利寶閣 (已結業)

农历年初二，无野做，幸好公司传统可以俾同事选择返工，然后补假。新年返工，其实都预左无野做，所以开完年拜完神，同事就一齐食晏。去左the One 的17楼的利宝阁，下午时间，人声鼎沸。大家都黎饮个开年茶，所以只能安排到一张近䢂门的7人枱。楼底高，格局都开扬。可以望到K11同少少海景。新年食物都系食差不多的点心，不过就改返个好意头的名。好似发财猪手，步步糕升。可能饮茶人多，所以上菜都颇慢，要催左几次先上枱。幸好食物质素几好。猪手鸡脚焖得好腍好入味，鸡脚胶质都重。肠粉真材实料，件件都切得好均匀。滑嫩的肠粉入面有脆炸猪油网同大虾，食落脆脆地，虾又够𡘙滑，好食。年糕煎得独立分明，唔会痴住筷子，甜度刚好，我十分钟意。新年黎讲，呢度食物有质素，服务系大时大节都保持得好好，跟单速度都有效率。最重要系价钱唔系太贵，抵赞。