Wheatfield X 羅宋湯專門店 (MOKO新世紀廣場) (已結業)

同男友&男友媽咪行完街街，入咗Moko睇下食咩，見到Menu好吸引吖，入去呢間舖之前，男友走去睇食評，佢話好似有d劣評，叫我唔好入去，再考慮下，不過我認為要自己食過先至真，反正間舖好大，望落舒適，男友媽咪話一試無妨。我男友order焗豬扒飯+$28轉餐，我食雞扒沙律，男友媽咪食茄汁燴牛脷飯+$28轉餐，再加一份牛脷粒。整體感覺，我覺得價錢可接受，citibank卡找數仲有10%。尤其男友媽咪讚佢哋碗湯同佢以前飲過嘅一間樓上舖好出名嘅羅宋湯餐廳係一樣。

早幾天途經旺角Moko商場, 正想食碗湯粉醫肚，看到這間羅宋湯專門店。店內人不是十分多，而且我1個人，不用等位。看看餐牌，在自選湯麵餐點了這款牛腩羅宋湯配螺絲粉。牛腩淋滑易入口，跟羅宋湯這個配搭比我想像中match, 每粒螺絲粉都掛上酸酸甜甜的羅宋湯，令我胃口大開，還加了12蚊配1份香煎雞扒~ 煎封咗嘅表皮令雞扒保持外脆內軟, 非常yummy😋 湯麵餐配凍飲蘆薈紅茶為我降溫，更為這豐富的一餐畫上完美句號。

重口味晚餐！星期五嘅晚上，估唔到呢間餐廳冇乜人幫襯，到六點幾七點，仲係得兩、三枱客人，生意麻麻，我哋食完今餐覺得啲食物調味重手左，應該試過呢次就夠，唔會再encore。秘製醬油撈麵套餐$85- 呢個撈麵套餐抵食過牛脷飯加餐湯、飲品。套餐有豬髀肉海派羅宋湯、手打烏冬、麻辣雞柳絲，仲有餐飲。首先講吓麻辣雞柳絲，辣到我冇左味覺，純辣味有少少麻，唔香，到最後都係辣到食唔落。醬油撈烏冬太鹹，烏冬口感煙韌彈牙，如果少啲醬油就好啦。羅宋湯都係偏鹹，勝在有蔬菜食下。鮮茄燴牛脷飯$88- 個人覺得其他冰室、茶餐廳食嘅鮮茄燴牛脷飯好味過呢度，蕃茄汁唔係太鮮茄，牛脷太薄冇乜口感，份量都唔多。餐湯及熱飲+$28- 牛腩海派羅宋湯雖然份量還可以接受，但係佢細碗過撈麵套餐個羅宋湯，感覺冇咁抵。牛腩肉質好乾，麻麻地。

前日去旺角行街，去到Moko，一上電梯見到賣羅宋湯為主打的食店! 我同朋友見價錢合理，於是決定入去試下。Menu內菜式豐富，價錢在商場內比較算可接受，初時以為只有湯，但其實有飯供應。我知佢哋有其他分店， 心唸有信心保障。 我和朋友今日叫2份餐，有湯麵餐/撈麵餐，平均$82每份，可自己配搭湯麵/小食/飲品，呢個價算OK吖!🤗湯底有幾款揀，紅菜頭，清雞湯，豬骨羅宋湯，牛腩羅宋湯!我和朋友試牛腩羅宋湯湯麵/清雞湯配撈麻辣螺絲粉。平心論，2個湯都好足料，而且夠熱，牛腩非常入味，而且好多，我同朋友均感到驚喜，自己煲，一定唔止呢個價。店內環境尚算舒適，而且有英文歌聽，我個人比較喜歡清雞湯，喜歡雞柳絲，而且非常滑!我朋友話海派羅宋湯有微辣，不過可接受，大家不妨一試!😊我哋決定下次去試羅宋湯配豬扒飽食先!

佢有兩款羅宋湯， 一隻係牛腩一隻係豬，牛腩味個個得個酸字，豬味個個得個甜字同淡，下次請我都唔黎食啲面ok啦 不過不失，溏心蛋都幾好食，但個湯真心搞唔掂，牛腩味酸到想那胃咁。

叫左個咖喱豬脾肉飯同豬仔包豬仔包味道中規中矩，但價錢就偏貴。一去到個豬脾肉飯真係不得了首先係成碗野得幾片豬肉，無睇錯係‘片’，唔會分到係腩肉定脾肉，個感覺似打邊爐最cheap個隻豬腩片，之後到個咖哩汁，味道衰過中學訂飯，加埋個湯同飲品要$28。 紅菜頭湯同埋個檸檬茶真係君子之交呀，最適合無脷或者無味覺人士，成個咖喱餐盛惠$108。如果係淨係做羅宋湯有名，就唔好serve其他野，真係好難食又惡啃奉勸大家，不可一不可再

行街經過見到有專做羅宋湯既餐廳，膽粗粗入去試下，當然要試吓個牛腩羅宋湯，出奇地可以配個撈烏冬，一開始望到個烏冬幾深色以為會好咸，食落又唔覺喎，味道岩岩好，食完個烏冬，當然要試飲佢地個招牌啦，牛腩軟綿綿充滿牛味，配落個湯到一絕，個湯完全好好飲，一碗唔夠喉，臨埋單個下睇到原來佢地仲做埋急凍既羅宋湯，唔洗諗即刻掃左幾包、唔洗煮整反熱就飲得😋😋岩哂啲鐘意食又懶得煮既人，整體環境都唔錯，上野食速度絕對夠快，店員都好好招呼🥰🥰下次一定會反嚟食

94$但真心好難食個羅宋湯係完全你味 衰過茶記d羅宋湯……叫左烏冬底 d烏冬勁硬 仲有d痴住左😑….好耐無食過d咁難食既野 衰過普通茶記真心伏 未試過既過強烈建議唔好試….

上次同女朋友食過東涌個間，覺得幾好食，今日落開旺角諗住試下旺角呢間，點知中哂伏😑第一:一間主打羅宋湯既店竟然個羅宋湯係唔得既😱偏咸，稀得離譜(同東涌店比較)第二:個撈麵，乾爭爭，成餅野可以一下夾起哂，冇味冇醬咁…(同東涌店比較)基本上如果之前冇食過旺角呢間店，食過之後可以話係性價比極低，食物水準係水平以下，員工服務態度又一般奉勸各位唔好攞自己個胃黎教飛！！真心🙇🏻‍♂️但如果你執意要試，都冇辦法🤷🏻‍♂️

見到係「專門店」，就專登去食，環境幾舒服，但性價比低1羅宋湯冇咩特別，好油2價錢貴，兩個人食左$200，三樓foodcourt大把選擇3加一？憑咩加一？只係落單送餐行過嚟，無服務可言😅4肉類普通，雪藏味，牛扒咬不開一路食一路彈，望住門口，見到下一個受害人入嚟，決定要係呢度發文！比較可取係豬扒豬仔包，但同羅宋湯有咩關係？

好普通水準！羅宋湯可能用了很多茄膏夠味道、但不夠熱，螺絲粉無味；麻辣雞柳絲只得辣椒味無麻味熱檸檬水上面浮出白色物體最後没有飲！傑出勤力員工會在你進食途中拿着掃把在你枱底掃垃圾、而且大家還會在客人面前互相投訴對方的不是！最不喜歡是用一次性即棄餐具不會再幫襯

叫左個撈麵餐🤓 同埋散叫左個豬腿肉包 要差唔多200蚊買單 但係個包皮太厚 咬落去成口都系包皮 食物味道正常 似茶餐廳 但係價錢好貴 職員都幾惡😅😅😅😅應該下次都唔會再食😥😥😥

牛腩羅是日返工前有點趕時間，MOKO 11:30 前營業食肆寥寥可數，於是走進了這間。餐廳供應的食品選擇不多，感覺真的很專門做羅宋湯，由於我不是太餓，最後點了「經典羅宋湯套餐」首先上枱的牛油餐包，與普通茶仔無異，比較起來花園餐廳做得更好，最少會放進微波爐才上枱，這個餐包像是嘉頓包放了入焗爐，焗過火，然後放了大半日才上枱。牛腩羅宋湯：味道濃厚，材料十足，相信無須要加「師傅」，牛腩很淋同時亦不會缺少牛味，似乎有分開處理湯及牛的陪分，配得上「羅宋湯專門店」的名稱 麥田薯仔沙律：主菜食了8成，沙律才到；味道正常發揮，薯仔沙律加了紅蘿蔔和青瓜，口感青爽，夏天容易入口。整體而言，除了羅宋湯比其他地方優勝外，加上定價倫貴，真的沒有其他地方值得再回頭。

自從去過一次Wheatfield x 羅宋湯專門店食野後，我同H小姐也會相隔一排再去食。今次H小姐選左牛腩海派羅宋湯 Borsch - beef stew，香煎鹹牛舌脆豬仔包 Pan Fried Ox Tongue Crispy Bun基本上佢特別鍾愛食這裡的香煎鹹牛舌脆豬仔包。個包夠脆身，牛舌不但稔身，而且係厚切，夠口感，特別好味道。我就選了螺絲粉牛腩海派羅宋湯 Fusilli Borsch - beef stew，香煎雞扒Pan Frued Chicken Fillet相對H小姐，這個健康－些。我地也鍾意這裡羅宋湯，夠香濃，帶微辣，料又夠。

專登去試下個羅宋湯⭐️醬油撈麵（上海麵）⭐️醬油撈麵係蔥油加豉油味，份量足夠飽肚，但略嫌太多油同過鹹。撈麵配一碗細湯，湯入面有好多雜菜，可選擇牛或豬，入面有少量既肉。牛腩唔夠林，豬就似日式叉燒。配薄牛扒（+$12），煎得岩岩好，而且唔硬。但食完之後成個碟都有油光。⭐️羅宋湯湯麵（手打烏冬）⭐️湯底配豬，有兩片肉，不過啲肉就冇咩味，有淡淡既豬味。烏冬好滑，但可以再彈牙啲。湯底同撈麵配既細湯係一樣既。跟餐加$12配煎雞扒。雞扒煎得好香，好嫩滑，但食完都係成碟油光。兩個人食，埋單約$100一個人。太貴了，我覺得只係值$72一個人。