影片
更多
2021-10-06
1488 浏览
之前，旅发局再推出咗「赏你住」活动，有幸订到东涌「富诺特酒店」嘅Staycation套票，可以悭番$500，净付出$800就可以喇，趁老婆生日，就入到东涌来一趟小旅行。套票包一晚房、自助早餐及两份野餐包，故入住前就晌「Mos Burger」食个轻怡午餐。虽然「Mos Burger」晌香港扎根都好一段日子，但真喺未帮衬过，反而晌札幌帮衬过一次。环境就唔讲太多，典型快餐店格局，但胜在两面都喺对街嘅落地大玻璃窗，视野开扬，楼底又过。我哋揾咗个柱后死角位，自成一角。一入门口就喺收银位，个哥仔见佢又收银、又执搭、又送餐。餐牌就一版睇晒，包类有成十多款，有汉堡、珍珠堡、热狗，转为套餐嘅组合亦多，更有不少升级优惠。落好单，埋位等食就得喇，因为，佢哋会俾个牌仔你，之后，由店员将食物送上。金平牛蒡珍珠堡 $24唯一素食嘅就喺呢一款金平牛蒡，珍珠堡亦好啱老婆食，咪睇佢细细个咁，拎上手都几坠手。打开包装，里面劲塞满牛蒡，调味唔错，入口爽爽脆脆，好食；而个珍珠堡嘅饭粒软绵，口感带点黏糯，压得实净却唔会死死实实。法式和牛汉堡 $30法式所指喺将法式烧汁入馔，配上和牛所做嘅汉堡，配有大量生菜丝及芝士。和牛肉果然好
虽然「Mos Burger」晌香港扎根都好一段日子，但真喺未帮衬过，反而晌札幌帮衬过一次。环境就唔讲太多，典型快餐店格局，但胜在两面都喺对街嘅落地大玻璃窗，视野开扬，楼底又过。我哋揾咗个柱后死角位，自成一角。
一入门口就喺收银位，个哥仔见佢又收银、又执搭、又送餐。餐牌就一版睇晒，包类有成十多款，有汉堡、珍珠堡、热狗，转为套餐嘅组合亦多，更有不少升级优惠。
落好单，埋位等食就得喇，因为，佢哋会俾个牌仔你，之后，由店员将食物送上。
金平牛蒡珍珠堡 $24唯一素食嘅就喺呢一款金平牛蒡，珍珠堡亦好啱老婆食，咪睇佢细细个咁，拎上手都几坠手。打开包装，里面劲塞满牛蒡，调味唔错，入口爽爽脆脆，好食；而个珍珠堡嘅饭粒软绵，口感带点黏糯，压得实净却唔会死死实实。
金平牛蒡珍珠堡
$24
20 浏览
0 赞好
0 留言
法式和牛汉堡 $30法式所指喺将法式烧汁入馔，配上和牛所做嘅汉堡，配有大量生菜丝及芝士。和牛肉果然好食，肉味浓之余又有多点油香，而个法式烧汁非常惹味，包身亦好松软，睇落个包好简单，但确实几好味。
北海道南瓜薯饼、玉泉干姜味汽水 $22薯饼就食得多，南瓜薯饼就少啲，而用上北海道南瓜，自然又加啲分。南瓜薯饼炸得出色，热焫焫却唔油腻，一咬落去咔嚓裂开，脆到不得了，南瓜味亦够晒突出。
虽然呢餐简单，但好食就得，平平哋又食得有少少质素，「摩斯」都可以算喺唔错选择。唔食咁饱，因为，办完入住手续就打算先享用吓酒店泳池游吓水，之后再去机场维修区睇日落及飞机升降。
张贴
