影片
更多
2018-09-09
23 浏览
好友非常客气，不但买了月饼给我，而且还说要亲自送到我屋企楼下，实在令人受宠若惊。好友家住筲箕湾，本来打算上去佢屋企攞，但友人知我小腿早排受咗伤，为免我四处走动，提议不如近近哋去东大街食碗粉面，顺便坐低倾下偈。友人系地道潮州妹，推介我试下呢间新开嘅「潮丸」。餐厅布置简约清新，以白色和啡木色为主调，装潢非常富文青感，带台日风，唔讲仲以为系间 Café，但卖的竟然是传统潮州粉面。餐牌很简单，只得一页，不过选择都几丰富。除了招牌主打汤面外，还有皇牌饭类、潮州汤饭、特色捞面、小食及饮品等。而点菜就好似日式拉面店咁，用剔纸仔形式，食客可以在餐牌上自选菜式，粉面底同配料。听朋友讲，汤面除咗炸蒜同芹菜系一定会有嘅之外，其余芽菜、芫茜、葱花同冬菜，客人系可以自行选择要定唔要嘅。我拣咗特级牛丸王米线 ($55)，配葱花同芽菜，另外再追加咗特级墨鱼丸王 ($15)；而友人就选了一款特色捞面。店里的招牌牛丸，标榜全人手棍打，而且更用上黄牛后腿肉，唔怪得食落咁弹牙多汁。墨鱼丸亦很有水准，不但食到墨鱼粒的口感，而且弹牙无腥味，真材实料。汤底用猪骨同鸡只熬成，食得出无加味精。至于友人选嘅自家猪孖宝捞面 ($65)，
好友非常客气，不但买了月饼给我，而且还说要亲自送到我屋企楼下，实在令人受宠若惊。好友家住筲箕湾，本来打算上去佢屋企攞，但友人知我小腿早排受咗伤，为免我四处走动，提议不如近近哋去东大街食碗粉面，顺便坐低倾下偈。友人系地道潮州妹，推介我试下呢间新开嘅「潮丸」。
餐厅布置简约清新，以白色和啡木色为主调，装潢非常富文青感，带台日风，唔讲仲以为系间 Café，但卖的竟然是传统潮州粉面。
餐牌很简单，只得一页，不过选择都几丰富。除了招牌主打汤面外，还有皇牌饭类、潮州汤饭、特色捞面、小食及饮品等。而点菜就好似日式拉面店咁，用剔纸仔形式，食客可以在餐牌上自选菜式，粉面底同配料。听朋友讲，汤面除咗炸蒜同芹菜系一定会有嘅之外，其余芽菜、芫茜、葱花同冬菜，客人系可以自行选择要定唔要嘅。
我拣咗特级牛丸王米线 ($55)，配葱花同芽菜，另外再追加咗特级墨鱼丸王 ($15)；而友人就选了一款特色捞面。店里的招牌牛丸，标榜全人手棍打，而且更用上黄牛后腿肉，唔怪得食落咁弹牙多汁。墨鱼丸亦很有水准，不但食到墨鱼粒的口感，而且弹牙无腥味，真材实料。汤底用猪骨同鸡只熬成，食得出无加味精。
至于友人选嘅自家猪孖宝捞面 ($65)，食味亦不俗，幼面配上三片扎肉，另外仲有一碗用汤浸住嘅猪肉丸。扎肉厚切成片，入面加咗猪耳同黑胡椒，食落爽滑弹牙，有咬口之余仲多咗份辛香。手打猪肉丸亦很有质素，外形虽然唔算好大粒，但看起来胀卜卜，入口新鲜，松软不死实，口感弹牙。
如果想口味丰富啲，可以试试店里的调味料，净系辣酱都已经有三种，包括沙爹酱、红灯笼椒同黄灯笼椒，另外亦有自家制辣椒油，啱晒爱吃辣的朋友。
见店里有唔少小食，一场来到，当然要试下。拣咗杂丸拼盘 ($68)、生炸云吞 ($50) 同招牌卤水拼盘 ($75)。杂丸拼盘有炸牛丸、炸鱼蛋、炸墨鱼丸同炸猪肉丸，每样两粒，大大碟，一次过试匀咁多款，非常丰富。云吞炸至色泽金黄，入口外皮够薄，非常香口，外脆内多汁，蘸点酸甜酱吃，开胃惹味。卤水拼盘有猪手、猪大肠、猪腩肉同萝卜，猪手卤得香软入味，外皮入口即溶，骨胶原丰富。
热柚子蜜同话梅柚子苏打特饮 (+$8)
凡惠顾粉面或饭类，餐厅会免费配一杯热饮，如果点冻饮就要 +$3，特饮就 +$8。食饱饱可以继续吹下水，饮下野，店员亦无催促我地埋单。
张贴
