TREE Cafe

营业中

休息中

TREE Cafe位於鴨脷洲利榮街2號新海怡廣場28樓，今日同朋友去咗想去好耐嘅outlet，順便喺呢間cafe食個lunch，環境超級舒服，佢係位於家具鋪內嘅小cafe，可以一邊食嘢一邊觀賞無敵大海景，窗邊嘅海景簡直一流，視覺同味覺都係一種享受。店內嘅木質傢俬，枱櫈，都坐得好舒服。餐廳都係輕食為主，有蛋糕，沙律，咖啡，意粉，提供。朋友叫咗一個雞肉意粉，一個菠菜蘑菇餡餅，意粉上面嘅芝士都幾濃，菠菜蘑菇餡餅，細細個但係食落去都幾飽肚。今日呢餐望住個景，視覺嘅享受大於味覺嘅享受，正啊！

叫咗烤火腿芝士配自家製蕃茄醬意式軟包同牛肉千層麵 意式軟包烤得好脆口 不過佢嘅自家製蕃茄醬偏酸 唔係好適合我口味 牛肉千層麵焗得啱啱好唔會太乾身 個面鋪咗會拉絲嘅芝士 中間嘅肉醬有香濃牛肉味 蕃茄嘅醬亦都啱啱好唔會過酸過甜

三年疫情無到訪，心血來潮今天來飲杯咖啡放空吓😄位於傢俱舖內，傢俱設計特色，可以遊覧完才去tea。點了杯 ☕️Flat White ~熱騰騰，淡淡香濃的咖啡，🤩醒神。還很飽故沒多點其他😂坐在窗邊高櫈上可以觀望海景，人不多不趕客，全用木製裝修加吊燈點綴，頗優雅，挺舒適。☺️

住係鴨脷洲，睇到IG 話海怡工貿頂樓原來有個好岩打卡既地方，就順便去埋TreeCafe 飲杯野，食份Salad，打個卡。好想講佢杯Latte 賣緊38 蚊咁大杯真係好抵飲，當然唔係人地出面精品手磨咖啡既質素，味道非常一般😂，但如果純粹想搵個地方坐下，做下野，睇下海，呢度個性價比一流。之後男友口痕叫左個Avocado Chicken 沙律🥗，我覺得都係一般。佢就叫左一般熱咖啡☕️，又係勁大杯，好抵飲，味道好一般。大家都係想黎睇下海景，睇下日落，打下卡。

這間餐廳已來過幾次，每次都覺得很有度假風，餐廳位於新海怡廣埸(即前海怡工貿）28樓，星期日約十二點，不算太多人，坐得舒服，食物以西式為主，如果一兩人可以坐高椅位，望海進食，更覺寫意。今次點了以下食物：🔸️Tuna mayo ciabatta $75.00味道不錯Chicken avocado salad $102.00擺盤很美，沙律都不會有太大問題🔸️Salmon pasta $128.00少少咸，但整體不錯🔸️Lemon cheesecake $68.00味道很好🔸️Carrot cake $68.00味道很好🔸️Cappuccino and flat white (Hot) $36.00@咖啡很好，性價比高🔸️Iced mocha $38.00咖啡很好🔸️English breakfast tea$30.00很好新海怡廣埸為名牌outlet, 用餐後可以順道逛街，而且，Tree cafe本身也是一間傢俬店，也可逛逛。

學完車同朋友行過隔離上28樓食晏28樓全層係賣木製家俱家品，行入小小有個角落位就係餐廳，有望窗嘅吧枱;有自成一個嘅兒童角落；亦都有大枱for 人多，好舒服cozy 肉醬意粉，烤雜菜沙律feta cheese ，Carrot Cake 都正常水準，好食熱朱古力是重點，相。當。濃。郁。黎幾次都飲佢😋👍🏻

呢間隱藏喺商場頂樓嘅Cafe景色好好，一望出去係無邊無際嘅海景，而Cafe本身就係一間木製傢俬店，所以都好靚。不過佢主打嘅應該就唔係嘢食，所有嘢食都係提早整好嘅，再拎去加熱，味道唔係差，因為好夠熱，但係就唔好expect好好食。

上星期去了鴨脷洲的outlet看傢俬，shopping 後想休息一會兒，可到這間位於傢俬舖內的木系Cafe。頗喜歡它的裝修，簡單及Homey。食物及咖啡質素亦很好，今次叫了一客 roasted chicken and avocado ciabatta 🥪ciabatta皮脆而avocado paste亦夠美味又足料👍🏻👍🏻 🥰🥰另外特別喜愛banana loaf , 香蕉味很濃亦不會太甜😍今次我叫了flat white with almond milk ❤️通常我不喜歡用牛奶🥛因怕肥😂所以飲咖啡我會用oat milk或almond milk , 今次選擇了almond milk 因為不需額外收😉🤭Flat white 配almond milk 味道不是那麼易調校，我卻很喜歡這cafe 的咖啡☕️因為咖啡味道均勻，沒有被almond milk蓋過👍🏻 下次想在海怡半島shopping後找個好地方歇歇，可考慮這間隱世cafe 。

呢度最Signature既地方就係望住個海既窗邊位, 不過可惜去到既時候俾人住曬, 所以就是但搵張枱坐底算🧐 呢度既食物同飲品既選擇唔多, 都係一啲比較西式既食物😋Fish Pie 🥧 ($90)滿滿既薯蓉舖滿係三文魚肉上面一齊攞去焗, 食落好滑魚好香, 不過油膩左啲🫣 另外仲配左沙律菜可以幫手中和下油膩感🤓Blueberry Cheesecake 🫐 ($65)係原味cheesecake上面放幾粒新鮮既藍莓, cheesecake本身都係普通唔夠滑😅另外叫左一杯大Mocha($40)真係好大杯, 飲完都會飽左😂整體黎講如果唔係黎行outlet既完全唔需要特登入黎, 一黎遠二黎質素真係麻麻地, 係勝在夠大同坐得舒服

鴨脷洲呢間TREE CAFE 都真係幾隱世，位於海怡公貿頂層28樓，有Regular Table, High Table可以睇境，另外仲有一個小朋友Playground Area。適合一家大細😛Roasted tomato with thymeFruit + yogurt parfait平時有食佢地熱煮menu，今日有d熱氣就食個乳酪加湯♥️ 湯好足料，蕃茄同香料好濃郁，另外跟湯的蒜蓉包都好軟熟，Yogurt好新鮮同健康，少甜但都係鮮果的甜🥰

< TREE Cafe >海怡半島outlet入面隱藏係傢俬舖對海景既小cafe☕️ 影到海既地方唔多 有3-4個位左右 入面裝修大多都係用木嘅元素 影相都唔錯 行街行得耐上黎飲杯野 坐下都幾舒服既🛍-Latte $37正正常常一杯啡 size都算大杯 都係行開outlet去打個卡📷 佢個carrot cake都唔錯 不過食完先記得無影相🤪-📍TREE Cafe鴨脷洲利榮街2號新海怡廣場28樓

呢間cafe位於超多outlet嘅鴨脷洲新海怡廣場，好啱大家行街行到攰黎攤唞下。一岀𨋢門 會先見到超大間傢俬舖 (啲枱凳櫃餐具都超靚)，行到儘頭就會見到呢間cafe！TREE Cafe窗邊位景觀一流，寬敞恬靜，更設有kids corner！餐廳以輕食為主，有唔少三文治、蛋糕、批、沙律、意粉供選擇。不過價格略高，味道普通，勝在環境舒適，一場黎到hea返一兩個鐘會抵啲。▪️Carrot cake $65蛋糕濕潤，肉桂味超濃！夾雜住蘿蔔絲同提子乾，甜度恰到好處。(原本以為carrot cake好難難食，但我錯了，最近食左另一間超結實超麻麻。相比之下，呢個綿密得黎不失柔軟。即刻高分左好多)▪️Iced chocolate $38紙杯裝嘅凍朱，超普通！好有m記嘅味道。好無誠意嘅熱朱古力加冰，搖都無搖匀▪️Mango & Strawberry Tea $30用上Dilmah茶包，基本上唔會伏

We try it during lunch time with my friend as she suggested it. The chicken avocado sandwich was good. I recommend. The 🥖 had been cooked recently.Smoked Salmon salad was also fresh and good.We tried their Banana cake too. I like it but my friend was not a fan of it.Their hot chocolate and Cappuccino was also fine.Their view to the sea is amazing ( if you are lucky enough to get a sea view seat )Try to reach there before 12:30 so you can have good seats

Long weekend無所事事,走咗去鴨脷洲傢俬店window shopping, 發現28樓有一間好靚嘅傢俬店,裏面有cafe喎,咁就順便醫肚食埋個brunch啦。一行入呢間cafe,已經畀佢好靚嘅裝修吸引住,而且仲有個sea view,真係kill time 好去處。我哋嗌咗一杯mocha,一杯latte,飲品價錢合理standard味道;仲叫左牛肉批同埋New York Cheesecake;就覺得食物價錢少少貴,質素更加一般,全憑個環境同埋sea view鄧番勻個價錢。如果行開黎鴨脷洲,順便嚟呢間餐廳食嘢,坐返一兩個鐘,又抵返晒嘅。

去海怡半島睇傢俬，行行下見到有間隱藏Cafe有意粉/三文治/蛋糕等選擇，個景又唔錯，就試下佢啦Cafe內座位唔算多，但好寬闊，所以坐得幾舒服一邊食野一邊可以望住海，好寫意先去收銀處落單比錢，再有拎餐提示鐘，個鐘響既時候自行拎餐Spaghetti Bolognese (Beef)蕃茄汁好開胃，不過醬汁比較少，食既時候偏乾身意粉面加左少量芝士Mocha咖啡味偏淡，朱古力醬偏多，飲起上黎成杯似熱朱古力多d，唔推介