉漢堡🍔🍟，朋友就叫左all day breakfast. 🥪🥓🍳🍞我覺得質素幾好，起碼煙肉唔會咸到食唔到。 薯條🍟好入味，有兩種醬提供，粗薯條黎講好正！至於個漢堡包🍔叫做juicy,但啲生菜🥬可以整好啲，感覺喺一大pet塞入去，所以您話超好味又唔會。性價比高👍🏻至於全日餐，兩塊麵包🥯好出色，其他不過不失。

今晚和朋友去銅鑼灣Stadium吃晚飯，一入餐廳，就被門口的桌球枱和足球機深深吸引，然後忍不了逛了一圈，發現原來仲有得玩飛鏢！坐下來就發現，原來這間餐廳是以運動做主題！首先餐廳內有多部巨型平板電視，讓食客可以欣賞體壇盛事。另外亦有很多以運動作為設計的餐墊、杯子等等。甜薯條：薯條非常香脆可口，熱辣辣食最好味，而且還可自由配搭BBQ醬和沙律醬。沙律配烤焗時令蔬菜：最喜歡當中的香菇，也算是大隻和多汁！美國極黑無豬：我們選擇了全熟的黑毛豬，但竟然完全唔乾身，火候調控得剛剛好，而且還肉身非常Juicy！豬肉有嚼勁，又不會過韌，值得再食！蘑菇雞肉闊條麵：菇味香濃，醬汁很Creamy，但又唔會過漏。闊條面亦很彈牙，不錯不錯！由於美式食物的份量都偏大，所以我和朋友都吃到飽飽的，真是非常滿足呢！

［節日氣氛好］之前一直有去開The stadium 聚會，但節日如聖誕、情人節前後去就少，今次聖誕前就同友人前往，慶祝生日之餘，亦感受一下聖誕氣氛位置方便，離銅鑼灣地鐵站算近，約一班人聚會算很「就腳」內容的空間大，平時還可以睇波睇球賽餐牌有happy beerday 之選，難得特別！餐牌選擇多如果人多來食，就可以嘗試不同菜式，先上的是黑松露薯條，每次必點之選，薯仔炸得香脆，再配上黑松露醬，絕對一杯Hoegaarden，慢慢飲，慢慢嘆美式芝士通心粉香濃易入〇美國特級肉眼最期待的一環煎得剛好滿意亦有室內桌球和足球機，絕對不會悶，瑋邊食還可以一邊玩！

之前在觀塘分店已食過晚飯，見到lunch set 都頗為抵食，今日路過銅鑼灣的分店就去嘆個lunch吧!環境跟觀塘分店比，好像細了一點，門口一樣放了足球機，桌球枱及飛標供人客玩，還提供多部電視播放著足球節目，男士來睇波一流呀! 被安排坐窗口位，大大塊落地玻璃，望著銅鑼灣大街，十分開揚舒服。星期日都設有lunch set, 有十款選擇，包餐湯/沙律及餐飲，主菜份量大大份的，十分抵食。是日餐湯為粟米湯，不是罐頭那種，似是用新鮮粟米粒自己打磨而成的，十分香濃。主菜選了夏威夷特色薄餅，是薄批來的，像餅乾般脆口。2個人來說，份量十分大，當中用了煙燻過的火腿及菠蘿作餡料，配上千島醬及Mozzarella & Jack cheese，新鮮焗起，特別好味。另一主菜為烤原隻春雞，上枱擺盤已經很吸引，原隻春雞上枱已分成4等份，方便進食，春雞用上香草醃製，烤得剛好，十分嫩滑。配上粟米及蔬菜薯餅，十分豐富。配上餐飲，十分滿足。

成日去銅鑼灣，都唔係好覺有間咁美國風嘅餐廳，多謝朋友帶頭，如果唔係次次都會掂行掂過～餐廳原來都幾大，門口有好多野玩，似係酒吧風格。食物都幾多選擇，鑒於美國風Ｄ食物份量偏大，我地兩個女仔食唔到好多，所以都係order少少。The Stadium Salad $98呢個沙律裡面材料非常豐富，蔬菜好新鮮，仲有幾款水果在內，仲有隻溫泉蛋，感覺好清新，因為有D nuts，口感變得多元化，作為頭盤最適合Grilled Pork Rack $168佢同我食開嘅黑毛豬完全係另一個感覺，舊黑毛豬超厚！不過佢都容易切開，而且無太多脂肪，入口肉汁爆曬出嚟，Ｄ肉幾腍唔會難咬，大家千其唔好忘記個冰菜！平時打邊爐食得多，炸到佢脆都係第一次，入口仲好似紫菜咁，超正！Fish and Chips $138開頭見到得3條魚柳好似好少咁，原來食食下係會飽到食唔曬！炸魚柳原來有巧思，用上混合咗啤酒嘅炸漿，細味之下真係會食到外層有啤酒味！超酥脆嘅外層包住滑溜嘅魚肉，點少少沙律醬都好夠味，加上魚肉好扎實，食到一半真係有飽肚感！至於Ｄ薯條雖然係老麥外型，不過炸得夠透又帶有少少咸味，加上唔會有林嘅部份，係幾耐吃嘅菜式。比個menu

人大了追求品質，與友共聚開懷吃喝，早已謝絕劈場。地點方便企理，有得玩pool同飛標，stadium絕對是好地方。這裏食物同樣高質。必點前菜Stadium Salad材料豐富，有粟米、黑豆、無花果等，一貫美式大堆頭風格，加上溫泉蛋和醋汁，清新開胃。Fish and Chips 炸得熱辣辣，雖然不是正宗的啤酒脆醬，魚肉厚味鮮，薯條粗身，足料味美。海鮮辣茄醬扁意粉用料新鮮，種類豐富，惹味開胃又不太膩，絕對推介。Cappuccino 味道香醇，勝過星字頭連鎖咖啡店。這裏可又食又玩，環境寬敞，沒有劈場的俗套煙臭味，是優質的美式餐廳酒吧。

場內設計好友運動嘅氣氛，又有桌球枱同埋場邊都有棒球⚾️嘅裝飾搞到我喺場內都聞到好大陣波味🤣🤣🤣lunch set我個人覺得都幾抵食㗎，$100左右就有餐湯同嘢飲叫咗個凱撒沙律，配上溫泉蛋令佢個沙律唔會太乾，麵包碎係落咗啲味粉令佢更香口！不錯！美式芝士通粉我一開始以為真係剩係得芝士咋，但原來佢除咗有唔同種類嘅芝士，仲有南瓜條同埋黑松露去煮㗎！最鍾意黑松露嘅我覺得驚喜而且好好味💗你可以睇多啲芝士嘅拉絲就知道芝士控一定會鍾意但係我都食咗一半多啲就飽啦，因為會好膩！要幾個人一齊share食🤣全日早餐我睇過其他人嘅食評，好似影到好細份咁，但其實好大份㗎！真係唔係講笑佢每一樣嘢食都好高水準，我諗但都起碼有三隻，薯餅又炸到勁脆，麵包仲要係用牛油煎過添茄汁豆下面仲有好入味嘅蘑菇~兩人位仲有銅鑼灣嘅街景睇添