餃掂手工餃子雲吞專門店

营业中

休息中

一向都好鍾意食餃子，細細個就最鍾意食媽咪親手包嘅餃子，大個咗搬出黎住就好少機會食到人手包嘅餃。今日終於比我發現左銅鑼灣有間好出名食手工餃嘅小店。見到店舖門口貼滿好多明星嚟拜訪過嘅相，就知唔少野。舖頭內餃子款式種類多，睇到花多眼亂，估唔到普通嘅餃子都可以變出咁多元化嘅口味，味道而且非常出色。當然要試吓店舖招牌龍鳳松茸雙煎餃 ，黑松露白松露各4隻，出面外皮煎到金黃色香脆，裏面松露非常足料。元貝豬肉餃，瑤柱的咸香配上鮮味的豬肉餡，實在高質素！而且配湯是用老火湯作湯底，無味精，營養高。全晚最愛就香煎軟心芝士餃，濃濃嘅芝士配上一粒粒香甜的粟米，真係食唔停口！