影片
港铁上环站 E1 出口, 步行约8分钟
继续阅读
开饭介绍
舒适的沙发卡座，开放式厨房、吧枱及餐厅中央的日式共膳餐桌；采用黑白双色配以日式漫画风格的手绘壁画。特式时尚的格调配合一系列特色串烧，为保证对客人「食其鲜味」之承诺，串烧绝不加以腌制。主厨每季均会以时令之食材创作一系列和风料理，配以一系列日本清酒、手工啤酒及特色鸡尾酒以满足客人的要求。
继续阅读
营业时间
星期一至三
12:00 - 15:00
18:00 - 23:00
星期四至六
12:00 - 15:00
18:00 - 01:00
星期日
全日休息
公众假期
12:00 - 15:00
18:00 - 23:00
以上资料只供参考，请与餐厅确认详情
之前试过同朋友去同系既备长食lunch ，当时对佢评价已经好高。今次黎中环既另一条line ，水准令我更加意外地出色。佢主要多左更加酒款选择呢个部份，当日介绍我饮既就系一个辣味为主题既cocktail ，辣味唔会太哽，主要以青柠同gin做base，咁所以唔会令杯酒变成一杯比较哽既酒款，比较男人味ｄ呢杯。人大左点都觉得要食番小小蔬菜打底先得，调味唔会太重，同佢地串烧既风格都差唔多，唔会话以酱汁抢过食材本身既味道，呢个系我钟意既地方。入题先，先讲牛脷。超级厚切，而且烧得依然好嫩。全晚串烧基本上我无食到一款会系特别干身，除左炸鸡皮要干之外。咁讲干身啦，拎蔬菜类黎讲就一定系最严谨，出黎结果当然系揾唔到位比我弹。问过佢地话用超过８００度既高温黎烧，所以可以锁住食材既水份，我后尾食果串鳝个皮脆到薯片咁之余鱼肉仲系爆汁，忍唔住问点烧先知呢d资讯，可惜既系话因为心机作唔一定日日上menu ，即系如果无靓鳝番就唔卖果d，串到...(但我钟意)所以我无放相上黎lu，如果见到的话，必！点！所以粟米都系爆汁，呢款粟米劲甜！同样地因为锁住水份，芝士年糕唔会烧到干哂身，仲拉到丝添如果如果你要我拣全晚最差，咁只好迫于无奈拣佢....咁烟肉好食极有限嘛，荔枝再甜平衡番烟肉既咸香味，呢个化学作用surprise有限，但荔枝爆汁呢点完全唔感到意外，以全晚水准黎计的话。呢串鸡肉棒当时系备长食过，当时食过我已经觉得系必需翻食。呢边都系用上一样既材料，加入左鸡软骨落去混，所以食落好有口感。虾虾虾虾(((((((((烂GAG SOR~) 其实系鸡皮包住只虎虾，略讲鸡皮先，烧得脆身而虎虾唔会过分熟，虾头依然有虾膏流出黎.，其实几令我惊讶.]最后忍唔住ENCORE 一串鸡皮作结，实在想像唔到点解可以烧得咁脆，我地用左起码１５分钟去等呢串野，因为食到尾先ENCORE所以有留意时间， Overall味道，因为都提过味道倾向轻轻调味，所以无办法著笔太多，会食到偏向由盐带导既食材原味为主。要我比一个理由弹的话，晚市真系食串烧的话一分钱一分货，系偏贵架啦，围番每人都要$400呢餐，当然我唔系样样野post齐啦。所以只好间唔时豪一次，下次试呢边lunch有咩唔同先得
继续阅读
饮酒嘅好伴侣当然唔少得串烧😛话说早排去咗上环呢间torimen食佢哋嘅日式串烧，一试真系惊为天人😛店内装修比较年青化，一啲都唔似传统嘅日式串烧店。真心讲！我好耐冇食过咁有质素嘅串烧，无论佢哋嘅火候控制同食材嘅质素，我系话俾你听绝对系高水准👍食串烧之前我哋点左一个沙律开开胃黑松露温泉玉子沙律 HKD56新鲜嘅沙律菜，配上甜甜酸酸嘅沙律汁，另外在加上黑松露菌油同埋温泉蛋增加佢嘅香味同浓郁度！食完真系令人胃口大开😚我重点左一杯佢哋特色嘅鸡尾酒，佢用咗青辣椒+gin油做一个配搭，饮落比较辣，最后有少少嘅青柠嘅酸味，非常适合钟意饮烈酒嘅朋友！Yuzu Dream-HKD98$食完前菜，梗系立即试吓佢哋嘅主打菜！串烧！当中最欣赏嘅有呢几样野！烧牛舌-HKD52$牛脷烧得好真系好难，外层烧得够香，入面仍然保持多汁有水份，轻轻洒上盐做调味，配上佢哋既芥末酱，两个字！完美！荔枝猪肉卷并小葱豚肉-HKD33$@1用慢火烧出五花肉嘅油脂，猪肉嘅香味渗透晒系入边嘅细葱同埋荔枝肉，一咸一甜嘅配搭真系回味无穷👍🤦🏻♂️免治鸡肉棒-HKD38$食串烧点可以少得免治鸡肉棒，佢哋嘅鸡肉棒全部都系自家制，入面仲有啲鸡软骨，增加口感。去相佢哋甜甜地嘅日式酱汁同蛋黄，食一串真系唔系好够喉豚之大肠-HKD26$佢哋将啲猪大肠展开再串起来，然后用慢火烧到佢哋外层金黄色，再系佢哋上面扫上一层佢哋特制嘅酱油！呢个真系食完返唔到转头🤦🏻♂️外层已经烧到脆卜卜，但入边仍然保留到大肠应有嘅口感，真心值得一试！烧白鳝-HKD68$听讲唔系成日都有，油脂分布超正，食落去啖啖肉，厨师亦都将所有鱼骨去除，外习鱼皮都烧得非常香脆，如果佢哋有货一定要点来试吓！芝士年糕-HKD24$食完咁多嘅串烧同啤酒，最后食返个芝士年糕暖一暖胃，去一去酒气，年糕外层轻微炭香，入边有拉丝芝士😛夹埋紫菜一齐食，一流！
继续阅读
星期五放工，最岩就系约埋朋友饮下野！做得咁辛苦，当然要食好d！今次拣左中环呢间串烧店聚一聚！Yakult Dynamite呢杯由益力多整成嘅Cocktail岩哂我口味！益力多味都几重，感觉健康！酒味不算太浓，岩哂女仔饮！黑松露温泉玉子沙律食串烧前一定要点沙律食，会无咁油腻！不过最重要都系因为串烧制作需时，点个沙律食住先会开心啲！温泉蛋捞埋菜食，蛋黄汁好香，菜又够新鲜，连埋开胃伴汁，好食！明太子玉子烧玉子烧得好软绵绵，中间有好多明太子，明太子嘅咸味令个玉子烧更加好食！ 牛舌厚切呢到嘅牛舌真系无得输！烧到劲香口，咬落弹牙，中间就软腍，口感一流！点埋旁边嘅honey mustard 酱，又系另一番风味。纽西兰羊扒 粉嫩多汁嘅羊扒，大大件，肉质嫩滑，值得一试！鹅肝多士外脆内软，肥美嘅鹅肝令人爱不释手，下次要每人点一件先得！烧鳗鱼烧汁惹味，劲滑劲香，咬落啖啖肉劲juicy，钟意食鳗鱼嘅一定要点！芝士年糕年糕烧至烟un，一咬芝士就流出，芝士香十足！
继续阅读
打完风，又要继续番工喇，不过好快又星期五喇，所以紧系要Happy下啦，所以就约埋朋友放工食野饮酒喇~呢间位于苏豪嘅日西居酒屋，位置唔算太大，不过都坐得舒服嘅首先黎嘅紧系野饮啦，第一杯系Totally Passionate，而呢个鸡尾酒仲有好强嘅表演欲添，系黄色嘅鸡尾酒上面，漂浮住半个热情果果皮，果皮上面仲插住咗一大串迷迭香，店员会用打火机烧著迷迭香，沾咗少少酒精嘅迷迭香可以烧好耐，而且仲有阵阵香草味，未饮已经先享受~ 而鸡尾酒系用咗酸酸嘅热情果汁，再加清酒同氊酒，饮落酒精味唔会太重，几易饮口，有清新嘅热情果，另伴随淡淡迷迭香味另一杯系Yakult Dynamate，用大人细路都钟意饮嘅益力多做底，再配上各款酒，其实加咗其他酒之后，就唔系觉有益力多味，味道偏甜，都系易入口嘅鸡尾酒黎，而且仲用咗一枝益力多做装饰，女士们一定几钟意呢个简直系食日式串烧必嗌嘅菜式黎，餐厅自家新鲜制嘅免治鸡肉棒，一啲都唔黏口，而且表面烧得焦焦嘅，可以食到火烧嘅炭香，隔离就配上生蛋黄同酱油，酱油偏咸，可以叫餐厅落少啲酱油，但系免治鸡肉同生蛋黄酱油系好食嘅第二同三个串烧系白鳝同厚切牛舌，鳝同鳗鱼虽然系同一样，但系不同在煮法，白鳝嘅鱼皮烧得微脆，几惹味，不过无咗鳗鱼汁嘅帮助，味道有啲腥，而且白鳝无好似鳗鱼咁将鱼骨切碎，所以偶然有一两条骨。另外厚切牛舌真系好正，虽然厚切，但系一啲都唔韧，仲带点爽口，食落有浓郁嘅牛香同烧烤香第四道系厨师推介嘅海虎虾鸡皮卷，故名思义就系先将虾壳剥开，再帮佢揾上另一件衫，就系薄薄嘅鸡皮喇，鸡皮烧香带脆，鸡油都满布虾肉，虾肉爽口弹牙，有鸡油滋润住，所以一啲都唔觉得干，好惹味啊!!!第五道系芝士翠玉瓜，外型串得有啲似波板糖，表面被满满嘅芝士覆盖住，咬落系微微爽口，中间嘅部份系软身湿润嘅，都可以清一清到味蕾最后系烧粟米，原条粟米一分为二，表面涂咗大量牛油，所以未食已经可以闻到浓郁嘅牛油香，食落真系重牛油香，而且仲食到粟米香，呢两者配搭一齐系无可能唔好食嫁!!!
继续阅读
早前，同一班朋友黎到中环食饭，我地都系日食痴🇯🇵，所以就黎呢间居酒屋🥃，一入到去俾人感觉好Chill🌾，环境舒服，灯光幽暗，所以我适合一班人吹水倾计！💦以下两碟都系厨师推介👨🏻🍳上图: 明太子玉子烧🍳，我都会极力推介，可能我本是系玉子控，但厨师煮到啲蛋好嫩滑👍🏿加上中间夹杂住明太子，味道新鲜，想像不到原来咁夹！👍🏿下图: 海虎虾鸡皮卷🍤，厨师将鸡皮绕住海虎虾一齐烧，几特别👍🏿我本身对多春鱼唔太喜好，但估唔到都几易入口！以下呢碟，系我认为最好食😋将鸡肉棒混上生蛋黄一齐食，简直一流👍🏿荔枝猪肉卷，本人表示一般，感觉味道有啲格格不入。牛舌果然系厚切👅建议食一块够晒！但肉质嫩而不韧👍🏿梅酒易入口，较为香甜，适合女士们，配小食亦佳！呢个芝士年糕，一咬落去入面嘅芝士会渗晒入口中，好满足👍🏿本人亦好推介呢款鸡翼，厨师首先将明太子酿入鸡翼入面先，之后再去烧，将两种食材融为一体，味道有点辣，但可以接受！最后，呢碟炒饭比较普通，加上有点油腻。总结而言，呢间居酒屋都推介比大家可以同一班朋友或同事𣈱聚🍽🍴👍🏿
继续阅读