UFUFU CAFE (Tower 535)

营业中

休息中

餐廳環境超舒服，和風木系裝修，播住輕鬆音樂。主打和洋料理，蛋包飯，pizza, 甜品同咖啡都幾出色。晚餐menu可以加$38 或者 $48 upgrade 套餐。有餐湯, 飲品同沙律。🌟餐湯今日係忌廉玉米湯，濃淡適中。🌟鹿兒島和牛漢堡蛋包飯必食！成日見到人介紹，果然係好東西😍和牛漢堡超級juicy!一切落去，爆晒汁😆表面煎得香口，內裡肉汁豐富肉味濃。滑蛋好嫩滑，飯底係茄汁炒飯，炒得幾香，加上甜甜的日式咖哩，超好食👍🏻🌟照燒雞肉和風汁意粉意粉比我想像中多汁，看似清淡，但調味剛剛好，係和風鰹魚湯👍🏻照燒雞肉幾入味😋🌟泡沫咖啡精選咖啡豆沖泡的咖啡，味道香濃，加入鮮奶，變得幼滑🤤🌟餐廳環境真係好舒服，靜靜地同朋友食左個寫意晚餐👍🏻

佐賀的Cafe品牌，甜品由日籍甜品師設計，擺盤非常 igable，到店必試嚴選咖啡豆沖泡的咖啡，悠閑悏意。✨蒜片大蝦蕃茄汁意粉大蝦爽口彈牙且非常大隻，意粉掛滿蒜甜蕃茄汁，清新開胃✨芒果派對到店必食西多士系列😋擺盤精緻，色彩繽紛，igable！厚多士即叫即烘，多士外層脆口內裡軟綿，伴上清新芒果醬和幼滑忌廉，加上鮮芒果肉，味道酸甜清新，必試精選✨牛乳八女抹茶抹茶控必喝！八女抹茶茶味香濃，帶有微微茶澀，口感順滑，讚！✨鮮奶咖啡咖啡味特濃，口感綿密UFuFu Cafe 📍銅鑼灣謝斐道535號Tower 5351樓101-102號舖

朋友話呢間嘅法式多士好好味推介我去食，足料大份又好味，今晚就過黎食個dinner。只要叫一個主菜就可以用優惠價加沙律/湯/飲品等，我地就三樣都叫哂。沙律沙律新鮮爽口，醬汁酸甜開胃。蘑菇忌廉湯濃郁嘅蘑菇香味，入口幼滑。鹿兒島和牛漢堡蛋包飯和牛漢堡煎到外面焦焦地，一咬開好juicy，牛肉味濃郁，咖喱飯好惹味，配埋薑一齊食可以降低油膩感。沖繩雜果梳打入口酸酸甜甜，梳打好夠氣。草莓家族法式多士用左牛奶浸泡再用牛油煎香，食落外脆內軟，士多啤梨香甜，牛乳雪糕好濃郁。

坦白講，呢間Cafe冇乜特別，無論裝修、服務、食物、飲品都冇特別𪄴喜，但又唔係差，去咗唔會覺得後悔，只不過未必會令你再次光臨。食物係中規中矩，用餐當日啱啱落咗場大雨，所以前菜揀咗是日餐湯，飲落Creamy嘅，夠熱。朋友揀咗沙律，佢都話OK。主食我同朋友share 「蒜片大蝦蕃茄汁意粉」🍝同埋「番茄羅勒」pizza 🍕，其實味道係可以嘅，只不過冇乜特別，唔會令你留下深刻印象。Coffee ☕️佢哋係屬於大杯嘅，味道都係Standard。餐廳就冇乜特別嘅打卡位，不過都適合女仔嚟慢慢食吓嘢，傾吓偈嘅。

剪完頭髮唔知食咩好，髮型師就推薦我去對面tower 535呢間cafe，環境以木色為主，座位寬敞，坐得好舒服，呢度仲有好多款甜品真係啱晒我。鹿兒島柑橘梳打Tankan柑橘味味道酸酸甜甜，非常解渴。蜂蜜四色芝士薄餅芝士味道超級濃郁，芝士有拉絲效果，另外可以加上蜂蜜一齊食，味道甜甜地。照燒雞肉和風汁意粉照燒雞肉口感嫩滑，意粉軟硬適中剛剛好，吸晒和風汁味道。吉士忌廉芒果芭菲芒果砌成玫瑰花一樣，好靚，芒果香甜濃郁，吉士忌廉入口幼滑，口感完全唔會膩。

餐廳：UFUFU CAFE地點：銅鑼灣Tower 535菜式：日式咖啡店餐牌：咖喱蛋包飯，牛扒，意粉，烏冬，比薩，沙律，小食，法式多士，巴菲杯，甜品，飲品。美國西冷牛扒配日式洋蔥酸汁 $178 另加一美國西冷牛扒大大塊，牛味唔錯，整得8成熟左右，連少少筋，好多肉汁。伴有日式洋蔥酸汁，酸酸地好特別。配車厘茄，日式茄子，法邊豆同粟米粒，蔬菜量豐富。炸薯條係幼身，好脆口，配有茄汁。晚餐主食加$38另加一就有沙律，湯同飲品任何兩款。湯係忌廉粟米湯，暖暖地上枱，夠滑同杰，仲有粒粒粟米粒咬下，面頭加有香草。沙律係沙律雜菜底加車厘茄同粟米粒，加有簡單酸汁，新鮮開胃。叫左兩杯Parfait，賣相頂呱呱，又大杯。草莓物語Parfait $88 另加一草莓物語Parfait有高高既滑溜香濃牛乳軟雪糕，下底有香滑吉士忌廉同新鮮士多啤梨片，最底係黃色吉士加脆片。配有酥餅一件，加有薄荷葉同花裝飾。另上一兜士多啤梨醬，比你自己加。牛乳軟雪糕唔易溶，非常滑溜，牛乳味濃，好正。忌廉滑溜而味道唔假，配士多啤梨好夾。而酥脆酥餅可以加添口感。呢杯Parfait好味呀。Basque芝士蛋糕雜莓Parfait $88 另加一B

中午嚟到食lunch set超級抵包含沙律莧菜，是日餐湯再加一個煮食仲有飲品只係$98起我哋分別叫咗兩個一個牛肉壽喜燒烏冬，另一個牛肉漢堡扒配蛋包飯野菜沙律特別喜歡沙律醬汁，酸酸的好開胃是日餐湯蘑菇忌廉湯，忌廉味超級濃郁喜燒牛肉烏冬 份量非常足夠，而且係用火鍋形式呈現，牛肉份量夠多，而且烏冬係用上稻庭烏冬，所以非常煙靭有咬口，湯底受起汁湯鹹鹹甜甜的好好味鹿兒島和牛漢堡蛋包飯呢個蛋包飯超級有驚喜，表面滑蛋超級香濃柔嫩嫩滑，漢堡扒仲好Juicy，非常之多肉汁好香，配埋醬汁成件事超級下飯檸檬茶八女抹茶多士食完lunch set唔夠喉，一定要試埋呢一度最出名嘅甜品，同朋友都特別喜歡吃抹茶，所以我哋叫咗抹茶口味嘅French Toast配搭非常豐富，除咗French Toast之外仲有白玉，紅豆蓉，鮮忌廉同埋士多啤梨French Toast非常之鬆軟，好香蛋味配埋先忌廉超級香濃，同抹茶味道好夾，完全解除甜膩感覺，紅豆仲保持住紅豆粒唔會完全溶爛，整體體驗非常不錯，中午嚟食真係CP值超高

上次去荃灣個間,主要食PIZZA同甜品🤭感覺岩食Tea 多d~~今次發現佢地銅鑼灣分店係有更多唔同日式主食選擇🤭🤭除左有基本Pasta 外, 仲有壽喜燒烏冬同日式蛋包飯添🥘今次就同朋友叫左一人一個Main帶子明太子忌廉意粉(HK$128)壽喜燒烏冬(HK$128)今次甜品就叫左個Caramel Banana🤭同樣有球雪糕係入面~ 雖然係Caramel,但相比一般食到底都唔算太甜,個人覺得都岩岩好🍨

約了朋友吃飯，今天他說想吃日式食物，所以約了他來這家餐廳吃一些日式fusion菜。吉列豬扒蛋包飯 $158晚市套餐 +$38選擇了一個蛋包飯並且加價升級成晚市套餐，包括飲料和湯品，今天的湯品是玉米濃湯，喝下去很暖和。吉列豬扒蛋包飯有不同的醬汁可選，選擇了咖喱醬汁，味道香濃，吉列豬扒的外皮酥脆，而飯底採用了番茄醬炒製，配上蛋包一起食用很美味。蜂蜜四式芝士薄餅 $138晚市套餐 +$48博多甜王草莓梳打 +$10另一個選擇了芝士薄餅，同樣付費升級成晚市套餐，這次包括Salad、湯品和飲料，另外付費轉成了草莓梳打。Salad味道清爽，湯品同樣是玉米濃湯。草莓梳打甜度不算很高。蜂蜜四式芝士薄餅一共有六塊，薄餅底有一定的厚度，咬下去有彈性，表面的芝士香氣濃郁，淋上蜂蜜的鹹甜口感交錯。

壽喜燒牛肉烏冬 $128壽喜燒湯底鹹甜適中味道柔和而不失惹味烏冬口感煙韌、掛湯牛肉有三、四大片牛味尚算突出三色芝士蛋包飯 $98蛋包飯有驚喜雞蛋嫩滑蛋味濃郁日式咖喱汁偏甜🍛滑蛋、咖喱汁、芝士同飯一啖過食估唔到又幾夾有四款配料(提子乾、福神漬、椰絲、炸蔥)可以加福神漬同咖喱最夾八女抺茶雪糕配法式多士八女抺茶雪糕勁好食💯抺茶味濃郁🍵質地幼滑配搭兩面焦至金黃帶微脆既法式多士一齊食🍞中和左多士既甜度好正🤩

👨🏻‍🍳UFUFU CAFE (Tower 535) (銅鑼灣)📍銅鑼灣謝斐道535號Tower 535 1樓101-102號舖 「真系麻麻地🙈」 朋友帶吃，為我慶生🙈佢之前食過ufufu既甜品話幾好食，所以再訪🙈不過食完有D卻步🙈🙈🙈 🍽️鹿兒島和牛頸肉咖喱飯 $128轉set +$48 加配湯、沙律、飲品 咖哩正常，和牛頸肉肉質好似牛腩🙈本身跟有4款調味料（椰絲、大根、提子乾、炸蒜），不過我地無加到🙈忌廉湯、沙律正常 ☕️Cafe Latte （再另加$10升級）正常，偏苦澀小小 🍰芒果派對 $138⚠️芒果太酸🥴🤢⚠️不過牛奶雪糕同法式多士搭救左小小🙈雪糕重奶味👍🏻多士煙煙韌韌有咬口👍🏻芒果醬同cream點吾點都差吾多。 不過店員服務好好，當時坐窗邊被太陽晒住，佢地即時安排坐第二個位。生日又有生日牌🫶🏻只系食物差小小🙈 #ufufucafe #ufufu #arigato_不了

呢日同大少、小妹去開銅鑼灣試堂，試咗一間一直好想食嘅Cafe。Cafe主打日式食物同甜品，店員服務親切，我哋都好期待美食來臨！我哋叫咗個晚市套餐，有湯有沙律有餐飲同主食，湯係小朋友最鍾意嘅粟米湯，粟米忌廉味濃；沙律夠Fresh；柚子梳打清甜解渴。照燒親子雞薄餅，餅底夠脆，薄餅上面有一嚿嚿雞蛋配埋照燒醬同雞肉，味道一流，又有口感。我哋仲叫咗個UFufu炸雞芝士蕃茄烏冬，烏冬非常彈牙，係一個撈烏冬，芝士同蕃茄汁非常濃郁。炸雞外層酥脆，咬落啲雞肉好多汁，正~最後係我哋最期待嘅甜品，芒果派對法式多士。多士外層香脆，內層非常鬆軟，麵包仲有蜜糖味，甜甜地，好好食。加上士多啤梨同芒果花型水果，水果新鮮清甜，食落唔會太膩！加埋非常滑嘅牛奶雪糕一齊食，簡直係味覺👅大享受。🤭

在街每次枱頭經開都想試吓，見到餐廳出面的裝修及燈光吸引，今晚忍唔住入去試吓….在Tower 535 上去原來要上樓梯，原來唔經條長扶手。入去睇menu 又唔係太多choice , 見佢哋住打都係pizza, 蛋包飯，意粉為主，係日式洋食吧⋯⋯好坐，舒服，干淨的，好日本🇯🇵feel , I like 😂 主食都正常… 叫了一個明太子帶子意粉、海鮮天富羅烏冬, 轉set $38 加湯加drink soda, 帶子煎完再整熟加分，意粉份量ok ， 個汁好味👍, 烏冬隻蛋凍的，而烏冬不是頂級貨，普通烏冬 👎 soda drink 就正常。之後再叫左desserts, 一個mango 一個banana, 反宜又好好食喎👍👍👍😂😂😂, 好有心製造和食落好有層次感….會再回頭的，但只限坐下傾下食下甜品嘅… 埋單$570 ok la …. 👌👍

呢日去開銅鑼灣出job，見到呢間落地玻璃嘅日式餐廳，就同同事上去食個晚飯，順便鬆一鬆。餐廳裝修日系，木系風，簡潔清新。晚市套餐可以選餐湯沙律嘢飲同埋主食。餐湯係甜甜地嘅粟米湯，沙律夠新鮮。尋日我要咗熊本甜橙梳打Dekopon，飲落酸酸甜甜又透心涼。主食我要咗吉列豬扒咖喱飯，加成咖喱夠晒香濃，豬扒外層卜卜脆，內層豬扒肉質鬆軟，成個飯非常好食。我哋仲叫咗個小食，UFUFU炸雞，炸雞外層酥脆，內層咬落有肉汁，醃得好入味，令我哋食唔停口。甜品我叫咗今期主打嘅山梨縣白桃芭菲。成個白桃響芭菲上面，清甜多汁;中間係冰凍藍莓、濃郁嘅牛奶雪糕同好Rich嘅忌廉;底層有吉士醬、雜莓同脆片。個芭菲非常出色，必食推介。

今日去開銅鑼灣出差, 經過Tower 535, 見到有間黎自佐賀嘅Cafe品牌. 於是唔洗諗就入去啦. 餐廳裝修開揚光猛, 一入門口就見到長長吧枱, 原來甜品同咖啡都係由日籍甜品師顧問設計。Lunch Set: 野菜沙律, 粟米湯, 壽喜燒牛肉烏冬, Iced Latte.野菜沙律 - 新鮮爽甜, 作為前菜非常開胃.粟米湯 – 濃濃粟米味帶點Cremy, 入口綿綿.壽喜燒牛肉烏冬 – 牛肉質素極高, 牛肉嫩滑味道香濃, 壽喜燒汁味道香甜. 鹿兒島和牛漢堡蛋包飯 – 呢個蛋包飯非常出色, 雞蛋細緻嫩滑, 蛋味香濃. 鹿兒島和牛漢堡細嫩多汁, 肉香濃郁, 漢堡柔軟酥脆. 配上惹味咖喱汁口感豐富有層次.Iced Latte – 咖啡和牛奶完美融合, 有一種細緻順滑的口感.沖繩雜果梳打 - 沖繩雜果梳打有多種水果香氣, 爽口順滑, 清新怡人, 非常清爽消暑嘅飲品