XOXO Café Lab (已結業)

一直都好想一嘗呢個韓、台fusion 餐廳，今日放工決定同朋友黎試下啦！一入到餐廳覺得好似去咗主題餐廳咁，裝飾別緻座位寬闊好既環境實在會令人對餐廳印象加分。我地都幾大食，首先嗌咗個士林炸雞配黑蜜。呢個都幾驚喜，炸得好香，咬落去仲有肉汁，$68有成十幾舊加埋啲薯片，超高性價比韓光肉汁烤牛肋骨，可以揀配生菜或者白飯，因為我地都有個飯，所以配生菜。食落去好fresh ，牛肋骨可先起骨再包生菜，啖啖肉。我地嗌咗餐廳既signature dish-海鮮泡抱飯（三文魚）呢個賣相好得意，我以為外面係棉花糖，原來係蛋白！加埋飯食落去似有似無咁，口感特別入面啲三文魚好足料，大大舊。鮮果沙律不過不失，加醋食好夾。細心既店只見到我杯玫瑰柚子蜜飲晒仲會自動幫我加水。呢杯野賣相咁靚，已經比我用咗黎打卡呃like500蚊兩位食到䏾住個肚

很久已沒有去淘大商場，改變真的很大，也證明我很久也沒有找這個朋友了，難得我們也遷就到時間見面，當然要慢慢食，慢慢傾。第三期是食肆聚集的區域，很多餐廳供選擇。這間食店的裝潢頗美，查看店前的menu，食物偏向新式的韓式料理，幾吸引。店內裝潢精緻，以粉藍為主調，很舒服。店內也有半開放式的廂房，很適合一大班人。一打開menu巳見到這個很特別的抱泡鍋飯，相信是signature吧，也是呃like的好時機。海鮮抱泡  - 雞肉海鮮味鍋飯的確幾靚wor 面頭有些紫菜，白色的泡泡是軟棉棉的，有點像麵包，又有點像蛋白，很難估是什麼，但又幾好食。食食下我又吉穿個表面，內裡藏著鍋飯，有很多雞肉，也有菇，飯很creamy，好味份量也多。濃湯牛肉麵牛肉都有5件，而且夠腍，有半隻溏心蛋，麵及湯是分開上的，確保麵不會被浸腍K pop 炸雞配奶酪蜂蜜薯片 - 士林炸雞 我們選了黑蜜味作醬料，很合味。炸雞不油而且很脆，點了黑蜜后真的會一件接一件的去吃炸雞都有件，份量ok。薯片本身巳有奶酪蜂蜜，甜甜的，yummy。滋味蛋餅  - 海鮮泡菜蛋餅上枱是還是熱騰騰的表面的是辣醬，我不太食辣的也食到呢。海鮮配料多，蛋餅也煙煙韌韌

今天是放假的日子，我約了很久冇見面的朋友在淘大吃晚餐，我們經過這間台式餐廳，看到店內環境非常寬敞和清潔衛生，能夠給我一種很舒服的感覺，而餐廳內的顧客幾乎是坐滿的，證明食物的質素有保證，而門外餐牌上的選擇足夠多，賣相非常吸引，價錢想對非常合理，便決定入去試一試，鐵板芝士海鮮拉麵($78)清甜鮮美的蝦，爽口微彈的帆立貝，軟彈煙韌的魷魚，彈牙的草菇，軟彈煙韌和黏口的拉麵，味道辣中帶點甜，加上大量濃郁的芝士鐵板芝士燒豬肋排($118)豬肋排的質素非常高，香稔軟嫩的豬肋排，份量足夠多，配上非常脆口的薄餅，加上大量的芝士，整體配撘恰到好處台式鹵肉泡菜蛋餅($58)蛋餅面層有微辣的辣椒醬，蛋與蛋之間夾著鹵肉和泡菜，非常考功夫，鹵肉非常鬆軟綿密，富有肉汁，泡菜爽口微彈，配料非常多，相對價錢非常合理士林炸雞配麻辣沙拉醬($68)炸雞的份量足夠多，非常香稔軟嫩，富有肉汁，配上辣中帶點酸的麻辣沙拉醬，加上非常爽脆的蜜糖薯片，整體份量十分多，價錢相對合理整體來說，食物的選擇足夠多，食物的用料非常新鮮，食物是即叫即做的，所以食物的温度足夠熱，食物的質素非常高，食物的份量很多，價錢相對非常合理，店員有良好的服務態

💓這間少女心爆棚的Cafe，以湖水藍做主色，主打韓台菜色，裝潢及食物同樣吸引人！-❄️🍹冰珍珠奶茶茶味濃，珍珠很煙韌。-🍎☕️熱茉莉蘋果蜜一開始倒出來沒什麼顏色，以為味道會很淡，誰知道很好喝！甜甜的蘋果/梨味配上花香味，讚！而且整個茶具套裝很美！😍-🌶🍲辣味抱泡韓國泡菜豚肉飯賣相好之餘味道也不錯。泡泡的質感很特別，有點像梳乎厘，配上飯和其他配料能稍稍中和炒飯帶來的油膩感。另外，豚肉份量很足，如果泡菜份量再多一點就完美了。-🍗🍶蒜香炸雞配奶酪蜂蜜薯片味道跟台灣的鹽酥雞一樣，雞肉嫩滑，但有幾塊炸雞的皮太厚，略失色。旁邊的薯片純粹是淋了些蜜糖，沒什麼特別。

今日來到淘大商場逛街，這裏有不少美食，經過見到這間主打韓台菜式的餐廳，看看Menu頗吸引，價錢又不貴就決定進去了。這裏的裝修很別緻舒適，是和朋友談天的好地方。再試試食物。紅燒牛肉麵牛肉非常腍，應該是火喉十足，而且很入味，抵讚。黑蒜濃雞湯鹽酥豬扒拉麵豬扒炸得剛剛好，不乾不油，而且很腍，再加上淮鹽，味道剛好。聽店員說麵是排麵，頗特別，不錯。岩鹽紫菜韓風沙律想不到紫菜做沙律原來頗合口味的。蔬菜新鮮，加上柚子醋的清新美味，令人開心又開胃。可惜今次想叫的甜品多士布甸已沽清了，下次有機會再試吧。

原想去淘大看戲，誰知戲飛買完，一個人唯有到處遛達，在戲院樓上的商場轉彎處有間餐廳，門面很精緻，有點像台灣文藝餐廳，而且因為這邊人流較少，比較清靜，一個人靜靜享受正好餐廳地址雖是一樓, 但要走上兩層自動電梯, 並在這條柱後的門再通向商場另一方才找到, 如果有心要找這店的就要小心了. 單看相片, 想不到是餐廳的一角, 倒像是宜家的示範單位 ; 坐在這裡嘆下午茶, 異常寫意食物選擇不少，而且較多特式食物，如鐵板芝士燒（有扒類或拉麵），不太餓的關係，就簡單吃個泡菜汁鹵肉雲吞年糕 ($75) 加杯茘枝冰綠茶 ($36)泡菜味道比想像中濃，雲吞是意大利的薄雲吞，非常的軟綿，沒想到會吃到這種好味的; 雲吞𥚃是薄薄的肉，煑得入味，一點不馬虎；原本也以為年糕會像外邊的一樣硬崩崩(餐廳通病), 但這個年糕反有點烟剏, 加上辣辣的雲吞配冰涼而不過甜的冰茶，非常滋味最後來一杯手工咖啡 ($48)，配上即烘綿花糖及朱古力，咖啡濃醇  , 一個人過了心滿意足的一個下午

好耐冇去睇賀歲片，難得家人有這提議， 放了工直接去淘大花園戲院買票， 還有時間可以食埋晚飯。 新年食得太多中式餐， 今晚一定要食別的菜式。 戲院樓上有多間食肆， 見到這一間設計精巧，顏色舒服，當然要試。綠色藍色配搭，視覺上令人覺得好舒服 熱帶鮮果優格沙律呢排食得太多糕，見到沙律個樣已經覺得清新， 沙律汁用橄欖油和黑醋， 微酸的感覺非常好， 新鮮蔬菜加上火龍果、 車厘茄等生果， 非常醒胃鮮蚵仔泡菜蛋餅韓式烹調中式煎蠔餅非常新穎， 餡料除了蚵仔還有韮菜，惹味 鐵板芝士燒豬肋排賣相好靚， 中間放了燒豬肋骨，周邊芝士望落去好似蛋白，入口絲絲不斷， 芝士味濃郁， 用嚟搽薄餅非常美味， 豬肋骨燒得香脆，食個不停濃湯牛肉汁雲吞年糕牛肉湯伴上意大利雲吞和韓式年糕，新配搭，年糕大件厚身好煙韌，但湯略嫌過甜。餐牌設計吸引，價錢公道。趕住去睇戲，不能坐太久，未能盡情享受舒適環境， 有機會要去食過。

係德福行左陣，搵呢間餐廳食lunch最吸引我應該係。。。珍珠奶茶我同家人各叫一個set，唔太貴，仲唔駛加錢有珍珠奶茶飲野食好快來到，個珍珠奶茶味道好淡，茶味唔夠重，我只叫少冰，但變成咁樣而個年糕都煮得幾好食，白汁撈埋來食，西式加韓式feel，幾特別不過份量就細左啲，食完都唔夠飽芝士牛肉碎飯好香，但牛肉碎好多肥膏，又係份量太少，食完唔夠飽最後先知有甜品食，我地無望清楚menu原來係近期新出2款口味嘅哈根大師雪糕2款味都點，個人覺得紅豆麻薯味好食過綠茶個款

Xoxo Cafe Lab is nicely decorated with a blue and white colour tone, and is touched up with a lot of small decent decorations to make it more stylish, which provides a comfy environment for dining and chatting with friends. Seating is comfortable too.The set for two is a great deal. You have 4 courses together with 2 drinks for just HKD$228.The Roast Ribs with Cheese was served fresh hot. Ribs were nicely roasted, juicy and tender. Tthe cheese was melted so that you can wrap it around the ribs t

今天放工幫同事拎野返屋企，她住九龍灣，之後我們一起逛商場，行到淘大第三期，她提議去一間叫XOXO Cafe Lab 的餐廳食晚飯，她說這餐廳主打韓國和台灣菜，食過吾錯，今晚就讓我入去試吧！鐵板芝士燒豬肋排配烤薄餅：芝士可以拉絲，豬肋排入味又不硬，味道濃郁惹味，薄餅香脆，與芝士一起食份外美味！芒果海鮮意式比薩：餅底香脆，餡料是海鮮和芒果肉，醬汁惹味，海鮮有口感，芒果味香甜，上枱一定要快食，否則餅底中間不脆！三文魚、煙腿三文治：超大份的三文治，三文治面加了用蛋白打成的泡，再用火輕輕火炙一下，將生的蛋黃放在頂部，像一座火山，下面麵包已烘脆，餡料煙三文魚新鮮，份量不少，最底層是煙火腿和蔬菜，這麼又大又厚的三文治一定要用刀义食，由面層至底層有不同味道和口感，美味！海鮮泡菜蛋餅：蛋餅煎得好香脆，餡料有帆立貝、魷魚、韮菜和泡菜等，加左特製醬汁，十分惹味！

今日早放工，聽到同事介紹，黎左呢間野試食，同事話環境唔錯，野食ok，仲有甜品送，即刻走黎試試。雖然地方有d偏僻，但係門口已經好吸引，係tiffany blue，岩哂我地d港女下午茶，打卡機會黎喇，飛雲!跟住睇餐牌，見到野食價錢都抵，$50-80不等，都算多款式揀既我揀左呢個雞肉多士，飽到都食唔哂，好好味我朋友叫芝士焗飯，都唔錯，佢想飲花茶，都只係加$18，岩哂打卡我地坐左兩個鐘，都冇人趕我地走，到最後埋單個時，竟然有hagendaz雪糕送，真係超抵，極力推介

最近天氣凍, 打左太多次邊爐, 今晚想轉轉口味, 朋友係網上搵左間評價幾高既韓國+台灣菜餐廳, 位於淘大商場三期, 人流不算太旺, 可以靜靜食餐飯。呢度既食物款式不算太多, 以"泡泡飯"做主打, 當中既二人餐其實可以食哂menu上最有特色果幾款食物, 所以最後決定order【二人套餐】HK$228鐵板芝士牛仔骨要盡快食, 芝士先可以有明顯拉絲, 否則芝士好快一餅野痴係鐵板上, 芝士味不會太濃而完全覆蓋牛仔骨味道。牛仔骨幾林, 不會太乾, 表面仲甜甜地。 韓式炸雞拼鹽酥豆腐即炸既炸物, 表面炸得幾香脆而不油膩, 而且仲有少少椒鹽吊味, 炸雞肉質幾嫩, 豆腐表面略脆, 內裡豆腐口感滑滑的墨西哥芒果雞肉沙律卷平時食墨西哥卷餅皮大多都是林, 但呢度既餅皮帶少少脆, 入面既芒果條仲幾甜幾多汁, 不過餡料只有芒果同雞肉各一條, 沒有預期中的豐富層次口感。鹽酥抱泡泡菜海鮮鍋飯呢款泡泡飯為呢間餐廳最有具代表作之一, 賣相好似沖涼既泡泡咁, 泡泡將整個飯完全覆蓋, 泡泡有極淡既蛋味, 入口即溶, 空氣感十足, 個飯其實冇咩特別, 海鮮只有幾隻細既爽蝦仔同埋幾粒迷你帶子連群邊,影相一流, 但味道一般。呢個

地點雖然在淘大商場三期 但其實好難找 店經理介紹二人套餐抵食 即點 有特式抱泡鍋飯 賣相特別 可惜個蛋白雪山堅唔好食 入面的炒飯還可以 鐵板芝士豬助排 好咪 還做拉芝效果 燒原隻魷魚 好味 吉列蝦墨西哥卷 一般般 因有三個人 多加個泡菜海鮮蛋餅 好味。最特色是甜品 親親蜜語 棉花糖包著脆多士加雪糕在頂 好正 現在仲做兩週年特價$28 原價$78 飲品全部特價$28 快快去。

清新小cafe 系列呢度裝修好粉藍 令人覺得好舒服難得過黎淘大 同友人搵左呢間cafe仔傾下計黎之前其實我地係食左野先黎😂😂所以叫得一樣野食🙈🤦🏻‍♀️🤦🏻‍♀️為左傾計究竟要食幾多野落肚🤦🏻‍♀️女仔有冇限潛力夜晚黎人流唔算多 岩晒我地心意一睇menu 就俾呢個all day三文治吸引左吸睛系列👀👀叫左煙三文 煙肉三文治黎到wa左聲 個造型果然好特別多士好香口 好脆👍🏻👍🏻煙三文魚加左洋蔥 配搭好新鮮👍🏻下次應該黎呢度食正餐

我有openrice呢個app咁多年，從來未登記過做會員，但食完呢間xoxo cafe之後，我要即刻登記做會員寫劣評，因為我見佢評語唔錯，所以唔想有更多好似我咁睇完評語去試然後中伏，費時令更多既人嘥錢幫襯！我嗌左鐵板芝士燒鹽酥炸雞、鮮柯仔泡菜蛋餅、紫菜汁燒年糕、朱古力雪沙，不過冇影相，因為我冇相機食先呢個習慣。先黎柯仔泡菜蛋餅，冇泡菜味又水，之後到杯野飲，淡而冇味，再之後到個年糕，算正常但比我個感覺好hea，隻碟可以靚d囉，最後個芝士鹽酥雞，d芝士好似膠咁，食落口以為𡁻緊香口膠！埋單連加一$288，雖然價錢唔貴，但二百幾絕對有更多更好既選擇！btw呢間野d service都幾得意，全程冇招呼，某d waitress黑口黑面，最離譜係埋左單佢又見到你已經要起身走人個陣，佢會duck係你面前執枱唔比你走，好似好趕住收工咁，要我女朋友講唔該佢先識借借比我地走