Tolo Paradise 燒烤花園 (已結業)

11月2日係兒甥仔1歲生日, 我哋10個大人3個小朋友, BBQ係6:30pm開始, 一張長枱有個cover, 再加1個燒烤爐係旁邊, 但禽晚天氣比較熱, 都有d流汗有1個沙律枱, 有生菜, 粟米,車厘茄,青瓜, 千島醬和沙律醬, 沙律都乾淨新鮮, 唔錯BBQ的食物不算好多, 但都有多春魚,燒雞串,羊扒, 腸仔, 蟹柳, 牛扒, 豬扒, 豬頸肉, 金沙骨, 牛丸, 魚蛋, 墨丸,蝦洋葱, 茄子, 金姑, 雜菌, 蕃薯, 備有"石"紙, 蒜泥, 牛油食物都算新鮮, 味道都ok, 係d蝦差d在場有人為你加炭, 倒碟d垃圾, 係要買嘢飲, 不准帶外來飲品大人HKD108, 小朋友HKD68. 有泊車

從前上馬料水大學, 錯過了雍雅山房. 為免重蹈覆轍, 心中一直計劃要到小白鷺, 大埔另一家特色餐廳.一拖又是幾年.今次先到小白鷺上層的tolo paradise燒個烤.先說食物, 種類不多, 但味道都好算是新鮮, 而且醃製得宜.我最喜歡的, 是配套一流, 醬料錫紙沿沿供應, 可以自己落手落腳整色整水, 特別滋味.Tolo Paradise比一般自助燒烤場乾淨企理得多, 必須大讚.加上美景在前, 令人心曠神怡.下次到小白鷺去. (貼士: 建議致電預留有蓋風扇位. 切記自攜蚊怕水.)

自助燒烤任食到是第一次聽説有此類餐廳~ 在加拿大總是自己在公園或后花園燒小白鷺地下是另外的餐廳，走到樓頂便是分開的專門燒烤區，環境很不錯，風景也好~食物類別不多，普通的牛扒、豬扒、腸仔、雞翼都有~ 串燒只有1款~ 菇類菜類都有有提供錫紙自己包好離燒~ 海鮮得青口、蝦、唔知咩魚~ 用架燒，非常方便不用插來插去都係燒得個幾件野~ 最好的屬豬扒+腸仔+豬肋骨~ 醃得非常好味~牛扒同雞翼就差D~ 味道怪怪的，不像平時燒到的味道~ 服務員會不時加碳，服務幾好燒到1半落雨，激死~ 遲唔落早唔落燒野食離落~~ 換了有頂的大木屋，可惜燈光實在不夠根本睇唔到D野燒成點，即刻無曬癮~ 又熱又鋦，仲要檯檯有吊扇我地個檯就壞jor =.="燒jor 1輪就無癮買單~ 2個人224個大洋，任食是幾抵的~ 用料不差，算係甘的了野外的空氣很好，選擇好天時離就絕對沒錯~ 碰上落雨環境就真係變好差~

今日同屋企人黎左呢度bbq, 我地係ta po kcr坐左hkd20 taxi就到喇, 除番都係一人幾蚊我地6個人, 計埋野飲=hkd740, 話平唔平話貴唔貴我覺得d野食都算好食(比起出面d bbq地方), 係牛排唔係太好食蝦, 雞, 豬排亦係我覺得最好食既野至於service, d staff唔係太主動, 不過你叫到, 佢地都會serve你, service是可以的環境方面都唔錯呀, 因為唔太迫, 感覺無咁熱, 同埋D VIEW都唔錯, 可以影下相TIM!

星期六晚 六點半開始 $128/位 (不包飲品)食物: 扇貝, 青口, 蝦, 多春魚, 牛豬羊扒, 金沙骨, 雞翼, 丸類只有牛丸和魚旦, 蕃薯, 粟米, 腸仔, 金菇, 沙津吧等.先要係大埔火車站搭約$20的士才到達. 位處天台, 環境開揚, 有湖景同火車聲. 雖然嗰爐係用炭嘅, 但就唔係用燒烤叉住d嘢食嚟燒, 係喺爐面嗰架上用鉗燒, 嗰爐同隻鉗都幾燒ga, 天氣再熱d就相信會好難搞啦!食物味道普通啦... d海鮮refill得比較慢lor. 最好食係羊扒, 少少羶, 厚薄適中, 燒起上嚟肉質又唔會鞋. 燒嘅食咁熱氣, 飲品係好重要ga, 呢度每支嘢飲最低消費要十蚊, 加埋車錢, 其實都幾貴幾唔抵啊!

23/12 去一個gathering。去到這兒樓下真係覺得好有euporean feel,個境好靚,上到去就見到好多煙同一個勁大勁靚的海景,又靜,個環境真係好ok。然而這是我第一次去這種bbq sites,覺得有點怪怪的,anyways,哩度野食醃得算唔錯,各種肉類都好tender,其他食物都算ok,是日早走其實食得唔多野,但選擇算是多了吧服務生們好似未夠主動,我地要求要加炭才慢慢來加…但換碟就好快手還有…這兒的音響幾ok架~=v=

天氣勁熱，作落雨，所以有好多蚊同飛飛下的昆蟲，再加上時近黃昏，一去到就好似張曼玉去康城影展比班記者圍住咁，我比成班昆蟲圍住。食品真的很一般，牛無牛味，多春魚，唔新鮮，粟米，唔甜，蝦，OK，燒曼魚，呢個幾好，串燒，超級市場買到的那種，雞亦，調味得不夠好，沙律，只有青瓜、蕃茄、罐頭粟米、生菜(我係唔食生菜的，唔係因為佢生，而係覺得唔好食)，選擇勁少，全場最好味係個牛油多士，飲品一定要幫襯佢。服務幾好，服務員會自動幫你執，有笑容。有個洗手盆設液比人洗手，唔錯；去廁所要行樓梯落一層，唔係幾方便。作為第一次去，及唯一會去一次的燒烤地方，OK啦。完。

尋晚追月諗住去啲特別啲既地方, 簡直想鬧爆!!! 啲staff除左會『serve』你之外, 仲會『保管』你既財物,小心小心~~~首先佢尋晚係$168一位, 飲品另計。佢個buffet六點半開始, 我地部份人六點鐘就到, 咁佢都俾我地坐下先。見到個埸側邊有兩部汽水機。我地咪諗住買下野飲先, 部機無八達通, 而我地又無散紙。咁想問下啲staff可唔可以打散,佢地就講左幾句野,意思係:其實客人係唔可以自己帶飲品入黎, 要向佢地買, 而價錢係$10@, (汽水機$5@)。咁佢就無兌散銀俾我地。咁我地咪唔買囉,都諗住要梗食。約六點半, buffet剛開始喇, 我地就影相, 開始攞野食黎燒。佢offer左三個tray (麥當當tray) 黎攞生野, 同埋一人一隻碟食野, 咁好正常我用左自己集碟攞一大碟沙律返去大家share食, 咁我咪無碟用囉, 問佢攞多兩隻碟, 佢攞到黎之後竟然『教訓我』: 其實我地advise客人環保啲, 用完啲碟就(用紙巾)抹乾淨再用!!! (註:難道不停用紙巾都算環保嗎?) 喂, 我點都算俾$168, 自己燒野俾自己食, 又唔洗你煮, 問你攞多隻碟用都教訓我, 洗唔洗『賺』

琴晚同d舊同事0個度BBQ, 仲預訂左食燒豬, 訂一早落左啦, 因為可以有6送1....OK啦, 整個過程順利, 7:30去到完來只係得2枱客, 後尾再多2枱客, 即係成晚都係得4枱客,琴晚0既價錢係$78一位, 野食正常, 係一般燒野食的食物都有..而且仲有蝦同青口, 雞粒串, 食物質素合格. 亦都冇因為客少(4枱)而影響數量同種類(因為我之前都有試過假期黎燒!)點知到上乳豬的時候, 朋友一致認為隻豬燒得唔金黃, , 賣相肉酸, 望落似兜亂左0既白切雞, 食落有怪味, 於是就同侍應講, 佢都好有禮貌咁解釋, 但我地都係接受唔到, 於是佢叫左樓下餐廳二廚(佢話)試下隻豬, 跟住個二廚上黎, 佢一樣係好有禮貌咁解釋隻豬可能雪過龍, 跟住個師傅又未到家之類的東西, 結果隻豬冇收$$, 佢仲話請返D生果比我地食...我地問有冇蛋糕, 因為琴晚係同個朋友慶祝生日, 點知佢一口應承喎!! 仲問我地一磅夠唔夠!! 睇過個蛋糕後, 我地都覺得佢有可能係即刻整...雖然只係一個普通的雜果蛋糕!! 但絕對有誠意!! 條氣登時順哂....總括食物OK, 侍應態度良好, 環境一流, 去得過!!