XOXO Café Lab (已結業)

一排冇去cafe慢慢嘆返餐，呢晚黎到淘大商場試下呢間有齊晒韓式台式西式既cafe，餐廳設計好清新亦都好有心思餐廳位置好寬躺，加埋好既食物環境真係會令人食野既心情瞬間提升食物種類多源化，而且望落賣相都好吸引前菜當然唔少得有沙律，開胃韓式既鐵板芝士海鮮拉麵，好特別炸雞翼，雞翼大大隻，而且炸得好香脆，配搭埋開胃芒果番茄醬，完全唔覺得油膩燒魷魚，魷魚味香，而且唔會韌台式紅燒牛肉湯餃，湯底好有台式風味，餃子係牛肉餡，同平時食開好唔一樣西式三文治，每層既配料都唔一樣，三文治外脆內軟，最頂層既棉花蛋好得意，廚師好有心思最後係甜品，賣相非常吸引，食左外層既棉花糖先發現原來裡面係脆多士，多士有濃濃蜜糖味，配埋棉花糖同雪糕真係好sweet架環境一流，食物精美，呢餐真係好滿足呀

淘大商場三期頂樓有幾間美食，試過其他果幾間都唔錯，今次就試下呢間新派cafe，餐廳好闊落，見到門口既餐牌就已經好吸引店舖裝修用粉藍色為主，感覺好清新，而且坐得好舒服休閒，擺設非常用心，同男友或者閨蜜聚會簡直一流台式飲品，香芋同抹香珍珠奶茶，香甜好味前菜就叫左辣醬煙三文魚沙律，煙三文魚份量多，沙律清新開胃韓燒牛肉/煙肉三文治，好精緻好特別，每層三文治都有唔同風味，而且整得好好味紅燒牛肉湯餃，湯底濃郁惹味，餃子餡都係牛肉餡，正七味燒魷魚辣味炸雞翼配蜜糖芥末薯片，雞翼炸得好香脆，咬落滿滿肉汁好juicy鐵板芝士海鮮拉麵，味道唔會太濃，食落唔漏好靚既白桃甜奶親親，棉花糖入面包住蜜糖脆多士，好有心思，而且賣相冇得輸

今日同黃兔睇完早場，剛好午飯時間，無頭緒食咩之際，比那個加五蚊有哈根大師脆皮雪條吸引左入來食！還好週六有lunch set, 選擇有台式飯及面，韓式泡飯及年糕等，都算多元化，每個餐都有餐飲。餐廳環境坐得舒服，不會太迫！我地叫左:鹽酥豬排飯配湯賣相不錯！可惜豬排炸得比較乾，無肉汁！肉燥飯不會過份咸好味，好適合伴飯食牛尾雪濃湯泡飯份量好多，大大舊牛尾，肉質好淋沒有'蘇'味，超好食雪濃湯有韓國質素，飲到有牛骨湯味道，有膠質！飯吸收了湯的精華，不知不覺食光光了！好滿足然後加左5蚊食哈根大師脆皮雪條，有三款味揀！不過我地都揀左綠茶味！出面便利店買大約要成20蚊枝，而家加5蚊就有得食，好抵呀

今日工作比平時用多咗時間，返到屋企都有點夜，所以再一次來到呢度食晚飯。揾咗張圓枱坐低，原來人客都唔算少，所以職員都有點忙。看看餐牌，發現除了主餐牌之外，仲多咗個套餐餐牌。計吓條數，覺得叫一個二人套餐比散叫平一點，所以就試一試。先來兩杯餐飲解解渴。套餐內的幾個小食以一個下午茶餐架托出，有諗過其實而家係咪食緊晚飯咁，覺得好得意~鹵水小食拼盤拼盤有鹵水蛋、燒肉和雞翼。鹵水煮得好入味，各款食物都味道香濃。鹽酥豆腐外層帶點鹹香，外脆內軟，食落暖暖地。乳酪芒困蝦沙拉沙拉的用料很新鮮，而我最喜歡食裡面的芒果，酸酸甜甜好醒胃，好咁夏天食。芝麻抱泡牛肉 VS 芝士海鮮鍋飯中間的一舊是發開的蛋白，雖然沒什味道，不過口感有點像棉花糖。海鮮很新鮮，而飯是暖暖的，鍋邊帶點飯焦，撈埋鋪面的芝士一齊食，感覺又脆又香滑。

[#飲食] C+搵食團 || OPPA Crossover 暖男 - XOXO Café Lab ------------------------------#OPPA還是暖男，你喜歡那個？ 月頭發薪金，當然要和閨蜜去購物、購物、購物。最近去了九龍灣逛逛街，逛完之後，當然要去找美食去填肚子，在眾多餐廳之中，我們就挑了一間用上湖水藍裝修的Café，可以慢慢坐慢慢食，作為我地今晚的晚餐。------------------------------ ------------------------------ 一間挺特別的餐廳XOXO Café Lab，很多部份也用上湖水藍，拍照呃Like一流。台灣和韓食都是ms. C的「賣飛佛」，今次一間餐廳就滿足兩大個願望。 ------------------------------ 芒果鳳梨水果茶 (冰) – $48 先點飲品，食台灣菜好多時都會點上水果茶，今次ms. C就點了一個芒果鳳梨水果茶，味道清清地，有茶味之外，不會太甜，而且冰茶內都有不少果肉，夏日炎炎，飲杯冰飲降降暖。 ------------------------------ 鐵板

我們幾個媽媽和小朋友tea time 時段想找一間cafe 聊天，就不經意之下試了這間又韓式又台式的cafe. 這裡環境怖置很靚，很休閒，最重要是tea time 冇乜人，很適合有小孩子嘅我們，不怕會騷擾到其他食客。最令小孩子雀躍的是芒果棉花多士布甸，很靚，很多棉花糖。大人小孩子見到都嘩嘩聲，很開心！另外一樣令大人驚喜是巨峰提子分子甜點，粒粒不同顏色的沙冰都是清甜巨峰提子味，而且有很多的藍梅，在這炎熱天氣是不錯的選擇。煙火腿蕃茄pizza, 味道比較普通，有很多蕃茄醬，相對其他材料並不多。

係openrice search下淘大有咩食咁見到呢間有過百個笑哈哈 所以就扑搥食呢間啦間鋪其實好隔涉 上到二樓仲要推門穿過另一邊先見到入到去應該坐唔夠一半枱 比想像中少人🤔🤔望個menu好多野都好吸引😍我地兩個人就叫左泡泡飯+蠔仔蛋餅+芝士薯角其實我地入左去之後都再無其他人幫襯 但係都係8點幾咋喎🤔等左20分鐘都仲未黎野食 成間餐廳無人都要等咁耐再等多10分鐘 終於黎左個飯同蛋餅個賣相都幾靚 不過食落真係一般般個泡泡無味同埋唔係好夾 飯既份量又比較少不過三文魚都算多既🤔蛋餅亦都平平無奇 泡菜同蠔仔唔係好夾之後食晒呢兩樣野都仲未黎個薯角😨咁就催下佢啦 個侍應就話整緊又等左10分鐘 d野又食晒 淨係坐係度等薯角😨😨問下侍應如果未整我地就唔要啦 但係又話整左再等多5分鐘 個薯角終於黎啦又係普普通通又話係芝士焗 我覺得係拎左去微波爐叮溶d芝士成餐飯埋單結果要$308 好唔抵食囉😩不過值得一讚係個侍應姐姐好好態度👍🏻👍🏻但係呢間野可一不可再囉...

今日有朋友生日，簡左呢一間餐廳。位置十分偏遠，屬於小商場既一間餐廳去到裝潢唔太特別，野食都一般，叫左一碟芝士牛扒，好un，成碟食唔到都叫左一個年榚，唔知點解叫所有菜式都充滿泡菜？😅唔係食台灣野咩最後，餐廳收我地80蚊切餅費先可以慶祝

諗住同人慶祝生日，放工搵個靚地方食飯，的確，個地方同食物都好靚，不過超難食，難食到死。最最最難食就係個泡泡飯，本身個飯無味既，上面既泡泡就好古怪，泡泡食落口無味道都正常，不過就連飯都完全無味道。本身個飯材料都充足既，不過配合泡泡食好難食，唔配住食又咩味都無。本來一心打算黎食佢既招牌泡泡飯，結果。。。。。。，連帶同行友人都顯得失望。總結: 食物個樣好靚，環境好好，值得一讚既係員工服務態度好好，不過一定唔會再番黎食。

全家揾食，見到這間店的食物幾得意，就決定入內用餐，環境衛生不錯，我們也單點了一點招牌菜式，泡泡海鮮飯。。。。令我明白到，什麼是金玉其外敗絮其中當初見到個飯，全家想鼓掌起舞，外表太讚了👍🏼👏🏼👏🏼👏🏼👏🏼但我們食那刻，全家呆了😨泡泡有成個小朋友頭咁大，但我諗那飯未夠一碗😰不重要，好食就得，最多再叫😋放入口我一生不會忘記那種感覺🤢苦🙀，腥🙀，淡🙀，好彩的是不臭🤧一個飯。。。。有這感覺。。。。多神奇😞珍珠奶茶，無茶味。。。。珍珠又硬總之就。。。。。👏🏼👏🏼👏🏼👏🏼👏🏼可能我們全家味覺有問題，但這價錢和食物質素，不值

見好評也算多, 心想也不太差吧, 便與同事去嘗試一下我遲到, 看過餐牌決定點牛尾泡菜湯飯. 其他因早到先上菜, 眼看拉面烏冬等份量不太多, 比較大食男士相信要DOUBLE份量。我點的等了約十五分鐘, 只來了泡菜湯飯, 沒有牛尾. 飯放下時見侍應隨即接示前往跟進牛尾, 便沒有特別追單, 邊吃泡菜湯飯邊等，再等了十五分鐘, 牛尾分開上, 誰不知這才是中伏開始。一口咬下較尖的尾，好像PP膠一般，完全不能入口，便試較大件的，也是軟硬的，頭幾口也咬不離骨，要超大力才咬到一點，試著用尖筷子感覺其他未吃的，發現全部都像＂硬膠＂，真是多謝了，結果告訴侍應，侍應說換豚肉，那好吧！結果一等又是半小時。結果呢，回到公司打開才知道，再次中伏，只有兩小碗湯飯及一丁點薄豬肉，唉！這餐可取的，泡菜夠辣，甜品是小杯Haagen Dazs雪糕

平時公司午飯時間只可去坑口，所以間中都會跟同事們去坑口xoxo食蛋包飯，午餐就食得多，晚餐真係未試過，今晚在九龍灣睇戲，選擇來這裡晚餐，正正在戲院樓上，太方便坑口分店位置是半開放式，九龍灣分店是鋪頭式，但兩間的裝潢同樣是以粉糸為主，擺設精緻，充滿少女情懷，在餐廳任何位置拍照都可以作背景我們被安排坐在沙發座位，座位闊落，坐得很舒適。座位旁邊是擺放著一樽樽食材的裝飾櫃。餐牌圖文並茂，款式繁多，有韓式，台式，西式⋯⋯但韓式料理較多，樣樣都好吸引!! 實在花多眼亂，我們都考慮了一段時間，哈哈!!•士林炸雞•炸雞分別有兩種口味，其中一款是辣的，所以我們已經不用煩惱，點了「士林炸雞」，並且可從六款醬汁當中選擇一款，我們一致決定要「蒜香沙拉醬」。炸雞份量比預期多，大約有十多件，炸得香脆可口，一點都不油膩；沙拉醬一向百搭，這款沙拉醬蒜香味濃，少量香草令口感增加；而薯片也炸得非常出色，入口陣陣芝士味。•芒果海鮮pizza •薄餅底薄身，咬落脆口，而且材料十足!!有芒果，洋蔥，魷魚，蝦，帶子，大量芝士加千島醬超級滋味•抱泡鍋飯•我們點了香味咖喱抱泡-牛肉粒～這個抱泡鍋飯一直公司午飯時間很想食架，不過公司吃

中午的時間，我和家人在落街吃飯，經過這餐廳，來到餐廳門外看到餐牌上食物的選擇挻多的，賣相非常吸引，價錢挺合理，便決定入去試一試，看見店內環境非常寬敞和清潔衛生，座位非常多，椅子十分舒服鹽酥豬扒湯麵($72)香稔軟嫩的豬扒，軟綿綿的糖心蛋，軟彈煙韌的菇，新鮮彈牙的菜心，爽口微彈的麵海鮮泡菜蛋餅($68)雞蛋用辣椒醬和細碎的香草來調味，蛋與蛋中間夾著新鮮的蝦，整體份量十分多士林炸雞($68)炸雞的份量非常多，非常脆口而且香稔軟嫩，富有肉汁，整體感覺濕潤順口，配上清甜爽脆的薯片整體來說，食物的選擇足夠多，食物的質素非常𣎴錯，食物的份量很多，價錢相對十分合理，店員有良好的服務態度和有禮貌，所以我認為這間餐廳值得再去惠顧

一入到呢間舖就覺得好靚好靚，係女仔好岩feel 嘅餐廳，最岩同幾個姊妹閨蜜食飯傾計嘅地方。我地三個半小姐，其中一個係未來媽媽，叫咗呢幾款，巧合地呢度啲野都岩大肚婆食。我地早到早食，所以去到都無乜人，啲野食都上得快。呢度嘅menu 都係係主打泡泡系列嘅食物，但係openrice 個個食評都話個泡泡同飯好唔夾，伏味濃。所以，我地就叫另一款，有少少泡泡嘅泡菜豚肉片三文治。呢個泡泡份量少啲，夾埋少少烤過嘅面包都幾match。入面嘅泡菜豚肉都唔算辣，連埋泡泡嘅味度就岩岩好。份量都唔少，值得讚。去得食韓式野，都要試下鐵板芝士燒牛肋骨。不過牛肋骨太乾，芝士又同牛肋骨分離，賣相又同相差太遠，唔...麻麻地。最後仲有煙火腿菠蘿 Pizza ，係好普通嘅 pizza，有淡淡嘅蕃茄醬味同罐頭菠蘿同火腿，唔睇番 menu 都唔知係煙火腿。我仲嗌左壺熱玫瑰柚子茶。靚靚嘅茶壺，茶底香，一個人飲成壺，都幾襟飲。我會形容呢間餐廳係，金玉其外，敗絮其中。外觀係靚，但係食物質素普通，仲比我見到有小小強喺牆上面行過，好彩係食完晒野先見到，如果唔係我應該食唔落。

難得囡囡今日來公司探班，lunch帶她去這間充滿少女色彩的cafe就啱晒佢。餐廳以少女藍色為主題，裝修雅緻，坐位舒適寬敞！上次試過的鐵板芝士燒牛肉拉麵$75今次再encore ~ 同樣香氣四溢，令人垂涎三尺，熱騰騰的鐵板令芝士慢慢溶化，配上香惹黑椒粒，令拉麵更吸引。而牛肉肉質軟稔，嫩滑滋味！這裡也有Set Lunch，還包含麵豉湯, 餐茶及甜品，非常抵食，所以選了芝士泡菜豚肉焗飯$69的午餐~ 香噴噴的泡菜豚肉焗飯被金黃色的芝士滿滿的鋪著，豚肉肉香入味，配合微辣的泡菜零舍惹味！餐茶不是普通咖啡或茶，而是台式珍珠奶茶，茶味濃郁，珍珠軟彈香稔，份量跟一般無異。加$5升級甜品是Haagen-Dazs雪糕批一條，真是認真超值呢！囡囡今日吃得好滿足，還說下次來探班的話也要再來這裡！