隨心 (已搬遷) 新店位置

我食过一次之后，就深深爱上咗佢🥹，虽然鲗鱼涌对我嚟讲比较远，但我系会绝对返去探佢。🔆招牌沸腾鱼（$1️⃣9️⃣8️⃣）真系冇谂过一间专整新加坡菜嘅舖头整川菜都咁好食😋！佢呢一款招牌沸腾鱼，有啲似走酸菜嘅酸菜鱼咁，冇咁酸，更加食得鱼既鲜甜味。佢啲鱼肉好新鲜好嫩😆，份量又多。入面好多配料，最钟意就系啲宽粉，佢爽爽哋，口感好好。佢唔会算好辣，冬天食呢个真系超正🥹！🔆荔枝湾咕噜肉（$1️⃣2️⃣8️⃣）呢一款咕噜肉同平时食既有少少唔同，因为佢入面有荔枝😍，大爱荔枝。咕噜肉炸粉唔厚，每一旧都沾满左酱汁，酸酸甜甜好开胃。🔆新加坡黑萝卜糕（$5️⃣8️⃣）次次食新加坡嘢都一定会叫呢个！咁呢个酱油兜得好均匀，真系每一个萝卜糕都劲黑，充满酱油嘅味道。萝卜糕唔算好粉，啱啱好，有少少肉碎同虾米咁，好惹味，呢一款我都好钟意❤️！最后叫咗2杯饮品，中意佢低糖🙈，饮落冇咁大罪恶感。整体嚟讲，真系好满意，超中意呢一间，环境又干净企理，啲姐姐服务好好🥹，我会再返嚟❤️。