Venchi (已搬遷) 新店位置

成日經過Sogo呢間Venchi都未試過，今日就試試先。呢度既Gelato杯分三個分量，分別係迷你120g，獨享160g同共享裝200g，價錢分別係$55，$68同$78。仲可以加$15要意式手工脆筒，有三種口味，分別係紅莓乾，榛子碎同朱古力碎。不過Gelato口味得八款，都好少，研究好耐先可以決定揀邊種口味。好彩可以試下味。最後叫左個意式手工脆筒，要紅莓乾，Gelato口味揀左首選既開心果，次選既榛子碎巧克力，同埋特濃黑巧克力，仲有榴槤。首先一見到製成品，有少少覺得雪糕球細左少少。味道上，我覺得呢度啲雪糕好滑又有少少彈性，係typical既Gelato質感。個人覺得開心果最好味道，又滑又香濃，果仁味好重。不過唔似出面嗰啲開心果，呢個冇開心果碎。其次就係榛子碎巧克力味，即係牛奶巧克力加皮埃蒙特榛子。榛子味好濃，好夾朱古力，都係無碎巧克力。75%特濃黑巧克力係減50%糖份，好滑又唔甜又唔會苦，怕肥又想食朱古力可以食呢個。榴槤非常好香，陣味留左係我個胃好耐。至於個waffle cone雖然薄薄地，不過都好脆又好味，略爲唔夠香甜，哈根大師既waffle cone好食啲。紅莓乾係用朱古力醬痴上

天氣好熱，放工行經利園2期，有間賣意大利雪糕新開分店。不過在openrice 找不到這新分店資料，打在sogo分店分享一下。想食雪糕，每款都好似好好味。 請教靚女店員邊款最好味。佢推介特濃朱古力及開心果。一食，好正。有真正意大利雪糕感覺， 細滑柔軟，比係上次係意大利食，朱古力味更香濃，開心果味道突出，果然好介紹。 啲回憶返曬嚟，搞到好想去旅行。一支公無手影相，但又想影返張相留念。年青靚女店員仲幫手影相，服務一流。

我真係好大膽，為咗食杯雪住，竟然喺感謝祭去Sogo。首先Venchi主打係賣朱古力，所以雪榚味道選擇比較少，大概8至10種。但味道都好特別，例如我選擇的椰子和牛油果味。椰子味十分清新，而且啖啖也有果肉，十分有口感。牛油果味十分幼滑。至於雪榚筒十分脆卜卜。以$55價錢我就覺得好抵，有質素。

聖誕篇🎄X意大利雪糕系列🥞👉🏻距離聖誕節仲有7日🎄👈🏻▫️餐廳：venchi▫️地點：全香港🇭🇰有10間分店📍 銅鑼灣軒尼詩道555號崇光百貨B2層7E號舖（港鐵銅鑼灣站 D3 出口, 步行約1分鐘）▫️營業時間⏰：📍分店各異！星期一至四10:00 - 22:00星期五至六10:00 - 22:30星期日10:00 - 22:00公眾假期前夕10:00 - 22:30▫️價錢：～$50+—美味:🍦🍦🍦🍦環境：🍦🍦🍦🍦價錢：💰💰💰 💰—👧🏻好少食咁貴既雪糕🍦不過好特別都要試一次☺️佢哋有3個sizes(📍🍦mini-2 flavours-$55,📍🍦regular-3 flavours-$68,📍🍦large-4-flavours-$78)👧🏻今次試咗regular😙揀咗咖啡、紅莓同榛子🌰🤣覺得三隻味都好rich同濃，但鐘意咖啡同紅莓🍓多d🤣榛子有啲膩💕🍦依間啲雪糕係幾cream,同一般雪糕既testures唔同—#好西 #打卡 #雪糕 #意大利 #意大利雪糕 #venchi #causewaybay #sogo #正餐 #夏天美食 #HongKong #HK #foodie #goodwest

今日試左sogo新開既venchi，味道就唔系有好多種味揀，得七種味，比海港城果間少好多，無自己最中意食既開心果味。而我岩岩就試左呢到先有既意大利軟芝士配無花果醬，不過真心有啲甜，不喜甜既朋友就唔建議試。仲有宜家買滿50蚊，就會有一大粒黑朱古力送，大家可以去試下啊

Venchi既gelato之前係英國食過，因為非常好食，所以一直都好掛住，知佢係sogo超市開左分店，比較近我所以即刻落去試下，叫左朱古力同芒果味既gelato($55),有d失望，唔係唔好食，而係真係無我之前食咁好食，佢地既皇牌朱古力都唔得，之前我食係食到朱古力碎，而且質地香港亦都偏太黏，芒果味都一樣，有些少失望，唔知同該店新開張有無關係，有雖然店員不斷sell 話買voucher抵d,但要再觀察下~~