Tokyo Secret 味之藝術 (已結業)

幾個禮拜前，我在尖沙咀食完飯後，咁岩行過 Tokyo Secret 呢間好搶眼的雪糕店。雖然舖仔細細，只有外賣而沒有堂食，不過見到企街邊的客人，手中的雪糕賣相都好吸引，真是讓我好奇...本來我太掛住四年無去的富士山，所以諗住買杯以富士山為題的雪糕，點知收銀妹妹話賣晒，真係失望... 不過，我又好想去日本睇紅葉，但係紅葉有排都未有得睇住啦，咁唯有買杯「楓之火焰」，等我望梅止渴先啦。雪糕唔只賣相吸引，而且收銀隔離仲有別出心裁的佈景，意境係秋天的神社，雪糕放在呢度，好似去左日本咁，真係好有 feel。「楓之火焰」中間的紅桑子汁，係用朱古力半圓杯裝住，好似熔岩咁出晒煙，賣相好似成座火山咁，又幾得意。當然，呢 d 熔岩梗係冰冰凍凍啦。榛子味的軟雪糕口感淡甜，質感軟滑，而上面酸酸地、甜甜地的的紅桑子糖 topping，就正好點綴軟雪糕的淡甜。還有，topping 的爆炸糖，舌頭感到霹靂啪啦，真的會聯想起火山熔岩活躍的感覺。食完爆炸糖同埋紅桑子糖之後，上面的紅桑子汁已經熄左，於是可以倒在餘下的雪糕上並且攪勻。紅桑子汁的酸甜味比之前的糖更濃、更深入。食到差唔多落杯底，仲發現有幾粒脆卜卜的爆谷，榛子雪糕

好傷心啊本來想食京都小山園抹茶，點知賣曬只好食森之樹林😭😭，綿花糖上有啲草莓乾，酸酸地，而抹茶可簡淡味定濃味，當然我係簡濃味啦~ 苦澀程度十分高! 我朋友就接受唔到咁苦唔鍾意，所以怕苦澀既朋友仔就記得簡返淡味啦！😛另外底層有一舊年輪蛋糕，普普通通無乜特別!

在尖沙咀逛街，看見這間色彩繽紛的日式雪糕店，店鋪小小卻排了頗長的隊，看到樣子很吸引而剛好朋友還未到，便買了要了一杯來試試。雪糕和飲品的款式都沒有很多。喜歡綠茶的我便選了京都小山園抹茶+蜂蜜玫瑰拿鐵（$36）。賣相簡單，雪糕面灑上一些脆片和蜂蜜玫瑰醬，本來以為拿鐡是有咖啡味，但可能只是個名字而且，完全沒有咖啡的味道。綠茶雪糕很軟很滑，綠茶味也很重，但玫瑰醬可能加了蜂蜜所以太甜，玫瑰味也有點不自然，感覺很人工添加，和綠茶的味道不太配合，相信選玄米煎茶或紅豆栗子會更佳更合襯。

行街行到好熱，想買杯雪糕降下温，聽到有啲好動漫嘅音樂轉黎，探頭睇睇，就見一個好彩色嘅招牌。好搶眼嘅燈箱～黑黑嘅內街顯得份外搶鏡，眼眼餐牌，選擇不多，大置分為飲品同雪糕。叫了呢個綠之森林，一個大綿花糖放在一杯綠茶雪糕上面，賣相一流。夢幻感覺，甜甜嘅綿花糖一直係小時候最愛，下面嘅綠茶雪糕綠茶味十足，又軟又滑又濃味，綠茶控值得一試！最底部還有幾粒炮谷增加口感，不錯不錯。內街頗黑的，如果有堂食就好了。

繼oddies之後又一超正推介Tokyo secret ! 試了火山爆發榛子雪糕，雪糕很滑，好少有榛子味軟雪糕，雪糕不過甜，榛子味濃，雪糕上有薄荷朱古力裝著raspberry 醬，而且不斷發出氣泡，加上灑上爆炸糖，似足活火山! 吃到底部還有焦糖爆谷，完全滿分! 下次試其他口味~

一講到夏天，除左諗起游水，就梗係食雪糕啦！果日我食完晚飯，就周圍搵下有無甜品食喇，之後就見到尼間特色雪糕飲品店。一望到個餐牌就覺得樣樣雪糕都好吸引啊！但我本身係綠茶控，就揀左個森之樹林既雪糕喇，店員話依款雪糕有宇治綠茶味同特濃綠茶味揀，而我就揀左宇治綠茶味。其實杯雪糕最突出係棉花糖，一拎上手，街上既人都被吸引住，仲多左人幫襯添，吾通我做左免費宣傳?味道方面，綠茶味吾算好重，反而係比較甜，雪糕口感軟滑，簡直一流，食到最底一層仲有蛋糕添，食完我覺得好滿足啊！

放假一天來到尖沙咀逛街，發現利時門口對面新開了一間叫「Tokyo Secret」的甜品店。小小的店面只提供外賣。店內幾乎放滿了北海道3.6牛乳的盒子。甜品選擇不多，只有5種。從Menu上看來賣相挺吸引的。不過由於只能外賣邊行邊食，所以選擇了賣相不誇張的Fusion Affogato 3.7北海道牛乳雪糕配Tiramisu sauce。Affogato是雪糕配咖啡，但這裏的Affogato 則是以不同的Sauce配上香濃的牛乳雪糕。牛奶雪糕很滑溜，亦很香濃的牛奶味，而且甜度剛好。Tiramisu sauce還帶有Baileys甜酒的味道。夏日炎炎，食到這個透心涼而又好味道的甜品，真的會令人心情愉快。

Tokyo Secret食完晚飯，冇錯，其實我係未飽的，同朋友就行行行，黎到好出名的Tokyo Secret潮聖一下，我係對面街已經見到Tokyo Secret雪糕的招牌，超搶眼睇睇招牌，雪糕口味大致分為三種- 榛子、抹茶及北海道牛乳。三種口味都屬於大眾化口味本身想食冬之富士山(牛奶味)，我吾太喜歡食朱古力/ 抹茶，但冬之富士山個日冇得賣，struggle左好奈，最後要左棒子味的楓之火焰介紹一下楓之火焰，雪糕係榛子口味，即係金莎個frd，一講起金莎，我就會諗起’天神ge禮物’句廣告對白！哈哈。雪糕表面有金箔、紅莓乾& 爆炸糖，至於火山爆發的原理係靠乾冰同紅莓汁做效果。我幾buy個concept, 幾有創意至於味道方面，我係超興奮去試的，第一啖就食左雪糕先，淡淡的榛子味不太甜，太好了，我好怕朱古力甜到入心入肺，第二啖就連埋爆炸糖一齐食，如果你keep住食d 爆炸糖，你係講吾到野，超搞笑！！食食食，食到底會有爆谷，個人認為太甜了！有少少over~ 最後係食吾哂d popcorns.. 不過如果係中意食甜的，這個配搭係幾得意的。最後講講service, 負責收錢的店員係超有禮貌的，食都食得開

上兩個星期Weekend出尖沙咀買新相機!行到攰攰地係Startbucks坐低飲左杯之後，就無咩胃口食飯啦！再轉戰利時Shopping，兜完個大運出黎就見到呢間甜品店啦！為食的我們，每人Order了一個甜品當晚餐還是宵夜? 我叫了 "森之樹林"，朋友叫了 "楓之火焰"。同樣是主題特效雪糕，本來我想叫 "冬之富士山"，但當天已經售罄了！Order了即時收費，我們就在旁邊等候雪糕啦！即Order即時製作的，大約等了5分鐘左右啦！先給我們"""~楓之火焰~"楓之火焰"出名在秘傳米芝蓮總廚秘方，榛子雪糕是用上意大利原粒榛子製作添！這個真的比較特別，較難在市面上找到榛子味雪糕啦！雪糕沿著杯邊扭紋，中間留有一個小洞，在裡面放上了法國紅桑子汁，造成火山爆發的效果！正正就是Gimmick所在啦！再等多5分鐘，"森之樹林"都做好啦!勁大個綿花糖係面呢!嘩! 好甜呀!我倆要快快手食呀!大家有食過綿花糖就知道有一定程度的狼狽吧!好痴手呀!食完痴笠笠呢! 不過真係好童真呀!這個甜品食得人好開心呀!雪糕我們Order了特濃抺茶味，我一向是抺茶控，私心覺得特別好味道呀！哈哈！食到最底仲有甜品爆谷添！跟抺茶雪糕都幾

沿住去利時商場的窄行中，發現到一間新開的雪糕專門店，店外左右兩邊有不少食客在「嘆」雪糕，大概他們目的跟我一樣，都要稍為避一下火辣辣的太陽﹔他們理念是要把最優秀食材用上新穎制作方法，制作出藝術一般的甜品享受之餘，價錢卻大眾化﹔除了提供雪糕之外也有不同種類飲品選擇，特別之處在於每款甜品都會配上不同的topping，帶來不同的味覺享受﹔選擇了期間限定的楓之火焰(試業優惠價$42)(每日限量50杯、原價$52)，店員他們細心解釋我知榛子雪糕用上原粒榛子而成再加上來自法國的紅桑子汁營造出火山爆發效果﹔雪糕滿滿一杯，榛子味道入口十分濃郁，香甜而不膩，而且中間的紅桑子汁和風乾紅桑子脆脆帶酸甜作為了很好一個平衡點，另外特別一提，他們在雪糕面上加了少許爆炸糖，榛子雪糕在口中溶化伴隨還有粒粒爆炸糖，口感很豐富特別，也想起了這也是我兒時喜愛的零食之一﹔吃到尾聲還會有數粒爆谷於底部，不過將爆谷放最落反而感覺口感一般﹔另外，可能天氣太悶熱關係，雪糕溶化速度亦快，需要「企定定」快食，這點要注意一下﹔就香港這個小小地方有很多不同種類的雪糕專門店，大家都各有特色，有韓國傳統、日本馳名也有本地創作，要站穩住腳看來亦要不

食飽飽就到處逛逛，看到此店和雞蛋仔店，在「新屎坑」心理作祟下，當然試新的。在這條街中，此店的外觀是最SHARP。我點了楓之火焰，它吸引我之處是那些爆炸糖。大約等三分鐘，等待的時候要小心，因為隨時會有車駛入。中間的應該是紅莓汁，真的會出煙有泡泡，但放心是凍的。而雪糕是榛子味，是超像金沙味，好像在吃許多金沙朱古力般；爆炸糖散落在雪糕和紅莓汁中；最底是爆谷。除了紅莓汁，雪糕跟爆谷都蠻甜的。吃到一半已經覺得有一點點「漏」。價錢＄42（試業優惠價）還OK。

Tokyo Secret這天與男朋友在尖沙咀逛街，吃過韓國晚餐後，我們便到加連威老道逛逛，經過這間抹茶雪糕大熱店，亦看過網上的評價非常高，所以我們便決定叫一杯抹茶雪糕試試。看一看它的雪糕餐牌，發現有多款不同的雪糕甜品，有幾款賣相非常特別，我們決定要森之樹林。森之樹林 $38哇！整舊棉花糖雲罩住了杯抹茶雪糕，賣相看起上來十分誇張，但又很精緻，非常特別，但食起上黎有點狼狽。不過抹茶雪糕完全沒有冰感，好幼滑，抹茶味夠香濃，吃起來有點回甘的味道，雪糕質素相當不錯！最底層是年輪蛋糕，令整杯「森之樹林」口感提升了，味道更豐富。舊棉花糖俾男友一啖KO左，係「一啖」！眨下眼就唔見左舊棉花糖...頂我都未食！總括來說，這間抹茶雪糕店的質素絕對可以與銅鑼灣最大熱的抹茶雪糕店相比！尖沙咀終於有值得吃的雪糕店了。--------------------------------------------Tokyo Secret 味之藝術 (尖沙咀)尖沙咀加連威老道52號地下C鋪

我同個fd 行尖咀, 突然想食下甜品, 於是就search 左呢間近近地既舖頭~ 呢間甜品鋪雖然係內巷, 但唔算難找, 名字都改得有點特別, 叫“味之藝術“, 令人都有點點既期待, 究竟有甚麽藝術般嘅甜品~?今次就叫左比較出名嘅“楓之火焰“雪糕, 一拿到手時, 紅桑子汁伴隨爆炸糖?!而“爆炸”~!?果真係火山上嘅熔岩~~好鬼似又好有趣, 外觀真係符合店名, 藝術般嘅甜品, 好特別然後刮上一匙, 中央嘅紅桑子汁,下面有一個半圓嘅朱古力兜, 兜住上面嘅“熔岩“, 呢一點都算是別出心裁再黎是雪糕, 榛子味嘅哦~~幼滑而香濃, 膽膽回味~~再配埋紅桑子汁, 有酸有甜, 唔會食榛子雪糕食到條痢“寡“哂~ 最後配埋爆炸糖同花生碎, 個人認為就係.......天神降下嘅禮物~! 金莎!!!可能誇張左點, 其實只係想形容當全部野混合一齊, 個種味道同口感就似金莎~最後食食食食食食, 食到尾聲, 以後都係雪糕做句號?大家就錯啦~ 最後仲有幾粒爆谷做底~算是帶點小驚喜吧~老實講, 坐落係面積不大又街邊舖黎講, 能夠做到咁特別嘅甜品, 算是難得, 呢杯雪糕是值42蚊, 也是值得合理的, 雖然整個配搭好能體現

閨蜜小Q最近工作辛苦，決定放工帶她去吃點甜甜的，轉換一下心情！Tokyo Secret店就在尖沙咀利時商場入口的對面，店面好搶眼，彩色波點讓人想起日本藝術家草間彌生。我們到達時大約七點，前面有三、四個人排隊，不用等太久就到我們點餐了，此時有選擇困難症的我尚未選好要吃什麼... 全部都很吸引！主題特效雪糕有「楓之火焰」、「冬之富士山」和「森之樹林」等，小Q見雪糕都幾大杯，而且食完又要去吃晚飯，決定二人share這杯楓之火焰($42)。楓之火焰用爆炸糖和法國紅桑子汁及朱古力火山口營造了火山爆發的效果，我們超興奮立即影相，真是名副其實的特效雪糕!吃第一啖，好香的金莎朱古力味！而且口感非常軟滑。紅色一粒粒那些是Cold dried的紅桑子乾， 第一次這樣配雪糕吃，幾新奇，紅桑子的微微果酸和朱古力榛子味道是意想不到的配合。底層更驚喜，竟然有不少原粒榛子，味道香醇，脆脆的榛子又令這雪糕更添層次。這楓之火焰雪糕在味道和外觀上都好特別，味之藝術當之無愧～下次要早一點去，希望可以試到冬之富士山！

今晚去左尖沙咀行街，就算已經晚上都好熱，一見到雪糕店就上前睇下。店外已經有好多人已經光顧等拎雪糕嘅和排隊光顧嘅客人。不過吾洗等好耐就到我地，我諗緊食咩好，店員友善推介“森之樹林”，話上面有棉花糖，下面係抹茶牛雪糕，有特濃同乳至兩款選擇，我選了乳至。朋友就吾太想食雪糕，都可以有好多凍飲選擇，他嗌左杯叫“紫色沖繩”，都係店員介紹的，係精選炭燒沖繩紫薯，好特別咁！吾洗等好耐，我嘅棉花糖雪糕森之樹林已經整好，一見好有驚喜，因為好似甜品咁，棉花係杯上好似雪咁cover左全個杯有多，而棉花糖面上又加了一點點嘅脆脆同紅色的調味，原本想問下係咩，但店員太忙了，我不好意思多咀，但食落甜甜有好少酸酸，中和左個甜味，棉花糖應是即整的，仲微暖，軟身，食完棉花糖，終於可以看清楚杯雪糕了，係綠色較“潔”身的，食落好香滑，雖我吾係嗌特濃抹茶個款，但抹茶味都好出，好正！！好好味，又吾會太甜，岩岩好，食完吾洗飲水。果然推介之作！食到咁上下，我朋友嘅 “紫色沖繩”都整好，一睇又係勁靚，外貌已經好吸引，一杯飲品都整得咁令，好用心，她係飲品上加左cream，像雪山，吾係一堆cream係放得好靚嘅，而cream上面有紫色嘅粉，