Bien Bistro (已結業)

是日去荃湾买完野，系荃天地撞到邻居，大家都系一袋二袋。见咁啱撞到，坐低食下野下计。 去左Bien Bistro，贪佢静静地。因为大家都唔太饿，所以都系点左几个小食。面包先上，质感尚算软熟，亦不太干。 叫左个三文鱼沙律，份量唔多，有沙律菜、青瓜等，但就好hea底下，同茶记跟餐送的货色差不多。 个野菌薯皮比较好食，薯皮焗得外皮几干身，入面啲野菌系切粒酿入去，以咖喱汁焗，算系几夹，两者配搭都食得下。 最后的烤鸡，鸡系放系一个类似酥皮包上面，鸡下面伴啲蔬菜，件鸡几嫩滑，有黑椒味，酥皮亦做得几好食。轻轻松松食左个下午茶，人少少，几舒舒，吹左阵水便一齐搭车返屋企。