XOXO Café Lab (已結業)

今晚約咗朋友行街，好耐未去過九龍灣，係openrice睇吓有咩好食啦，嘩！竟然見到間粉藍色裝修嘅餐廳，好夢幻，馬上去睇睇。門口裝潢好有Garden feel,座位非常濶落，夠曬我放shopping後的戰利品，重點仲要有好多影相位，太捧了。入正題，睇吓餐牌有咩食啦，我哋叫咗玫瑰花柚子茶，好老實係比佢個茶壺同套杯吸引咗而叫的，嘩！無諗過完來會提供兩套杯比你，唔好睇佢D茶無咩色咁，一沖落個杯已經不得了之，好清香嘅玫瑰花味，夾雜著甜甜的柚子蜜味，一入口真係唔想講嘢住，即刻馬上喝多幾口，真心推介傾計談心必叫飲品。而朋友叫咗杯手工鮮奶巧克力，一上枱又係賣相先贏，有三個杯，一個載有熱鮮奶，一個載有原塊巧克力，最後一個載有棉花糖，自己動手將熱騰騰嘅鮮奶，沖入原塊巧克力的杯裏，巧克力隨隨溶化入鮮奶中，嘩！巧克力嘅香氣撲鼻而來，忍不住馬上把棉花糖放上面，朋友第一時間喝下了一整杯，唉！好飲到等我連相都未影，已被好喝下了一整杯😆冲前冲後跟住嚟個餐前小吃，士林炸雞配蒜香沙拉醬，個雞一睇個樣就知脆，一入口嘩一聲，脆到講唔到嘢，雖然炸到脆卜卜，但入面嘅肉汁仍然保留住，點一下蒜香沙拉醬，簡直係絕配，仲配上我最愛嘅薯片

今日淘大商場看完戲後，比我發現這間挺特式的餐廳，無論裝修、擺設和食物賣相都很吸引。所以，別無它選，我同老婆就决定食這間。這間XOXO Cafe Lab非常創新風格，集台式、韓式食物， 食物款式多而特別，尤其是抱泡鍋飯系列， 賣相精美，只看圖片而吸引到流哂口水，加上這店甜味夠哂特別，所以看了餐牌已心裏有數食那幾款。至於這裡裝修给人感覺很舒服，悠闲的Tiffany blue色調，清新舒雅，光澤潔淨，加上擺設新颖，令空間感無限放大，給食客一個舒適優悠的感覺，可一邊享受美食，一邊非常寫意地聊天，超正的晚餐。食物先來士林炸雞配蒜香沙拉醬($68)，這炸雞極正，因外層炸得很酥脆，而肉雞又不乾身，非常香稔軟嫩，肉質鮮嫩，食落還感到很Juicy,加上食時點上酸酸香香的沙拉醬，特別美味。而跟餐的薯片甜甜的，十分脆口，跟炸雞非常配合。重頭戲來啦，鳗鱼海鲜抱泡鍋飯($138),賣相好靓， 好似一大舊梳乎厘甜品咁 ，特別吸晴。入面是炒飯，黏黏的質感，加上好香的蛋飯味，食一口已忍不住来第二、三口。而鳗鱼份量算多，有5大塊，魚香肉滑，外層鹹鹹的，內層甜甜的鳗魚飯，特别有層次，口感一绝。又好睇又好食，值得推介。另一

是日放假，到餐廳一試，失望至極！是次叫左辣味炸雞及芒果蕃茄沙沙醬，抱泡泡菜豬肉飯及藍X荔枝水果茶及珍珠奶茶。炸雞全是粉，個抱泡蛋白膠味濃，豬肉泡菜炒飯亦難食！失望！！！讚好的like很不真實！

好耐冇去過淘大，今日經過突然發現多左好多餐廳。今次完全比呢間餐廳夢幻嘅裝修吸引左入黎。呢間少女味濃既韓式餐廳用左淺粉藍色為主色，加上好多唔好裝飾，大把影相打卡位！而食物方面，餐廳有西式，韓式，台式，今次叫左邪惡的鐵板芝士燒牛肉拉麵。有芝士既食物幾時都咁正，拉麵唔會過淋，而且好夠味，味道好似港式黑椒牛肉意咁，小小辣，好香口，加上拉絲芝士好正！另外見到menu有呢個賣相同菜名都好特別既抱泡鍋飯就決定嘗試下，有9款唔同味道，今次揀左海鮮味三文魚鍋飯。上面既泡泡好似梳乎厘咁軟，入面既飯有好多大大粒既三文魚，口感豐富。再來一個意式芒果海鮮薄餅，薄餅底脆卜卜，面頭既千島醬同薄餅底既蕃茄醬份量都剛剛好，互相配合。海鮮有蝦，帶子同魷魚，唯獨略嫌芒果太少，如果再多d就更正！總括嚟講，餐廳環境同食物貌相一流，岩哂少女們相機食先，食物味道亦好不錯，絕對會約唔同女仔朋友再去！

今天約了朋友於九龍灣吃飯，見OpenRice 這間的評分比較高，所以決定來試試看 ！不知道是不是地方比較偏僻，竟然不用排隊就可以入座，而且附近的餐廳也不滿座。鋪面裝修以Tiffany blue 顏色為主色，很開揚而且十分舒適。餐廳主打韓式及台式fusion 菜。被這個吸引着！所以決定試試看！作為芝士控的我也被這個深深吸引着！鐵板芝士燒鹽酥炸雞賣相吸引而且份量頗多！這個真的要趁熱吃，因為芝士會黏在一起。鹽酥炸雞炸得很香脆，而且不會太多炸粉，但當然沒有台灣的那些好吃，芝士也很香口，但總是覺得鹽酥雞及芝士不太搭配，反而芝士跟脆薄餅會比較好一點。芒果海鮮pizza這個是六件份量，海鮮份量頗多的，是薄脆pizza，但不知道是不是芒果分布不太平均，我沒有吃到芒果的味道！整體而言，個人比較喜歡Pizza Hut的pizza抱抱鍋飯-香味咖喱鹵肉溫泉蛋重頭戲來了！就是這個蛋白！當然賣相沒有圖片那麼吸引，但也是很澎湃的！我以為漏了溫泉蛋，原來溫泉蛋在中間，要破壞這個蛋白才能打散溫泉蛋！滷肉飯挺好吃，加上溫泉蛋即時錦上添花，但也是與這個蛋白不是太搭配...冰茉香珍珠奶茶令我驚訝的是賣相是帶一點綠色！？我以

第一次黎，感覺幾特別，一次過試到兩個國家既野食，滿足感都幾大，兩個人叫左三樣野，份量好多有碟起碼有8舊牛助骨，唔會好肥好多油，啲芝士好多，多到可以拉絲，仲配埋薄餅，連埋芝士一齊食好正三層都唔同料，三文治用厚既方包，烘到好脆，最鐘意中間個層，燒牛肉

我和朋友在淘大看電影，到了晚飯的時間，我們路過這間台式餐廳，看見餐牌上食物的選擇很多而且十分吸引，價錢挻合理，店內環境寬敞富有空間感，而且清潔衛生，給我一種很舒服的感覺，便決定入去試一試鐵板芝士海鮮拉麵($78)大量芝士，芝士給人感覺一向偏鹹，而這種芝士味道恰到好處，不會太鹹，比較健康，軟彈煙靱的帆立貝，爽口微彈的魷魚，清鮮甜美的蝦，非常軟彈煙靱的拉麵咖哩牛肉粒抱泡($118)香稔軟嫩的牛肉，咖哩味比較淡，相對健康，用類似麵包糠而製成的抱泡，非常鬆軟綿密士林炸雞配蒜香沙拉醬($68)炸雞十分爽脆而且香稔軟嫩，炸雞的份量十分多，配上酸酸的沙拉醬，十分開胃鐵板芝士燒豬肋排($118)芝士的份量足夠多，豬肋排非常鬆軟綿密，墨西哥脆脆十分爽脆整體來說，食物的選擇很多，食物的質素非常高，價錢相對合理，店員有良好的服務態度和有禮貌，所以我認為這間餐廳值得再去惠顧

今日要番學校做D野，既然出開九龍灣就同朋友係附近食埋野先走啦~呢間XOXO Café Lab望一望餐牌其實見到有好多唔同國家既菜式/fusion菜應該都幾新鮮所以就入去試下~我同朋友兩個人就叫左呢個2人套餐有飯有小食有野飲感覺幾化算上面係炸雞下面係鹽酥豆腐炸雞既外皮好脆，肉都好滑，唔係雞胸黎XD每一舊既大小都岩岩好放到入口作為呢一餐既開始係不錯的~而鹽酥豆腐個外皮都整到可以容易夾到~外皮比較鹹，而豆腐就好熱~XD2款小食都係鹹既~而呢個係煙三文魚沙津一開頭唔知個醬係邊原來放左係上一層XD以個份量黎講，煙三文魚既比例真係多XD配既醬汁都好開胃，酸酸的而主菜就係呢個泡泡牛肉芝士飯(我簡短左XD)上面泡泡都幾特別，好少見有餐廳做到咁~牛肉唔會太硬，飯同泡泡都幾夾XD撈埋一齊食係唔錯既~不過整體就比較乾，要飲住水黎食~依家係咪興水果茶?XD 所以叫左黎試下~飲落幾清新，有唔同既水果既味道mix埋一齊仲有好多果肉係度可以食埋~當飯後水果~XD整體黎講呢個餐都可一試，不過可能要加多少少小食先夠飽XD

去九龍灣食飯，德福廣場就又貴又少選擇，Megabox又偏遠不就腳，小弟就選擇去淘大花園，係地鐵站過天橋不用五分鐘就到，而且又近住宅，可以食得平d又多d選擇呢！平之餘又搵到間特別餐廳，當然要帶女朋友去啦！😆😆裝潢環境都很特別啦！食得少甜又健康，又有女友相伴當然夠甜啦！😆😆女友不肚餓，先點了沙律吃，好清新好fresh丫！唔係單單食菜，又有好多生果伴碟，又可以沾黑醋吃，酸酸甜甜很開胃呢，而且份量亦比想像中多👍🏻👍🏻女友再點了一個餡餅，有點似印度薄餅呢！餡餅有白菌和芝士，新鮮烤焗過，很香白菌味，而且芝士又有拉絲狀，熱辣辣即食好好味呢！👍👍烤羊柳套餐，用鐵板上碟，新鮮熱辣又好味呢！羊柳沒有騷味，而且弄得軟唸，值得一讚！可以選配白飯或薄餅，小弟肚餓點了白飯，出奇地大碗呢！而且還有麵豉湯，正！😜😜最後點都俾甜品作結——巨峰提子分子甜點！其實我都不知道這杯屬於飲品定甜品？飲品，是因爲這杯巨峰提子，喝下去充滿無限的提子味；甜品，是因為杯中充滿蒟蒻、波子汽水味的雪糕球，很特別的配搭，完全是一個很有創意的甜品呢👍🏻👍🏻

成日經過呢間cafe都比佢tiffany blue既少女系裝修吸引左，今次終於去左試！入面裝修真係會誘發少女心岩哂女仔都影靚相，除此之外，食物都走日韓路線喔！餐牌食物類別好廣，又有台灣食物好似台灣紅燒牛肉麵、個性蛋餅，但又fusion左d韓國元素，變身成泡菜蛋餅好搞笑。蛋白泡泡飯配海鮮雞肉$118我既目光完全被餐牌上大大個蛋白泡泡飯吸引左！！食過一次好好食，今次難得有得叫決定試下。實物無圖咁大個，以鐵鑊裝上，連個手柄都藍色泡泡其實係打發左既蛋白，所以口感上有啲似棉花糖無左甜味咁，同以前食既唔同，呢個蛋白本身無咩味道，反而係啲飯先有味。飯呈啡色係因為撈左汁，食落汁都唔太淡，撈左汁所以令個飯變得濕潤啲。雞肉係煎過既雞排再切粒，並混合左係飯入面，粒數唔算太少，不過雞肉都幾滑身呢個飯本身有三隻味揀，分別係咖哩、泡菜同海鮮，我揀左海鮮，因為以為有海鮮粒係入邊不過原來係海鮮汁，搞錯左添辣麵醬三文魚沙律$68以為會好辣，原來辣麵醬好少，所以主要調味係靠沙律醋，啲菜都新鮮，幾健康，三文魚三片唔太薄都幾好。七味燒魷魚$52燒魷魚無論去到邊都想食實物同圖似乎有d出入喎，瘦左既不過都係原隻，份量食落都唔少既

淘大真係好多好野食，呢間餐廳想試好耐喇😍，成日見到佢個抱抱窩飯都覺得好過癮咁。今日叫朋友晏晝去搵定位先，但估唔到點幾鐘都無咩人。去既過程我地仲兜右兜去錯左商場果邊。原來第三期係戲院果邊先啱。環境以tiffany blue同藍綠作主調，感覺幽雅得黎幾有格調，座位亦好寬闊舒適。夏日炎炎，真係要飲番杯凍野。叫左杯蜂蜜檸檬水果茶（$48)。呢個水果茶味道好清，唔會太甜同帶微酸，飲得出好清新既茉莉花香，個底仲有d 奇異果，火龍果，蘆薈，蘭香子，柚子肉等等，幾有咬口。韓國野其實我都好少食，因為怕辣。但朋友點左呢個鮮蚵仔泡菜蛋餅（$62),真係超好食！蛋餅用鐵pan 上熱辣辣，但個蛋好滑唔會過熟，估唔到蚵仔同泡菜又幾夾☺️d 泡菜微微辣連我都食到，入面仲有一條條蔥，真係好香啊！ 黑菌忌廉汁年糕都好好食。個汁真係一流，好正好濃郁，有菌香之餘仲有d蒜粒，個汁如果拎黎撈意粉就正。年糕本身都好少食嫌佢一凍就好硬，但薯粉粒真係好正，有小小咬口但凍左都唔會韌。👍🏻士林炸雞都唔錯，皮薄得黎唔油膩，點埋個蜜糖超正。最後係最期待既抱抱窩飯，㨂左鰻魚味。賣相就好吸引，但估唔到係最唔好食既一樣。咸味既梳乎厘感覺好奇怪唔多夾

很喜歡將軍澳那間XOXO可愛的裝修，每次都喚醒了我的童真。到牛頭角倒是第一次，主要是要遷就朋友。下午二時，沒有太多人。我遲到了，立即坐下就叫東西吃。 好像和將軍澳的餐牌不同，很快已經知道要選什麼了。友人說她已吃了，我點了一個三文治和荔枝茶。 先來喝的。可愛的餐具加了分，原來是綠色的幾得意，像進入了愛麗斯夢遊仙境在High Tea。 令我們的談話格外愉快！ 跟著的三文魚治更叫原本說已經吃了的友人竟然分了我一半，還要是大半份，看看為什麼吧？！ 因為賣相是太可愛了。頂是生雞蛋黃，那上面發開了的熟蛋上，下面是煙三文魚，還有橙色的醬汁真令人流口水了。所以你明白為什麼我這位已食飯的友人會分了我大半份了。 跟住是牛肉麵，這沒有三文魚治的吸力了，較餐牌上的相片普通。友人碰也沒碰一下。 兩個人大約200元左右，是個懶洋洋的快樂下午。

九龍灣淘大附近有好多餐廳，所以放左工之後都特登過黎搵野食😎見到呢間餐廳個樣好少女風，而且食物價錢都好合理，就決定食呢間啦入到店入面果然充滿藍白少風，好岩同好姐妹食下午茶。我去到已經係9點，所以店唔係好多人。菜式以韓國/台灣為多，照片睇落好吸引，價錢都好合理。我地諗左陣就簡左幾樣野食。主食我地叫左韓燒肉汁烤牛肋骨，賣相同menu好相似呢個set包埋飯同湯，味道都好正。牛肋骨嘅肉質好軟，但軟得黎都有少少筋嘅口感，而且韓燒肉汁甜甜地，加上有洋蔥嘅味道，變得更加鮮甜。牛肋骨並唔係全熟，所以切開可以見到牛肉帶有粉紅色，好嫩滑。牛肉嘅份量都有好多，一個人食會好飽。我地都叫左個士林炸雞。雖然佢個名叫士林炸雞，但我覺得佢係台灣炸雞同韓國炸雞嘅綜合版。味道有d似台灣嘅炸雞，但味道無台灣炸雞咁重。而炸皮同size就比較似韓式，而且點醬都好似韓式先會有。炸雞味道都ok,有好多種醬可以簡，但我覺得唔點嘅味都已經ok,不過肉質有d乾。另外，我覺得隔離嘅薯片味道都幾好。蜜糖味幾出，而且係我中意嘅厚切薯片。另外，我地都叫左個燉牛肉芝士餅。我覺得呢個就普普通通啦，芝士同牛都幾多，可以做到微微拉絲嘅效果，但餅皮就有乾，

今日媽媽做無飯主婦，帶她來少女餐廳食晚飯。之前未來過，但覺得裝飾幾靚，藍白色設計，少女味十足，連客人都好年青 （除了我媽媽）😝我們點了一共4款食物和飲品。韓燒肉汁烤牛肋骨配白飯 $118牛肋骨好多肉，有少少肥，但加埋個汁甜甜地好好食，送飯一流。連配菜都入哂味， 秋葵又新鮮，比想像中的好好多。鹽酥雞扒湯麵 $58雞扒、湯和麵分開上，湯底味道唔錯，麵似手工麵很好吃，雞扒得夠味，炸得好脆但略嫌有點乾。親親密語- 士多啤梨朱古力 $78多士有蜜糖味，但不會好甜，烤到脆卜卜，配士多啤梨，朱古力醬，棉花糖，好好味！洛神花雪梨茶 $48套杯同茶壺好公主feel, cute!!! 茶飲落是酸酸甜甜的，有少少雪梨味但又飲到洛神花味，好易入口。叫一份可以兩個人飲，仲可以免費加熱水，抵！兩個人消費了$33x , 其實都唔貴，會再幫襯，下次會同朋友再來，環境唔錯可以影靚相。

這商場有不少餐廳，今晚選了其中一間試試。內裏設計好像田園風的家。泡菜炸雞抱泡鍋飯上面的白色泡泡是慕絲狀的，用蛋白打起，像梳乎厘的質地，泡菜炸雞飯在其底下，微辣，拌著吃很有新鮮感。鐵板芝士牛肉韓國拉麵除了芝士外，原來還有蛋漿，拉麵煮得剛好，沒有太稔像糊狀。拌牛肉汁，十分惹味。鐵板上還熱騰騰的朱古力香蕉棉花多士布甸多士外脆內軟，棉花糖在旁邊襯托美美的，又好吃。冰鴛鴦珍珠奶茶這杯飲品很驚喜，比平時在街上買的台式飲品質素更高！有珍珠和爆珠，喝起來味道更豐富