UFUFU CAFE (Tower 535)

营业中

休息中

朋友话呢间嘅法式多士好好味推介我去食，足料大份又好味，今晚就过黎食个dinner。只要叫一个主菜就可以用优惠价加沙律/汤/饮品等，我地就三样都叫哂。沙律沙律新鲜爽口，酱汁酸甜开胃。蘑菇忌廉汤浓郁嘅蘑菇香味，入口幼滑。鹿儿岛和牛汉堡蛋包饭和牛汉堡煎到外面焦焦地，一咬开好juicy，牛肉味浓郁，咖喱饭好惹味，配埋姜一齐食可以降低油腻感。冲绳杂果梳打入口酸酸甜甜，梳打好够气。草莓家族法式多士用左牛奶浸泡再用牛油煎香，食落外脆内软，士多啤梨香甜，牛乳雪糕好浓郁。