UURO

营业中

休息中

以前”itamama”的位置⋯經裝修後變了現在的”uuro”。在itamama裝修之前，我已經放棄了來這餐廳，他們的食物品質雖然未算得上出色，不過只是食個早餐是可以的😌當時在沒有調整價格之下，靜雞雞將食物嘅份量減少了😓⋯感覺有點被騙😅現在，裝修和改名之後，見到大部分一面倒的食評，更令我有點卻步⋯今天適逢有事需要一早到這裡，在東港城早上七點可以食嘢嘅地方唔多，唯有試試⋯裝修後內部地方大了很多，有些員工亦會主動同客人打招呼、講早晨👍🏻，食物選擇多了、價格上升了🔝，不過味道還是可以的👌🏻

呢間嘢啲意粉/飯類就真係一般( 試過唔會再試）但自從改咗名同裝修 多咗門口做特色麵包呢part真係全間店嘅靈魂暫時試過幾个唔同款式全部都有8分以上個人認為， 性價比完勝附近嘅A1/山崎/Panash 推薦：1.紅莓牛角包$20， 即使凍咗都脆， 唔油膩, 仲有啲紅莓點綴下， 少少酸酸甜甜咁 , 唔使咁dry （以下兩款， 請原諒我食咗d先至拍圖, 因為實在太好食, 忍唔住要出post)2. 圖片芝士撻$9， 細細件， 諗住試下 , 點知超級好食， 皮鬆軟， 個餡又好食, 好食過一田裏面麵包店嘅芝士撻多多聲3. 圖片香菇法包$18， 勁多菇片， 法包勁鬆脆， 搽咗層牛油先焗, 最估唔到係原來仲有層沙律醬， 滋味滿分， 抵過食pizza, 如果好彩最底係法包嘅外層，就成件都超鬆脆仲有試過芝士煙肉軟包， 雞批， 類似曲奇嘅餅乾塊等， 都ok但未至於好精彩重點係， 試過幾次傍晚去買， 啲麵包竟然係仲暖的， 佢傍晚五六點都有幾款麵包新鮮出爐， 每次都只出十個八個， 保證新鮮會繼續試下佢其他唔同款

難食，份量少，千層麵簡直垃圾，冇誇張，好難食，唔好比第一啖呃咗，第二啖開始，你係食緊一舊麵團。服務趕客，坐又唔舒服。唔會再食。難食真係重點。🤮🤮🤮🤮🤮🤮🤮

{經典肉醬千層麵- $75}又係劣評時間，東港城入面呢半年好多餐廳做唔住消失咗，呢間意樂集團又突然大裝修改名再來，裝修勁耐都唔開唔講以為起緊金字塔！開業以來日日排長龍，我仲以為好正！有睇開麻甩佬食評嘅你都知道本麻甩對於肉醬千層麵係無法抗拒嘅！呢間都唔例外，睇完餐廳都係100%即叫千層麵！實在係大失所望，首先索價75蚊叫埋飲品加一埋單要成舊水，然後俾我一個兒童餐嘅份量！包糖都差唔多大過佢！不過間間餐廳進取度唔一樣，估佢唔到當自己輸經驗！不過食落仲勞氣！作為食千層麵經驗豐富嘅麻甩話你知，千層麵唔Q 係咁整架！係一層麵一層肉醬咁疊上去連埋芝士咁焗架！大佬呀，你十層麵上面淋肉醬，不如搓舊麵團直接焗咗佢算啦！可能係有計劃嘅，食物份量減少，再令你食到一肚氣飽哂咁走，可怒也！美味程度：😋環境指數：🎇番食機會：🦍📍 #UURO (將軍澳)將軍澳重華路8號東港城1樓188號舖

試新嘢堂食，之前星期一至五，只是買麪包+咖啡外賣，今日兩大一細，三個早餐，共$135，麪包新鮮熱辣辣，感覺西式比較好有驚喜，烤粟米🌽好味道，豬扒好過其他茶餐廳，起碼有厚度有口感，不是紙皮，凍檸茶有檸檬🍋味🤪，沙嗲牛肉麵OK牛肉好味😋，個芝士panini 外脆內軟，咖啡☕️ OK，不過熱飲個杯超保暖，小朋友杯熱朱古力，攤極都咁熱另外搵杯倒出🫗攤凍，見很多街坊試新嘢，新店，感覺乾淨企理⋯⋯好過附近D連鎖茶餐廳。

琴晚去到餐廳🚙🚙🚙職員主動 問幾位 🙋🏻‍♀️🙋🏻‍♀️🙋🏻‍♀️🙋🏻‍♀️好有善地帶位到入座👍🏻隨後我地就點左幾味菜西班牙飯 必食推介 超好食😋🙆🏻‍♂️辣味肉醬 pizza 依個冇得輸 👍🏻💁🏻‍♂️💁🏻‍♂️💁🏻‍♂️Tiramisu 都吾差 跟餐加少少錢就可以有得食杯西柚soda 調得岩岩好 整體都好滿意 😀 好好食😋有驚喜既一餐 會再黎試其他菜款 😉不過餐廳冷氣好凍 最好帶多件外套去 哈哈

今晚嚟試新餐廳，如同標題各位嚟千萬別抱太大期待😅 餐廳是自助落單，但仍不夠人手。食物份量比較細。千層麵： 少女食用份量， 味道還可以，但唔夠蕃茄味， 麵質感一般。 對千層面有要求嘅各位可以直接pass。Pizza🍕 : 正常大細，味道not bad 飲品： 根據職員描述正常冰量是滿一杯，少冰是半杯。落單時要求少冰， 但這間少冰=其他餐廳多冰 😅

今次喺呢度食第二次早餐！因為新開嘅關係，呢間餐廳都算多人。但係今日一個人去食都唔使等位嘅👍🏻👍🏻上次同朋友去呢度食過我就嗌咗通心粉餐，今次當然叫下其他嘢食😍上次我朋友叫咗早餐扒餐還味道幾好🤩今次我就叫咗個雞扒餐💕 有一塊雞扒，煙肉，炸粟米，炒蛋同埋軟法包！早餐包埋熱飲唔使加錢所以我叫咗熱奶茶。我覺得個怕親總括嚟講係好食嘅👍🏻👍🏻但係杯熱奶茶，我覺得就一般唔係我心目中嗰種奶茶味🥹所以奶茶我都係飲咗好少 !但餐廳呢度都開咗，應該只係一個月左右，啱啱新裝修，所以感覺係幾靚嘅❣️坐得舒舒服服，而且侍應都好多！全部都好有禮貌，而且上菜速度都好快！但價錢嚟講，我覺得其實早餐都算貴嘅，間唔中食一兩次都還可以😉

坑口間意樂裝修最近開返，改左名做UURO，姊見開左幾日排晒隊，雖然都知大家係新屎坑心態，但住附近點都要試下，好食既話就多個飯堂。入到去，都係意樂一貫風格，坐到密密麻麻。姊食晚餐，價錢偏貴，主食轉餐跟湯&野飲要另加23蚊，睇你嗌咩主食，一個餐最少百幾蚊，姊為左試多樣小食就無轉餐。見佢重點推介pizza ，梗係嗌個黎試下，雖然最近食左好多pizza🫢，同埋肉醬千層麵。經典肉醬千層麵 - $75 (無包野飲）首先上枱既係肉醬千層麵，姊見到果下真係原地嚇親，細得誇張，即刻望下餐牌係咪有寫「迷你」 或者「輕食」字眼，只係姊發雞盲睇唔到，又無呀！跟手去openrice 望一望，妖！要怪就怪自己無先去openrice 做下功課先，原來好多人都已經係openrice 有提點唔好嗌肉醬千層麵，哭！個肉醬千層麵既色水係焗得唔錯既，味道真係好經典，無驚喜，只能夠講都算夠芝士，但一定唔會再嗌。松露野菌手工披薩 - $78 (無包野飲）8吋pizza, 細心食先食到淡淡松露味，飯腳直頭問有松露咩！？餅底好薄無乜彈性，pizza 有菇味，所以都唔算好難食。講真，同姊早幾日食果2間pizza真係無得比，果2間只係俾

堂食早餐第一次，叫了牛扒及豬柳蛋早餐，比大家樂和美心的豐盛早餐餐貴多些，但口感和味道是很好，真的是一分錢一分貨！是值得的！ 特別的是那些咖啡飲品味道相當不錯！ 後來食完早餐後，還買了一杯15元大大杯的朱古力咖啡和10元一個的蒜蒜蓉軟法包，做午餐！ 慢慢會再試吓它的茶餐！D職員態度親切！ D制麵包的師傅很有心機整D包很好吃，特別是蘋果批

服務不知所謂 世一劣質餐廳新開諗住試吓，佢個早餐都係百分百集團嗰啲嘢，正正常常，雞扒同隻炒蛋好老，而通粉都係百分百轉左嗰隻肥仔通粉，冇坑紋，湯底偏淡，叫咗杯凍朱古力我知朱古力本身甜，就係驚佢額外加糖，叫咗走甜，我本身都鍾意食甜嘢，但係杯朱古力甜到好似飲糖水咁，舉手叫侍應可唔可以比杯冇咁甜？佢拎走左返出嚟換杯溝咗水嘅朱古力，但加左水都係好甜，同埋佢搞到杯嘢好肉酸，我話而家淡得來淨係飲到甜味，不如你換杯齋啡俾我算啦，樓面同我講廚房話整咗冇得退，最後飲咗一啖成杯冇郁過真係食牛奶冰室都冇咁嬲，食到成肚氣，冇下次食完呢間嘢真係刷新三觀🤷🏻‍♂️#服務一流 #百分百 #不知所謂

見佢新開張，同老婆去試下，入去坐低前見到其他枱既食物（飯/意粉）都不太差，一坐低，QR Code 落單…. 點左千層麵，海鮮飯，炸魚薯條同一個辣肉腸pizza, 仲有個海鹽雪糕窩夫. 10分鐘左右先到一份好細盤（成年男人手掌咁大）貌似千層麵既東西，我同老婆都O 左咀，70幾蚊唔係咁大兜（反話）呀嘛…. 問一問服務員呢份咩黎既，佢話係千層麵，我問佢乜咁細架咋？服務員：係咁架啦……. 炸魚…. 比紙巾厚啲…. 但$42 蚊都算，其他飯同pizza 都不過不失….最後上甜品，完全無比餐具，請佢再比啲餐具都唔係咁happy, 我阻住佢做野真係唔好意思….總括嚟講，呢間野人生食一次就夠，性價比接近0既餐廳，扮西餐廳但衰過茶記既質素…. 完全浪費左一餐飯既quota….

首先要道歉，因為標題貶低咗茶餐廳，老實講，有啲茶記/冰室可能做得好過佢⋯由開始攞飛等位開始，叫號廣播長期播錯號碼（例如C123會叫咗C423），靠聽廣播就大鑊，真係會 miss號而門口個姐姐就怒㩒號碼，正常出面啲餐廳叫號，同一個號碼會起碼㩒兩三次先去下個，個姐姐就連續㩒好多個號碼，結果我睇住個客拎住張號碼飛，由對面間馬拉松行過嚟，都可以miss咗個號碼，仲要miss咗3個號碼以上⋯個客當場發火，但係個姐姐仲要死撐，話自己每個號碼都撳咗兩次，我明明睇住佢啲號碼係咁飛！啱啱開張咋，啲CS都可以做得咁差入到去坐低，呢度用掃碼點餐，點知我地叫完嘢食過咗15分鐘，就聽到餐廳夥計話系統down咗，結果隔離幾枱客都order唔到。最搞笑係，又唔會用人手落單，個個喺度等佢部電腦reboot。新開張啲系統會有問題我明，但係啲夥計唔識變通我唔明，明明香港人係最叻變通，係咪？我地順利叫完餐，上餐開始準備食時，發現佢枱面兩隻白色碟仔都污糟！係呀，明明新開張，但啲碟都好似未洗乾淨咁！同個後生仔夥計講，佢係好好，喺佢堆碟度逐隻睇，結果佢自己都發現好多隻都污糟，然後一個相信係高級啲嘅夥計走過去，叫佢攞啲紙巾抹下就比