更多
2022-10-27
1672 浏览
每次无论咩时间经过「大围小馆」门口都见到有人排队,为左求证啲间首夺米之莲一星嘅餐厅有咩咁巴闭,今日一于专诚过嚟帮衬下😇店铺10:30先开门,我哋10点到已经见到有人排队,好在早到拎定飞,未够10:15分已经表示已full😛 早起的鸟儿有虫吃,如果大家想朝圣记得要早啲到/一早book定枱。店舖唔算大,装修非常别致,充满浓厚嘅中国色彩。我哋虽然2个人,但竟然安排去一张大枱,原因系因为佢哋不设搭枱,可见店主对服务质素有一定坚持👍🏻茶位要$18位真系好贵,但原来选用嘅茶叶都好讲究。我哋随便叫左水仙,饮落先发现同平时酒楼饮嘅水仙完全唔同。翻查先知原来佢哋选用左老欉水仙,而且系经过烘焙,有浓厚嘅烟熏木香味,甘香细味👍🏻👍🏻 第一叉 (半份)$158 👍🏻👍🏻👍🏻👍🏻👍🏻招牌菜果然系名不虚传,从来未食过咁好食嘅叉烧🤤🤤🤤,肥瘦适中,肉质淋滑,纤维细致。叫第一叉系因为猪肉挑选咗「第一刀」嘅部位。所谓第一刀系指猪只被送到猪肉档时,第一刀斩落去嘅猪肉,亦即猪嘅颈椎、猪头对下嘅一小部分,又名为梅头咀,一只猪只有一块,非常矜贵。再加上香甜嘅蜂蜜作为蜜汁,好味程度简直系惊为天人,叫佢「世一」叉烧绝对唔过份。未试
店舖唔算大,装修非常别致,充满浓厚嘅中国色彩。我哋虽然2个人,但竟然安排去一张大枱,原因系因为佢哋不设搭枱,可见店主对服务质素有一定坚持👍🏻
水仙
24 浏览
0 赞好
0 留言
招牌菜果然系名不虚传,从来未食过咁好食嘅叉烧🤤🤤🤤,肥瘦适中,肉质淋滑,纤维细致。叫第一叉系因为猪肉挑选咗「第一刀」嘅部位。所谓第一刀系指猪只被送到猪肉档时,第一刀斩落去嘅猪肉,亦即猪嘅颈椎、猪头对下嘅一小部分,又名为梅头咀,一只猪只有一块,非常矜贵。再加上香甜嘅蜂蜜作为蜜汁,好味程度简直系惊为天人,叫佢「世一」叉烧绝对唔过份。未试过真系要试吓!🔥🔥🔥
第一叉
$158
33 浏览
1 赞好
0 留言
点心做得好唔好,睇佢个虾饺就知。虾饺皮薄馅靓,虾肉饱满爽弹有鲜味,绝对系出色。另外抵赞嘅系佢可以叫两粒,啱晒两个人。
鲜笋虾饺
$33
31 浏览
0 赞好
0 留言
鲜笋虾饺
$33
22 浏览
0 赞好
0 留言
职员表示所谓「鲜肉」就系指选用左新鲜猪肉。我先醒觉原来平时一般嘅烧卖唔系用新鲜猪好肉架咩?😆 一食先发现,原来真系唔同架㖞😳 肉质系特别爽弹有口感,再配合菇味浓郁嘅香菇,先发现原来烧卖喺可以咁好食😛
鲜肉烧卖
$33
19 浏览
0 赞好
0 留言
肠粉烟靭幼滑,牛肉配合大量嘅芫茜(我至爱),冇得顶。不过同行友人唔食芫茜,就觉得唔啱食了,唔食芫茜嘅朋友要注意。
香茜牛肉肠
$43
19 浏览
0 赞好
0 留言
米茄子同一般茄子唔同,多汁又软嫩而且不带草青味。茄子切开沾上炸粉酥炸,再配合甜甜酸酸嘅意大利黑醋,系劲。好。味。🤤🤤🤤
意大利黑醋伴米茄子
35 浏览
0 赞好
0 留言
啲个又系必叫,其实即系沙翁。侍应剪开四旧之后,其实每一边系等于1个完整嘅沙翁,份量非常之大,建议4人食😆 而呢个沙翁系我食过咁多沙翁当中最好食,蛋味超级香浓,外层松脆,内层软熟,正👍🏻
冰花蛋球
$33
18 浏览
0 赞好
0 留言
一般糯米鸡都系用荷叶包住嚟蒸,煎糯米鸡第一次见,卖相都几讨好,侍应会帮你剪开四件。外脆内软,糯米够烟韧,馅料充足的,咸蛋黄香甜,几有特色。
怀旧煎糯米鸡
$43
26 浏览
0 赞好
0 留言
怀旧煎糯米鸡
$43
53 浏览
0 赞好
0 留言
餐包系用左第一叉嘅叉烧黎做馅料,亦加入左少量洋葱,口感丰富味道浓郁,唔错。
叉烧餐包
$33
14 浏览
0 赞好
0 留言
厚厚嘅猪肉韭菜馅料,食落啖啖韭菜,两面都煎得好香,唔错嘅选择。
煎韭菜粿
$33
30 浏览
0 赞好
0 留言
食物:❇️❇️❇️❇️❇️
环境:❇️❇️❇️❇️
服务:❇️❇️❇️❇️❇️
价钱:❇️❇️❇️❇️
翻兜指数:❇️❇️❇️❇️❇️
张贴