VA BENE Italiano

营业中

休息中

年頭同朋友試過一次，果次已經覺得好驚喜，佢地嘅送上嘅牛角包真係不得了，又暖粒粒又脆卜卜，淨係為個包都可以返黎！其他食物頭盤，意粉，牛扒都做得好出色！所以就訂位年尾再去食多次！介紹俾老公😆今次嘅包包唔夠熱係有嘅失望，不過送嘅包就無所謂啦🙊頭盤叫左我最愛嘅八爪魚同紅蝦他他！水準都仍然有水平，老公都話好食😋到小朋友嘅肉醬意粉，我仍然想講，佢嘅手打意粉真係好好食！好有咬口！仲有味道真係好吸引，無論大人小朋友都會啱口味！牛扒仍然好有水準，本來想叫多個甜品，但真係太飽，食唔落！唯有下次再試🫶

咁耐以來，第一次寫食評！本身諗住生日去食，叫咗個甜品點知食到一半就有隻好似螞蟻嘅物體，仲喺度郁緊！叫服務員，同我講因為有植物裝飾所以先會有隻野😥😥真係冇下次

今晚同朋友book左1830食晚飯，早到左五分鐘入座，同朋友先點左兩款菜式，食左大約三十分鐘，突然有位女侍應埋枱問我地會唔會叫甜品，我地當刻被突如其來一問感覺奇怪，而且剛先食緊一陣，就答唔會，女侍應一面不悅對住另一方向同事講”唔會”，之後分別三到四次有另一位女侍應就會行埋黎狀似觀察我地食到咩情況，終於等到我地食剩幾粒薯仔傾緊計，佢問係咪Finish ?我地話係，佢即刻收走(唔係問題)，問題係我地未叫埋單之下已經即刻有另一同事遞張單埋黎，朋友忍唔住問係咪有限時，對方話係，但我地入座時從未有人同我地講過，再者我地望望錶，只不過係食左一個鐘頭零五分鐘。如果真係有人會處理或睇食評內容，平心而論請問合唔會理？而香港食店不論係咪集團形式，請先好好檢討自己經營手法同培育職員服務態度，而唔好抱怨別人北上消費，真係唔該哂。

🍰 時尚意式風情二人下午茶鹹點同甜點都有6款🤓大家可以留意番而家個menu ~ 但小編除左覺得個鬆餅味道比較正常，其他都一般🤣🤣🤣🤣甜點既話焦糖燉蛋、Tiramisu同木糠布甸都唔錯🤓其他就都係甜甜甜甜甜甜🤣而家openrice 見到有優惠券買～訂座預付優惠：$368享用【2位用1時尚意式風情二人下午茶[已連服務費］（價値：$404.8）🥸🥸唔介意啲野食比較普通，想chill下嘆杯啡食下野傾下計，其實都唔錯既🤣

餐廳座位寬敞，有情調，用餐感覺輕鬆寫意。💕🍕巴馬火腿火箭菜薄餅薄餅配以24 個月風乾巴馬火腿、火箭菜和香醋。巴馬火腿肉質柔軟、味道細緻，鹹香味適中。火箭菜新鮮健，唔會苦。薄餅邊位好鬆脆！🥗Va Bene Salad 沙律配以生菜、梨子、杏桃乾、羊乳乾酪、杏仁、松子。羊乳乾酪味道濃郁，沙律菜新鮮。🍨Tiramisu 意大利提拉米蘇係二人份量，非常大份！奶香濃郁，口感順滑，惟略嫌欠缺酒香，而且蛋糕偏乾。

依間餐廳曾經係蘭桂坊開業超過二十年，當時算係香港人氣數一數二嘅意大利菜始祖，之後輾轉遷移到上海，被評為上海五大最佳餐廳！餐廳近年將重心回歸香港，係又一城重開😳午市嘅semi buffet非常受歡迎，最初只係百幾蚊，雖然加左幾次價，但仍然吸引到我回頭🙈依家平日$278一位，有超過二十款沙律同熱盤前菜🥗有燒牛肉、燒雞、青口同虎蝦等海鮮🦐仲有多款甜品🍰我覺得燒牛肉同沙律通粉好好食，特別係自家製意粉煙韌彈牙🤤唔夠飽可以每人叫一款主菜，有意粉、pizza、魚同牛扒等，大部分款式只係加$20，可以幾個人一齊share！餐廳refill速度快，保證食到飽，以半自助餐來講性價比高👍🏻

We went there for tea set for 2. 1 of us ordered free flow Prosecco and then the other of us ordered 1 orange juice. After 5 glasses of wine, the staff asks us if we know that the free flow wine could not be shared. And when we ask him to explain, he said someone saw us share the wine. This is an non-factual accusation and we demand an apology from him. After a short while, the other staff said he was off already. With the wrong accusation us us, this attitude is unacceptable, and they refuse to

一心星期日諗住同小朋友開開心心食一餐，掂知－肚氣，十一點幾去到，無咩人，食物係新鮮嘅，之後個侍應成日走嚟問叫主菜未，其實佢個半自助餐我哋仲啱啱食緊第－𨍭，之後人開始多，我哋叫咗主菜，要等，明白嘅，但佢限時90分鐘，我哋個主菜等咗半個鐘都未到，之後等杯熱檸茶，又等咗20分鐘….最過分嘅係，埋單時佢收我個女大人錢（好似話十歲以上要收足）我個女得嗰120cm都唔夠….😤個侍應好串咁話要show證明，咁掂吖，食自助餐要帶小朋友身份證？我食咁耐自助餐第一次聽，人哋大酒店幾舊水－個都唔會咁計啦，好似我哋𠱓佢咁，😤之後我唔忿氣，係電話搵到個女身份證俾佢睇，佢對唔住都唔講聲，真心咁嘅態度，你再好食我都唔會再嚟！！！

最近有次星期六過嚟九龍塘上堂，順便在又一城食個lunch，這間餐廳可以網上訂座，所以訂枱諗住試吓新嘢 我嗰日訂咗2:00，遲咗放工 2:15 去到，侍應態度非常惡劣，說明要標示我們為缺席星期六有 semi buffet lunch，其實我知道咁遲去到有啲唔抵，不過因為趕時間，又非常肚餓，所以諗住去到就照食$298 buffet only，但 $318 就可以叫埋主菜，我哋當然揀咗 $318 唔知係咪因為我嗰日太晏去到，自助沙律吧唔算好多選擇，凍海鮮包括蝦、青口和煙三文魚等，嗰日芝士得返好少，唔夠喉沙律菜的選擇亦唔算好多，都算新鮮，不過全部都係好 raw 的基本嘢，之前試過其他餐廳的 buffet bar 通常都會有一啲特別 mix and match 沙律，這餐廳相對起來好似冇乜心思香辣蟹肉蕃茄扁意粉：蕃茄辣醬汁味道不錯，蟹肉都夠多，扁意粉掛汁一流，如果醬汁可以濃稠少少會更加好 四季蜜糖芝士薄餅：這個薄餅其實非常大份，餅底覺得好脆，蜜糖和芝士的配搭幾新鮮，我特別喜歡廚師加咗好多 blue cheese，香味好濃，好可惜我哋兩個人食唔晒成個Pizza，唔想浪費，問侍應拎個食物盒打包被拒絕

以前返學既時候成日都會經過又一城但畢業後好多餐廳都唔好晒~今次返返黎聚舊 試試依間意大利菜🇮🇹環境好靚好有情調 都好多外國人一班人聚餐🍴✿ 餐包 ✿一坐低就上餐包 配上意大利黑醋同橄欖油雖然啲包睇落平平無奇 但食落好香本身諗住留肚 最後都係忍唔住食晒🫠✿ Parma Ham Melon $168 ✿Parma Ham唔咸 哈密瓜好甜 好清新既前菜✿ US Black Angus Ribeye 350g $428 ✿嗌咗medium 肉味重肉質好嫩軟冧配菜車厘茄grill過好juicy 唔點海鹽或者肉汁都停唔到口😆✿ Hokkaido Sea Urchin Homemade Tagliolini $258 ✿海膽似乎係依度既signature 除咗意粉仲可以叫海膽risotto 🍛用上北海道海膽 新鮮唔腥 醬汁好濃自家製意粉粗身得黎唔會好重粉 掛晒汁🍝不過份量比較少 唔夠分(´❛-❛`)整體都幾鐘意依間餐廳(#´ᗜ`#)下次要試下seafood semi-buffet lunch🦐同indulgent afternoon tea set☕️

#出差食好嘢系列 今次目的地係九龍塘😚搵路點去時又在Google Map發現呢間餐廳，睇個名就好吸引🤩原來係半自助午餐嚟架，咁啱我又好耐無食自助餐啦，當然好野就要分享，於是邀請父母一同享用呢件開心事🩷午餐有齋食沙律甜品吧同加多$20食埋個主菜，我地只叫左一款主菜，眾多選擇入面揀左睇落無咁heavy，《意式煎豬肉火腿卷》入面的頭盤自助餐有沙律吧Healthy Salad Bar,海鮮冷盤Fresh Seafood and 烤肉Roast Meats；外面則是甜品水果吧Chefs Special Dessert Buffet，雖然選擇唔多，但係每款都好精緻同吸睛，特別是～紅絲絨千層蛋糕🍰，因為行過已經吸引住我！平時食自助餐我都比較少揀件袋蛋糕食既，今次打破常規😚點知有驚喜，有外表有內涵🤣父母都話抵食同多選擇，仲話餐飲都好大杯，心郁郁劃下次再嚟食tim😍其實呢間意式餐廳既High Tea Set都好評，或許下次再嚟試😊

環境舒服價錢OK，二百幾蚊出面任食牛肉、德國腸、燒雞、豬肋骨。冷盤有大蝦、青口好出色！Parma ham,….各式蔬菜。。。。沙律。。。。甜品、蛋糕生果，每樣嘢都有質素嘅，整齊乾淨。唔使加$88可以食到意粉，加$88可以食龍蝦意粉或者西冷牛扒。坐得舒服。價錢合理。雖然收費唔貴，但係甜品真係每樣都好食份量剛好。大食嘅女仔真係可以食齊每一樣。相反，夜晚就比較貴。Lunch同朋友傾吓偈，當high Tea都OK.

我跟朋友倆人2:40到達餐廳，餐廳內客人寥寥可數，相信是一個傾偈的好地方，看見Menu中的下午茶頗為吸引，Receptionist 說下午茶三點才開始，我用流利英文跟帶入座職員問清楚是否可以先上飲品，她說可以我們才入座。入座後，我多次向餐廳職員揮手，但一直被冷落，經過10分鐘之後終於有一位菲律賓藉長髮侍應走過來，我跟她說想先點飲品，絕對明白下午茶食物三點後才上。侍應回答冇可能，我請她向帶位同事了解清楚，但她沒有行動，我的請求被冷落，她繼續視而不見，3:05結果我要起身行出去跟帶位職員詢問究竟，她們才好不願意將飲品晦氣地送給我們。我清楚這間並非五星級酒店，但盛載牛奶及糖漿器皿都是崩的（請看附上的照片）我形容這間意大利餐廳連一間普通茶餐廳都不如，我請侍應收走崩壞的器皿，她一點歉意都沒有，我地繼續等食物，我問究竟要等幾耐？結果多番追問之下3:20終於上。總結食物不太差，但服務惡劣欠佳，永不錄用。不明白又一城有這樣差的食肆仍然可以生存。

預訂左2點用餐，準時到達，食到15分鐘左右有侍應行埋嚟話如果要叫主餐因廚房要30分鐘預備，再過左30分鐘左右，侍應話要收buffet！我話只食咗一個鐘都唔到🤬不是可以食90分鐘嗎？之後所有冷、熱盆、甜品、水果都沒有，如果餐廳2:45分鐘要執嘢清場，預備做下午茶，入席前應該向客人說明囉，客人可自行決定會否入席與否。坐低左重要冇人招待，水要自己去service station斟，絕對不會再幫襯。相同價錢有更多選擇啦！

透過Openrice booked 咗中午12:00， 約11:25去到，同門口waitress講咗是透過Openrice booking和電話，waitress說出我的名字，然後帶我們入座。餐廳環境,食物和服務都很好，食物種類豐富，有ham,海鮮，牛扒，甜品，水果等等，性價比高。值得推薦。回家後，竟然收到Openrice通知話我缺席Booking，已提出覆核，我已提供餐廳收據證明，希望盡快回覆，其實真係唔明，提早去到就代表缺席Booking？餐廳waitress明明能說出我的名字，真是奇怪，這個體驗令我對餐廳嘅服務扣分。