影片
更多
2023-05-15
1421 浏览
月山系东京百年老店、日本米芝莲餐厅日山嘅姊妹店，主打omakase同传统日式会席料理。餐厅以日式船屋同竹林为设计主题，走高档路线🎏空间感足够，服务周到。午市omakase $888一位，有十五至十七贯，个人认为除左食物，依个价钱系包括左服务同环境嘅😝除左主角刺身寿司外，几款固定菜式都好食，包括混合虾浆令口感似古早蛋糕嘅江户前玉子烧、九州清鸡汤舞茸菇配面同北海道赤肉蜜瓜配草莓大福都唔错！食omakase其中一个好处系可以多了解看似简单但实际博大精深嘅日本料理🍣迪师傅用心同详尽介绍每贯嘅特色。以下系我印象最深刻嘅几贯：🍱 前菜 (𝟠/𝟙𝟘)前菜包括蟹肉茶碗蒸、荷花嫰芽、柚子杂菌、新鲜菊花同山葵叶，师传指示由左至右咁食，由淡食到浓。荷花嫰芽质感甚有惊喜，同埋好似食紧果冻咁！柚子杂菌十分开胃，茶碗蒸就比较普通。第一次食新鲜山葵，茎比叶味道浓烈，都几得意😆🦑 爱媛县乌贼 (𝟙𝟘/𝟙𝟘)师傅将鱿鱼切成面条状，鱿鱼弹牙之余十分黏口，配浓浓嘅海胆汁同紫苏花，无论口感同味道都系极致享受，我食多五份都冇问题🥰🐙🍋 北海道水八爪鱼 (𝟡/𝟙𝟘)师傅话依种八爪鱼脚长一米，皮嘅质感比较软滑似啫喱状，但吸盘就好爽
除左主角刺身寿司外，几款固定菜式都好食，包括混合虾浆令口感似古早蛋糕嘅江户前玉子烧、九州清鸡汤舞茸菇配面同北海道赤肉蜜瓜配草莓大福都唔错！
食omakase其中一个好处系可以多了解看似简单但实际博大精深嘅日本料理🍣迪师傅用心同详尽介绍每贯嘅特色。以下系我印象最深刻嘅几贯：🍱 前菜 (𝟠/𝟙𝟘)
前菜包括蟹肉茶碗蒸、荷花嫰芽、柚子杂菌、新鲜菊花同山葵叶，师传指示由左至右咁食，由淡食到浓。荷花嫰芽质感甚有惊喜，同埋好似食紧果冻咁！柚子杂菌十分开胃，茶碗蒸就比较普通。第一次食新鲜山葵，茎比叶味道浓烈，都几得意😆
前菜
14 浏览
0 赞好
0 留言
师傅将鱿鱼切成面条状，鱿鱼弹牙之余十分黏口，配浓浓嘅海胆汁同紫苏花，无论口感同味道都系极致享受，我食多五份都冇问题🥰
爱媛县乌贼
16 浏览
1 赞好
0 留言
师傅话依种八爪鱼脚长一米，皮嘅质感比较软滑似啫喱状，但吸盘就好爽脆，适合作为刺身食用。八爪鱼配柚子酸汁，吸盘配青柠汁，一道菜内同时享受到两种质感同口味，几特别👍🏻
北海道水八爪鱼
9 浏览
1 赞好
0 留言
鲣鱼烟熏味浓配黄芥末籽，焦化京葱意想不到大有惊喜，配搭鲣鱼食有助增加层次，独立食好似食紧零食咁，停唔到口🤤
宫城县烟熏鲣鱼
30 浏览
1 赞好
0 留言
正值当造季节，十分新鲜同肉质上乘！
手钓池鱼
17 浏览
1 赞好
0 留言
金目鲷系日本市场分为三个等级，其中以地金目鲷品质最佳，无论系新鲜度、脂肪含量都系最顶级。好肥美同味道好浓厚，好好食！
火炙地金目鲷
14 浏览
1 赞好
0 留言
拖罗系吞拿鱼鱼腩，其中大拖罗系较为肥美嘅下半段。蛇腹系真正最高级嘅大拖罗，雪花纹最多、油份丰富而入口即溶，真心有幸福感🥰
蛇腹拖罗
20 浏览
0 赞好
0 留言
肉质清爽，调味清新，十分喜欢嘅一贯！
鲭鱼棒寿司
11 浏览
1 赞好
0 留言
🌟 Follow @gfgm.hk on Instagram for more 🌟
张贴
