影片
更多
2022-08-12
587 浏览
《日本串烧风情画🗾》———————————————-#桥本串烧 🍢-呢间位于尖沙咀棉登径嘅居酒屋门面就系个仿神社嘅鸟居造型，十分抢眼⛩ 真心有种去咗日本旅行嘅感觉，主打串烧同各式日式美食，气氛好正🎎 环境舒服企理，我地专登拣咗坐吧台，可以近距离观赏师傅烹调😌-一坐底就会有份野菜沙律，可以沾芝麻酱咁食开下胃，用餐中途食亦可以解腻，非常贴心🥗-⭐️ 串烧十分推荐，款式多元，即叫即烧，而且唔会死咸 ☺️明太子酱鸡腿肉十分抵食，日本萨摩赤鸡嫩滑弹牙，配搭微辣嘅明太子酱，咸香惹味💗 牛舌厚身弹牙，周边位置烧得略带爽口，烧至7成熟，上面洒满黑椒调味就已经好好食😋 牛小排肉质鲜嫩多汁，牛味香浓，一啲都唔鞋🐮活鳗外脆内软，鱼肉肥美，口感柔软，食得出好新鲜🌊 鸡尾口感好特别，平时比较少见，但无谂到原来咁软淋，带啲肥膏，但唔会好腥，入口油份充满甘香🐣五花腩烧到好爽口，配埋酸酸甜甜既梅酱又几夹🐽 鸡皮烧到金黄色，脆到好似食紧薯片咁🥰膝软骨同样脆卜卜就唔洗讲，心喉亦鲜味十足唔会膻，口感弹牙～ 大葱鸡腿肉啖啖肉，烧鸡翼我都中意食，鸡肉鲜嫩够 juicy😆⭐️ 小食芝士流心蛋大啡菇厚身juicy，上面既芝士烧到半融，一
———————————————-
#桥本串烧 🍢
-
呢间位于尖沙咀棉登径嘅居酒屋门面就系个仿神社嘅鸟居造型，十分抢眼⛩ 真心有种去咗日本旅行嘅感觉，主打串烧同各式日式美食，气氛好正🎎 环境舒服企理，我地专登拣咗坐吧台，可以近距离观赏师傅烹调😌
-
一坐底就会有份野菜沙律，可以沾芝麻酱咁食开下胃，用餐中途食亦可以解腻，非常贴心🥗
-
⭐️ 串烧
十分推荐，款式多元，即叫即烧，而且唔会死咸 ☺️
明太子酱鸡腿肉十分抵食，日本萨摩赤鸡嫩滑弹牙，配搭微辣嘅明太子酱，咸香惹味💗
牛舌厚身弹牙，周边位置烧得略带爽口，烧至7成熟，上面洒满黑椒调味就已经好好食😋 牛小排肉质鲜嫩多汁，牛味香浓，一啲都唔鞋🐮
活鳗外脆内软，鱼肉肥美，口感柔软，食得出好新鲜🌊
鸡尾口感好特别，平时比较少见，但无谂到原来咁软淋，带啲肥膏，但唔会好腥，入口油份充满甘香🐣
五花腩烧到好爽口，配埋酸酸甜甜既梅酱又几夹🐽 鸡皮烧到金黄色，脆到好似食紧薯片咁🥰膝软骨同样脆卜卜就唔洗讲，心喉亦鲜味十足唔会膻，口感弹牙～ 大葱鸡腿肉啖啖肉，烧鸡翼我都中意食，鸡肉鲜嫩够 juicy😆
⭐️ 小食
芝士流心蛋大啡菇厚身juicy，上面既芝士烧到半融，一刀切落去蛋黄即刻流出嚟，味道浓郁🍄 烧粟米十分鲜甜，略带焦香🌽
-
🐟 日本鲭鱼一夜干
即煎就热辣辣上枱，香气十足，香脆可口，肉质好有质感，带有少少咸香味，充满日本风情🏯
-
🦪 日本时令生蚝
一上枱已经哗咗声，超级大只，成只手掌咁大✋🏻只只都非常肥美，饱满鲜甜，无臭腥味，又唔会干哂水，配搭三文鱼籽一齐食鲜味十足😍
-
🍍 焦糖菠萝
菠萝包裹住焦糖脆脆，酸甜清新，用嚟作为甜品啱啱好👍🏻
-
⭐价钱参考：（另收加一）
粟米：$28
芝士流心蛋大啡菇：$68
鸡尾：$38
膝软骨：$38
鸡腿肉（明太子酱）：$34
心喉：$36
鸡皮：$36
大葱鸡腿肉：$38
鸡翼：$34
五花腩（梅酱）：$38
厚牛舌：$52
牛小排：$58
活鳗：$78
焦糖菠萝：$32
日本鲭鱼一夜干：$168
日本时令生蚝：$108
🍌抵deal 指数：8/10
💰人均消费：$480
张贴
