影片
更多
2021-06-02
18807 浏览
晌上一篇「November」嘅食评讲过，透过早前旅发局搞嘅「赏你住」订到沙田嘅「帝逸酒店」一晚住宿，标准客房加自助早餐，定价$599（已连税），旅发局赞助$500，依家只需要补$99就掂喇。所以，嚟一趟本地小旅行，第一日先晌西贡影影近来新登场嘅壁画，再行茅坪古道，睇睇竹林隧道同西贡藤皇，由西贡行到去大水坑，转马铁落石门，再行过去酒店。第二日呢？就借用酒店嘅单车（免费），由酒店一直轻轻松松踩到去乌溪沙，然后折返。当然，出车前，就晌酒店一楼「Alva House」食返个丰富早餐先啦。先讲讲个环境，我都喺第一次嚟，咪睇个门口细细，入面其实好大，装修时尚，楼底特高，加上一边喺落地大玻璃，空间感十足，晌度用餐感觉非常悠闲舒服。再者，呢两日天气好，阳光普照，更令人精神奕奕。 早餐由7:00am供应到10:00am，事后睇返官网，原来早餐收费为$98，以星级酒店而言，收费算抵。老婆拣咗个窗边靓位，坐低第一眼睇到，就喺餐具、纸巾……都以保鲜纸包好，客人用餐都会安心好多。年初及呢次Staycation嘅经验，发觉酒店嘅防疫喺做得上心啲。讲完环境，讲吓有咩食先，其实，一入门口，就见到各个食物区，基本上，大
先讲讲个环境，我都喺第一次嚟，咪睇个门口细细，入面其实好大，装修时尚，楼底特高，加上一边喺落地大玻璃，空间感十足，晌度用餐感觉非常悠闲舒服。再者，呢两日天气好，阳光普照，更令人精神奕奕。
早餐由7:00am供应到10:00am，事后睇返官网，原来早餐收费为$98，以星级酒店而言，收费算抵。老婆拣咗个窗边靓位，坐低第一眼睇到，就喺餐具、纸巾……都以保鲜纸包好，客人用餐都会安心好多。年初及呢次Staycation嘅经验，发觉酒店嘅防疫喺做得上心啲。
讲完环境，讲吓有咩食先，其实，一入门口，就见到各个食物区，基本上，大部份食物都集中晒晌一齐。始终喺早餐，所以，都未开放晒所有食物枱，不过，选择已非常丰富。
沙律及芝士晌近门口位，特别留意到有个冻柜，摆放咗好多新鲜蔬菜，仲话喺由农场直送。本身都好钟意食沙律，所以，一阵就更加食多啲沙律菜。
而沙律菜共有4款，其中，竟然有羽衣甘蓝，配料呢？有超过10款，如鹰嘴豆、车厘茄、烟肉碎、黑橄榄……等等，酱汁亦有4款，总对可拼凑出丰富嘅沙律盘。
就晌沙律旁放咗杂锦肉同芝士盘、干果及水饼，本身都好钟意食芝士架，不过，今次就无食到。
乳酪、生果、粟米片另一边，放咗好多口味嘅乳酪，以及火龙果及新鲜菠萝；乳酪旁𠮶罂喺冻麦片，绝对唔喺我杯茶。如喜欢食粟米片嘅朋友就啱晒喇，因为大量供应，又有唔同口味。
先嚟一大碟「前菜」开开胃，就喺一啲沙律菜、生果，配以油百，再加啲烟肉碎同芝士粉。啲沙律菜果然好新鲜，非常爽脆，而菠萝超甜。
面包、丹麦酥、迷你班戟、甜点再回头介绍吓啲西式包点，位置其实就正正晌入门口嘅两个食物区，面包嘅类别算喺超多选择，喜欢食包嘅朋友不愁无得拣，小弟都试咗几款喇。仲有啲班戟、蛋糕仔，甜点唔算多，过吓口瘾都还可以嘅。
和式风味迎合唔同人嘅口味，餐厅亦提供咗少少和食，例如日式烧玉子、日式嘅腌菜、面豉汤……等等。
即制煎蛋、奄列全场有两个即点即制档口，一个喺汤粉面，另一个就喺呢个嘞。奄列馅料点配法，同阿姐讲声就得喇，最重点喺成品新鲜热辣。
中式汤粉面、中式包点、粥品唔使多介绍大家都知咩，虽然我唔太好，但一大清早食碗汤粉面喺大有人在，尤其鱼蛋鱼片河，喺好多人嘅至爱。此外，当然唔少得一啲中式食品，尤其一啲上年纪嘅顾客，有啲点心、粥品、炒面、炒饭，会更合佢哋口味。小弟就无试喇，老婆就试咗啲，佢话都OK。
热盘类主要喺西式美食较多，如烚蛋、炒滑蛋、薯饼、火腿、烟肉、烤蕃茄、茄汁豆、猪肉肠、汉堡扒……等等，非西式嘅就似乎得款炸饺子，总之，夹夹埋埋都有十多款。
故此，第二碟就砌咗份「全日早餐」，晌热盘类样样执啲，又配几款面包，卖相非常丰富，老婆睇到都话吸引架。整体味道都唔错，尤其啲炒滑蛋同啲面包。
饮品最后就介绍埋嘅饮品，都喺摆晌近入门口位，基本嘅咖啡机一定会有，此外，热茶、柠檬、牛奶，以及两款果汁。
醒醒神，就斟咗杯西柚汁，边食边饮。平常，到最尾会加杯咖啡伴吓啲甜点或蛋糕仔，但食完后就出车，今回就稍稍忍口。
后话，踩完单车仲有大把时间可以返房冲冲身、抖一抖。转眼两日一夜嘅小旅行就此完结，其实都有啲未够喉，酒店嘅健身室同泳池都未有机会享用，不过，考虑到防疫，都喺两公婆走去踩单车安心啲。
短评番今次嘅住宿，感觉真喺几唔错，无论房间、公共地方、餐厅，酒店都做咗好多防疫嘅功夫，房内亦加设咗唔少智能设备。而这里嘅自助早餐都好丰富，若非要踩转单车，唔方便食太饱，以小弟嘅战斗力，喺可以食多两转，至少啲芝士、丹麦酥、即制奄列、乳酪，喺会一定捧场。
张贴
