The Stadium (已結業)

以前在觀塘工作，都經常在stadium 吃午餐，沒想到在銅鑼灣也有一間stadium，作為忠實fans 的我，當然要去支持一下。午市供應午餐，包頭盤主菜及飲品，價錢一點也不貴。先來頭盤羅宋湯，很標準的味道，酸酸地有濃郁的蔬菜味。接著是主菜安格斯牛肉漢堡，超巨型的漢堡，比我手掌還要長。漢堡扒7成熟，煎得恰到好處，牛肉味突出，且有肉汁溢出，非常juicy。餐飲另加20元點了杯熱Latte，咖啡和奶味濃郁，而且拉花很精緻。

之前一直聽過觀塘既The Stadium 有得玩有得食，而之前都開左分店喺銅鑼灣，所以我都去試下先。銅鑼灣店既位置位於希慎廣場同時代廣場附近，喺波斯富街既軒尼詩大廈2樓。一入餐廳內就見到一張桌球枱同足球機比客人玩，不過由於有客人玩緊亦都玩得好開心所以我無影相。店內有唔少電視，播放體育賽事。我同朋友夜晚來到，夜晚除左單點之外仲有set dinner ，好事嚟既，岩我呢啲唔想諗太多既人，哈哈。Set dinner 有餐湯，主菜同餐飲。主菜有鵝肝安格斯牛肉漢堡，海膽忌廉汁linguine ，青口，酥皮三文魚扒，焗鴨腿，肉眼扒等選擇。價錢由$188-$288不等。餐湯係是日餐湯。朋友揀左鵝肝安格斯牛肉漢堡。我試左佢半塊鵝肝，都幾肥美。配上既薯條都幾香脆。set dinner包埋既凍奶茶，旁邊係糖漿。店內有窗邊位望銅鑼灣市景。我叫左美國特級肉眼扒（$288+10%)，我叫左medium rare，肉眼扒肉質都幾軟腍，旁邊薯角都幾香脆。

The Stadium是間以運動作主題的餐廳，面積達三千多呎。場內設有美式桌球、足球機、飛鏢機。裝潢設計充滿體育元素，看得出店內經過悉心佈置。地面上的賽跑道、球場圖案的枱墊、球場更衣室的貯物櫃等等，務求另每個角落都跟體育有關聯，完全貫徹了運動的主題。 店內到處裝有電視屏幕，不停播放各式體育節目。食物以美式為主，沙律、意粉、漢堡、牛扒和薄餅，還有多款香口小吃，適合送酒。被安排了靠窗的位子，望著窗外的街景，眼底下的軒尼詩道人車熙來攘往，而我卻享受片刻寧靜，滿心暢快寫意。安格斯牛肉漢堡 ($138)burger整體香口，但略嫌油膩。而且牛肉質感稍為粗鞋。美國極黑毛豬 ($168)黑毛豬肉質有口感，但不夠嫩滑，而且有點鞋口。整體來說，環境很好但味道不過不失。

The Stadium 我就一直都幫襯開佢觀塘店，飲野食野充滿活力既好地方！今晚試埋cwb，都係無失望Nachos 睇相就知料多大份量，share dish 睇波必備！Brooklyn IPA draught , 係新鮮既！Spicy supreme - 即係pepperoni pizza。 加左jalapeño 馬上提升辣味！Stadium wings 即係buffalo wings 唔得，皮厚都炸到好鬆散，雞翼亦都太細隻。Fish & chips 竟然有驚喜，用油新鮮亦都夠晒熱！魚肉唔係hea野龍利，係有咬口既！通常去親啲自稱美式澳式連鎖餐廳叫ribs都會伏，黎到stadium 叫竟然有驚喜！half ribs 已經好大條，肉厚得黎仲燒得鬆軟多汁。配埋燒粟米同沙律，哩份ribs絕對係誠意之作又食又飲左三個鐘睇晒場波先攬住個肚腩走，哩度啲侍應係好好唔會趕你走的，提一提黎食之前最好book定位

已經嚟過幾次，一直都好鍾意呢到嘅環境氣氛，今次食咗個cheese pizza，勁多芝士好邪惡，個餅底好脆好好食...其實仲有食到個burger不過唔記得影，我覺得個burger份量幾大，1個人食會好濟，材料好豐富，不過就好似冇乜特別，但都好食！雖然我唔係坐卡位，但可以見到呢到有大卡位又有電視睇，無論2個人嚟食定一家大細都岩嚟！門口仲有桌球枱，我唔知係咪免費玩，不過淨係放喺到做decoration都夠曬搶眼。

之前聽朋友講觀塘嘅呢一間鋪頭好食，咁岩去到銅鑼灣見到有所以決定去試下。銅鑼灣嘅呢間分店係位於最熱鬧最旺嘅地方，好近銅鑼灣廣場。係門口就會見到有一張桌球枱同埋足球機右邊仲有得定飛鏢全部都免費可以玩。跟住地下嘅裝修就有啲似跑步徑，幾特別。因為唔係好肚餓嘅關係啦我哋就冇嗌到set ge，我哋只係叫咗一個白汁煙肉扁意粉同埋一個烤鱸魚。個意粉啲掛汁做得幾好而且佢唔會太膩，而且個意粉煮嘅時間都啱啱好唔會太過冧，亦都唔會太過硬，煙肉都唔咸，整體上係做得唔錯嘅至於個烤爐魚分量十足，不過略嫌佢冇乜魚味，而且鹽落得太多有啲鹹不過薯蓉呢就做得出色，集合左啲洋蔥粒同埋小小西芹粒有種清新嘅感覺。整體來講都幾滿意呢一餐飯，有機會都會再嚟試過第二啲食品 。

今晚本來約了於銅鑼灣工作的朋友吃晚飯，因之前來過這裏，感覺十分良好，所以便邀約朋友到此，已知他工作繁忙，訂了晚上較後的時段8時，誰知朋友仍因工作關係，未能赴約，只好自己一個人晚餐。雖然又是自己一個，沒人跟你邊吃邊高談闊論，但豐富的食物足以令我停不下來。今次沒有歡樂時光，所以沒有點特色啤酒，只選了精選晚餐—死佬煮青口，選用「死佬啤酒」跟法國藍青口煮成，青口不大，但全都新鮮嫩淜，微微帶有清甜的青口味，死佬啤酒的特有香味也螎入青口中，提升青口的味道的層次。晚餐包湯和餐飲，欠缺沙律，於是便選了餐廳的特色沙律—特色球迷沙律，以無花果配搭小沙律菜，加上秘製醬汁，以及車厘茄、橙皮、雞蛋、黑欖、甜玉米、黑豆和烤松子，新鮮的無花果清甜，配上各種材料，口感豐富，味道清新可口。還有芝士炸薯條，香口的薯條，熱騰騰的，加上濃烈的芝士味，令人垂涎三尺。不過後來發現原來晚餐主菜已配上烤薯條，所以最後有點浪費，確在叫了太多薯條，變了薯條怪。

經外賣APPS落單，等左一個鐘之後呢間野取消左我張單，因為餐廳已過營業時間，但我係11:30落單，如果你地關門前唔接order唔該唔好set營業時間到12點丫，已經第二次係咁，就是你地D野幾好食都無用，咁樣做生意點得㗎，垃圾，以後唔會幫襯劣評

星期日銅鑼灣街上很多人，大家都找好東西吃，我今次就去了樓上店的運動主題餐廳，場地很大，想不到還有跑道的通道，也放了一張桌球台，足球台，很適合男女老幼，一班朋友一齊玩和開派對。我們各人點了一個晚餐set,包餐湯和飲品，點餐後一會就上菜，速度快，餐湯是南瓜湯，吃到有南瓜粒很有口感，味道也挺濃，不錯。鵝肝安格斯牛肉漢堡份量很大，除了漢堡，還有薯條沙律，漢堡內牛肉層很厚，鵝肝很甘香幼滑，配上生菜番茄，完全不會有油膩感，薯條也是熱的，十分香脆。美國特級肉眼扒，五成熟份量同樣很大，五成熟是剛剛好，不會過生過熟，配上特製醬汁，十分美味，但我建議加多少少醬汁，因為牛扒真的挺大，需要多一點醬汁😂整體服務也不錯，上菜速度快，環境舒適，週末來這裡悠閒一下也不錯。

移民左外國的表姐帶住一家返香港過新年,表姐經常提起我,想同我一齊談天說地話當年,碰巧今日我要去灣仔返工,所以約她到銅鑼灣去我選擇的特色餐廳食晚餐!!餐廳位於銅鑼灣最熱鬧的地方,行去地鐵站只需5分鐘!!餐廳最吸精的地方是門口擺放了一張桌球枱和足球機,右邊仲有飛鏢機,全部都唔係擺設可以玩,餐廳周圍都掛滿電視播放足球賽,可以一邊食一邊玩一邊睇波,這裡真係岩哂坐唔定的我們!打開餐牌,有各式套餐和單點,真的多到眼花撩亂!!餐廳有2款套餐餐牌,1個係正常晚市套餐,有餐湯,主食和飲品!另一款係只有星期一至四先有的啤酒加小食套餐!我們選擇了這2款套餐再加1個薄餅!!<南瓜湯> 套餐包了的是日餐湯係南瓜湯,煮得好濃稠,飲每一啖都飲到南瓜蓉,味道非常香甜,十分好飲!!<鵝肝安格斯牛肉漢堡> 漢堡賣相十分吸引,有薯條又有沙律菜!!大大的漢堡包住著肥美的鵝肝和厚身的安格斯牛肉!鵝肝烤得半熟,有入口即溶的感覺,安格斯牛肉肉質鮮嫩,有豐富的肉汁!再夾住一堆生菜,一塊大番茄和芝士一齊食,非常好味!!<夏威夷特色薄餅> 厚厚的芝士,香濃番茄醬和大大粒菠蘿鋪滿整個薄餅!十

與好友相約在一間美式餐廳開心聚餐。 此店面積頗大, 座位空間足夠, 氣氛輕鬆。特別之處是其以運動作主題的室內設計。 店内處處皆見到與運動相關的裝置。 正門就放置了桌球枱和足球機。 而在餐廳不同角落都放置了電視機, 播放着運動節目。 甚至水杯丶杯墊和枱墊都與運動相關, 玩味十足。餐牌上食物和飲品的選項頗多呢。 晚餐套餐包括餐湯丶主菜和飲品。 那我們三人就點了三份晚餐套餐開心分享 粟米湯 (是日餐湯) : 清清甜甜的。 鵝肝安格斯牛肉漢堡 : 美式餐廳怎少得了漢堡和薯條。 點菜時, 店員主動詢問是否需將漢堡切半, 非常貼心。從橫切面來看, 已可見此漢堡餡料十足。 最頂層是鵝肝, 煎得香香的; 安格斯牛肉漢堡濕潤及肉味濃。 加上芝士和新鮮蔬菜, 口感豐富。 海膽忌廉汁帶子扁麵 : 海膽忌廉汁甜滑, 扁意粉正好把汁掛上, 啖啖香滑。 帶子肉厚 扁意粉中加入黑魚子和爽脆的翠玉瓜粒, 加添了口感。 美國特級肉眼扒 : 肉眼扒肉嫩兼香口, 肉汁豐盈。 薯角外脆內軟, 美味。 凍檸茶丶凍奶茶 : 茶底濃滑, 不錯。 糖水可自行隨喜好添加, 乾淨衛生又多一處與好友相聚

替姊妹補祝生日，但吾想又打边爐或韓燒，所以就揀左呢間有酒吧feel 嘅餐廳。一入門囗有手動足球，桌球，有音樂 (啱晒我地講野大聲吾怕嘈住人) ，而且又對住電車街景。職員服務態度又好好，上菜又吾會等好耐。食物質素都好好，款式都多， 我哋叫左個四重艺士pizza (d芝士正到暈)，肉丸意粉，黑松露薯條，烤雞翼， 美國安格斯肉眼扒套餐。不過唯一就係我地坐正風口位，感覺越坐越凍。因為無限時間，我地坐左三個鐘有多，吾駛趕頭趕命。其實仲有好多美食想試，值得再同朋友再去👍🏻😋

今晚約咗朋友去左銅鑼灣The Stadium，朋友介紹話呢度有得食又有得玩。兩個人食飯可以坐窗邊，望住電車食飯又幾特別😊呢度環境好好，好多空間，感覺好舒服，除咗飛鏢，仲有桌球同足球機玩。我哋叫咗個套餐威靈頓酥皮三文魚，剛整起嘅酥皮包著的三文魚好滑，份量足，套餐包湯和飲品。另外叫咗一個特色凱撒沙律🥗，D菜好新鮮！甜品就叫咗特濃朱古力蛋糕，香濃朱古力配雪糕🍦一齊食超級好味😋食完飯去玩飛鏢，每個遊戲$10，其他就唔使錢，好好玩👍

今晚來到銅鑼灣，香港其中一個有名繁榮的地區，各種餐廳食肆林立，除了有各式各國美食，餐廳為求突圍而出，會以主題為餐廳招徠。今次去的便是The Stadium ，以香港大球場為名，場內佈置也有一手。環顧周圍，地方也很大，活動的空間很多，入口正中放了一枱桌球，還有手動足球機，玩兒真不少。我去的時候未過七點，還有歡樂時光優惠，選擇也不少，最後選了水牛雞翼套餐，跟一杯Booklyn dough啤，遇選了肉眼扒，開始獨自的歡樂時光。先來Booklyn啤酒，入口沒有啤酒的苦澀味道，反而有淡淡的甘甜味，對於我不常喝啤酒的人，也覺好喝，一大口，感覺「爽」！很快水牛城雞翼上場，雞翼細小但肉厚，醬汁有微辣，非常惹味，一下子便吃了四隻。那時我的主菜：medium rare肉眼朳上場，牛扒比想像中的大和厚，用刀割下，嘩！非常嫩滑，又多肉汁，入口有濃郁的牛肉味，十分可口。特別喜歡配上的薯角，外脆肉甜，又是脆口，一下子又吃了許多。是晚十分滿足，還有餐後飲料，便選了凍咖啡，咖啡味香且濃，不俗。歡樂時光快逝，那時遲來的朋友來電，只好轉地方再歡樂。

今日同男朋友行銅鑼灣，行到夜晚7點幾都好肚餓，就上網search下附近有咩西餐廳好食（我鍾意食西餐）。見到呢間唔錯咁，環境又幾靚就決定去呢到食。😆一入到去就見到門口有好大張桌球枱，成間餐廳地方好闊落，裝修得好靚。🎯店員仲安排咗個窗口位比我哋，非常細心，如果張枱大少少仲舒服。😂我哋一早喺網上睇埋menu，所以好快就叫得野食等開餐。😎首先上咗兩杯野飲，男朋友叫咗杯Rosemary Lemonade，我就叫咗Rose Hip Rose。🍹⭐️Lemonade賣相超靚，飲落好開胃。⭐️Rose Hip Rose嘅荔枝味好香，仲有真荔枝食。佢哋出野食都好快，冇幾耐就上咗黑松露薯條。⭐️薯條岩岩整好熱辣辣，上面佈滿勁香嘅芝士粉，配埋個黑松露醬食真係好好味。🤤🤤⭐️然後食食下就上埋個Burger，落單時server有問我哋洗唔洗cut half，好細心。burger舊排同埋啲bacon都煎得好香，大大啖咬好滿足。😋⭐️我覺得重頭戲係個4 cheese pizza！餐廳應該唔想個pizza太dry，上面放咗啲火箭菜。❤️聞落已經好香，食落芝士味真係勁重，芝士迷不可錯過。同埋個批邊好得意，食落好似係餅乾嚟。😂⭐️最後