影片
更多
2023-08-20
1245 浏览
相信好多香港人都钟意叹番一盅两件，家下多咗好多点心专门店，咁咩时候呢都可以有点心食。最近就喺近尖东呢边到访过一间应该开无耐嘅点心专门店「盛意小馆」，同一位即将出国两年做宣教工作嘅老死饯行。踏进铺内，地方都几大吓，铺位好深，除咗卡位，仲有唔少细圆枱。主调色系以天蓝色衬金黄，加上墙上嘅灯饰装置，天花嘅波灯，感觉令人几醒神。枱上有齐基本调味，好钟意啲餐具，外观清秀雅致，而眼见侍应都喺啲后生仔女，又几有礼貌。张点心纸就喺餐牌，呢度都喺用番传统嘅剔吓剔吓点心纸形式落单。咪以为呢度净喺食点心，其实门口嘅招牌都露出少少端倪，再睇睇餐牌，原来选择非常多元化，有生滚粥、汤粉面、炒粉饭面、小炒、炖汤。此外，仲写住喺米芝莲星级师傅主理点心，所以，今晚主力就喺食点心，晌度名茶收$5-$10位，视乎你拣咩茶叶，但就全日免加一。 招牌虾饺皇 $20虽然叫虾饺皇，但无预期咁大粒，不过，做得晶莹，折纹细致，咬落外皮软熟却唔黏牙，里面全部都喺鲜虾，非常之爽弹，甚具虾嘅鲜甜味，最好就喺可以点两粒，方便试到多啲嘢。 沙巴鲜虾烧卖皇 $18平常我都比较少食烧卖，但见到呢度有别一般嘅猪肉烧卖，喺加入沙巴鲜虾，咁自然有啲好奇，想
踏进铺内，地方都几大吓，铺位好深，除咗卡位，仲有唔少细圆枱。主调色系以天蓝色衬金黄，加上墙上嘅灯饰装置，天花嘅波灯，感觉令人几醒神。
枱上有齐基本调味，好钟意啲餐具，外观清秀雅致，而眼见侍应都喺啲后生仔女，又几有礼貌。
张点心纸就喺餐牌，呢度都喺用番传统嘅剔吓剔吓点心纸形式落单。咪以为呢度净喺食点心，其实门口嘅招牌都露出少少端倪，再睇睇餐牌，原来选择非常多元化，有生滚粥、汤粉面、炒粉饭面、小炒、炖汤。此外，仲写住喺米芝莲星级师傅主理点心，所以，今晚主力就喺食点心，晌度名茶收$5-$10位，视乎你拣咩茶叶，但就全日免加一。
招牌虾饺皇 $20虽然叫虾饺皇，但无预期咁大粒，不过，做得晶莹，折纹细致，咬落外皮软熟却唔黏牙，里面全部都喺鲜虾，非常之爽弹，甚具虾嘅鲜甜味，最好就喺可以点两粒，方便试到多啲嘢。
沙巴鲜虾烧卖皇 $18平常我都比较少食烧卖，但见到呢度有别一般嘅猪肉烧卖，喺加入沙巴鲜虾，咁自然有啲好奇，想试试。比起个虾饺皇，呢两粒烧卖认真大粒，松化嘅猪肉馅中，坚有原只鲜虾，食落口感同味道都升咗另一个层次。
香芒大虾脆脆卷 $30小弟一向都钟意食芒果，所以，就专登拣咗呢个脆脆卷。脆卷炸得金黄，咬落非常之香脆，但唔算好油，里面有沙律酱、芒果肉同虾肉，所以食起嚟几清爽，不过，就唔好期望有好多芒果用虾肉。
翠绿小梨子咸水角 $28再试嘅都系炸嘢，就喺呢个卖相的骰可爱嘅咸水角，唔使讲都知呢个点心嘅卖点喺其小梨子造型，做得好像真，非常有趣。至于味道方面，同平常食嘅咸水角差唔多，无话有咩好大惊喜，但都喺食得开心嘅。
竹炭黑金360鲜奶包 $32食点心又点可以少咗包点类呢！最钟意食就喺叉烧包同奶皇包，不过呢度就无供应，故试咗另一款未食过嘅鲜奶包，因为包身加入竹碳元素，面头搽咗少少食用金漆，卖相高贵。包身好软熟，鲜奶好滑溜，有阵阵奶香。题外话，好奇点解叫做360鲜奶包，而唔喺用上更有亮点嘅3.6牛乳包！
香滑马蹄牛肉肠粉 $27除咗包点，肠粉又喺点可以错过呢！几款肠粉中，以呢个马蹄牛肉最想试，因为从未食过咁嘅配搭。肠粉皮拉得够薄够透，口感滑溜，而内馅就喺免治牛肉加咗少少马蹄粒，肉味唔算好浓，但加咗爽口嘅马蹄，口感又几特别。
椰香蜜糖脆蛋散 $29最后梗喺甜品时间啦，一口气试咗两款甜品，依家蛋散都唔喺间间酒楼会提供，所以呢……都好想食。所谓耶香，就喺洒咗好多椰丝，蛋散几脆口，有蛋香，沾上蜜糖，夹埋啲椰丝香气，实在喺好唔错嘅甜点。
冲绳黑糖年糕伴黄金糕 $28准确嚟讲，点心纸上呢个唔喺摆喺甜品类，但在我嚟讲就觉得可以当甜品咁食，黑糖一向喺小弟「飞弗」嘅食材，年糕煎得口感软糯，阵阵黑糖 清香味，好食；不过黄金糕煎过之后，脆口又唔算脆口，软糯又唔算软糯，感觉做唔到外脆内软嘅口感，喺咪失手咗呢！
食吓食吓、唔觉唔觉，就食咗8款点心，仲食到我哋好饱。晌度食嘢有个好处，可以慢慢食，慢慢叹，更可以慢慢倾，两个中佬讲咗好多前尘往事，亦有好多未来展望，在此祝老友两年嘅异国生活都一切顺利。
张贴
