URBAN COFFEE ROASTER (美麗都大廈)

营业中

休息中

星期日同個朋友出尖沙咀食lunch聚下舊，食完lunch都未傾完，咁梗係再揾下場，可以坐底再慢慢傾啦😂呢間coffee shop係K11附近，舖頭細細，好適合大家坐底吹水，不過環境比較嘈，如果想傾下心事就差啲...但是店內環境絕對係一間幾適合打卡的舖頭。我地由4點幾5點坐到6點半左右，傍晚時份舖頭會熄燈，因為每張枱都有點一個小蠟燭，舖內變得昏暗但又帶著點點黃色的燭光，即刻變得好情調🥰🥰🥰係咖啡店，咖啡當然係主角啦！！！所以我地2個人，一人叫左一杯咖啡,我就叫左杯Mocha。另外再叫左一件豆腐慕絲芝士蛋糕share食我杯Mocha好好味另外，特別要讚個豆腐慕絲芝士蛋糕，好滑、好軟棉棉，味道好清淡但好好味，食完都唔滯

呢到食嘢重點唔係啲嘢食，係呢到嘅咖啡 ☕Mocha 好好飲，一啲都唔苦。朱古力同咖啡比例岩岩好 👍 (朱古力味偏重，不過我鍾意)拉花都拉得好靚架。 唔怪得之個個都話必飲!另外一杯Dirty 就有啲比下去啦…下次都應該唔會再叫啦雖然呢到出名咖啡，不過啲嘢食都唔差。黑松露薯條炸得好好，黑松露同沙律醬比例都唔錯，唔會搶咗味 🍟另外個雞肉都好嫩滑，可以試吓肉丸意大利粉賣相幾特別，不過食落都係咁啦，唔係好夠汁。個烤龍蝦意大利飯比較少肉，不過個飯就夠哂味

Urban Coffee Roaster係其中一間成日去既Coffee shop，佢地有自己品牌既豆，一盒盒咁，個盒都幾靚，同埋咖啡都幾岩口味，帶果香。Ice Latte ($45)餐廳一到傍晚五六點就會熄哂燈，幾舒服咖，成間餐廳都橙橙黃黃，每枱都會點一個小蠟燭，不過同朋友真係deep talk就唔好黎呢到啦，因為啲食客都好大聲既，哈哈氣氛太好，岩一班人開心吹水多啲，有酒呀、手工啤飲添，手工啤都幾多選擇。無影到成日黎親都食既黑松露薯條，即叫即炸，個黑松露醬真係好好食！一定要試！

今日難得放半日假,要對自己好d去左一位難求既依間咖啡店位置雖然近k11,但唔易搵...去到十點幾,都坐左一半位了...假日遲少少都唔洗諗....望住餐牌,價錢比其他小店貴兩成埋單重要加一....確係高價Anyway, 點左杯Latte同黑松露芝士炒蛋包賣相非常好先講咖啡,用左偏酸既豆,眼前一亮味道不錯,只係份量好似少左d到個包,炒蛋大份,面頭有黑松露同芝士味道好,係個包普通d嘆個靚早餐,代價係...$163....總括黎講味道係好既,但價錢對我黎講偏貴下次飲咖啡算.....以上內容只反映本人立場,如有雷同,實屬不幸

大隱隱於市呢間餐廳融入係尖沙咀一角餐廳唔算大，但專門劃左一區沖泡咖啡同朋友一共叫左:🍟黑松露炸薯條🍟係我鐘意既粗身直薯條即叫即炸，頭幾條熱到辣嘴個醬好香黑松露味，添左1次醬😋.🥗烤哈羅米芝士粟米沙律。意大利黑醋🥗好得意既配搭塊芝士勁似雞肉既外觀&口感要嚼到後面先確定自己食緊芝士🤣沙律菜夠新鮮夠爽.🍝雜菜芝士千層麵🍝份量比相像中細成個盒仔咁，不過入面每啖都食到蔬菜南瓜，茄子…成道菜都充滿蔬菜甜味.🐔露絲瑪利燒雞(半隻)🐔肉質比較鞋，略嫌唔夠嫩滑雞肉本身冇咩味，一定要沾醬汁食先得啱口味清淡既朋友🤔.🍨伯爵茶布朗尼。雪糕🍨可能之前正餐都幾滿意甜品比較令我地失望一上碟，個2件brownies 好細件再配一球好細既雪糕Brownies食唔出伯爵茶既味道😓.成餐飯都食得幾開心，感覺好悠閒侍應服務幾好主菜既配搭有新意係甜品相對比較失望下次日頭去要試返杯咖啡☕️

餐廳環境好舒適，而且有啲Quote係牆上，幾啱打卡。但食物方面，價錢貴但質素又不太相符。肉醬千層麵 |千層麵係咁多碟餸入面最好食，芝士肉醬味道鹹香，每切一部份都會有拉絲，但份量很細。Rosemary 烤雞 |烤雞皮很香脆，但肉質有點乾，只有雞脾位最滑和有汁，其他部份都十分鞋身。烤羊胺 |羊肉煮得很生，但煮得生肉質又不軟，初時以為烤會比較香和有點焦，會有微脆，感覺挺失望。龍蝦意大利飯 |意大利飯不錯，汁不會太水，剛好黏著飯，但龍蝦煮得過熟，肉很 un 慢煮雞胸肉牛油果藜麥沙律 |沙律汁都還好，酸酸甜甜的，但雞肉又是鞋得很誇張，吃完一口就不能再吃了。黑松露薯條 |薯條份量也很少，而且也不太熱，有啲腍身了。但黑松露醬就很香。朱古力 |飲品唯一把分加回，這幾杯Chocolate都很濃郁朱古力味，而且分別係70%和80%的朱古力，但不算很creamy。

今日同朋友帶我黎飲咖啡食brunch，佢之前就話唔錯架啦，一直都話要帶我黎試下，今日終於有機會一齊試試啦！我覺得個咖啡還可以啦，聞落唔算好香，個味偏向水果甜，我就真係麻麻呢個味。我叫左個Benedict蛋竹炭包，我勁中意食benedict蛋！成個蛋最重要係要荷蘭醬整得好食！！荷蘭醬係呢個蛋既靈魂🤤🤤但呢間咖啡店既荷蘭醬得少少，味又普普通通，真係唔會吸引我再食多次。另外，我地都叫左個牛油果沙拉，正常既，不過不失。

放工又未到食飯時間！落雨又唔想行街！同朋友想搵個地方傾吓計！又唔想去連鎖式咖啡店！行過見到呢間，感覺好似幾舒服！就入咗去試吓見到其他人的咖啡拉花非常漂亮。。心郁郁好想叫一杯嚟試吓！但又怕夜晚會瞓唔着。最後點了一杯Green tea latte 🍵 ！ 出乎意料之外。。green tea latte 都好用心，有拉花！望落去已經覺得好吸引！味道仲要唔錯！綠茶的味道好濃郁！好飲過連鎖咖啡店的green tea latte ! 讚！有heart !

一直在尖沙咀一帶多有流連，而且更喜歡找個地方寫東西，所以可以待得久的咖啡店一直是首選。而Urban Coffee Roaster 更是比一般咖啡店提供更有水準的食物，每星期更改的餐牌，總是會帶來驚喜。 咖啡店又怎少得一杯好咖啡？自家工場炒豆，每款咖啡豆均有其不同產地和組合，店裡的牆上都會寫上當天有的咖啡豆，可以soft brew，又可以飲易入口的flat white，latte。食物上，除了大眾口味的all-day breakfast，還有特色的火腿芝士焗多士，厚厚的多士焗得非常香脆，加上香口的火腿和芝士，一脆一軟的組合，是早餐和下午茶的不錯選擇。 若然想再食飽足一點，肉醬闊麵亦是很有驚喜的，選上美國牛肉絞碎，有別於平常有厚厚芝士覆蓋著的感覺，只是薄薄一陣的在頂層。醬汁也是相當少，食下去一點也不肥膩。 晚餐想食豐富一點，也可點上廚師推介菜式。這次嚐到的是燒乳豬配烤雜菜，選上了乳豬的腩位，烤焗的很香脆，而又不失肉汁。食下去那濕潤的口感，真的讓人回味。

呢度嘅裝修設計，可能比較適合2-3人飲杯野影相打卡，因食物選擇唔多，味道一般般。串燒Salad，見識少討論左陣係咪西洋菜，配搭感覺係新奇，未試過咁食法。意粉比較細碟，今次係一大班女仔食其實唔方便share，只可每人試一啖。千層飯賣相都幾colourful，幾的骰丫龍蝦意大利飯好似係芸芸之中好食啲，起碼唔會無汁唔夠飽無咩肉類選擇，試下雞但無咩特別飲品方面，應該出名係咖啡但食晚餐無叫到，fresh fruit juice係枝裝現成所以亦無叫到。我地黎慶祝生日嘅 氣氛差啲啲 職員都係黑口黑面，仲有呢間餐廳入面係無洗手間，要去K-11🙈

自己近期愛上食沙律，lunch time既時間行過喱間餐廳，發現有最愛既慢煮雞胸藜麥沙律，即刻入去試，walkin入既話都要等一至兩張枱，大約10至15分鐘左右。一入到去，枱與枱之間既距離都ok，不算太迫😂我覺得佢個杯Espresso Tonic幾特別，易入口，入口會有汽既咖啡👍🏻👍🏻👍🏻而雞胸份量都正常，藜麥份量多少少會更加好，女生食份量就差唔多，男生可能就唔夠整體都係幾好，會再返黎試其他野😉

<跟女朋友吃飯系列•二十七>女朋友公事上遇到西客，決定去吃甜品輕鬆一下。尖沙咀甜品的選擇不多，決定去此店嘗一嘗。位置方面此店坐落於K-11附近，但暗黑的街道燈光卻不容易找到此店。門面方面文青的格局令此店加了不少分數，加上門外有三張椅子給客人安坐，十分貼心。內在環境方面帶出了一個深入的主題，就是吃就是為了生活！餐牌方面中、英皆有，但好像有點破舊，或許這是此店的特色吧！食物方面點了1）羊肉沙律；2）焦糖燉蛋薄餅；3）此店的主題「咖啡啤梨」。1）羊肉沙律共兩串羊肉，燒得挺好吃！配上羽衣甘藍等新鮮的沙律菜，但就顯得格格不入！2）焦糖燉蛋pancake共三層，只有最頂個層係焦糖，但也只是最頂個層好吃，其餘各層弄得有點燶，且醬有點少。3）咖啡啤梨或許此菜式是此店最出名的甜品之一，但吃下去有點名不副實，啤梨內並沒有雪糕，感覺只是平平。總結而言，此店的環境挽救了不少分數，但食物就感覺一般般，不過在尖沙咀中卻是一間性價比高的餐廳！

之前試過銅鑼灣分店，d食物質素非常impressed。 今日經開尖沙咀分店，決定入去食過返尋味。英式和牛漢堡，和牛非常juicy，配搭新鮮洋蔥、生菜、番茄，大大滿足左味蕾。雜菜芝士千層麵，出邊主角通常係麵，但係呢度主角係雜菜，有好多的蔬菜。呢個配搭重新定義左我對千層麵的口感味道。Mocha 香滑Flat white 奶味濃郁 總括來說，呢間Coffee shop 絕對值得推介。銅鑼灣分店會比較清靜，可以有多一分安適。

同事帶隊來試，雖然在K11西面的小街名叫碧仙桃衔，但如果自己來會比較難找到。星期五午餐1245分到，已經九成滿，環境舒適也有精心設計的工業銅feel，lunch menu好吸引，價格已包飲品。我是個食肉獸，但我被大菇水煮蛋烤芝士包吸引住，好正的選擇，芝士烤得很香，我同事試了一口真的以為是肉，竹炭包上下面烤香而且有很多芝麻，配新鮮牛油果浆，真的有在new york city食brunch的感覺。不要以為一個包的份量不夠飽，入面有兩隻水煮蛋，蛋黄汁沾包吃，真的會好飽。同事們點了豬腩包和龍蝦包，都十分滿意。最後試埋cream brulee pancake, 不太甜，好好味。餐飲黑啡跟外面的超班好多，值回票價。加一個同事加三十元試手沖咖啡，好好的享受，飲完他仍不斷口中回味。

約左朋友睇戲，晨早流流，梗係要食返個All day breakfast 啦。 urban coffee roaster 咁出名，地坊又夠chill,又近戲院，於是約好嚟呢度食。打開menu真係大開眼界，居然有咁多款唔同嘅早餐，又burger,又sandwich,又salad咁唔同配搭。令人心大心細，眼花撩亂。我最後揀左avocado toast 加eggs Benedict。 朋友就要大菇burger, 同樣大份好睇又好食。材料新鮮滋味香噴噴。食飽成個醒神。食飽就再嘆返杯。我點左matcha latte，唔會太甜，綠茶香濃 😋 值得一飲。朋友飲cappuccino，佢話泡沫幼滑好飲，值得推介👍🏻