XOXO Café Lab (已結業)

XOXO Cafe 裝修走青春路線, 店鋪的顏色非常奪目, 走進來使人精神為之一振。食物同飲品都美輪美奐, 套餐好抵食, 可惜今日得一把咀。玫瑰柚子茶 ($48/壺)花茶連茶壺上,  一set 美麗的茶具, 看見也覺得精神鬆弛, 看著蠟燭燃燒, 玫瑰花在茶壺內慢慢的滾動, 散發著陣陣的玫瑰清幽, 賞心悅目。玫瑰花有消除疲勞及美容養顏的功效, 女性喝特別好, 還散發出陣陣的玫瑰清香, 視覺、嗅覺、味覺三重享受,  玫瑰花茶還加了柚子蜜, 清香、清新及香甜蜜味在口腔內共冶一爐, 喝著非常relax。鐵板芝士燒牛肋骨($128)好大盤啊, 熱辣辣上枱, 底部芝士厚厚的一層, 散發出陣陣的芝士香, 上面還放著五~六塊燒香了的牛肋骨, 牛肋骨掃上燒汁才燒, 肉質嫩滑, 香香甜甜, 非常惹味。至於那個芝士底, 鹹香濃滑, 絲絲緊扣, 好有彈性呢。放落薄餅度一齊食, 香脆惹味。

As i worked around Megabox area, I hardly walked over to Kowloon Bay MTR area for lunch as it was quite far away. Since my lunch time was slightly longer today and i decided to try something new, I decided to walk over to Amoy Plaza for food. There were alot of restaurants there and in the end i decided to go for XOXO cafe as it has been a long while since i have ate Taiwanese food.  Their menu was very comprehensive, selling mainly Taiwanese and Korean snacks, main courses and desserts etc. Bee

呢日去九龍灣探好姊妹， 她話帶我去間好靚的café食晚餐， 原來<XOXO CAFÉ>係淘大花園商場都開左分店， 我話她知早前已經同老公去左坑口的分店啦~ 淘大花園商場的分店裝潢一樣好靚， 用左湖水藍色為主調的田園風格設計， 影相打卡真係一流， 因為今次好姊妹訂左位，仲安排左沙發式卡位添~ 晚餐有2人/4人套餐，價錢唔貴仲幾多野食， 不過我地就想食一d特別的野，所以決定散點~ <藍橘荔枝水果茶 & 芒果鳳梨水果茶> 呢度的水果茶無論凍/熱都好好飲， 果肉份量多又新鮮，而且唔會太甜~ <七味燒魷魚>  大大隻原隻魷魚，口感爽口彈牙 淋埋檸檬汁更帶出它的鮮味，令人回味無窮~ <士林炸雞配蒜香沙拉醬>  超正的炸雞，外層炸得香口酥脆，內裡的肉雞肉質幼嫩， 再點上惹味的沙拉醬，薯片亦十分脆口~ <鐵板芝士燒豚肉拉麵>將芝士同拉麵撈均勻之後一齊食， 豚肉份量都幾多，芝士香濃，仲有拉絲的效果，建議要趁熱撈d芝士~

係LUNCH HOUR最黃金時段(12:30 - 14:00)在九龍灣揾食, 一向都唔係一件容易既事.平日來來去去都係去開地鋪揾食,今日試新野, 上左三樓,原來上面別有一片天,可以講得上係旺中帶靜,成餐飯唔駛同人迫之餘,仲坐得好舒服,返左半日工,輕輕鬆鬆傾下計,當堂RELAX左唔少.食物方面,我地三個人點了三種唔同類型的食品share.黑松露薯粉年糕最好味,因為年糕本身有乜味,配味道濃烈的黑松露,提升咬口之餘, 個味都中和得剛剛好.而芝士泡菜焗豬肉飯,就咸左少少,要配上湯食,先唔會覺得口乾.濃湯牛尾泡飯,個牛尾太韌,太痴牙.最後,每個LUNCH都配番杯HAAGEN DAZS雪糕,所以都值得加番少少分比佢,下次可以再去.

約了媽咪九龍灣吃飯, 事先已上openrice 搜尋美食, 一searched 九龍灣，第一個彈出的是小南國，但在mega box, 太遠了, 見到德福有茶木，似乎也會合媽咪胃口，此時見到茶木下面有餐廳推介，有間叫XOXO Café Lab，嗰度更近我哋去嘅淘大，便上去Open rice 望下食評。快速望了幾個最新的食評：主要話餐廳裝修好靚、充滿童話, 餐廳主要用上粉藍色,見到有網友推介時形容為Tiffany blue ，即刻幾乎唔使點諗就即時扑鎚去呢間。至於食物？睇完網友嘅推介，也心裏有數。媽咪不飲冷飲的關係，又見到呢度有水果茶有冷有熱, 媽咪飲中式茶的，想必未飲過這些新派的, 應該都會喜歡, 加上那套茶杯真是好美, 都不用怎再想便決定了。到達後，好在之前做好功課, 知道在戲院果邊，所以好易搵到。去到店子, 原來旁邊都有幾間餐廳都幾好, 但這間餐廳，無論裝修、擺設和食物賣相都很吸引，所以最終決定入去。見到有2人套餐, 不過見到網友通常散點, 所以也散點了以下 :1) 熱蜂蜜檸檬水果茶 $45 2) 紅燒牛肉湯麵午餐＄793) 牛尾雪濃湯飯午餐＄824) 七味燒魷魚＄525) 鮮蚵仔泡

既然放假，就決定出淘大商場行吓，等男人收工就可以過嚟會合我一齊食晚飯。行吓行吓，比我見到呢一間cafe，好似感覺都唔錯，一於決定晚餐就係佢啦。餐廳以藍色和白色為主，不斷播左輕音樂，感覺10分舒服及寧靜，令人心情自然放鬆，好似去咗度假咁。男人叫咗個熱朱古力，好好笑啊，原來佢係一杯熱牛奶家樂朱古力度撈勻就成為一杯熱朱古力啦，點知飲落又真係好香濃喎。我叫嘅台式水果茶，酸酸甜甜好好飲呀！仲有好多生果食添！牛仔骨套餐有碗飯啦，有個味增湯，仲有一大盆牛仔骨。牛仔骨10分厚身，外面燒得焦香，入面鮮嫩多汁，超好味。男人叫咗個台式牛肉麵牛肉10分嫩淋，湯頭肉味鮮甜，面質有咬口，拍得住台灣水準。舒舒服服安安靜靜又一餐，喺呢度食嘢真係配得想愜意啲兩個字

今天到牛頭角探望好友 ，再次來到位於淘大商場三期2樓的XoXo。中午時段顧客有附近的上班一族和街坊。幾位侍應都是溫柔有禮的女生。和朋友點了牛肉和排骨湯麵，配珍珠奶茶和凍檸檬茶。紅燒牛肉湯麵 $69牛肉夠稔，湯麵質地有咬口。紅燒排骨湯麵 $56排骨香軟，湯麵吸收了湯底，蠻爽滑的。珍珠奶茶帶淡淡的奶茶香，味道不會過甜。凍檸檬茶 隨餐附送的Häagen-Dazs雪糕選了香滑的士多啤梨味和香濃的朱古力味。 為這頓午餐劃上了句號。

今日同fd係九龍灣行行下街果陣無啦啦落雨，就行左入去淘大到搵野食，最後揀左依間XOXO Café Lab！依到有梳化4人位，諗都唔諗就同朋友過左去坐。由於太肚餓既關係，睇個名好好食果啲都有叫黎食。先黎到既頭盤係紫菜汁燒年榚，上面既紫菜碎好香口，配埋下面既韓式年榚，帶出黎既口感好好。個汁唔咸唔濃，好配合到碟野食。然後，呢個鮮柯仔泡菜蛋餅，一咬落去就食到台式柯仔煎的味道，配合泡菜和調味料的鮮味，口感真係一流﹗呢個鐵板芝士燒豚肉拉麵，香濃既芝士汁配合拉麵真係一流的組合，加埋有鮮嫩的豚肉，令到我地都食到停唔到口!最後，飲埋呢杯冰藍橘荔枝水果茶為我地既晚餐做一個完美的句號。 呢杯水果茶有不少果肉，又不會太甜，讚﹗

身為九龍灣之友，一直久聞xoxo cafe的鼎鼎大名，今次終於有機會去朝聖！果然名不虛傳！首先，我們叫了主打的「鰻魚海鮮抱泡飯」（$138），味道超級驚喜！外層的泡泡十分滑嫰，配上極具咬口的飯和鮮甜的鰻魚，真心好好味！重點推介！主食方面，我們叫了一個「鐵板芝士燒豚肉韓國拉麵」（$72）， 芝士竟然會拉絲，真心超級邪惡，而且豚肉配上拉麵，非常彈牙好味！小食方面，我們吃了「滋味鮮蚵仔泡菜蛋餅」（$62），竟然有台式fusion韓式的菜式，蚵仔意外地和辣辣的泡菜好夾！好驚喜！飲品方面，我叫了「芒果沙冰」（$44），酸酸甜甜透心涼，而且非常大杯，真係抵飲又好味！整體上，感到非常滿意！不論是餐廳環境，還是店員服務的友善，下次一定會去再食！

周日是享受下午茶的好時光這天來到位於淘大商場的Cafe。以天藍色為主色的餐廳，讓人感到很悠閒、舒適。可愛的小窗口餐廳內也是以天藍色作主調，讓我感覺這真是一個悠閒的周日餐廳有不少韓式、台式菜可選，但是假期，來一個Holiday Set吧煙三文魚的份量很豐富呢沙律點上黑醋比較清新。炸得很香脆呢，榨上檸檬汁可減低油膩感呢挺有蒜香的野菌配雞絲也算是健康之選呢。入味的巴馬火腿水果加上小黑子，健康的花果茶很Fresh很適合夏天呢。甜甜的草莓梳打也是很適合夏天呢。在舒適的環境渡過了悠閒的假日

約左閏蜜相聚, 總會精心揀選餐廳, 最終決定去XOXO CAFE。餐廳係九龍灣淘大花園商場, 係九龍灣港鐵站行過去大約10分鐘。之前曾經食過, 所以好易搵。餐廳裝修好充滿童話, 每一個座位,角落影相都好入鏡, 所以建議一定要訂座, 仲可以揀卡位啦 !餐廳主要用上粉藍色, 童話式的裝修真係無得輸, 見到不少情侶係度。原來餐廳有一個位置放左長枱, 感覺有一個VIP房, 人多可以坐呢度自成一角。見到有2人套餐, 不過見到餐牌較吸引, 所以散點了以下 :1. 鮮蚵仔泡菜蛋餅 $622) 香草烤澳洲羊柳 $1083) 鐵板芝士燒豚肉拉麵 $724) 西芹提子飲品 $445) 紅菜頭西柚 $42 (飲品買一送一)飲品買一送一好抵, 計返每杯都係$22杯, 紅菜頭西柚是我點選的, 紅菜頭原先沒有太大味道, 加上西柚後味道帶少酸, 清新又開胃。鮮蚵仔泡菜蛋餅蚵仔都好多, 加上泡菜味道好夾, 蛋餅唔會煎得好老, 喜歡在蛋餅上加上辣醬, 令到味道更加突出。鐵板芝士燒豚肉拉麵 記得一上枱就要馬上食, 因為芝士必須和拉麵撈埋一齊最正,芝士一凍就難撈埋了。豚肉大約6-7件, 整個拉麵份量好大, 相信有2個拉麵份

夜晚7點零黎到，入座率大概一半左右，我同朋友2個人被安排座4人位第一個上既係鴛鴦珍珠奶茶，鴛鴦珍珠係指爆珠同黑珍珠，奶茶甜度適中奶味濃郁，甜味主要係珍珠上，爆珠咬破後亦有蜜糖味海鮮泡菜蛋餅原本以為係小食，點知其實當做其中一碟菜比較好，入面有蝦、帆立貝同魷魚，加埋泡菜同韭菜比較濃味，香濃蛋味而且食落一啲都唔乾，剛巧主食黎左，試左一下蛋餅加白飯，非常夾鐵板牛仔骨，有得揀配生菜定白飯，牛仔骨剪得好香，肥肉較多所以食落比較重油香，下面鋪左啲蔬菜同燒汁一齊食好夠味，個人建議個汁分開會更好辣味炸雞翼加蒜味沙拉醬，炸雞可以選配既醬有6種之多，雞翼新鮮炸起，炸皮不太厚很香口，但食落冇乜辣味，最驚喜係個醬，蒜味夠重，無論用黎點雞翼定薯片都好夾總括而言呢間餐廳野食選擇偏韓式同台式，位同位之間距離較闊，而且坐得舒服適合傾計，同好姐妹幾個一齊黎食個飯聚下傾下計都唔錯

相約閨蜜在九龍灣淘大這家新派cafe😍😍為姊妹慶生🎂很喜歡這裏的風格很有格調、 食物種類繁多 、賣相相當吸引，而且座位很舒適、空間感十足及侍應都很有禮貌😊坐下看看meun,樣樣食品既貴相都好靚😍😍首先叫左花茶，解解渴先。茶壺好美啊！十分有氣派！這個牛仔骨十分入味😋味道十足，唔好好難咬，再加上洋蔥絲+生菜包住唔會感覺太油膩！👍🏻👍🏻魷魚十分香口，唔會好似食緊香口膠咁要咀嚼好耐先吞下Pizza外觀都很吸引，皮底香胞，芝士喎其他材料都配合很好👍👆🏻呢個入面係飯黎的，但好睇唔好食，外面係蛋白做的，入面是飯最後，就點了甜點，見到呢個棉花糖+雪糕，味道一般。

Poohpooh最近忙 我地吃飯都只可以係佢屋企附近 食到有D厭倦 就去左隔幾個站嘅九龍灣覓食 唔去唔知淘大商場近年開左好多新餐廳.今次我哋選中嘅幸運兒系一間台韓式小店 係唔顯眼嘅3期2樓 望落去好舒服好寫意 藍綠色裝修 女孩子實會鍾意.我哋每人叫咗一個套餐 包飲品主菜同甜品 分別係$88同$74.飲品有普通餐飲或者珍珠奶茶 我地揀嘅係珍珠奶茶 奶味偏重 味道唔會太濃或者太甜 珍珠大大粒有咬口 值得讚賞嘅係糖漿係另上嘅 客人可以因應個人口味落糖.主食方面 無論係龍蝦包定牛肉焗飯都令人滿意.鬆軟嘅麵包入面夾著着沙律 絕對適合唔想食得太heavy嘅顧客 龍蝦雖然切成碎 但係依然彈牙 旁邊嘅薯片味道係甜甜地嘅.牛肉焗飯「芝」味滿分。有得揀白汁或者番茄汁 白汁令到成個飯份外creamy 方正嘅牛肉粒嫩口 唔會太多筋 焗飯偏鹹 餐廳貼心咁樣附送一杯細細嘅湯中和下.最驚喜係甜品 原來係 Haagen Dazs 為是日午餐畫上完美句號

這天放工後，我約了朋友去淘大吃晚餐，到了晚飯的時間，我們經過這間餐廳，看見店內環境寛敞和清潔衛生,店內的而店舖亦會提供免費無線上網給客人使用，十分細心紅燒牛肉麵($68)牛肉軟彈煙韌，牛肉的份量足夠多，麵非常爽口微彈，唐生菜新鮮爽口微彈芒果海鮮pizza($78)魷魚清鮮甜美，蝦十分鮮甜，帆立貝軟彈煙韌，芒果非常鮮甜，薄批底十分爽脆士林炸雞($68)炸雞非常香稔軟嫩，份量非常多，大量的薯片非常香脆脆炸魷魚($62)魷魚非常軟彈煙韌，新鮮，份量合理整體來說，食物的份量很多，食物的質素非常高，食物是即叫即製，所以食物來到的時候還是很熱，價錢相對合理，店員有良好的服務態度和有禮貌，所以我認為這間餐廳值得再去惠顧