WM Café & Bar (啟岸)

营业中

休息中

無想過係百年一遇的黑雨天氣，而呢間餐廳有開門，令無買餸的我可以食到飯。Lunch menu 也多元化，只可惜餐牌第一款的沙律沒有，惟有下次試。不過反而叫了平時好少會叫的吉列魚配牛角包，老公就叫咗南瓜汁燒雞露荀焗煙斗粉。係呢種格局的餐廳價錢不算貴。但估不到餐湯水準一流，個甘荀湯真係打出來，超蓉，仲要加咗少少薑蓉，超夾；一定不是罐頭開。龍蝦湯都係，足料，但我覺得有少少腥。主菜，吉列魚好大塊，炸得不乾。牛角包焗到好脆，不錯。若可以有多少少配菜，則無咁膩。煙斗粉則少咗啲雞肉，南瓜汁的味道不錯。餐飲叫咗杯熱咖啡，較為苦澀，要落奶。今天餐廳人不多，可能仲落緊雨。總算是一個愉快午餐。

👍🏻焗法國黃油雞伴毛豆肉配牛肝菌汁 $168呢間食過好幾次，貪佢環境寧靜闊落坐得舒服，最近回訪發現轉咗新menu原隻春雞，雞皮位加分，烤焗到薄脆，爆發雞油香，一定要食埋塊雞皮😎配薯蓉，啲薯蓉混埋雞油鹹香，又有陣陣牛油香味道：7/10性價比：7/10-👍🏻蒜片辣椒白酒大蜆意粉 $148蜆肉size都算大粒，肉嫩鮮美咬落有汁，冇腥味乾淨冇沙意粉唔會過腍，沾滿蒜油蒜粒，整體重蒜，輕微酒香比想像中辣，但就好啱個人口味，好過癮！羽衣甘藍畫龍點睛，好似紫菜咁，吸晒啲辣蒜油🤪味道：8/10性價比：7/10-👍🏻黑松露卡邦尼意粉 $138平時鍾意食黑松露嘅朋友應該會鍾意呢款😗醬汁偏杰身濃厚，均勻沾上每條意粉，充滿濃濃creamy黑松露味配料有大量菇粒，份量比想像中多，都幾大碟味道：7/10性價比：7/10-📍WM Café & Bar @wmcafebar土瓜灣啟岸1樓13號大埔八號花園地下20號馬鞍山雅濤居商場地下1B號荃灣海之戀商場3樓 3094號

這家環境休閒的餐廳有綠色裝飾又有室外用餐。餐廳營造了輕鬆、休閒的氛圍，提供舒適環境。這款200克牛肉漢堡令人印象深刻。牛肉口感豐富多汁，保持了肉質的鮮嫩度。麵包少脆香口，搭配番茄同酸瓜，增添了豐富的口味層次。火腿黑松露意大利飯令人驚艷。飯粒Q彈有嚼勁，搭配香濃的黑松露菇汁，散發出迷人的香氣。火腿的鹹香與黑松露的味道合襯，是舌尖的味覺享受，好像去到外國享受的感覺。有加10蚊飲hoegaarden生果啤酒，抵飲滿足。

Happy Friday又出街食飯😋🍴近近地去啟岸樓上食西餐⭕️ 墨西哥牛面肉餡餅🫓先叫個餡餅做小食賣相好靚 面頭有啲炸蔥 睇得又食得👍🏻每塊餡餅裏面有酸瓜同牛面肉粒 份量都唔少肉粒非常淋身 配埋少少醬 唔會乾加上煙煙韌韌嘅餅皮 好有驚喜👏🏻😌⭕️ 黑松露卡邦尼意粉Carbonara係我去西餐廳必叫菜式🫶🏻野菌同意粉份量都好多 黑松露味好濃食落好Creamy 仲有少少芝士粉吊味幾高質💯⭕️ 蒜片辣椒白酒大蜆意粉大蜆有成7-8隻 size大到誇張😳勁大粒肉 無沙👏🏻意粉微微辣好頂癮 食完一啖接一啖少少酒香伴隨住 絕對唔會乾爭爭🤤🩵 順帶一提 餐廳仲提供室外座位 同埋成晚都播住抒情英文情歌 好有mood💕

🧀南瓜汁燒雞露筍芝士焗煙斗粉 $78芝士拉絲😍，芝士味濃，焗到好香，入面有燒雞肉粒，煙斗粉似通心粉，好有咬口，好吸汁😝👍🏻🍝慢煮牛面肉伴闊蛋麵 $88牛肉炆得好淋，本身以為闊蛋麵係闊條麵，但係估唔到佢係比我想像中幼身，我會話係扁意粉😂🍖香煎脆皮鴨胸肉珍珠粉配扒雜菜 $128鴨胸肉大塊，煎到好香，煙靭，珍珠粉似意大利飯粒粒分明👍🏻🍫自家製心太軟+ $25心太軟唔算太流心，但係鍾意佢唔會好甜，唔會漏，亦都有橙🍊、藍莓🫐同士多啤梨🍓配碟👍🏻✨環境舒適，門口綠色草牆搶眼，座位寬闊，落地玻璃望馬路景，採光度高，lunch set抵食配餐湯同野飲，食物高質，菜單會轉

這是跟老婆32個月的紀念日，要拍住拖吃下西餐來慶祝！餐廳位於啟岸商場，屯馬線土瓜環站旁邊，十分方便！除了地點方便之外，餐廳一路播放著柔和和我喜歡聽的音樂！這是一個很好的用餐經驗！也覺得它們十分有TASTE！餐廳有靚靚碗碟，靚靚餐具！十分吸睛！點了1）慢煮和牛牛面肉伴薯蓉·炸大蒜絲·豆苗沙律$288 （9.5/10）2）黑松露卡邦尼$138 （8.5/10）先來了慢煮和牛牛面肉伴薯蓉·炸大蒜絲·豆苗沙律，這個主菜有好多做配菜，至於和牛牛面肉，熟成程度剛剛好，煮得好軟腍，牛肉好嫩滑，入口即融，而且很有牛味，另一配菜底層既薯蓉有啲口感，吃下去有一粒粒的感覺，絕對唔係坊間個啲一pat pat感覺！而且另一菜式有蒜蓉絲，超特別耶！平時食西餐會盡量把配菜放在一旁，今次不知原因很想吃！另一主菜黑松露卡邦尼，這裡的gas味唔會話臭到食到你想嘔，反而感覺令人很舒服，上碟的時間顯得很美觀，入面有蘆筍，磨菇等，唔會話食到你好「漏」，每一條意粉🍝都有汁，感覺很不錯！過了一個很好的晚上，值得推薦！

成日同男朋友經過樓下呢一間西餐廳，今日收工終於扚起心肝去試吓！龍蝦薏米飯伴意式龍蝦泡泡 $228意大利粉係煙韌，唔會太淋。配上好濃既龍蝦汁意大利飯，好味！唔止有三舊龍蝦肉，好鮮甜好彈牙，喺個飯入面仲有八爪魚粒，增加層次感。黑松露卡邦尼 $138佢質地算係唔太淋既意粉，岩晒我呢啲鐘意有咬口既人。而且好濃黑松露忌廉味，唔錯！同埋唔好睇佢好似好細碟，食起上黎原來都好大份。本身諗住食甜品，點知兩個人食完依兩碟已經太飽，下次要過黎轉戰下甜品，佢個甜品Menu都幾吸引。舔手舔脷指數：4.5性價比指數：4.1📍WM Café & Bar (啟岸) (土瓜灣)土瓜灣馬頭圍道63號啟岸1樓13號舖

煙三文魚、班尼迪蛋、蔬菜沙律加埋就係一個完美嘅allday breakfast •沙律菜非常新鮮，醬汁味親好夾，啱啱好，唔會太重味。Espresso Tonic係特濃咖啡加Tonic Water，味道好fresh。咖啡同Tonic Water嘅分層好靚，不過要攪勻飲，唔係會影響到味道同口感。Chocolate Milk嘅牛奶好滑同時巧克力好濃郁，好满足，仲會淋上濃濃巧克力醬，鐘意朱古力一定鐘意！

Checked out WM Cafe & Bar , this spacious resto in the heart of TKW district, did you know this is an up and coming district with lots of new restos to try? This place offers pretty big selection of western/cafe food. Pan’s take - not that great value given the quality & flavour you get, but it’s an honest meal at a convenient location if you’re in the area. Outdoor seatings good for a quick cold one 🍻📍WM Cafe & Bar, 1/F The Vantage, 63 Ma Tau Wan Road, To Kwa Wan (HK)

餐廳有室內同露台座位，環境舒適寧靜，播放著柔和嘅英文歌曲，讓人享受美食同時放鬆心情。-蒜片辣椒白酒大蜆意粉 $148蜆肉好大隻好肥美，肉質鮮嫩爽口，咬落去充滿鮮甜嘅海水味，好多肉汁好鮮美。至於意粉因為唔太食得辣所以點左少辣，食落都好香口野味，意粉唔會乾身，調味都唔太濃味唔怕有酒味。-安格斯牛肉芝士漢堡配薯條 $168麵包牛油烘過口感鬆脆，牛肉漢堡扒有兩件，份量好多好滿足。薯條係原個薯仔厚切，口感香脆同時比較實心，再加上沙津菜作伴碟，令口感同味道更有層次感。-芒果奶昔 $40香滑嘅口感再加入芒果嘅清甜，飲落可口順滑。

Wm cafe係一間西式咖啡店餐廳，位置方便，地方夠大好舒適 吉列魚柳意大利包配青芥末蜜糖沙律醬吉列魚柳作為主要食材，搭配意大利包和青芥末蜜糖沙律醬好吸引！ 吉列魚柳的口感鮮嫩，和青芥末蜜糖沙律醬的組合有仲種酸甜辣的風味。 墨西哥牛面肉餡餅墨西哥牛面肉搭配餅皮，可帶來一種辣味和牛肉的風味！ 肉質夠淋好香滑巴伐洛娃蛋白鬆餅鬆餅用了巴伐洛娃蛋白，帶來輕盈的口感！：賣相吸引，而且唔太甜！黑牛一種特殊的飲品組合，結合了朱古力雪糕及可樂！ 濃厚嘅朱古力味道和汽水的氣泡感，令口感好獨特👍🏻 綠茶熱茶用了茶包，綠茶具有清新嘅香氣，對於鍾意飲茶的人來說是一種愉悅的選擇。

這間WM cafe & bar 位於土瓜灣啟岸巷子，此店本身也有分店在其他區域。 此店，可以在openrice book位的，都算訂位方便。環境方面算是休閒和舒適，由於客人唔算多，星期六的中午一定可以讓你休閒地坐一整個下午。至於食物，我覺得是ok的。可能是個人口味，我覺得沒有特出之作，但作為朋友聚會的地方，這兒是唔錯的選擇。中午的午餐價錢方面，由$138至$258左右，以價錢來說不算便宜。自己雖然唔會特意來，但有朋友聚會閒聊，這兒是唔錯的。

啟岸分店近期轉左新菜式🤪與其他分店略有不同加入新元素的Fusion菜帶來新鮮感🤩肉類菜式選擇頗多如西式叉燒😂，牛扒，黑毛豬鞍，比目魚排及羊架等仲有西式料理，如漢堡包，意大利麵等主菜餐廳裝修以紅磚設計部分牆壁掛滿綠色植物🌿落地大玻璃採光度十足💫更有戶外露台位置空間寬敞座位坐得舒適四川麻辣大蝦意大利麵🦐🌶️🍝一向對麻辣兩字抗拒唔到😂，4隻鮮蝦🦐爽口彈牙，意粉的煙韌度掌握得好好食落有咬口，意粉混合四川麻辣醬料一起炒，麻大過辣🌶️，辣度約小辣，惹味充滿四川風味，配搭2大條蘆筍食落脆嫩軟殼蟹&太陽蛋牛角包配是拉差沙律醬🦀🍳🥐原隻軟殼蟹🦀炸得好酥脆，食落脆卜卜，牛角包🥐外層香脆，裡面鬆軟，太陽蛋煎得好漂亮，切開飽滿的蛋黃，蛋汁慢慢滲透出來，蛋香味濃，仲有酸瓜爽脆相當滋味巴伐洛娃蛋白鬆餅🧁原來呢款係澳洲甜品都幾特別，是自家製的蛋白鬆餅，外脆內軟，表面配搭鮮奶油及新鮮水果(草莓🍓，藍莓🫐及龍珠果)，裡面有少量朱古力粒🍫，口感十足，甜而不膩，為晚餐劃上完美句號🥰芒果百香果青檸特飲🍹第一次飲咁濃郁百香果梳打，有好多百香果果粒，裡面還混合芒果及青檸，飲落酸甜清爽宇宙洛神🍹好夢幻的漸層顏色，加入青檸及薄荷葉，入口

巴馬火腿柚子油醋蕃茄仔沙律清新之選，柚子油醋刺激味蕾，非常開胃，巴馬火腿細滑柔軟，香味細緻，配搭沙律菜，感覺清爽黑松露大啡菇野菌薄餅薄餅烤至香脆，放滿大啡菇和野菌，再配上黑松露、大量拉絲芝士，滋味無窮薯條配黑松露芝士醬 粗薯條即叫即炸，外層新鮮香脆，沾上邪惡芝士醬，浸岀淡淡黑松露香氣朱古力心太軟 流心效果理想，朱古力味香濃，冰火交融，配上朱古力味雪糕，非常豐富熱抹茶牛奶偏向台灣風味之綠茶粉，味道爽口同時帶有花香WM Cafe & Bar（土瓜灣）📍土瓜灣馬頭圍道63號啟岸1樓13號舖

平時出街食飯都好少去cafe，一來大部分意粉都要過百蚊，二來唔少餐廳都有用餐時間、變相同朋友都好難傾耐啲😗呢間cafe價錢上相對平少少，位置都幾闊落，有唔少人幫襯但唔會話排曬隊，所以決定試吓😎餐湯我哋都揀咗龍蝦忌廉湯，正正常常、冇話特別creamy或者重龍蝦味，叫做可以過吓癮🤣朋友要咗四色芝士焗煙斗粉($78)，一嚟到已經聞到超香芝士味，雖然唔似mac & cheese咁成盤都係醬，但撈起都有啲溶咗嘅芝士喺底👌🏻不過味道上真係偏淡，亦都冇嗰種食到成口都係芝士嘅感覺，加上佢冇肉或者其他配料，食完嘅滿足感唔算好高😛呢盤意粉焗過之後係幾香，但如果好肚餓就真係嗌其他嘢食會好啲🙈我就要咗安格斯牛肉芝士漢堡配薯條 ($88)，因為見隔離枱個餐嘅包都好鬆軟好厚身🤣擺盤都幾靚、有幾條菜做點綴，如果燒吓/焗吓塊芝士會更好，唔係嘅話其實冇需要擺開上面塊包，因為個人嚟講冇焦香嘅芝士唔係太吸引🫣不過勝在個包真係好厚身好鬆軟，表面有用足夠嘅牛油煎香、咬落脆脆地，以現今嘅cafe嚟講做到咁都幾難得👍🏻牛肉肉味唔算濃，要齋食先食得出，同埋唔知係咪太薄所以食落唔覺得好juicy，而且麵包咁厚好容易會吸曬啲汁，食落就更