影片
更多
2020-01-13
2138 浏览
约咗个朋友倾倾旅行嘢，边食边倾，就番佢选址晌旺角区，同埋老友钟意食日本嘢，揾咗一轮，就拣咗「深宵食堂」。一来见佢风评几好，二来曾经帮衬过，虽然已喺2014年铜锣湾店嘅事，但印象唔错喺会有啲加分。跟铜锣湾店一样，餐厅位处商厦，一出电梯就喺餐厅环境，以「食堂」为名，总有种小店嘅感觉。整体环境唔算大，但装修朴实而几骨子，浅木色和风系，墙上又贴咗唔少日漫海报，更多添日本风情。虽然未有耐到日本嘅春季，但一室天花挂满樱花装饰，衬以串串日式灯笼，感觉多咗好多春日暖和气氛。我哋版被安排坐晌近窗口嘅二人枱，叫做多少少街景睇吓。食物嘅选择就以6张点菜纸为主，类别分为前菜、甜点、炸物、烧品、一品料理及主食，而墙上挂有一小块黑板，写住好几款深宵推介。饮品名单就印晌另一张餐牌上，有啲啤酒、清酒、汽水及特饮。餐厅上菜都几快手，好在我哋就醒目，唔会一次过落晒单，分段落，尤其食串烧，点可以俾佢摊冻架，当然要衬热辣食啦，配埋杯冻饮，咁至够爽。巨峰提子梳打 $38、乌龙茶 $16够晒大杯，兼只杯嘅图案都几得意。友人拣嘅巨峰，味道OK，但略嫌唔够「汽」咁，感觉未够爽；小弟就正气少少，饮乌龙茶，谂住食串烧，清清啲油腻感啫。樱
跟铜锣湾店一样，餐厅位处商厦，一出电梯就喺餐厅环境，以「食堂」为名，总有种小店嘅感觉。整体环境唔算大，但装修朴实而几骨子，浅木色和风系，墙上又贴咗唔少日漫海报，更多添日本风情。
虽然未有耐到日本嘅春季，但一室天花挂满樱花装饰，衬以串串日式灯笼，感觉多咗好多春日暖和气氛。
我哋版被安排坐晌近窗口嘅二人枱，叫做多少少街景睇吓。
食物嘅选择就以6张点菜纸为主，类别分为前菜、甜点、炸物、烧品、一品料理及主食，而墙上挂有一小块黑板，写住好几款深宵推介。
饮品名单就印晌另一张餐牌上，有啲啤酒、清酒、汽水及特饮。餐厅上菜都几快手，好在我哋就醒目，唔会一次过落晒单，分段落，尤其食串烧，点可以俾佢摊冻架，当然要衬热辣食啦，配埋杯冻饮，咁至够爽。
巨峰提子梳打 $38、乌龙茶 $16够晒大杯，兼只杯嘅图案都几得意。友人拣嘅巨峰，味道OK，但略嫌唔够「汽」咁，感觉未够爽；小弟就正气少少，饮乌龙茶，谂住食串烧，清清啲油腻感啫。
樱花虾沙律 $58以沙律菜、车厘茄做底，淋上日式胡麻汁，几典型嘅西日菜式，沙律菜新鲜爽脆，胡麻汁够香浓，故味道基本上唔差得去边，添咗啲樱花虾，就多咗份卜卜脆嘅口感。
名古屋鸡翼 $42友人喺日本通，话呢一款以面豉做腌料嘅炸物值得一试。一客有3只全翼，炸得金黄，色泽平均，更撒上白芝麻。咬落外皮好香脆，又唔油，不过，似乎又唔喺好觉有面豉味啫。
厚烧牛舌 $38我哋唔喺𠮶啲一定要食好多肉嘅人，所以，串烧除鸡翼，就只有呢串牛舌喺肉，其余大部分都喺蔬菜类。牛舌烧得唔错，唔会好干身，入口烟韧有咬口，简单盐、黑椒作调味，已可以好好食。
芝士年糕 $38唔知点解，对芝士年糕好似有啲情有独钟。一客两粒，并且一开二。暖暖哋嘅年糕口感软绵绵，却喺好烟糯，而里面半溶嘅芝士香浓得嚟唔会太抢，唔错，唔错！
芝士蟹肉大啡菇 $48大啡菇烧过之后，多少有点缩水，所以，比预期无咁大件。虽然面头洒上好多芝士，但隐约都见到多7肉嘅踪影，其实，芝士下确喺有唔少蟹肉，加上件大啡菇烧出嚟嘅效果仲保持到水份，一啖入口真喺几正。
芝士翠玉瓜 $28正所谓一不离二，二不离三，再嚟多道芝士烧蔬菜嘅菜式。呢个都喺较少嘅配搭，简单烧香啲翠玉瓜之后，再放上芝士烘溶佢。睇见啲芝士溶溶哋，可以食出拉丝嘅效果，而晌芝士味中，都仲嗒到翠玉瓜嘅清甜味。
牛油烧蕃薯 $28煨蕃薯呀，烧蕃薯呀，本身都喺好好食嘅菜式，用上日本蕃薯仔，搽上牛油至烧，梗喺正啦。啲蕃薯仔又够粉，又香甜，个人嚟讲，涂多一、两朕牛油等佢更充满油香就仲好。
豚肉生姜烧丼 $48斋食串烧而无饭到肚好似差啲差啲咁，所以，简单点咗一客豚肉生姜烧丼过吓饭瘾而已。卖相就平平无奇架喇，但食味不俗，豚肉好嫩滑，饭粒饱满分明，又吸收咗啲豚肉汁。
一次过试咗多道串烧，都做得有水准。虽然，坐吓坐吓都爆场，眼见侍应得两个女生，但招呼到位勤快，又有礼貌，成晚都无咩甩漏，喺食得好「宵」遥自在嘅一晚。
张贴
