十下火鍋

之前都试过ATUM旗下嘅餐厅都几高质，原来铜锣湾有间行港式怀旧风嘅打卡火锅店都系佢哋开，装修颇有心思，用咗唔少旧家私电器来布置，餐厅仲播住90年代经典流行金曲，有种穿越时空，去到昔日老香港嘅感觉～二人套餐 每位$298汤底可以选择鸳鸯锅，有多种汤底可以选择，我地拣左养生豆乳白锅同埋胡椒猪肚汤。豆乳锅内有红枣、杞子、百叶豆腐等，味道清甜滋补。胡椒猪肚汤非常足料，有大量猪肚，味道微辣，养生暖胃之余又好饮!套餐包左多款火锅材料，肉类有大刀手切本地牛颈脊，非常厚切，牛味重，份量都几大，两个人share完全足够，而花雕醉鸡酒香四溢，鸡肉滑嫩。十下三宝滑有墨鱼滑、虾滑、牛肉滑，表面有蟹子，店员仲悉心地帮我地捞匀同落滑，非常弹牙。凤城水饺平时比较少吃，皮薄陷靓。丸类有三星葱爆贡丸同埋果皮鱼蛋，两者都好有特色。另外有麻辣鸡血刺激一下味蕾，可以即食唔洗煮。加上脆炸响铃同蔬菜拼盘，话系三人餐都唔过份，真系食到好饱，非常抵食🤣