VV尾線

营业中

休息中

今次已經第三次食。第一次食，老老實實當時其實覺得幾貴，三餸要成$7x ，不過勝在湯底味道唔錯，食完唔會好口渴，最鍾意係黑魚片，冇骨又啖啖肉。有一晚又想食米線，於是又嚟返呢度。 第二次試咗麻酸辣湯底，都幾唔錯，唔似譚x覺得自己食緊化學物。 到今日第三次食，估唔到又有驚喜。今次所有份量都多咗，食完好滿足。（因為第一、二次米線同配料都比較少）食埋今次，應該仲會有第四、五、六次。 米線控嘅我，好開心終於喺屋企附近有間似樣嘅米線。

天氣準備轉涼，食碗暖粒粒嘅米線就最開心聽朋友講喺北角七姊妹道開咗間叫VV尾線，咁就試吓啦店舖裝修幾特別，牆上有啲手繪畫，坐嘅櫈係啲韓式燒烤鐵桶櫈，都幾摩登前菜叫咗涼拌皮蛋BB辣，手拍青瓜BB辣。因為我哋都唔係好食得辣，但係又覺得有少少辣會惹味啲鍾意食皮蛋嘅我見到滿滿一大碟超開心青瓜爽口清甜又夠凍，做前菜一流主食我就叫精選黑魚片招牌湯米線轉烏冬，因為覺得烏冬嘅索汁能力會比米線更好，同埋再彈牙一啲。首先飲啖湯，濃濃嘅魚湯加上適量嘅調味，唔會過鹹，飲完唔口渴。魚片滑溜加埋黑木耳豆卜同腐皮，口感豐富又飽肚。朋友叫咗酸菜魚湯BB辣米線加肉燥，個魚湯底係一樣，但就加咗少少辣同肉燥，仲有D酸菜，味道層次更加豐富，其他配料大致相同。食完米線烏冬幾乎飲埋哂成個湯，大滿足😋

放工陪人去北角領獎，然後一齊食晚飯。有人話今日天氣涼左好多，要食啲暖笠笠嘅嘢落肚。記得早兩日路經七姊妹道，見到新開左間米線店，提議一試。據知餐廳係由前北角錦屏區區議員開設，主打住家湯底米線及酸辣米線。店子地方不大，舖面窄窄長長，設計以貓咪為主題，胡桃木色餐桌、復古鐵藝油桶凳，再配上水泥牆身，裝潢帶點工業風。餐廳採用 QR Code 自助落單，米線選擇都幾豐富，除了有多款已經預設配料嘅米線之外，客人亦可以按自己嘅喜好，自選組合。精選黑魚片招牌湯寬粉 ($60)  寬粉熱辣辣送上，分量都幾多，配料有黑魚片、腐竹、雲耳、豆卜同芽菜。湯底以海星、螺頭、鯊魚骨等熬成，湯色清澈，入口清香鮮甜。魚片肉質好滑溜，魚味濃香，入口完全無骨，配上晶瑩剔透，吸滿湯汁的寬粉吃，美味又飽足。至於另一碗蟲草花花膠雞柳湯米線 ($60)，配料就有蟲草花、鮮冬菇、花膠、雞柳、豆卜同芽菜。蟲草花滋補養生，花膠大塊爽彈，雞柳新鮮嫩滑，米線爽韌有米香，食落很滋味。除了麵食，其實餐廳嘅幾款小食，亦不容錯過。今次我哋就揀左尾味炸雞翼 ($30) 同 炸墨魚餅 ($30)。雞翼即叫即炸，隻隻都炸到皮脆肉嫩，一咬還有肉汁滑落，超 J

北角新開左米線，夜晚9 點仲好多人，貌似好多年輕人幫襯，姐都係年輕人嘛睇下有咩食！海星螺頭鯊魚骨湯-成個湯飲哂！好鮮好濃魚味，冇味精飲完成碗都唔口渴。-揀左配寬粉，好有咬口唔會煮得太淋-配料係自選的姐配左韮菜龍蝦丸墨丸豬肚，想highlight 個豬肚，完全冇怪味，唔會太淋仲有少少爽口的口感，欣賞！牛魔王酸辣米線-呢個係已經配撘好的set, 有肥牛牛肚牛脷，牛脷超級肥美！襯埋個酸辣湯好夾-每一碗配料都好足，腐竹豆卜吸哂湯好入味椒鹽炸蝦棗- 蝦味好足，椒鹽的鹹味不會over。- 唔會好油膩，底的生菜冇咩油仲可以食返尾味炸雞翼-名符其實的外脆內juicy, 咬落去仲有雞汁流出黎最後加杯酸梅湯，好滿足的一餐！

好耐無同媽咪去街啦！所以今日特登預先book左去做按摩+facial做完treatment 後都已經差唔多3點啦，非常肚餓，即刻係附近搵野食！呢間米線店以貓貓做主題，幾得意一坐低真係要即刻落單，真係非常肚餓呢個辣油係唔係真係咁辣？本身都好想試下，但最近營養師叫我要戒辣所以真係無緣接觸呢個超辣警告‼️蟲草花花膠雞柳魚湯米線花膠好大塊又厚肉雖然口感唔係軟滑果隻，口感比較厚實，但寫得夠淋！$60呢個價就已經有3大塊嘅花膠，已經非常抵重點係個湯非常清甜，不過略嫌魚味唔夠濃不過飲得出無味精，成碗湯都比我清哂無油酸菜魚魚湯米線雪白嘅無油湯底，頓時覺得食酸菜魚好健康可以放心地大吃大喝餐廳選用左黑魚片，肉質非常嫩滑，無幼骨！媽咪食完都讚不絕口尾味炸雞翼看似平平無奇的炸雞翼，但係非常香炸到金黃色，放左一陣都仲熱辣辣！一咬開，好juicy嚟到食米線之外，食埋炸雞翼就完滿哂拍青瓜就有啲失望，味道好淡，唔夠入味！黑糖薑茶 +酸梅湯

週末睡到自然醒，決定到家附近新開的一間米線店果腹小店裝修簡約，以貓咪為主題，場上有貓店長的油畫以手提電話自助下單，先掃描店員提供的二維碼，在餐廳的網頁點餐，然後進購物車確認訂單，衛生簡單自選組合先挑米線湯底，並有七種辣度、三款麵底及大量配料供選擇川味麻辣湯配有韭菜、腐竹、肉燥、芽菜及豆卜！寬粉煙韌有咬口不吃澱粉質的更可選菜底跟米線加$10有汽水、凍酸梅湯或凍豆漿小食熱拌辣爽爽大腸的芽菜吸收麻辣精華，大腸滷得入味涼拌皮蛋口感爽滑

行過見到招牌有隻貓，俾佢吸引左我企係門口望，玻璃有餐牌，原來係米線，因為招牌係1隻貓加尾線兩隻字，原來係米線入到去見到兩幅畫，都係貓，牆燈係狗仔屎忽天花燈係貓腳，睇黎老闆都幾童真有愛心，應該鍾意小動物咁坐低職員就俾左張紙，上面有QR,但又可以圈紙仔落單，都幾方便，點左兩個尾線同一個小食尾味炸豬扒米線，牛魔王米線同蒜泥白肉豬扒幾鬆軟，職員話係生炸，唔怪之得個湯幾好飲，好有阿媽煲湯feel到牛魔王米線，一個字,真心出色，再加佢枱面上既辣椒油，太監騎馬蒜泥白肉又係好出色，我出面食試過蒜蓉一入口"𢲡"到眼水都標埋出黎，呢間就冇呢個問題，d肉都幾入味，酸酸辣辣總結黎講，食物真心好味，食完唔口渴，應該唔多味精都幾大碗，夠飽價錢都係接受範圍圍，此終港島區下次去開北角搵食，翻卓指數都高不過係d職員似唔太熟手，不過係小問題值得推薦

平時都有食開米線習慣，某北角group 見到有人推介，即管黎試下伏唔伏。店方標明湯底係沙魚骨海星螺頭煲出黎，市場上的確好少店舖會列明咩材料湯底，所以都抱有挑戰勇者塔既覺悟😎😎 就咁睇入門價錢其實同好多人食既大集團差唔多，然後店員都推介食信心之選，一來餸比較多，二來價值相宜。咁鐘意食魚既我就揀左bb 辣既黑魚片無油泡椒酸辣米線，由於好肚餓，唔記得相機食先，福相有d 求其😂😂😂 不過食落口第一啖，米線好煙un ，唔會一夾就斷，亦真係無吹水，係即黎即煮😋下次要免費升級多米🥰黑魚片有驚喜，好滑無骨。湯底個味好濃，而且無油，酸菜唔會死酸，另外好奇心下加左佢個自家製辣椒油，聽說係用8種辣椒炒，唔怪得咁香😋😋見仲有肚容量，點多個涼拌豬耳，都係用自家製辣椒油撈，超好味🥺🥺，五星推介涼拌。

今次試吓北角七姊妹道新開張米線點左碗精選無油泡椒黑魚片米線配料有黑魚片，腐竹，牙菜，豆卜等左10分到上菜，先試啖湯，有小小甜螺頭味道 真係好出色，唔似出面一般用水+甜豉油黑魚片大約有6片無骨，啱曬我。口感很好辣度我點了bb辣，好驚喜完全無油膩感，了解下點解可以咁特別。坊間一般都係用辣椒精，味精重，小小而經好辣。呢到用天然辣椒炒，無油 真係正好快清曬米線，之後再飲淡湯更濃厚👍🏻完全唔口渴如果對米線有要求，可以試清湯。檯面都有辣椒油提供

本身自己係一個貓痴雖然冇養過貓但係基本上全香港所有貓cafe都去勻曬自己又好鍾意食米線估唔到今日畀我遇到一間以貓做主題又有米線食嘅食店 喺北角b4出口轉左行一分鐘就到非常就腳 主打花膠蟲草雞柳湯米線同埋海鮮螺頭鯊魚湯米線可以揀精選米線又或者自選湯底再配搭配菜亦可以加小食，款式多 牆壁上都有貓嘅圖案就知店主有幾愛貓今次就揀咗個花膠蟲草雞湯米線湯底鮮甜，米線爽口而且非常足料配搭米線嘢飲加十蚊嗌咗個凍檸茶唔會太甜啱曬我呢啲最驚嘢飲好似飲左樽糖咁餐具同埋外賣袋都有貓嘅圖案搞到我心心眼 員工態度親切友善等我下次都帶埋貓奴朋友一齊去食先返到屋企太肚餓先醒起原來未影嘢食相

😿以前出個食評唔批 出多次先北角新開尾線！睇招牌以為乜鬼野貓米線，原來睇真d係叫 vv尾線，牛魔王米線bb辣 好正。。。睇碗野以為好細碗點知食到最後食唔落。。碗湯唔會死咸 好好飲。。仲要好多餸。好似到8 9個餸。。凍奶茶 有茶記feel .正 ...小食方面我叫左個尾味雞翼 30蚊五隻。。好老實。。一食就知生炸。。皮脆肉嫩。有肉汁。整體黎講 一個字講晒，成間野都好好食，不過人手真係太少。。希望老細可以早d 請到人😂

早就聽朋友介紹過依間米線今日終於有機會黎到北角幫襯見到餐牌有好多選擇，今日想食清淡啲，所以要咗個蟲草花雞柳冬菇米線朋友就叫咗個海星鯊魚骨螺頭湯底嘅雞翼米線我地2款的湯底傾向清淡，米線係幼身朋友的米線小食雞翼超級好食！炸得香脆肉嫩下次一定會encore!本身我鍾意食辣所以見到枱面有依樽辣椒油真係忍唔住都係落咗一匙羹落我碗米線度嘩，真係會麻！會辣！如果食得辣嘅人記得一定要試吓佢嘅麻辣米線有好多唔同程度嘅辣: 菊花辣、RAP辣(原為rip, in case大家唔知)

今日嚟到北角去呢間新開嘅米線店湯底叫咗雲南麻酸辣湯，配料叫咗肥牛同金菇🥳🥳🥳🥳先講湯底，雲南麻酸辣湯：辣都唔算好勁，鍾意食辣嘅朋友可以考慮叫辣啲，但湯底媽味好足，食到成口麻曬，二酸辣都唔會被蓋過，好刺激口腔中嘅味蕾，正👍🏻👍🏻👍🏻配料：份量比起一般嘅米線店多，唔會得一兩塊敷衍你，肥牛質素都唔錯，抵食👍🏻👍🏻👍🏻另外因為新開張送咗杯酸梅湯，清涼解渴，啱晒同咁辣嘅米線一齊食😂😂

早兩日見有新食店開，今日就去試下...係門口見個招牌有隻貓，又叫尾線（應該係玩食字)咁就試下囉，反正飯就點都要食,新野就去試下，入到去坐低，望下環境，牆身有兩幅貓，天花燈就係貓腳，我諗老闆係愛貓之人咁我就叫左個爽滑招牌黑魚片尾線，同一個小食，涼拌豬耳（BB辣），同一杯凍奶茶尾線到左，飲啖湯，味幾好，湯唔係清水咁黑魚片好滑，無骨，米線軟硬偏彈牙，岩哂我鍾意咬野既人,碗湯真係唔錯，夠哂味之後試杯奶茶，真心唔錯，茶記味道，米線鋪有呢俊茶記奶茶味，有少少驚喜，之後豬耳到左，（本人鍾意食涼拌)豬耳夠爽，有咬口，都入味，唔錯，可試！之後見佢枱面有辣椒牆，見佢公仔咁攪笑，落少少試下，咦！？隻辣幾香口，唔係得個辣字，感覺有唔同材料係入面，有機會大家去試下，佢辣一陣就會散，唔似外面果啲，辣到咀都腫埋經過今次一試，可以返啅下次再試下佢辣尾線，今次先試佢原味，睇下間野咩功架先，唔對比其他米線邊間好呢間VV尾線可以一試，價錢比其他既貴十蚊八蚊，但我覺得值

見到有呢間新開嘅米線舖頭, 一於試吓【無油酸菜魚湯米線 ($60)】有黑魚片, 酸菜, 泡椒, 雲耳, 豆卜, 芽菜其實一開始唔係知咩叫黑魚片, 可能係一隻靚d嘅魚片? 味道都唔錯, 係薄咗少少酸菜魚湯可以揀辣度, 甚至走辣, 我哋揀咗少辣, 不過我覺得都算幾辣佢係落辣椒唔係辣油, 所以個湯底好清唔會有油👍🏻佢啲配料都算多, 唯獨是芽菜我覺得好少【精選黑魚片招牌湯米線 ($60)】有黑魚片, 腐竹, 雲耳, 豆卜, 芽菜佢個招牌湯係類似鯊魚骨湯, 我覺得幾好味, 我飲晒成碗湯都冇口渴, 應該冇好重味精😆【尾味炸豬扒配招牌湯米線 ($50)】炸豬扒比我想像中冇咁油膩, 味道唔錯試業期間仲有飲品附送, 我哋揀咗酸梅湯同豆漿整體覺得都幾高質, 啲配料同湯底特別過譚仔, 米線嘅質地亦都彈牙, 唔錯, 下次應該會再食👍🏻