春禧小館 (已結業)

今日同阿囡去完观塘海滨长廊玩，见肚饿去附近揾啲野食。行出去伟业街，见到对面街有两张圆枱喺间铺头出面佢只色系我钟意嘅Tiffany blue😍，好奇心驱使下行近望下睇吓呢个餐厅食咩先。原来系一间 地道台湾美食餐厅佢侧边有张长櫈（又系Tiffany blue 😍），墙上面嘅霓虹灯写住「牛肉面」同「盐酥鸡」，睇到呢两只字已经觉得肚仔饿🤣。门口右边有几张高櫈 阿囡话试吓坐㖞！感觉似去左酒吧咁🤣🤣好啦！ 我地都系去返打卡位坐！成幅花花墙真系影相一流👍🏻👍🏻【卤肉饭（细）🍚】🤤肥美猪肉配上香浓酱汁，非常好送饭！阿囡食左大半碗【极品牛盛台湾面🍜】老公话台湾地道美食，佢话首选一定系牛肉面。呢个牛盛有咩呢？就系有腱心牛肉、牛筋、牛肚、牛腩。牛肉、牛腩同牛筋好淋又入味，牛肚爽口，啲面煮得非常弹牙，牛肉汤浓郁有阵阵八角香味。【麻辣烫鸭血米线🍜】难得唔使同个女share 一个午餐，我当然要食辣野，一定要拣麻辣鸭血😆呢碗米线令我惊喜嘅地方系有3件我最钟意食嘅芋丝，芋丝索晒麻辣汤食完一粒咳左好耐🤣🤣真系好辣好惹味，鸭血简直不得了，如果可以再厚啲就仲正🤣🤣我老公仲笑我食辣野咳到傻，以为我食唔晒，点知食食下就无再咳！