Woodsage

营业中

休息中

2023-08-15呢日一家人食飯，total 四大兩小，因為之前食過所以介紹屋企人食呢間。因為小朋友們都表示好肚餓所以叫既嘢食比較多。因為我哋人數比較多，我哋已經早咗食，但都等左一陣先有位。坐低後叫完嘢食都好快地上齊晒。Overall, 呢餐飯性價比超高😬最好食既係炒雜菜、原隻烤魷魚、烤雞同糯米飯！炒雜菜好有細個既味道，烤雞都好夠味同埋肉質好嫩。入面仲有兩個薯仔，小朋友好開心地清晒🤣糯米飯算係暫時係香港食過好食既糯米飯top 3,椰汁都好香。其他食物都有中上，而咁多嘢加埋都係$726 咋，超抵食！😋

今日去試咗lunch menu嘅藍青口明太子湯烏冬同忌廉蕃茄牛柳意粉👉藍青口明太子湯烏冬烏冬的確好多青口但個湯勁淡完全食唔出明太子味近乎普通烚烏冬仲要好奇怪地無啦啦有幾粒唔索湯嘅豆卜成個組合極奇怪😂👉忌廉蕃茄牛柳意粉一食落口完全係屋企都炒到嘅味，冇層次得嚟蕃茄味極單調，個牛柳就普普通通，至少有味過個烏冬👍唯一值得讚嘅係waiter態度幾好而且環境唔錯幾好坐但嘢食真心完全唔及水準唔會再有下次😀

今日（2023.09.27）晚上去左食排隊等候人都唔少等到入到去嘅時候廚房好似忙到乜咁野食出到係好食🤤🤤🤤🤤🤤本身以為啲野麻麻地，又西又泰但環境又吾錯喎🤭入到去啲樓面吾多 得2個人等叫野食有啲耐出菜又有啲耐雖然so far 啲野食真心正但佢地員工之間好似…吾夠人？廚房樓面吾識夾對方？因為見佢地啲單多到廚房好似好攰 又滴哂汗真辛苦～🤷🏻‍♀️🤷🏻‍♀️如果班員工和諧啲會令我同朋友食得更開心🤭🤤

好耐之前去過食一次lunch近排又再去食了💁🏻‍♀️但晏晝menu同以前已經唔同咗了🥹但勝在真係性價比好高🤭🔸蒜蓉腐乳豆腐意大利麵 $56第一次見到有腐乳意粉當然要試吓😍就咁聞淨係聞到洋蔥味🧅但一撈起就係好重腐乳味,食落都係好重腐乳好掛汁❣️配料有豆腐同豆卜但如果有返肉會更好😙🔸香辣泰式蝦仁炒闊麵 $62唔係好辣大概係少辣程度,蝦仁調味好重好似冬陰功味道🦐而闊麵感受係河粉咁,配料有白菜🥬🔸芒果糯米飯 $42糯米飯分別係白糯米同紫糯米,糯米飯熱辣辣🔥正!!配上椰汁好好食,而芒果整得好靚都偏甜但就唔係好熟🥭🔸芒果紅茶芒果同紅茶味道係平衡🤤好味度 : 7/10🔙回頭率 : 8/10

假日要搵好食餐廳 又可以坐耐啲傾下計 真係唔易 竟然呢度今次食唔洗等好耐 等咗10mins就入得 💁🏻‍♀️流心蛋燒豬頸肉飯 $58最值得讚 好多蔬菜 而且仲要有幾款 有肉有菜有蛋 感覺好健康 👍🏻 顏色豐富 加埋隻流心蛋 蔥粒 賣相已經好吸引 好開胃 豬頸肉味道啱啱好 唔會太咸 蔬菜都好新鮮 呢個飯下次再食都唔會厭🤭💁🏻‍♀️牛肉漢堡配薯條 (唔記得價錢)牛肉唔算太Juicy 但口感味道都不錯 炸薯條份量都唔少 而且好熱好脆 係會食唔停口🤭 配埋新鮮沙律菜 均衡飲食 讚👍🏻💁🏻‍♀️樽仔泰式奶茶印象中以前好似好飲啲🤔今次覺得淡咗 同埋唔夠滑唔夠甜😅

元朗出名多好嘢食，今次嚟到呢間外表似咖啡店，實際係西+泰菜！估佢唔到，又幾好食～首先登場嘅係奶蓋泰奶茶，厚厚嘅奶蓋已經令人垂涎欲滴🤤奶蓋好滑，個泰奶茶味道都剛剛好，有茶嘅香味，亦都唔會太甜。主食虎蝦意粉同鴨肉pizza都好好味，略嫌意粉有少少少少硬，不過軟硬度呢樣嘢唔會迎合到所有人，明白嘅，所以絕對收貨！特別想提嘅係個pizza厚度做得好好，因為我唔鍾意太薄，好似食緊餅乾咁冇晒個口感。但係佢呢個就啱啱好👍🏻本身見佢幾款甜品都好吸引，最後揀咗呢個出面未必會食到嘅泰茶tiramisu，感覺上比較特別。不過真係失望咗，食到係酸酸哋嘅，而且個手指餅嘅質感都唔太好……唔知係咁啱手勢唔好，定係本身呢款甜品唔啱我口味🥹但都好似唔應該係酸……(?)不過整體都覺得可以，值得再訪的。

🥰🥰🥰星期三外出lunch，由於不是Peak Hour ， 好彩一去到就有位🥰🥰🥰我揀左L2 泰式香草醬白菌意大利麵🍜 ⭐️⭐️⭐️⭐️我認為Woodsage 最出色嘅食物係Pasta👍🏻口感十分彈牙，配料足，勁多白菌🍝🍝🍝 真係好正。不過，呢個香草醬比濃味，如果濃味來說，Woodsage 嘅冬蔭公海鮮意大利麵更出色🥰另外朋友食L8香辣蝦多士配薯條🍟我冇食，只食薯條，粗薯條內脆外軟，最鐘意！

#港女覓食到元朗 再次回訪Woodsage~轉左新Menu😙✨流心蛋燒豬頸肉飯 $58流心蛋變左熟蛋😂 旁邊沙律菜配柚子汁好開胃，豬頸肉爽口，而個醬汁夠濃味，送飯一流！✨香辣蝦芝士烤餅配薯條 $72酥脆蝦餅上面有撈勻沙律醬的椰菜絲夠清新，而蝦仁都有3隻。不過略嫌味道有點淡，將個烤餅去沾上豬頸肉的醬汁更好食🙈薯條即炸熱辣辣。✨藍青口明太子忌廉湯烏冬 $64呢個就麻麻地啦，個烏冬淥得太耐淋左，而且個明太子忌廉湯好淡口，烏冬掛不到汁，食落淡茂茂🙈跟餐有配飲品架~揀左凍芒果紅茶&青檸梳打。✨總結人均消費💸：$65/1人味道：🌕🌕🌕🌑🌑份量：🌕🌕🌕🌕🌑服務：🌕🌕🌕🌑🌑質素：🌕🌕🌕🌑🌑::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover #foodlife#foodholiceatdi

#港女美食到元朗今日想飲泰式奶茶所以就揀左Woodsage去作為我地午餐嘅餐廳🍴 Woodsage (元朗)📍元朗福田徑2-16號樂富大廈地下7號舖餐廳有午市Menu供應~餐牌上有泰式x西式嘅選擇，亦都有就咁西式嘅選擇。大家可以根據當日嘅心情去決定食咩菜式😆✨粟米芝士雞肉墨西哥卷拼薯條$68食落香脆，入面有粟米粒加雞肉，咬落仲有洋葱加芝士嘅香氣。薯條係新鮮熱辣炸出嚟嘅粗薯條，仲有少少蔬菜沙律伴碟。✨明太子蟹肉忌廉意粉 $72意粉食落軟硬適中，明太子醬比杰身，如果可以多啲汁就更好了~ 碟意粉都幾大碟，兩個人share都夠食👍🏻✨泰式奶茶 $28泰式奶茶以玻璃樽呈上，仲有個木塞非常精美。而且泰式奶茶係冇冰嘅，保證原汁原味。飲落唔會太甜，仲飲到茶底嘅苦澀味，好飲🤤午餐Menu係有得配飲品架！不過因為我同朋友都想飲泰式奶茶，所以就以正價點左嚟飲啦🙊✨總結人均消費💸：$99/1人味道：🌕🌕🌕🌗🌑份量：🌕🌕🌕🌕🌑服務：🌕🌕🌕🌕🌑質素：🌕🌕🌕🌕🌑::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #foo

假日中午時間經過這邊，會看到有不少人在這餐廳門外等待，餐牌的餸菜名稱也很吸引，但不想等，所以遲遲沒去品嚐。於是，今次平日去吃晚飯。因為太肚餓，只記得拍下意大利麵，哈。我們揀選了冬蔭公忌廉海鮮意大利麵，名字已告訴客人它是西菜和泰菜的合體菜。海鮮有青口、蝦和魷魚，份量充足，新鮮可口。意大利麵處理得不錯，軟硬適中，口感彈牙。至於醬汁方面，冬蔭公味道不錯，不會太辣，酸度適中，因此不會蓋過海鮮的味道，而且有提鮮的作用。冬蔭冬配忌廉，使意大利麵條較易掛汁，而忌廉的厚度恰到好處，不會太膩口，又不會蓋過冬蔭公味道，反而提昇公蔭公香味，互相輝映，是一道十分出色的fusion菜。

在元朗和朗屏之間的一家餐廳，絕對是吃貨們的必訪之地。當您走進這個裝飾精美的餐廳，香氣就會迎面而來，讓您的味蕾立刻興奮起來。您可以開始您的美食之旅，從那令人難以忘懷的黑松露薯條開始。每一塊薯條都炸得酥脆，每一口都帶著濃郁的黑松露香氣，讓您仿佛置身於意大利鄉村的美食體驗中。接下來，軟殼蟹紅咖喱意粉會讓您的味蕾升級。軟殼蟹煎得香脆，再加上豐富的紅咖喱湯汁和麵條，讓您完全沉浸在椰香和辛香料的香氣中，回味無窮。如果您喜歡主菜，那麼鷄胸肉雜菌意大利飯是您不能錯過的。這道菜品充滿了濃郁的口感，鷄胸肉煎得鮮嫩多汁，再加上豐富的雜菌和奶油醬汁，讓您的味覺感到極致的享受。當然，不要忘記一杯奶蓋抹茶拿鐵或奶蓋烏龍茶來陪伴您的美食之旅。奶蓋的質感非常細緻柔滑，與抹茶或烏龍茶的苦澀味道完美地平衡，讓您的嘴裡充滿了一股濃郁的奶香和茶香，令人愛不釋手。總之，這家餐廳不只是為您帶來美食，更是一個舒適、溫馨的用餐場所。餐廳的裝潢精美，氣氛輕鬆愉悅，服務周到，讓您享受到完美的用餐體驗。無論您是和家人、朋友或情人一起來用餐，這裡都是一個值得前往的好去處。別猶豫了，趕快來試試這些令人垂涎欲滴的菜品吧！

臨急臨忙book間餐廳食母親節飯約左5:30 一個鐘後交檯 雖然有啲趕，但係又真係可以食吓喎金柚沙律未食過咁甜嘅柚子，非常之有驚喜，柚子嘅香甜，配以大蝦嘅彈牙肉質，好開胃奶蓋泰式奶茶奶蓋烏龍茶奶蓋非常之特別唔同一般手搖店嘅鹹芝士奶蓋，飲落去冇一般來講咁厚質感同埋滯口，比較清新同少d罪惡感兩杯茶底一般正常黑松露薯條新鮮出爐嘅薯條，唔會唔好食！香脆可口嘅薯條配以濃郁黑松露醬，真係會食唔停口㗎！大蔥鴨肉薄餅薄餅底鬆脆，鴨肉略嫌太少，醬汁只淋喺薄餅最外圍令到中間鴨肉味道略欠層次個人為全場最好食嘅嘢青咖哩魷魚意大飯食咗咁多樣嘢，終於揀番個有泰式fusion菜嚟試吓！意大利飯口感適中，唔會過硬，青咖喱汁融入每一粒飯入面，相對於平時嘅醬撈飯，我而家每一粒飯都有恰到好處嘅醬汁唔會過多又唔會太水（我唔知你明唔明總之就係太好食啦）意大利飯入面仲有粟米仔同埋蘆筍增加口感！唯一敗筆就係飯上面嘅魷魚，魷魚同飯好似無交流，而魷魚又唔咩調味 比較可惜芒果糯米飯

💛Woodsage (元朗)元朗福田徑2-16號樂富大廈地下7號舖泰式西式fusion 菜，性價高，之前都有食過，今天約埋一班朋友一齊去食😃裝修系工業風，食物分量正常，意大利飯煮得好好食😋大家可以提早book枱🌸焦糖核桃藜麥紅菜頭沙律$78🌸泰式原隻烤魷魚🦑$108😋這個即叫即做熱辣辣，魷魚已經切好一卡卡，旁邊有泰式青檸汁，好開胃🌸黑松露芝士薯條$52😋🌸鹹蛋黃薯條$62薯條正常發揮，有少少鹹，我比較喜歡黑松露芝士薯條，黑松露醬好濃郁，好食🌸燒魷魚青咖喱飯$105😋青咖喱不會太辣，魷魚腳好爽口，有忌廉奶味。推介大家試呢個意大利飯🌸烤雞胸雜菌意大利飯$92😋雞胸不會鞋帶口，忌廉汁同雜菌已經融入飯入面，好creamy 🌸冬陰功忌廉海鮮意大利麵$98每條意大利麵都掛滿汁，同冬陰功好夾，後勁有少少辣。🌸大蔥鴨肉薄餅$94薄餅用嘅醬汁係片皮鴨甜麵醬，好特別，餅底係薄片，表面有大量芝士和鴨肉絲，口感豐富Drinks 🍹 🌸奶蓋泰式奶茶$32奶蓋佔杯大約有三份一，非常結實，奶茶濃郁香滑🌸泰式奶茶$28泰式奶茶有特別瓶裝住，好文青

之前睇朋友嘅story見佢成日嚟Woodsage食lunch，見啲嘢食賣相唔錯就偷偷bookmark～早排同朋友約喺元朗食飯，我就提議咗食呢間😛呢間cafe有少少泰式fusion嘅元素，例如青咖喱意大利飯、冬蔭功意粉，仲有得食泰式生蝦𠻹😆 •🥢 焦糖核桃紅菜頭藜麥沙律 $78呢個係朋友揀嘅，我開頭以為會有大量藜麥無咩沙律菜嗰種沙律，好彩原來都有唔少沙律菜😛 個沙律汁味就幾有驚喜，唔係一般食開嘅沙律醋味，呢款仲有啲酸酸甜甜嘅味道，好清新👍🏼仲有唔少大大粒嘅焦糖核桃增加口感，都幾夾～•🥢 生蝦刺身 $58生蝦刺身解凍得幾好，食落唔會有冰感，而且蝦肉爽口無雪味，配埋個酸辣汁、蒜片同辣椒，好惹味～ 好鍾意食生蝦刺身嘅朋友都覺得滿意👍🏼•🥢炸軟殼蟹《擔擔》紅咖哩意大利麵 $92見親餐牌有軟殼蟹就想試😆 呢到嘅炸軟殼蟹都幾大隻，炸衣都幾脆嘅，但稍為厚咗啲啲～擔擔味應該主要就係濃郁嘅花生醬🥜 加埋紅咖喱就比較似喇沙味，仲有輕微辣味，整體都幾特別同幾惹味😛•🥢 大蔥鴨肉薄餅 $94呢到嘅薄餅係薄脆嗰啲餅底，而唔係麵團整嗰啲薄餅～所以就算2-3個人食都輕鬆食晒～ 呢個又有啲啲中式fusion嘅感覺，用上

依間餐廳位置係內街，需要花小小時間先搵。餐廳外擺放左兩張長木櫈，方便等候時坐下或打卡。而餐廳內佈置係簡約工業風，加木紋枱櫈，感覺舒服。餐廳係食泰式菜為主，但又有d菜式會加左西式菜既元素。腐乳忌廉雞肉意大利$58腐乳同忌廉係味道完全唔同嘅調味料，腐乳有獨特嘅味道，加埋忌廉則有滑溜濃郁嘅口感，配埋蒜蓉另成個組合非常之夾同有新鮮感。呢個腐乳忌廉雞肉意大利就恰到好處地配合咗佢哋嘅味道，好滑好香！FLAT WHITE (+$16lunch set半價）咖啡味香濃同口感順滑，加上淡淡既果香味同會飲到少少甜既感覺