牛站(駅)麻辣火鍋放題

营业中

休息中

天气转凉，夜晚放工谂唔到食咩，就去左铜锣湾牛站打边炉。夜晚人都多，但因为闲日加上铜锣湾店够大，唔使等位。今拣了SRF美国极黒和牛2小时任饮任食！眼见基本上个个都系点呢个餐，因为以300蚊有找的价钱，个SRF和牛质素真系好好！汤底拣了冬瓜瑶柱猪骨和招牌的麻辣。然后到自助区拎饮品及蔬菜。自助区，饮品丰富，无论冻饮、热饮、鲜搾饮品、清酒，当然仲有珍奶！蔬菜、菇类好新鲜，仲有各种丸类、面食、炸物和餐前小食等，呢度可以令人餐前都食够3成饱！仲有各式甜品雪糕和甜点，每样整齐排列，睇到都好开心。拎完蔬菜饮品返黎，点单美食已经上枱！美国极黑和牛SRF、美国安格斯牛板腱，大大块，肉花均匀，而且入口肥美又不失肉味！牛舌弹牙爽口、encore左4转。麻辣汤底配咩肉都夹，但一边都要渌菜，所以清甜的冬瓜瑶柱汤就啱晒。必食仲有海鲜，海虾好新鲜，只只弹牙。大蚬、花胶、脆鲩片、墨鱼仔、海参仲有大大粒带子，啖啖肉。鱼皮、响铃、都系打边炉佳品，呢度啲鱼皮大大块脆卜卜，就咁食都好好食!! 响铃入面仲有紫菜，真系无得输，邪恶之极，但唔食又唔得!!!最后系食菜，翠绿的菜系边炉佳品，食完一轮肉，食菜系最适合不过，金菇、豆苗、生菜