Twinkle Baker Decor (希慎道)

营业中

休息中

人肯定要時不時食下滴甜品噶，上班總是遇到滴心煩事，要抽滴時間去穩穩甜品食食，令自己開心滴，放鬆一下。哩間蛋糕店噶蛋糕就能令我瞬間開心啦，因為個賣相已經夠曬得意啦，體見甘可愛噶蛋糕仔，點會吾開心呢，而味道就中規中矩啦，同出面噶蛋糕店差不多，不過都好好味，獎勵下自己值得噶。

今次有人離職，可以試下個散水餅，同事買咗「茶記推介」扮清糕套餐，聽個名應該即係話茶餐廳嘅味道都有，我仲期待會有菠蘿油味添🤣今次呢盒cupcake有七隻口味，凍檸茶、可樂煲薑、紅豆冰、港式奶茶、熱咖啡、好立克、奶醬多。外表精緻紅豆冰真係兩粒紅豆，凍檸茶真係有支飲管🥤以藝術嘅角度嚟講幾靚！不過味道就真係麻麻地，cupcake上面嘅糖霜同cream好甜，味道亦有啲科學，唔推薦買呢類得嗰樣嘅食物🙈食咗都無益。

又到星期五喇！TGIF公司好驚喜地為同事們安排咗下午茶！話有mini cupcakes 🧁 之前都試過安排唔同cake shop嘅但係呢間cakes嘅賣相最吸引！尤其是我本身極愛呢種粉紅色😍見到都流晒口水～大家都會打卡！仲有單眼仔嘅樣😂粉紅色呢款除咗賣相吸引，口味都係我鍾意嘅白桃💕食落唔算太甜，因為有真嘅桃肉喺裡面，鮮甜，而唔係成舊糖咁😂上面件好似macaron嘅物體係棉花糖嚟嘅～單眼仔係綠色，但裡面係朱古力口味；盆栽係綠茶味；藍色係黃桃味，但我食到earl grey味更濃，幾好味散水餅/party之選！

The cake was bought for my daughter’s birthday. We didn’t have to order in advance. I did buy the cake the day before the mini party and still tasted just fine. The kids loved the smarties that was hidden inside. The smarties were all gone before the cake was finished. Highly recommend this cake for kids party.

好鍾意呢間蛋糕店佢哋嘅蛋糕賣相超靚之外🥰味道都好出色近排新出嘅兩款蛋糕都好吸睛分別係紅鶴樂園同埋燕尾蝶🦋 隻蝴蝶太靚啦所以就揀咗燕尾蝶.燕尾蝶 $368蛋糕以士多啤梨慕絲、士多啤梨果醬、士多啤梨脆珠及士多啤梨鬆餅製作而成口感非常豐富 士多啤梨慕絲食落好soft😌海綿蛋糕夠晒幼滑👍🏻同幕絲嘅口感好夾海綿蛋糕夾住士多啤梨脆珠 但脆珠淋晒勝在底層加入士多啤梨脆脆🤩拎返唔少分增加唔少口感 慕絲同脆脆嘅口感形成好強烈嘅對比🤤喜歡士多啤梨🍓嘅朋友推介試吓.當然如果自己一個食一定唔會買一大個啦😅另外迷你版 $48嘅可以兩個朋友share

🎈少女心氣球藍莓芝士蛋糕🎂今年已經係第2次食佢地嘅蛋糕🍰個樣夠靚味道又好 有外表又有內涵✨🎂熱戀氣球$368聽個名都夠哂港女🤣因為真係送埋個心形氣球比你面頭啲彩色波波食落係棉花糖口感外層漸變色食落係有脆口感 咬落去似忌廉係口腔溶化嘅感覺入面有朱古力海棉蛋糕同藍莓芝士慕絲夾心仲有啲好qq似jelly嘅藍莓粒粒成個蛋糕唔會太甜 打卡又一流📸-📍Twinkle Baker Decor (銅鑼灣)銅鑼灣希慎道8號G02號舖

朋友仔生日又食唔哂大大個蛋糕上網搵到twinkle有細細件既餅買之前淨係買過佢地啲cupcake估唔到仲有呢啲件裝蛋糕買！一人一件仲可以share唔同味而且有好多款可以揀 完全好岩心水XD啲款好靚 味道都唔差 下次可以再試下其他！(好似每期既款式都唔一樣 夠哂新意)

母親節就快到👩‍👧娘親一向都唔係太鍾意食連鎖嘅蛋糕😪太悶同埋質素太普通所以今年搵咗特別少少嘅老母節蛋糕😌母親節既蛋糕7/5或之前買有88折優惠🤑.#尊貴媽媽 $428/ $376👈🏻折後價外層有小小竹炭粉 再灑上金箔 👸🏻成件事高貴晒蛋糕未切開前 已經聞到好香嘅芝麻味🥰入邊係黑芝麻慕絲 慕絲同出邊食到嘅有少少唔同呢款食落一啲都唔會膩 😳 而且好幼滑細膩👍🏻芝麻味好突出😋唔會太甜 連娘親都鍾意食黑芝麻慕絲包着 三層朱古力海綿蛋糕🍰最夾少少芝麻醬 海綿蛋糕夠晒濕潤幼滑💯同幕絲嘅口感好夾😌.另外仲有🎂吻出愛意 $388/ $341👈🏻折後價無花果慕絲 無花果果肉、朱古力海綿蛋糕🍰🎂愛的香氣 $388/ $341👈🏻折後價雲呢拿幕絲、雜莓醬、原味海綿蛋糕🍰.🙈其實不論你送咩俾媽媽👩🏻報答佢 一定係最珍貴最獨一無二既禮物😘

朋友生日，想食紫薯蛋糕，但又唔想買普通蛋糕鋪個啲款，碌碌下instagram見到呢間，個款好高級，而且可以wtsapp訂，好方便！所以就釘咗！係有啲難揾路，但好彩店員好好人比tips就揾到la！

話說前排新年要上親戚屋企向長輩拜年，諗緊買咩禮好既時候，經過twinkle，見到呢個小壽桃與其好罕甘送曲奇朱古力年糕呢類禮物，不如就買個蛋糕上去一齊影+食唔好錯重點（喵星人係後面猴實個蛋糕）🙈 睇返個蛋糕外面既「小蒸籠」係幾甜既白朱古力，桃係mousse，中間有粒桃扮蛋黃下層係海綿蛋糕加士多啤梨同cream。當然，食呢類型甘可愛既蛋糕，你唔可以期望好好味，味道方面似美心，造型可是💯分，大家都覺得好得意，值得一試最後附上其他出品俾大家參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

前一排先見到呢間蛋糕店！但因爲買相太可愛忍唔住就買左2件cake試下。提早慶祝聖誕節我買外賣左一顆聖誕樹（$50)和一個雪人（$46)造型的蛋糕。蛋糕的造型好精致，尤其係聖誕樹！聖誕樹的外層是朱古力，切開裏面就是抹茶Muse！抹茶Muse茶味濃郁，不甜。餅底下的Nut很有口感。如果喜歡甜食的朋友一定要連外面的朱古力一齊食。雪人紳士：雪人外層白色的cream原來是3.6 的牛乳！！牛乳味重而且cream很幼滑，切來裏面是紫薯茸！呢2樣都係我的最愛！呢間蛋糕店唔係的個樣，而係有樣又有内涵！下次見到有新產品應該都會認不住買黎試下。

前兩日同同事放工行經呢間蛋糕店，見到佢出左件細cake係聖誕樹同雪人，今日lunch就同同事將佢買返公司食！聖誕樹（$50），聖誕樹的外層用上了色彩繽紛的朱古力碎，樹上還有一粒星星，睇落已經好靚！內裡有綠茶味的慕絲，茶味都算幾濃，食到茶的苦澀味，最內層還有紅豆蓉！整體不會很甜很漏！紳士雪人（$46），外層雪人白色的部分是牛奶味的慕絲，內裡有估唔到既紫薯！牛奶加紫薯就好似食雪糕的味道一樣！下次要試下佢新出我芝士蛋糕同埋cupcake，睇落好似好吸引！

要去食朋友生日飯，又要搵地方買蛋糕。朋友比較攪嘢，種意D特別啲款式，諗爆頭。經過這店，睇到有個壽桃廣吿，掂。走入去買，點知已經賣唒，其實都五，六點，都係正常。店員好好人，幫我打電話去其他分店check，終於話尖沙咀美麗華商場有，梗係留俾我，即刻飛地鐵去攞。見到實物，比想像中更似壽包，好多仔細位都做得好好，讚。連個蒸籠都好似同食得。Size吾大但幾個人食都夠。係餐廳切蛋糕時，朋友見到真的好開心，他極種意壽包。不枉走來走去搵這蛋糕。價錢可以接受呢。😁

朋友生日想買個特色蛋糕送比佢，去咗呢間Twinkle小店，雖然細細地，但蛋糕款色都算多。第一眼見到格仔餅呢個港式蛋糕，就睇中咗佢，覺得佢好有香港風味！加上又未試過呢類型嘅蛋糕，就一於買嚟試試。 價錢都ok，$168細細地，包埋一枝金色蠟燭。其實原本想係鋪頭買埋特色蠟燭，但只有一款數字蠟燭，顏色唔太靚，最後用返佢包個枝。我哋食完lunch之後，就順便係餐廳切埋個蛋糕。味道真係同格仔餅一樣連口感都有少少似，因為佢有啲nuts，變到脆脆地。我哋最surprise係個蛋糕面頭真係有啲白砂糖真係好似。但蛋糕來說，我同朋友都覺得太甜，覺得一般，我哋都係喜歡有軟綿綿加有啲cream嘅蛋糕

本身想請同事食某T Cupcakes, 點知睇睇下見到Twinkle cupcake “扮清糕”, 又俾啲同事試下新野啦😋. 點知入到去見到啲件裝蛋糕, 諗左5秒, 立馬轉軚🙈@$45/件一打開幾個同事都“嘩!嘩!好靚呀😍”我揀左芒果，好味，但芒果味可以重得就好啦😋 驚喜在白色那個, 對! 就是那個! 你以為係cream? 錯啦, 原來佢係棉花糖👍雖然價錢拍得住某燉蛋，但係食得開心就唔計得咁多😂