影片
更多
2020-11-15
287 浏览
「夜夜陪著你的海 ，心情又如何～ 灰色是不想說 ，藍色是憂鬱～」而抗疫的你 ，疲勞的心 ，停在哪里？舒緩心情的好辦法一定系搵一間高質素的餐廳享受一下，擁抱住維港的K11 Musea就有多間高檔食肆可供選擇，而今晚我們被蜀客環境吸引入去，面對無敵幻彩詠香江靚景，一切緊張的情緒都得到舒緩，枱與枱之間很有空間，餐具高檔潔淨，比到我們衛生安全的信心保證，顯然，今時今日，呢個問題都係我哋揀餐廳的最重要因素之一。裝修典雅有品味，我都幾鐘意佢哋既吊燈，荷葉形狀同整個環境好襯，餐廳環境除左適合一家大細食飯，都好岩同客傾生意，斯文優雅得來高檔大方。蜀客，聽名，已經知道系川味餐廳，香，辣，麻，當然系四川菜的特點，不過點菜的時候，侍應好貼心的提示，餐廳所有🌶️菜式都可以要求不同強度，實在太適合香港人，根據口味揀返適合自己的辛辣強度，這一點，非常好。鮮椒海鮮匯-💰138去過四川旅行的人都知道佢哋有一道經典涼菜鮮椒雞，而呢道菜就係由鮮椒雞演變而來。佢用左大大粒帶子，大蝦，八爪魚等海鮮，口感爽脆，質感新鮮，營養豐富。我要求了小辣，所以不會太辣，但佢個醬好特別，聽講系成都傳統醬汁。醋，醬油，辣椒，韮菜，綜合
「夜夜陪著你的海 ，心情又如何～灰色是不想說 ，藍色是憂鬱～」
而抗疫的你 ，疲勞的心 ，停在哪里？
舒緩心情的好辦法一定系搵一間高質素的餐廳享受一下，擁抱住維港的K11 Musea就有多間高檔食肆可供選擇，而今晚我們被蜀客環境吸引入去，面對無敵幻彩詠香江靚景，一切緊張的情緒都得到舒緩，枱與枱之間很有空間，餐具高檔潔淨，比到我們衛生安全的信心保證，顯然，今時今日，呢個問題都係我哋揀餐廳的最重要因素之一。
裝修典雅有品味，我都幾鐘意佢哋既吊燈，荷葉形狀同整個環境好襯，餐廳環境除左適合一家大細食飯，都好岩同客傾生意，斯文優雅得來高檔大方。
蜀客，聽名，已經知道系川味餐廳，香，辣，麻，當然系四川菜的特點，不過點菜的時候，侍應好貼心的提示，餐廳所有🌶️菜式都可以要求不同強度，實在太適合香港人，根據口味揀返適合自己的辛辣強度，這一點，非常好。
鮮椒海鮮匯-💰138去過四川旅行的人都知道佢哋有一道經典涼菜鮮椒雞，而呢道菜就係由鮮椒雞演變而來。佢用左大大粒帶子，大蝦，八爪魚等海鮮，口感爽脆，質感新鮮，營養豐富。
我要求了小辣，所以不會太辣，但佢個醬好特別，聽講系成都傳統醬汁。醋，醬油，辣椒，韮菜，綜合新鮮的蔬菜味，口感層次豐富。川粵結合在辣的層面做調整，更適合香港人。
川椒皮蛋-💰68皮蛋如啫喱般彈牙，糖心入口即化，沾上特制川味醬汁惹味又開味。
四川口水雞-💰108好味到呢！佢個麻醬溶化左我個心，療癒指數滿分！雞肉皮滑肉嫩，伴豐富的白芝麻，正吖！好耐冇食咁好味既野，呢一年的抗疫生活真系好苦悶...
宮保蝦球-💰268擺盤講究，大大粒蝦球原來系用左緬甸香蝦，一啖咬落去，味蕾傳達到大腦的反應系心花怒放...點解會咁好味！肉質鮮甜爽脆，飽滿的質感，滿足中！
好鐘意佢個醬汁，可能這就是川菜的精髓，花辣，紅辣，染紅蝦球混合醬汁香辣不失原味，保留鮮甜，大大粒腰果香口，同大蝦球好夾！
金莎蒜香骨-💰188肥瘦適中，炸蒜香口，晤會太乾，少少肥令到口感更好，肉質鬆化，油脂同炸蒜相溶於口中，感覺很不錯！
魚蝦蟹炒飯-💰228價錢貴左少少，不過在咁靚景的環境中，都係好值得的，尤其呢個炒飯真係好足料！蝦仁，魚肉，蟹肉大大塊，味道鮮甜，加上豐富的蟹籽，賣相出色，粒粒米飯爽口，份量亦都十分滿足！
张贴
