酒鍋 (V Point) (已結業)

「酒锅」铜锣湾店位于V Point 27楼，接近顶层，能居高临下般远眺维多利亚港景色，非常优美，而且餐厅楼底极高，极具空间感，论环境，真系一流无得输。酒火入锅 ($328): 视觉效果一流嘅火锅汤底选择，此锅共有五款汤底，分别系蕃茄波士顿龙虾锅、潮洲沙嗲锅、四川麻辣锅、清汤萝卜牛腩，以及木瓜鲜虾锅。而最后嘅木瓜锅，店员会先落酒，再点火将锅里面嘅几只虾烧一分钟左右，再加汤，木瓜锅味道就无咩特别，纯粹几igable...... 其余几个汤底都几好食，尤其蕃茄波士顿龙虾锅够晒鲜甜，由于汤唔多，所以几重蕃茄味及龙虾嘅鲜味；沙嗲锅亦够惹味，带花生香；四川麻辣锅唔算太辣，约莫只有谭仔中辣至大辣，但都几香嘅；而清汤萝卜牛腩我纯粹食啲萝卜及牛腩，由于汤底清，我都无拎黎灼食物。So overall，蕃茄龙虾、沙嗲及四川麻辣都几好食。黄金炸鱼皮 ($78): 新鲜脆香，鲜味之余，亦Juicy可口，每块鱼片都挂住足够份量嘅咸蛋黄，蛋香丰富，惹味得很。此比起一般袋装咸蛋鱼皮少左各式添加剂及防腐剂，食起上黎无咁油腻。顶级安格斯牛小排 (大) ($268): 肉色鲜红，油花不多亦不少，分布均匀，食起上黎肉味浓郁之