ZENI RONE

营业中

休息中

💖 Zeni Rone（LBuy）💖地址：MOKO新世紀廣場1樓175💫 這裡的環境真是太棒了！舒適、寧靜，而且隱私度超高！您可以坐在超舒服的梳化位上，悠閒地享受寧靜時光。在這裡，您可以安靜地坐著，喝著一杯香濃的咖啡，享用一份豐盛的全日早餐，讓自己充滿活力，準備好出發！☕️🍳✨ 這裡的能量真是滿滿的！無論是早晨的一杯咖啡還是美味的早餐，都能讓您感到愉悅和滿足。在Zen Rone（LBuy），您能夠重新充電，繼續追尋夢想。Zeni Rone（LBuy）位於MOKO新世紀廣場，提供舒適的用餐環境和美味的餐點。在這裡，您能感受到寧靜和放鬆，獲得所需的能量，繼續追尋自己的目標。千萬不要錯過這充滿舒適感的地方，快來享受一頓美味的早餐吧！☕️🍳🌸💪

在旺角MOKO商場這間日本過江龍嘅甜品店，餐廳在名牌店內，需要穿過名牌店才見到。當中最有名氣嘅泡芙連續兩年在世界級評鑑獲得金獎。這裡主打泡芙，牛角包同各具特色嘅小蛋糕，賣相可愛又精緻，環境裝修有格調，給人好舒服寧靜，仲有一個好吸睛嘅打卡位給客人拍照。 栗子焦脆泡芙 $36有別於一般泡芙，泡芙外層脆到好似牛角包口感，內餡係冰涼口感。最特別之處泡芙在表層加上糖粒炙燒後令泡芙口感更酥脆香甜，配搭軟滑香甜粟子內餡，層次好豐富。下次經過都會買返幾個拎返屋企食～焦糖吉士牛角包$38牛角包同樣好出色，跟泡芙一樣表面加上炙燒糖粒增強口感，牛角包充滿牛油香味，內餡幼滑吉士，超邪惡組合～三層朱古力蛋糕 $78榛子朱古力、白朱古力和牛奶朱古力而製成三層蛋糕。頂部點綴了自家製糖衣杏仁、開 心果和榛子果仁。外觀不單止好吸引，而且味道層次豐富，這個配搭很精緻。朱古力 $52很有誠意的一杯飲品，拉花超美～朱古力味香甜可口，一口喝下去口感好幼滑。

｛食盡旺角東之西式 — Zeni Rone｝————————————————今日食嘅呢間cafe係基本上唔太多人知但係質素又幾好嘅cafe，個人覺得係高質過唔小cafe🫢，佢位於旺角東Moko商場， 但因為位置要穿過名牌店入去， 所以相當隱蔽，但係個人就覺得好有私隱度而且唔會嘈😆🔸 all day breakfast $138薯餅好好食， 蛋可以揀要全熟，奄列或者滑蛋幾唔錯🤔， 沙律菜都新鮮，仲跟左一個小小嘅乳酪😉 🔸 鮮果希臘乳酪碗 $88呢個乳酪碗嘅份量都有啲驚人🫨有得自選要落咩汁， 佢會分開一個小碗仔上， 個人幾推薦伯爵茶糖漿，唔會太甜但有種特別嘅香甜味， 佢嘅乳酪同生果好好食，推薦！🔸 吉士焦脆泡芙 $36呢個泡芙攞過幾年嘅金獎， 要咗一個最簡單嘅原味吉士試一試， 佢嘅size唔算話好大，但係咬落去的確係好脆！ 好快幾啖就食完😆🔸 Flat white $48咖啡味幾濃郁同香， lunch time嗌一杯醒腦提神就啱曬☺️Overall comment: 餐廳嘅環境好有一種喺山洞嘅感覺， 環境隱蔽得黎又幾靚，打卡able，又幾有情調，多數都係卡位，坐得夠舒適，我見佢亦都有得預約！

原來Lbuy入面有咁精緻嘅甜品咖啡店，私隱度非常之高 ！❤️Japanese Bamboo Charcoal Burger燒汁漢堡竹炭黑色麵包非常鬆軟，輕輕烘過外皮少少脆，漢堡包多汁，加咗燒汁有少少甜味襯托特別好味。❤️Iced Butterfly Pea & Purple Sweet Potatoes Latte呢一杯紫薯飲品打卡一流，靚到不得了。❤️特別推介得獎泡芙我哋點咗焦糖吉士味，仲有好多其他唔同嘅味道，同埋季節限定都好特別。一刀切落去嗦嗦聲，吉士醬充滿一整個泡芙，吉士唔會好甜膩，食完一個都仲想再食😍。餐廳全部卡位非常闊落，每個卡位應該坐到六個人，私隱到十足。除咗得獎泡芙出名，餐廳仲有鹹點，好靚嘅蛋糕甜品，沙律，乳酪， pizza，同埋All Day Breakfast，全日都啱食。

在名牌店內藏了一間西式甜點店🌟是買包包買累了可以直接坐下吃下午茶的意思嗎🤣看到門口的泡芙海報很吸引，但最後還是吃了小蛋捲🤣還看到有限間限定的泡芙口味～下次一定要吃♥️樱花香气的汽水🌟味道新奇不错～微微花香♥️颜色也好看～打卡一流🌟微微甜味，罪恶感也低🤭擺盤是森林風的造型，幾顆小石頭和在泥土上的小木頭🌟樹洞形的朱古力卷～蛋糕質地鬆軟濕潤♥️奶油和蛋糕都是朱古力味，入口朱古力味濃郁香濃🌟很棒棒～

喺MOKO商場行街，行行吓發現一樓175號店舖後面有間Cafe，叫做Zeni Rone🤩餐廳好雅致，暖色裝潢，睇見Menu都好吸引，即刻入去😙原來餐廳有學生餐堂食優惠，隨餐送日本樽裝飲品🥤另外，外賣自取全單八五折👍🏻MOKO寫字樓員工憑員工證惠顧主食，送咖啡或非咖啡飲品乙杯🤩🌟抹茶鮮奶🍵這杯抹茶鮮奶底部係濃郁牛奶，上面係滿滿的抹茶，攪勻後，綠白相合🍃結合濃郁的抹茶風味和奶香的美味🤤抹茶滑順而綿密口感與牛奶微甜融合，非常搭配✨🌟 焦糖吉士牛角包🥐外觀啡黃誘人，焦糖吉士香氣撲鼻💗咬下一口，你會立即被酥香牛角包裹的香甜吉士所征服🤤牛角包的外層酥脆，內部鬆軟，吉士口感絲滑，焦糖的甜度適中，不會過於膩人🫶🏻🌟 四重芝士薄餅🍕薄餅外觀誘人，金黃誘人，濃濃的芝士香味，讓人垂涎欲滴🤤薄餅外層烤得酥脆，上面覆蓋著四種不同口味的芝士，四種芝士有著豐富層次感和濃郁奶香味道，十分美味😋

今日黎Moko行街，發現左呢間甜品店，位置有少少隱閉，穿過名店就會見到。環境幾寧靜，而cafe設計都幾特別。餐牌都有好多野食選擇，有牛角包🥐、泡芙、all day breakfast 、咖啡☕️、蛋糕🍰、沙律🥗、pizza等等。🍰🍎snow white呢個係一個蛋白蛋糕🍰，口感鬆軟，蛋糕面有杏仁粒。旁邊有個淡味不甜的🍎啫喱。賣相幾吸引。再叫杯梳打水$20，chill住過左個美好的夜晚。另外，餐廳7:00pm就會last order，想黎的朋友要早點安排時間囉。仲有仲有！如果有book位，餐廳會將你個名寫係黑板仔度放係枱面，如果想幫朋友/伴侶慶祝生日🎂就岩晒啦。✏️有加一服務費

收工黎行Moko，無諗過係一間充斥着各種名牌既地方入面有一間首次引入日本既Zeni Rone Cafe☕️上網睇一睇先知原來佢大有來頭🤩由五星級酒店名廚主理，怪唔得入面既蛋糕款式全部都咁精緻🌸不過我今日就試左佢地既輕食系列🥪揀左個我平時都好中意食既Toast。🐒Smoked Salmon Toast💰$78👉🏻Avocado Sauce佢地有唔少輕食，而最岩我既就係佢地既Toast，因為都真係好靚🥪On top有唔少花花做擺盤，岩哂啲中意打卡既美女們👧🏻仲要呢到隔離就已經係各種行街位，完全可以行到累就直接入嚟嘆翻杯咖啡☕️食件cake又或者想飽啲既又可以好似我咁食個tea，都會好滿足嫁☺️

呢間過江龍日本餐廳去年九月底開業，由前五星級酒店大廚主理. 主打泡芙同多款特色甜品，另外都有提供輕食鹹點咖啡等. 由於地點隱藏喺Moko L Buy 內人流唔多環境會比較幽靜. 珊瑚色做主調感覺高尚優雅. 座位全部梳化位極寬敞私隱度極高，每張枱都獨立間開，而且設計幾型格. 餐廳內一幅由過百盒不同口味的大阪人氣紅茶Mlesna tea house 茶盒砌成的❤️心形磚牆好吸睛.📸📸⭐️Mlesna Tea house 茶☕️🫖擺盤好靚，茶具優雅有格調. 餐廳有10幾款茶供選擇. 我哋分別叫咗Fruit of Eden (伊甸之果）同埋bitter chocolate (黑朱古力），前者果味香甜，後者散發朱古力香氣. 嘆茶食甜品真係一大樂事. 靚女店員細心講解享用靚茶蹺妙. 仲可以自行加上品牌商特製嘅糖提升味道層次. 哇咁靚咁高質只係$40！⭐️焙茶焦糖泡芙餐廳名物，為連續三年獲得日本金獎嘅baked magic 金賞泡芙，當然要試吓. 有六種口味可以揀，全部日本直送，即叫即烘，確保上枱時熱騰騰香噴噴，泡芙表面灑上糖粉後炙燒，口感外脆內軟，內藏飽滿流心軟滑餡料，甜度剛好，焙茶香氣四溢，果然名不虛傳

【油尖旺區】【Zeni Rone】自從知道咗域哥喺旺角返工之後，每逢想喺旺角食嘢嘅時候都會諗起佢，今次嚟到新世紀廣場，試吓入面一間幾有格調嘅 cafe。大家都知道旺角係一個好熱鬧嘅地方，要喺鬧市裡面搵一個靜靜地飲吓咖啡嘅地方都唔容易。呢間唔使上樓，就喺商場入面，方便。佢其實係喺 Moko 新世紀廣場嘅 L Buy 入面，唔係直接面對商場，環境恬靜。域哥試件 $38 嘅「焦糖鮮忌廉牛角包」，我都有試少少，係好邪惡，域哥喺度切個包嘅時候，啲餡已經係咁咇出嚟，好正。佢飲 $48 嘅「泡沫咖啡」，即係 Cappuccino，佢話 okay。我就試 $78 嘅「富士山」，係朱古力蛋糕加抹茶同乳酪慕絲砌出富士山造型，係佢哋其中一款 signature 嘢，食落都幾好。嘢飲我就試 $40 嘅「Mlesna 櫻花茶」，店員細心講解要倒啲水出嚟浸四十秒再放返茶包入茶壺先飲，咁樣可以飲出唔同嘅層次。第一浸嗰杯的確係個味會濃啲但冇之後嗰啲咁厚實，而佢哋亦都有附上「洗双糖」，唔會好似白糖咁死甜，亦都唔會好似黑糖咁濃，盡情享受比較溫和嘅櫻花香味。埋單 $244.4，喺旺角嘅鬧市商場裡面搵到一個幽靜嘅地方好好享受

呢間餐廳係精品店入面，行入去先知別有洞天。餐廳的設計很夢幻，每張枱都獨立間開，私隱度夠高，可以和朋友暢所慾言。今個自己一個人，午餐黎食下輕食。叫左嫩滑雞胸多士配黑松露炒滑蛋多士用上酸種麵團，很香麥味。外皮也會比較厚身、酥脆。雞胸超嫩滑，而且不乾。加上面頭鋪滿超香濃的黑松露，配搭得很完美。熱鮮奶抹茶飲落口，香濃的抹茶味慢慢係口腔中併發，味道醇厚甘甜。面頭的泡沫綿密，口感細緻順滑。餐廳有多處打卡位，我已經決定好下次黎試下邊款甜品。

偶遇呢間小店，係係一間L Buy賣各式精品的店舖內，被打卡既茶盒牆吸引，就試下嘆個茶食個甜品。白汁磨菇煙肉薄餅，個批好精緻，批邊好脆，整體似薄脆咁，咸香咸香既感覺。因為見到門口推薦泡芙，仲係世界級評鑑金獎，當然要試試!!首推芒果焦脆泡芙，外皮好脆食到層次感，但餡既cream質感就好似係芒果雪糕，超級清香，一啖滿口果味，同友人都非常喜歡呢款咁fresh 既味道，好岩夏天食! 朱古力士多啤梨焦脆泡芙，外表黑漆漆，內裡係creamy 既士多啤梨cream，呢款係較濃郁，朱古力同士多啤梨既味都食到，而士多啤梨cream會中和濃濃既朱古力，喜歡dark choco 既一定要試下。牛角包幼幼長長，入面原來係包住結實既cream，但奶油係唔會膩，愈食愈上癮。餐廳做緊promo，like & share 就可以選舉飲Mlesna茶或者全單減$5。呢杯茶超驚喜，好順口又好有果香，仲有一鼓冰感，店員向我地介紹呢個茶係有ice wine 既口感，的確真係，甜甜的，又有涼涼的。打卡牆有各式口感既Mlesna茶盒，送禮一流，又有品味。

呢日行街行到攰，想搵間有輕食嘅Cafe坐低，見到呢間餐廳位於名牌店內，位置隱蔽，裝修都幾靚幾型格，有得坐舒服嘅卡位，一於試吓~🔘蘋果焦糖泡芙睇餐牌發現呢度嘅焦糖泡芙連續三年榮獲日本金獎，一定要試吓，泡芙表層加上糖粒去炙燒，香脆嘅表面配搭軟綿綿嘅卡士達內餡，甜度剛好，加上酸酸地嘅蘋果口味，食到好味甜品非常滿足~🔘白汁蘑菇煙肉薄餅餅底香脆薄身，蘑菇煙肉作為餡料，加上芝士鹹香，香口惹味嘅薄餅，size不太大啱下午茶食~🔘Long Black食下午茶點少得一杯咖啡呢，容易入口嘅凍啡，唔太苦頗有風味~

今日晏晝嚟到MOKO，行吓街見到呢間餐廳係一個名店入邊。好特別嘅裝修，名店在前，日本公仔同埋精品文具在後。中間就係呢間餐廳，設計風格好特別，座位更加特別。每一張枱都好似U型梳化，好尊貴。餐牌上面嘅食物都好特別。但今次係晏晝五點，所以只係食咗個下午茶，叫咗兩個蛋糕同埋一杯嘢飲。一個蛋糕叫snow white,蛋糕隔離有一個比較清淡嘅啫喱snow white 用開心果或者杏仁包住蛋糕。另一個就係Forest Fairy，佢嘅設計非常特別雖然$78但係我都覺得物超所值。叫多一杯嘢飲就可以減$20。叫Ice cream Berries Matcha Latte。呢個就比較甜。☺️

呢一間咖啡店，可以話係十分隱世因為佢係喺一間買東西的店舖裏邊，令人不易察覺。但正正因為如此，餐廳的私隱度極高，亦都唔需要排隊。餐廳嘅裝修十分適合打卡，而且每一個位置都係卡位，適合同朋友過嚟傾談消磨一個下午。順帶一提，餐廳規定每位最低消費$70。手工咖啡有拉花，令人賞心悅目。黑咖啡熱度相當充足，咖啡嘅香氣亦都十分誘人。甜品方面，有多種選擇。每款甜品嘅賣相都非常吸引，當日一個富士山造型嘅甜品。係抹茶味慕絲蛋糕，執鞭有紅豆及蒟蒻等等做點綴，適合打卡。