川粵時光 (已結業)

一直都几钟意系V Point试唔同嘅餐厅，不论同事聚餐，或是约客食饭，唔少餐厅都几适合。大楼够新，具时代感，无论系川粤时光，或是其他餐厅，底都好高，空间感足够，坐落亦觉得十分舒适。踏进大门已感受到果种精致高级新派中菜嘅感觉，位与位之间嘅间距合理，唔会太嘈，仲可以静静地倾下偈。口水鸡：酱汁几浓郁，味道辛香，口味川麻，但唔会太辣。鸡件够入味，肉质亦够嫩滑。酸辣鱼皮：一款微辣口味嘅冷盘前菜，「真」鱼皮非常Q弹爽滑，既酸且辣，美味之余，都几开胃。青椒皮蛋：溏心皮蛋配小辣嘅青椒丝，味道香，口感顺滑，加埋辣辣地嘅青椒丝，几惹味。黄金椰菜花：又系好惹味嘅一款时蔬，简单黎讲就系咸蛋黄酱炒椰菜花，咸蛋黄香丰富，口味浓郁，平凡椰草花即时变得不平凡。青椒开胃清香鲈鱼：基本上同泡椒口味差唔多，汤底鲜甜得黎，又带酸辣，都几开胃惹味。鲈鱼片十分肥美厚肉，鱼肉幼嫩鲜味，几好食。除左鱼片，仲有竹荀，以及大量黑薯粉，质感都几Q弹。红糖冰粉：食完辣野通常都会食返落红糖冰粉中和返，有啲人会觉得解辣（虽然今日食嘅野唔会好辣）。但其实味道都唔错嘅，啫喱般嘅质感非常顺滑，微甜，唔会太腻。