夏麵館 (始創中心)

营业中

休息中

环境不错，坐位够多，虽然楼底比较矮，但一啲都唔局促，呢到系旺区嘅一个不二之选。虎皮素鹅𥚃面包住嘅系菇菌，本身谂紧会唔会好干，但一咬落去菇嘅汁中和咗，外脆内软，所以一啲都唔干，好好食蟹粉小笼包好挂住大闸蟹嘅味道，忍唔住叫咗4个蟹粉小笼包，上台热腾腾，入面馅料以蟹肉，猪肉制作，皮做得唔错夹起唔会穿，但略嫌蟹粉味唔太出，但咬下去汤汁满满嘅，食落都满口流香干扁四季豆炒得好香，因为呢道菜正常嘅做法系需要油炸四季豆，所以一定会较油，但佢地做得唔错，食落好香口又唔会满口油，当小食或送饭都一流麻酱拌面因为唔太想食饭又唔想食汤面，所以简简单单叫咗拌面，上台暖暖嘅，味道香喷喷，一碗两个人分份量啱啱好豆沙窝饼呢个无论我去边到食上海菜嘅必食，食到差唔多就要叫服务员上甜品，事关要即食先会热辣辣，果然不出所料，真系好好味，皮薄馅靓，一咬啲豆沙馅爆出嚟，好幸福呀，真系做得好出色。