新泰東南亞餐廳 (興旺閣)

营业中

休息中

湾仔有间3️⃣层楼高嘅泰国菜餐厅，楼底极高，每逢中午食饭，例必3️⃣层爆满，所以我只会食12点🕛呢啲时间才会去😅。午餐Menu📔佢地总有4️⃣套，每个星期换一次，想食心头好就要注意下啦(除咗佢地嘅皇牌海南鸡饭，个个Menu都有，即系日日都有得食😂)。午餐全部$75，12:50前埋单有9️⃣折。今个星期嘅Menu有我至爱南瓜咖哩带子焗饭，正😋。泰式海南鸡饭不愧为招牌菜式，无骨海南鸡🐓，啖啖肉而且非常嫩滑😍，又唔会太油🥰，好味😋。佢地嘅黄姜油饭亦十分出色🍚，够甘香，唔油腻，净系食饭都非常满足😆。最后要赞一赞佢地嘅鸡汤🍵，又大碗，又清甜😋。泰式虾炒金边粉金边粉炒得很干身👍，榨埋啲青柠汁落去，酸酸甜甜翸咸咸辣辣啲味混埋一齐😆，口感升华到另外一个层次😍。泰式虾size正常，非常爽口弹牙😋。南瓜咖哩带子焗饭咖哩只有香不太辣，我相信唔食得辣嘅人都食得到😊，可能系啲南瓜蓉中和咖哩嘅辣味🥰，呢个组合非常之夹，好食到唔停得口😋。带子有3️⃣粒，系有带子裙边𠮶款，可惜就细粒咗啲同埋味道一般😶。总括而言，新泰有3️⃣高：3层高、楼底高、质素高，「泰」好味了。