影片
港铁尖沙咀/尖东站 J 出口, 步行约2分钟
继续阅读
开饭介绍
餐厅环境宽敞，装修有情调，设有落地玻璃窗，可观看维港海景。餐厅主打正宗川菜，呈现川菜麻、辣、鲜、香的精髓，辣味有层次。
继续阅读
营业时间
星期一至日
12:00 - 17:30
18:00 - 22:30
以上资料只供参考，请与餐厅确认详情
相关文章
那天很多人，所以只能编配水吧的座位。虽然位置麻麻地未能睇到窗外的美景。但系都影响唔到食物嘅质素。辣子鸡同埋酸菜鱼都非常美味可口。员工虽然都非常忙碌但系都非常细心友善。喜欢食川菜的都可以试下。
继续阅读
K11 Musea多好嘢食，真系系人都知，我以为多数都系西餐了得，但系原来呢度都有一间好出名嘅川菜，本身我以为呢间餐厅系打边炉，但系原来佢系食川菜小菜的，今次就同朋友一齐嚟食啰位于较高楼层嘅佢，门面都几有装横，系得呢度嘅，确实都系有一种高级嘅感觉我个人食呢啲新嘅餐厅，最钟意就系叫套餐，因为唔需要自己烦，唔使逐样谂食啲乜，所以我同朋友都拣咗套餐A，因为相对比较适合我哋，而且套餐内容都已经好丰富，基本上都已经好充足坐低之后，当然黎一壶茶先啦，我哋拣嘅系铁观音，水滚茶香，一路饮住等我哋嘅川菜嚟啦等紧啲川菜嚟嘅时候，我哋环顾四周，望到有一边系窗口位位置，可以望住维港，今次冇被安排坐呢度，真系有啲可惜，如果望住维港，一路食川菜，个中感觉应该真系冇得顶第一个先来嘅系鲜拆鱼蓉羹，虽然我唔系好知乜嘢叫拆鱼，但系佢呢个羹，饮落好舒服，当中好似包括翠玉瓜粒喺入面，大量先鱼肉包含在内，饮落都几有口感呢三个都系好好味嘅头盘小食，分别系烧椒金钱肚，蒜汁秋葵琴 及 香菜拌豆干，净系睇到呢度，其实都见到佢整体嘅份量都已经好多我个人就觉得呢个秋葵最好食，因为蒜汁非常香浓，渗透每一条秋葵之余，秋葵亦都非常有口感，林林地，但系食落都几爽口，我就真系好钟意啦之后嚟嘅，有呢味川菜非常著名嘅菜式，宫保鸡丁，佢嘅味道带有辣，食起嚟，有镬气，鸡粒炒到非常香口，当中包括西芹及腰果等等嘅配料，全部都做得非常出色，味道非常平衡除咗啱啱嘅宫保鸡丁，我哋仲见到有其他嘅小菜都上枱啦，最大碗嘅当然就系酸菜桂鱼！另外仲有葱爆鲜虾头，干锅手撕包菜同埋成都担担面！成个卖相都已经非常吸引，基本上只系其中一两道菜，都已经可以令到你好饱了成都担担面，我同朋友都有一小碗，佢嘅味道非常香浓，上面铺满肉醋，佢呢个担担面可以讲系非常正宗，因为面条非常有口感之余，整体嘅味道都好平均，唔会太咸，亦唔会太辣呢个鲜虾球就不得了喇，除咗炒得非常有镬气，最主要系呢个虾球真系大大粒，食落极有口感，令到你爱不释手，就算饱，你都好愿意将粒虾球放落口！最后，就用呢个姜汁汤圆来做结尾，食到嚟最后呢个位，基本上你已经捧住个肚，因为真系好满足，成个套餐内容非常丰富，冇可能食你唔饱！
继续阅读
我同朋友近年都爱上咗食辣🌶，特别系麻辣，所以会专登搜罗边度有川菜餐厅。呢日喺某App见到位于尖沙咀K11 Musea嘅「蜀客」有提供订枱优惠😜，晚上八点半入座可享五折，咁鬼抵就一于试吓。餐厅环境好有气派，灯光昏暗，部份座位望到海景🌃，而且呢度好似仲有包厢同室外区添。虽然成个格局好似好高档咁，但食物定价其实唔系想像中咁贵，即使原价计算都一样。水煮牛肉(半价$234)，餐厅现时做紧限时优惠🈹，凡八点半后入座，可以以半价点选酸菜桂鱼(原价$428)或水煮肥牛(原价$468)。原价我觉得有少许贵，但半价后即刻变得抵食。水煮牛超大锅，如果配饭食，四个人都够呢。我本身担心水煮菜式会好辣😳，皆因眼见红汤上面布满辣椒籽，不过出奇地佢系多麻少辣，辣度介乎于微辣至小辣之间，并加入大量炒香咗嘅地道四川香料同花椒辣椒，令到味道好香浓，而又易入口。🥩牛肉采用咗美国安格斯肥牛，质素唔错，肥瘦适中，肉质嫩滑多汁，牛味浓郁。另外，底部仲配以烟烟韧韧嘅粗薯粉同埋爽脆油麦菜一同索味，口感层次进一步提升。干锅手撕包菜($168)，佢比我嘅感觉其实即系回锅肉，而食落其实亦都似🤣。包菜系指椰菜，以手撕成小片，配以芹菜同辣椒一齐炒，微微辣，而且估唔到仲带有一浸孜然味，好香、好惹味。话明似回锅肉，当然唔少得猪腩肉🐷，猪腩片既入味又搭调，但略嫌份量少咗啲。香辣鸡软骨($98)，🦴鸡软骨系大路菜式，中式小炒同日式串烧均常出现，不过蜀客嘅出品竟然能突围而出。软骨本身唔会太硬，亦无多余嘅肉，而外层炸衣就炸得非常酥脆，薄得嚟又唔油，而且仲散发住阵阵辣香。但记得要尽快食用，因为都淋得快。头抽珍菌($88)，呢个系素食菜式💚，菜式包含多种菇菌，例如有本菇、冬菇同杏鲍菇等。🍄杂菇以素豉油爆香，咸香十足，而且难得系一款唔辣嘅菜式，所以可以顺势清清味蕾，换换口味。珍菌绵阳米粉($68)，我都系今日先知绵阳原来系四川嘅一个地方🇨🇳，当地流行著米粉呢道传统美食。米粉可以拣配猪肠、牛肉或者珍菌，前两款系配以辣汤，而菇呢款就走辣。🍜米粉幼细，口感绵滑，𩠌料有菇、葱同黄豆等，味道OK，够大碗，但就未算好有惊喜。成都担担面($48)，呢个担担面同平日食开嘅唔同🍜，因为佢并唔系汤面，而系拌面。再者，佢无乜花生酱或麻酱味，相反辣味就好强🥵。面质亦相对稔身，所以整体被其他菜式比下去。四川冰粉($38)，冰粉晶莹剔透，口感似果冻，甜度适中。我最欣赏嘅系佢加咗唔少果仁同水果干一并食用🌰，而当中更有久违嘅山楂饼，除咗酸酸甜甜之外，佢更加系童年嘅味道👶🏻。酒酿汤丸($38)，甜汤配以三粒大汤圆不似预期，因为我希望佢系采用冇馅嘅小丸子🍡。甜汤富有糯米酒嘅香气，暖胃，汤丸则系芝麻馅。餐厅会收取茶芥费($20/位)以及餐前小食费($25/碟)，由于太多嘢食，我哋都无乜理过碟小食。经理以外嘅店员们态度积极，不时主动为我哋添茶🍵。总括嚟讲，蜀客嘅川菜尽显麻辣鲜香精粹，啱哂我口味😋，我同朋友一致认为呢度绝对值得再次到访，推介！主餐牌入面嘅菜式多到一个点，食三次都未必食得晒，而且佢仲提供多款套餐，人均三百几蚊有成十道菜🥢。最后，我上载埋餐厅嘅餐牌以供参考，但平台只可上传30张相片，所以未能尽录。
继续阅读
本来想去试一下感觉超值的午市3人套餐。最后竟然去左食晚餐我估大部份人去食川菜都会点酸菜鱼或者水煮菜式。我都唔例外。首先我觉得酸菜鱼的汤,可以再多点花椒的香味去平衡酸菜的咸味。另外，主角桂花鱼的肉出奇地唔滑，是切得太厚的原故吗？还是煮太久呢？因为份量颇多，然后点的其他菜式基本上同时间出现，所以酸菜鱼食了一半就凉了。如果用微火热著比较好同时上菜的有两个前菜，蒜泥白肉同埋鲜椒海鲜汇。两个冷盘都比较出色。海鲜汇系当晚我最like的菜色。简单的辣椒加酱油就帮小海鲜提鲜。而白肉质地滑而搭配的酱料都好惹味，就系蒜味有点不足。最后一道菜干煸四季豆，都炒得几香口，唔会太咸。就是有点贵最后点了冰粉，老实讲冇乜特别，又唔冻又唔觉得解辣。。后话：其实服务唔错（会自动加茶)，餐厅装潢都几靓，又有维港景。不过临走前好似见到不速之客在玻璃墙上百叶帘上走过，都是眼不见为干净
继续阅读
首次到蜀客食酸菜鱼，进入餐厅，就望到一个维港夜景，当天没有烟霞，所以特别美丽。当天点了酸菜桂鱼，鲜椒海鲜汇，胡椒牛肉，宫保鸡丁，甜品擂沙汤丸。酸菜桂鱼肉质好滑，口感一流，汤底没有味精，食完没有口干；美中不足，酸菜过酸，有少少扣分，不过还是推荐大家。鲜椒海鲜汇一般般，虽然店员推荐。胡椒牛肉，肉嫩，配碟芽菜有惊喜，好新鲜，给我清晒，我朋友都大赞。宫保鸡丁送饭一流，一口一口鸡丁连饭扒进口，好野味，停唔到口。擂沙汤丸不试，也不可惜，没有什么特别。虽然有靓夜景，但因为枱跟枱中间，没有间隔，所以比较嘈吵。可能加上屏风，会挡到餐厅较中间位置，看不到夜景吧。K11 吃晚饭，人均消费600左右，想再食有质素川菜，我会再去。
继续阅读