影片
更多
2023-02-11
511 浏览
年少时，成日睇蕾、食日式放题。出嚟社会后，越嚟越少，逐渐将呢两件事淡忘。最近先知蕾已经引退咗成年，19岁做到35岁。重温旧时女神、workday又食咗次午市《极尚大喜屋》放题，𠮶种美好同埋满足返晒嚟。🤩少见多怪，估唔到午市嘅《极尚大喜屋》放题咁多人食。坐低落咗第一转order之后，去自助区行一转，即刻明白点解咁多人帮衬——花多眼乱，总有啱你食嘅嘢呀❗️净系饮品都眼花撩乱。基本嘅樽装茶、纸包饮品、各式罐装汽水梗系走唔甩。意想不到嘅系，连啤酒都咁多款拣，而且唔系啲cheap cheap🦁威、蓝🧊，蓝系蓝，但系蓝妹，仲有嘉士伯同Asahi。啤酒唔啱饮？清酒、烧酒、梅酒又啱唔啱？钟意养生啲咪饮热罗汉果茶、热菊花蜜同埋各款中式养生汤啰。日式放题来讲，犀利嘅地方系有唔少中式热荤，连酸菜鱼同埋炆猪手都有。我就冇试啦，但系同行同事钟意食猪手，可以话系猪手界嘅品尝家，尤其钟意咸猪手，连佢都举起只手指公赞炆得软稔又入味。主角刺身拼盘上枱，个摆盘一睇就觉得开胃，尤其系「三文鱼刺身」以及「油甘鱼刺身」，相当厚切，口感好full，食得好满足。我最欣赏系佢嘅「带子刺身」，虽然唔似三文鱼同油甘鱼咁厚切，但系味道相当清
年少时，成日睇蕾、食日式放题。出嚟社会后，越嚟越少，逐渐将呢两件事淡忘。最近先知蕾已经引退咗成年，19岁做到35岁。重温旧时女神、workday又食咗次午市《极尚大喜屋》放题，𠮶种美好同埋满足返晒嚟。🤩
少见多怪，估唔到午市嘅《极尚大喜屋》放题咁多人食。坐低落咗第一转order之后，去自助区行一转，即刻明白点解咁多人帮衬——花多眼乱，总有啱你食嘅嘢呀❗️
净系饮品都眼花撩乱。基本嘅樽装茶、纸包饮品、各式罐装汽水梗系走唔甩。意想不到嘅系，连啤酒都咁多款拣，而且唔系啲cheap cheap🦁威、蓝🧊，蓝系蓝，但系蓝妹，仲有嘉士伯同Asahi。啤酒唔啱饮？清酒、烧酒、梅酒又啱唔啱？钟意养生啲咪饮热罗汉果茶、热菊花蜜同埋各款中式养生汤啰。
日式放题来讲，犀利嘅地方系有唔少中式热荤，连酸菜鱼同埋炆猪手都有。我就冇试啦，但系同行同事钟意食猪手，可以话系猪手界嘅品尝家，尤其钟意咸猪手，连佢都举起只手指公赞炆得软稔又入味。
主角刺身拼盘上枱，个摆盘一睇就觉得开胃，尤其系「三文鱼刺身」以及「油甘鱼刺身」，相当厚切，口感好full，食得好满足。我最欣赏系佢嘅「带子刺身」，虽然唔似三文鱼同油甘鱼咁厚切，但系味道相当清新鲜甜，就好似19岁初出道嘅蕾咁清涩甜美，一试难忘，所以前后都encore咗三次。
食放题，唔知大家同唔同意，「芝麻炸鸡翼」可以话系必食菜品，但好惊有啲放题店嘅炸鸡翼预先炸起，上菜时已经冻咗，有啲又会炸得好咸。不过，《极尚大喜屋》嘅炸鸡翼冇以上问题，芝麻味仲相当香浓。
熟食嚟讲，《极尚大喜屋》菜式，应该有嘅佢都有：各类串烧、炸物、寿司🍣、卷物等等。其他放题店冇嘅佢都有，令人惊喜，例如：鲍鱼、红烧乳鸽、炸蒜粉丝蒸带子、烧鳗鱼等等。
其中有一款，我哋一台四人一致话要翻啅嘅就系「窝蛋肥牛杂菜粉丝煲」。个酱油味香浓而不腻，无论你食肥牛、杂菜定系粉丝，全部都好索味同开胃。
尾段令我觉得一流嘅仲有「烤菠萝」、「炸猫山王波波」。「烤菠萝」唔酸已经好难得，但佢甜入心之余，仲要劲多汁，啡we good。至于「炸猫山王波波」，外皮酥脆、内里绵软，而且榴梿味非常香甜浓郁，简直就系食紧榴梿蓉咁，冇得弹。👍🏾
其实，呢两样嘢都令我好后悔🥲。「点解食饱晒last order先嚟试，想再三翻啅都已经嚟唔切！」😭如果个天俾个机会我食多一次，仲要为食「烤菠萝」同「炸猫山王波波」 加1个时限，我希望食佢哋食足个半钟。🤭
吖！其实唔使个天比俾机会，等到月头个银包俾机会我就得。😎
刺身拼盘
28 浏览
0 赞好
0 留言
刺身拼盘
170 浏览
0 赞好
0 留言
芝麻炸鸡翼
18 浏览
0 赞好
0 留言
窝蛋肥牛粉丝什菜煲
15 浏览
0 赞好
0 留言
各款寿司卷物
11 浏览
0 赞好
0 留言
各种传销和天妇罗
13 浏览
0 赞好
0 留言
烤鳗鱼
9 浏览
0 赞好
0 留言
炸蒜粉丝蒸带子
13 浏览
0 赞好
0 留言
红烧乳鸽
6 浏览
0 赞好
0 留言
炆猪手
10 浏览
0 赞好
0 留言
雪糕雪条
15 浏览
0 赞好
0 留言
罗汉果茶和菊花蜜
9 浏览
0 赞好
0 留言
张贴
