Tiger San (已結業)

行完山，一行5個朋友係青衣城搵食。見呢間西日式店舖應該不過不失啦，而且經過門口又好香咁。店員都好有禮貌，因為疫情嘅關係都好快安排到枱及我哋。沙律同麵豉湯都上得好快，但係個石燒扒都等咗十幾分鐘，我叫咗火石山套餐C有老虎牛扒丶牛脷丶炸蝦同芽菜。我塊石唔係好夠熱，要將我啲肉放去我朋友嗰度燒，個餐都要$168加一包杯檸茶，都會有少少期待嘅，點都唔會差過pepper lunch掛...我最鍾意就係食牛脷，點知一食落去無味無道，無牛味面且連少少咸味都欠奉到試廚師推介嘅老虎牛扒，雖然嚿肉尚算淋無咩根，但係都係無味嘅，都唔係好知自己食緊啲咩芽菜都係無味嫁

🐯老虎牛扒套餐 $88 有麵豉湯 沙律 白飯 飲品牛扒比想像中大份 而且有少少芽菜墊底 令牛扒唔會痴底之餘又令牛扒冇咁肥膩 🥩牛扒煎得幾好 粉紅色 食落好嫩 唔會難咬 😋同埋店家好貼心 已經預先將牛扒切好 全程唔需要再用刀😆牛扒會跟三個唔同嘅醬汁🥄 一個芥辣醬 一個係芝麻醬 最後一個係類似砂薑醬 酸酸鹹鹹 😥同牛扒好唔夾個人最中意係芥辣醬🔥因為芥辣本身就同牛扒好夾 然後佢呢個芥末醬比較特別 有一粒粒嘅芥末籽係入面 口感好得意😍

牛肉烏冬啲牛肉又乾又難咬。問我要唔要換過，但係我唔想再食因為以經冇胃口了。退返之後個做飲品嘅話個餐嘅飲品要比錢，我話我唔要就得啦，跟住佢仲惡過我，態度非常之惡劣。冇禮貌。如果唔係個囡等緊佢個碟意粉我就走左架啦!

日式family restaurant Tiger San 提供火山石燒定食、蛋包飯同拉麵套餐。Lunch定食附送味噌湯、沙律同飲品。我見好多人叫咖啡，自己加奶架！慢煮牛肉炒滑蛋配蕃茄牛肉汁 $88滑蛋正常，唔算好滑😂不過就夠哂日式就真！牛肉似係燉牛肉，軟硬度適中啊！食個味道都好似係日本食咁🥳食唔出蕃茄味，醬汁幢面有洋蔥粒😛老虎牛扒火山石燒 $88火山石燒熱辣辣，溫度好高要小心處理，牛肉要慢慢燒，中間太生反而會韌🙈要慢慢細細塊咬開先至食到，如果成塊食，真係好考牙力😄提供3種醬汁：胡麻醬、芥末醬同燒肉醬汁

疫情下，同阿女甚少出門囗，今日難得同佢出去堂食，選Tiger San，因為鐘意食石燒，尤其是天氣冷了，至於午餐$88，包湯、白飯、沙律、飲品，好抵食。 12點半到，冇乜客，但食食下已坐滿人，点咗老虎牛扒，一如既往，好味，肥瘦適中，最鐘意中間黃色粒粒嘅醬（介末籽醬），好開胃。另外点咗个 卡邦尼意粒，唔夠醎，加番D鹽就啱啱好！ 呢間環境唔錯，食物水準OK，不過職員人手不足，所以service 有待改善，有个女職員仲幾好禮貌添！ 而家仲有給印仔，星期一至五12点至3点，堂食每滿$60給一個印仔，2个月內食滿10个印仔，可減$100，又抵多一抵！

喜歡吃各類型肉類的人士 表示想吃肉類餐。 我們來到這家餐廳點了這個天婦羅牛扒和雞扒石燒套餐。牛扒大概煮得五成熟，我們是要在石上在燒一會兒， 肥瘦均稱，肉質鮮嫩。天婦羅不太新鮮，雞扒肉質也很嫩滑。再配一個白飯和一些牙菜 感覺也很飽肚。

今日同朋友去左青衣城睇戲，睇完之後就去左搵食🥳見到戲院下一層有間Tiger San，門口睇完個menu d野食都啱食就入左去試下🤣我哋都叫左menu的廚師推介，分別係火山石燒牛扒餐同咖喱豬扒飯配炒滑蛋🥰🥂老虎牛扒-又係有舊熱石放响度可以俾你慢慢燒，d牛朳好淋，但可能醃得太耐，完全冇牛味，同埋都幾多根位😣牛扒質素一般😑🥂咖喱豬扒飯配滑蛋-吉列豬扒炸得夠脆，但層炸粉太厚啦，夾起來層炸粉皮同豬扒全部分開，單食塊豬扒又好咸。咖喱係日式咖喱甜甜咸咸果種😬滑蛋正常🤗總括來說味道麻麻，應該唔會再幫襯😔

青衣城看電影前找個地方午餐醫肚子先，很久之前試過他的日式咖喱還可以，而且見到午餐被石燒牛扒吸引，所以就決定試試！因為平日所以人不算多，店員也很快安排座位，我們就點了咖喱豬扒配滑炒蛋飯、石燒老虎牛扒，這兩個套餐包括沙律、湯和飲品！我的咖喱豬扒配滑炒蛋飯，中規中矩正常日式咖喱味道，而石燒老虎牛扒期望很高⋯⋯可惜牛扒好似食香口膠一樣咬極也咬唔到😅而且見到隔離枱都有投訴這塊牛扒完全唔掂😔不過店員都很快幫她解決，不過我覺得應該係佢牛扒質素真係太差！仲差過快餐店嗰啲，所以我哋食完就算，還是做咖喱好些！要讚賞一下店員嘅反應都很快，盡量為顧客做好👍🏻

叫了最貴的和牛，質量，味道令人惊叹，牛肉完全沒有牛的質感，没有牛味，食材明白一分錢一分貨，可惜不是正比。現時做飮食业情况受疫情影响，但食物質素也要到位.如继续用此方法下去，很快不見，香港人争氣D可以嗎？？至於服务一早巳经習惯香港的態度，每人也需要努力向劉德華学习，用心关注每位客人，簡單一个微笑已经足够。

2個人叫左2個石燒老虎扒，諗住張相睇落又大塊又juicy，賣相唔錯應該係好嘢，食一啖即刻後悔，牛肉有根，好似茶餐廳落咗鬆肉粉嘅牛扒咁，牛扒嘅質素同茶餐廳啲牛扒冇乜分別，唔好講有冇肉汁，直頭好似搞緊橡筋咁，有啲肥肉嘅位置直頭夾硬趙都趙唔爛，同埋啲扒直接放喺石上面，食到後面燒到過熟又唔知放喺邊度好。梗係感覺只係攞茶餐廳質素嘅牛扒，放喺火山石上面扮高級嘢，一定唔會再食。

晚上去食飯。點了一個餐。唔記得個名。A餐來。有牛有雞有日式炸蝦。三樣味道都不錯。醬汁我只用最左邊的。甜甜酸酸幾好味。餐配白飯。麵豉湯。肉量足夠。但白飯偏少。一個男性成年人可能唔夠。麵豉湯一般無特別。要講差就可能係餐飲。一般普通奶茶。我只飲到茶味。最少不合我的口味。我見到都有幾個人話服務差。想想都有少少。下單時店水員回答都有少少不耐煩。及欠缺禮貌。我下單時可是五點四十分。晚市剛開始。無其他人。唔算繁忙。唔好掛住傾計應該可以有更好分數。

服務態度奇差,千奇唔好去餐廳有2個員工。男嘅自己落錯單仲凶我,我好清楚記得我係嗌左牛肉飯（記得非常清楚我係指住餐牌左下角個牛肉飯）,之後黎左個豬扒飯。 跟住佢唔認自己落錯單,仲凶我話係我嗌錯。女嘅見我屋企人企響走廊,就態度差咁問我屋企人係唔係唔食,又話佢阻住條路 順帶一提啲石燒牛口感都好un(有渣),其他食物尚算可以相信冇人想貼錢買難受,比錢去食嘢然後啲waiters揾你黎出氣,忠告你地唔好去

Tiger San睇名以為係間酒吧，睇真D原來係専食咖哩同熱石燒。餐牌有很多選擇︰小食、沙律、拉麵、意粉、咖哩樣樣有齊，好似日本街頭小食店。但吸引我入去食既，就係熱石燒。晚夜七點半左右到，己經爆滿，要等三、四張枱先入坐；未入店鋪，己經聞到好香燒肉味，等左十五分鐘才有坐入坐! 由於太香燒肉味，朋友和我都點了燒薄牛肉和廚師推介老虎牛扖，由於很肚餓，我們再加$30配白飯、沙律加湯~~牛扖石燒果然一流，肉質鮮嫩，很濃的牛肉味，很軟腍腍，而且上枱時應該得2成熟，可自己控制生熟，再配上三種醬汁︰日式芥末醬，芝麻醬及燒汁，每款都有不同感覺。薄牛肉石燒，肥瘦適中，加少許芽菜，很匹配，不過油份多左D。大板直送咖哩其實都很出名，下次會再來試~~~

14/3號晚本來上去試試,但個女服務員態度惡劣！落單前見入面有個好一點位置,想換個去,她答我沒開放, 我在想想時,她叫我不要這個位就出去拿個票再排隊入來,忍不了我沒食,出門時她境然帶人入去坐裏面位置！

來之前想食咖哩，但忘記係日式餐廳，所以佢既咖哩並唔係我想食既個種。呢餐晚餐食得有點早，所以唔算好多人、唔會好逼👍🏻😍一打開menu，見到佢d野食先記得佢係日本菜，最後我都有叫一個咖啡飯同鐵板牛。鐵板牛唔錯，自己控制幾生、幾熟。不過個咖哩飯⋯⋯ummmmmmm始終係想食辣個隻，甜甜地始終有d怪🤔完全唔似食緊咖哩咁。所以我覺得一般⋯⋯可能唔符合我原本想食既個種咖哩吧⋯⋯價錢來講，係青衣城既店鋪算係咁⋯⋯