Second Bite Bar & Cafe (紅磡灣中心) (已結業)

阿来！阿来！yummy咁解，真系唔好俾呢间小清新外表嘅餐厅呃咗啊，食物对得住价钱，服务对得住加一。朋友揸车黎，所以想坐窗口门口位望住随时走鬼，职员都好细心，知道咗都安排咗个最佳位置俾我，𠮶阵时我就决定百分百支持佢。落单叫店员帮手推介下，佢问我地两个人饿唔饿，坚饿，佢就建议咗以下食物，一条香茅盐烧鱼，一条烧粟米，一个小食薯条，一个意粉，加埋饮品，最后要两个外卖盒先装得晒，又可以食多餐🤣🤣🤣食物配搭创意十足啊，个意粉连配菜都搭得好用心，点会估到意粉会用泡菜同辣茄，仲搭两件茄子，辣又唔系好辣，完全无维和感。而泰式鱼同条粟米，都会有错觉自己瞬间嚟到泰国餐厅，鱼鲜汤够味香茅味重，条粟米加咗芝士咸蛋黄碎咁，甜甜咸咸，有惊喜。杯西柚解渴，茉莉茶底，清清地又大杯，到最后连片柚都啜埋。到埋单，职员都主动问要唔要打包，又话好饿又食唔晒，大佬，条鱼个汤都清埋，又当一味𩠌㗎啦！😂 不过都多谢佢嘅推介先食到好嘢，唔好浪费食物啊嘛，讲真呢度够三四个人食。