WIRED green (已結業)

平日放假最開心既係唔洗同人迫，又有得食平D！平時去開呢間都係食dinner，仲要係menu散叫。只有lunch 同teat time 先有set揀，講真散叫真係有d貴。今日放假做下自己野，去開尖沙咀。當然揀係靜d人流少d既K11歎返個LUNCH先。其實個人好鍾意呢間餐廳既環境，坐得好舒服，仲有我鍾意既日式和風定食！照燒雞扒沙律飯 $95，有我至愛既溫泉蛋,其實都係最想食呢個。雞扒ok既，沙律菜好fresh，可以中和下。再配埋個麵豉湯同杯咖啡已經夠哂飽！雖然好飽，但甜品確係另一個胃既講法係無錯既。最後點都加返埋抹茶軟雪糕($20)，雪糕夠哂抹茶味同夠滑，真係值得一讚同推介。作為我假期既happy openingPerfect！

黎親k11 lunch 都預左唔平 平均間間都$100以上wired green已經食過幾次 呢度環境舒服 都幾靜 通常都唔洗等好耐位叫左蟹肉烏冬set 跟餐有小食，茶同炸雞一份蟹肉烏冬: 蟹肉唔算好多 反而蛋花好多 食到最後好杰身 啲湯都飲唔到🙈 烏冬係讚歧都ok炸雞: 有啲沙律醬淋上面 感覺冇咁熱氣 好好食！小食: 好似海草咁唔知點叫 但咸咸地都幾得意幾特別！如果想傾計塭地方坐下 呢間都好唔錯！

Wired green 真係好適合開喺K-11,好relax又好清新！環境舒適，簡單得泥好隨意。悠悠閒閒食個Tea🚩三文魚巴馬火腿沙律配法式多士及雲呢拿雪糕無論賣相、味道都非常驚喜！先講熱辣辣法式西多配雲呢拿雪糕，冷熱交融多士係外脆內軟，雪糕並非雜乜，texture 係gelato 甘，仲完全唔漏！沙律上既三文魚新鮮，厚身，夠大塊！沙律汁清新醒胃，酸酸地，令味覺有新感受服務方面，侍應新切有禮;上菜時間合理。值得再幫襯！

今日放學後黎一試Wired Green新出既日式刨冰奶凍，有芒果同士多啤梨兩個口味。同其他刨冰唔同，係以冷凍左既水果同牛奶混合，再刨成一片片。叫左$55既士多啤梨味，一碗大約好似一隻手掌攤開甘大，算係一人份量。上枱時覺得上鏡靚過真人 😂 成份甜品有少少混亂樣，碗邊成片士多啤梨都幾影響觀感....倒埋一齊上既花奶即刻成個頭dup dup , 一pat pat甘樣。士多啤梨都幾酸...可能係因為造既問題啦，另外比例上牛奶冰都相當少，如果係為左冰品而來，只可以話係止住癮。不過底層奶凍係濃濃的牛奶味 😋 又滑，依層好食。

我都較少可去K11食嘢，咁岩同女友有啲事要係果頭做，有空檔時間就搵間餐廳坐一陣食下嘢，點知有意外驚喜女友叫左個三文魚伴巴馬火腿沙律·法式多士配雲呢拿雪糕依個堅先講個沙律，三文魚係日式三文魚刺身，有三塊，都算厚身肥美而巴馬火腿亦不俗，味濃最岩用黎送沙律個沙律醋味道適中唔會好濃，以免遮蓋三文魚同巴馬火腿既味道， 整體幾新鮮至於個法式多士配雲呢拿雪糕簡直一絕個雲呢拿雪糕似係自家製既，不錯架而個多士外脆內軟，真係食到脆卜卜係新鮮整好熱洪洪既，配埋雲呢拿雪糕果種冰火相融既感覺至於我就叫左和風汁吉列豬扒三文治賣相都幾靚架，豬扒夠厚身亦有汁，麵包軟綿綿，我最鐘意依類清純簡潔既三文治架啦而粟米粒食得出有用牛油一齊煮，所以味道都好好如果要搵不足之處就係啲薯條炸得唔夠脆同熱。個下午茶餐跟飲品，都係常規嘢，但凍飲唔洗加錢，我叫左凍咖啡，佢分開晒齋啡、牛奶同埋糖漿上，賣相好似好pro 咁咁其實味道又係幾好既最後俾大家睇睇個下午茶餐牌，其實平均都要70至90蚊不等，唔平架，不過坐得都幾舒服，嘢食又好食都推薦既

整完頭, 個肚有D餓。行幾步落下K11樓下的WIRED GREEN食下午荼! WIRED CAFE是來自日本的過江龍, 在香港已經有幾間分店! 作為日本的小CAFE, 質數是有保證的(希望係)。不過今日食完下午茶, 覺得價錢有D少貴。吉列豬扒三文治豬扒炸香後香脆可口, 這點要讚! 夾住的有少少蜜糖芥末, 味道方面算是不錯的。不過唔知點解一D都唔熱, 仲有薯條都係一D都唔熱, 粟米牛油係未溶... 真係扣左唔少分! 因為價錢其實夠係外面食2個下午茶, 所以係失望。而朋友的拉麵就中中等等, 都唔係太大碗但就要$88。這個價錢在下午茶來說比較離地, 而且相信出面好多出名的拉麵店一定比佢更好食。

想試k11依間wired green一排, 今日試左啦, 叫左一個牛利定食, 份量略為少D, 不過鍾意食濃味ge朋友, 味道黎講應該會幾ok, 牛利唔會太老或者太軟, 口感鬆軟適中, 食落有成個餐黎講我比較鍾意D前菜同個沙拉, 唔會太油膩, 有麻醬之餘唔會搶曬沙拉清新感覺, 前菜係牛蒡, 一貫普遍日本料理健康作風另一個係蟹肉廣島蠔毛豆蓋飯, 依個認真推薦大家試下, 雖然等好耐, 但係個飯蟹肉勁多, 加埋有D蝦仔同廣島蠔, 鮮味一流, 略嫌醬油多左dd, 假如少返D醬汁, 鮮味會更加出, 有一讚ge地方係落左毛豆令飯層次豐富左

昨天與朋友媽媽品茶後，朋友媽媽原想帶我去k11買點果乾，因為聽到我蠻喜愛吃果乾，所以便去了k11。最後果乾買不到，反而想去吃下午茶，朋友媽媽覺得我推介wired green不錯的說，也想嚐嚐這裡的三文治，於是決定在此下午茶。Wired Green規定每人都要點一份餐點，用餐90分鐘，這還好吧。原本打算吃的三文治，都售罄了，唯有改吃炸魚柳伴蛋醬沙律，法士多士配雲呢拿雪糕，另點特濃抹茶軟雪糕配白玉及紅豆。兩份餐點同時一拼上桌，我們擔心抹茶軟雪糕融掉，所以我們先吃雪糕。抹茶雪糕味道頗濃，入口挺滑溜的，不過雪糕不夠挺身。紅豆綿密香甜，白玉卻不夠軟糯，吃起來有點生硬，我們不太喜歡白玉的口感。至於炸魚柳伴蛋醬沙律，法士多士配雲呢拿雪糕有著意想不到的驚喜，原先本身不是打算吃這嘛。沙律的蛋醬滿滋味，帶點胡椒風味，伴上混合黑醋的沙律菜開胃無比。炸魚柳確實香脆，如果魚柳可飽滿些便完美了。法士多士配雲呢拿雪糕有著迷人的金黃香脆外表，就算雪糕融化，也不會使多士變得軟腍，仍保有酥脆的口感。當我們輕輕一咬，嘩，多士蛋香十足，蛋漿都均勻滲透多士裡，而且內裡鬆軟得很，很久沒吃過如此美味可口的多士。

下雨的晚上，只好行商場，係商場內搵食，K11的WIRED green，常經過，但冇幫襯過，看下餐牌，主打是和食，價格尚算合理，一於試下了。 店內面積頗大，裝潢是木系為主，有自然簡約之感。 MENU。 刺身5種盛合定食，$188。 味噌湯，正常味道。 白飯。 漬物，味道一般。 有三文魚、甜蝦、赤貝及油甘魚等，厚切的刺身，尚算新鮮，味道普通。 薑汁燒青森懸豚西冷定食，$158，友人的。 芝士焗廣島蠔，$85。 廣島蠔大件，但不太新鮮，味道一般。 食物水準普通。

一個人的晚餐，走左入K11 地庫一間日本餐。點左個吉列黑豚定食$16x + 冰梅酒$5x先講梅酒，落單後5分鐘送上，好高效率。質量都係一般貨仔，無特別吉豬到喇第一眼⋯點解咁黑嘅。我點黑豚姐，唔使炸到咁黑比我喎。成塊豚肉仲細過隻手掌。咁都唔係一個問題。最重要係佢皮肉分離好好地，點解要拆散佢地！個皮雖然黑，但味道唔錯嘅。個肉呢⋯好'鞋'，其中一邊仲有成寸厚肥膏。定食仲有2碟前菜，一碟唔知係芋頭粒定咩，淨係食到啲汁好甜。另一碟有菇、貢菜嘅醃漬，都幾好食。碗飯幾香，又煮得唔錯麵豉湯唔會太咸，食幾啖飯，飲啖湯，感覺唔錯。

有朋至遠方來，帶佢行尖咀行左好多路，黎到K11諗住抖抖飲下野食少少甜品，腦海第一時間浮現既係樓下果間出名既pancake ，點知依然多人到爆（究竟咩時間先會無人？），就退而求其次試下呢間望落都坐得幾舒服又多位既cafe.menu 選擇好少，有d 3-6pm供應既三文治望落幾吸引，但我地5:30去到佢話已經賣晒⋯得番d salad 同好少小食；我地3個就各點一杯飲品同一客大阪燒燒條黎飲住吹水。-薯條：望落好似ok,但食落就⋯硬，唔脆，凍晒，上面既汁都好少，又有d木魚碎係度扮下日本野，但唔好食 又乾⋯ 份量唔多，真係得個樣⋯-凍啡：小妹叫左杯凍啡少冰，點知上黎既時候得3/4杯，無乜咖啡豆味，純粹係溝左奶既咖啡水⋯朋友仔叫左咩「青空」同「peach sangria」，原本屬cocktail既飲品都無乜酒味，得個甜字⋯如果真係攰到扒係度又行唔郁既話，佢都係guarantee有位坐既選擇

大阪燒，非常乾身，有濃烈薑味，有些燒焦，有一陣苦味。。。。醬油豬肉叉燒拉麵，唔熱又無咩味。叉燒好鞋，整體都不是一個好吃的食物。軟殼蟹卷，好似一個泰式的菜式，軟殻蟹好似放左好耐禁，配料有大量彩椒生菜。隔離有人食一個鍋物，非常似一個盆菜，餐廳似乎係提供非常international的菜式選擇-_- 餐廳環境尚算不錯，但食物質素真的麻麻...整體不推介，以呢個價錢serve呢個食物，不是一個值得的選擇😭

朋友生日，一行八人加上下班時間，安全起見由友人先OpenRice 一下，最後選定wired green，貪其無限時可慢慢享用聚舊因為很多不知何時起，除了放題或自助餐會限時，連普通餐廳都限時用餐了軟殼蟹很快就軟了整體蛋黃醬及芝士味很香濃，可以才分一下就見底了烏冬放久了仍算彈牙忌廉汁也是很濃日式蛋黃醬風味，醬汁濃稠很易掛上麵條味道很像大阪燒，酸甜開胃(也是很重蛋黃醬味道)豬肉很碎不太能吃到口感軟滑但偏清淡全晚味道最能分辨的一道香口小菜而且單骨易食，椒味突出，也炸得酥脆玉子嫩滑可是不太能吃到明太子味要等40分鐘的饅魚飯也是整晚最有驚喜的一道菜珍珠米粒粒分明飽滿，而且每口都吸盡精華饅魚肉很足料，加上有不少豆類及蛋絲在內，加強了清甜感覺，口感複雜有趣真的很薄的薄餅，又是一輪蛋黃醬的攻勢也是不太能嚐得到明太子Cp值不高的一道豬肉豬肉沒錯是很嫩滑，也有很香的油脂可以份量確是少連配菜都比餐牌照片少很多整體味道其實ok，可是份量以這個價格來說太少了而且很多道菜都在吃醬汁(其實是蛋黃醬)可能比較適合幾個女生聚餐因為餐牌選擇不多，份量也少，人多點餐有點難

落雨天，路過k11,諗住唔駛等位，入左去呢間日式餐廳。見個環境唔錯，餐牌價錢中上，諗住應該唔錯。兩個人，我地 order 左一份定食，一個蟹肉烏冬同芝麻雞翼。份定食內的烏冬非常咸，sushi 一般，其中一個豆製品，味道仲有d怪，仲有一個伴菜又係冇味。二百幾一個定食賣相已經一般，同真係唔好食。蟹肉烏冬的味道已經好小小，但湯偏淡。黑椒雞翼完全冇味。d雞翼冇黑椒又冇咸味。晩飯時間冇乜人的餐廳，下次真係要諗清楚...

今次跟朋友一起到位於K-11的Wired Green晚飯, 我們7時左右到達, 餐廳內仍有不少座位。我們把餐牌看完又看,發現菜式不算多元化,而且除定食外,沒太多主食選擇，最終我們選了5樣。首先上菜是意粉和清酒煮蜆。 意粉挺好吃，醬汁細滑，咸度適中，但主角明太子味道不太明顯，若將它當作普通卡邦尼意粉，味道便算挺好吃了。至於這鍋清酒煮蜆實在令人大失所望, 我們吃了兩三隻,每一隻都有沙,是每一隻都有, 於是向侍應生反映，並看看是否能更換另一鍋。結果一位男侍應過來，草草說了句什麼 "蜆都是日本送來，所以不能換。" 之類的說話, 我們未及反應，侍應便離開了。他不換我們可以理解, 但他的態度實在令人有點無奈, 最後我們也有跟疑似經理的職員反映, 他說他會跟廚師反映, 希望他真的會吧這碟蛋包豚肉的蛋弄得很嫩滑,加了燒汁也挺好吃,可是豬肉切得非常小,份量也不多。 這碟薄餅味道像大阪燒,挺香口, 能吃到明太子的咸香，可是餅底較乾身。最後上菜的煎豬肉, 肉質不韌,配醬汁吃味道還可以,但沒什麼驚喜。總結: 菜式份量偏少, 侍應服務有侍改善,但座位挺闊, 坐得舒服。