影片
更多
2024-06-11
2534 浏览
虽然老婆就比较钟意晌屋企煮、晌屋企食，因为觉得自己煮会健康啲，不过，我哋依家大多数嘅星期五都会出街食，一来帮手推动下本土经济（查实一个礼拜一餐半餐真喺帮唔到几多），二来都想轻轻松松食餐饭，乜都唔使搞。经在地好友介绍，今晚就近近哋嚟到「鱼你相遇」食下酸菜鱼。餐厅格局细细，虽然喺卖川菜，不过，环境就似茶记，老实讲我哋嚟都喺食餐便饭，所以，环境唔喺太大考量点，干净企理就可以喇，最紧要喺啲嘢食啫。而成晚所见，大部分时间都有9乘满，有时候甚至见要等位，睇落亦唔少喺街坊，相信喺有番咁上下质素先会咁旺场。川菜即喺辣嘢，小弟唔食辣㖞，老友喺咪玩嘢，当然唔喺啦，佢话有啲汤底只喺微辣，更有一款喺唔辣嘅蕃茄汤底。鱼类嘅选择多，啲一人套餐嘅配搭又够弹性，此外，仲有煲仔饭、小食、大大盘嘅酸菜鱼，好多选择，定价亦唔算贵。鲈鱼片配蕃茄浓汤 $76唔使多讲，老婆就一定喺拣呢一款蕃茄浓汤，选上鲈鱼就贪佢鱼味浓啲，又比较鲜甜，而配料就拣豆腐皮、娃娃菜，佢话唔使要主食，阿姐就话可以拣多款配料，就搭埋莴笋，阿姐处理得够弹性。个蕃茄浓汤几唔错，蕃茄味突出，浓郁酸香，饮落好醒神。莴笋薄薄哋仲有份爽脆感，豆腐皮好似啲上海百页咁，烟
餐厅格局细细，虽然喺卖川菜，不过，环境就似茶记，老实讲我哋嚟都喺食餐便饭，所以，环境唔喺太大考量点，干净企理就可以喇，最紧要喺啲嘢食啫。而成晚所见，大部分时间都有9乘满，有时候甚至见要等位，睇落亦唔少喺街坊，相信喺有番咁上下质素先会咁旺场。
川菜即喺辣嘢，小弟唔食辣㖞，老友喺咪玩嘢，当然唔喺啦，佢话有啲汤底只喺微辣，更有一款喺唔辣嘅蕃茄汤底。鱼类嘅选择多，啲一人套餐嘅配搭又够弹性，此外，仲有煲仔饭、小食、大大盘嘅酸菜鱼，好多选择，定价亦唔算贵。
鲈鱼片配蕃茄浓汤 $76唔使多讲，老婆就一定喺拣呢一款蕃茄浓汤，选上鲈鱼就贪佢鱼味浓啲，又比较鲜甜，而配料就拣豆腐皮、娃娃菜，佢话唔使要主食，阿姐就话可以拣多款配料，就搭埋莴笋，阿姐处理得够弹性。个蕃茄浓汤几唔错，蕃茄味突出，浓郁酸香，饮落好醒神。莴笋薄薄哋仲有份爽脆感，豆腐皮好似啲上海百页咁，烟韧有豆香，初时以为喺类似港式嘅腐皮，而主角鲈鱼入口非常之嫩滑，好有鱼鲜味，十分鲜甜，整道菜式极之啱老婆口味。
鲈鱼片配蕃茄浓汤
$76
2 浏览
1 赞好
0 留言
鲷鱼片柠檬酸菜汤 $76我就对呢个柠檬酸菜汤非常有兴趣，加上佢标注只喺一只细辣椒辣度，问过侍应都话唔会好辣，再加上嚟到啲红卜卜嘅辣椒放喺面，可以夹走减辣嘅，就会变得辣度更温和。我再将啲柠檬笃烂去，搅匀之后个汤真喺非常有特色，酸酸辣辣再有啲清爽感。配菜拣咗生菜同黑木耳，仲混有唔少酸菜，主食选米线，一大碗米线另碗上，够晒我哋两公婆食，米线口感滑溜，挂上汤底，好好味。我就拣咗配鲷鱼片，同样好嫩滑，有少少爽脆感，一样咁好食。温馨提示，啲鱼有机会有少少细骨，食嘅时候都要小心啲。
鲷鱼片柠檬酸菜汤
$76
16 浏览
1 赞好
0 留言
红豆冰奶茶 +$15小弟一向都钟意叹杯奶茶，而老婆就钟意食红豆冰嘅红豆，所以嗌呢杯就满足到大家。虽然呢度唔系茶记，但估唔到个奶茶底比预期中好，醇香又够浓，红豆嘅份量亦都唔少，而且煮得够腍，入口有起沙嘅感觉而且好清甜。
怕你食完一口辣气未散，晌收银柜枱前，放咗啲薄荷糖，自由取用！
睇见隔离枱几个大姐点咗大份嘅酸菜鱼，嚟到超超超大碟嘅酸菜鱼，外观确喺非常震撼，仲大赞食得过瘾，虽然我哋就无试酸菜鱼，不过，单以今晚所试嘅两款汤同啲食材，已感受到𠮶份质素。
张贴
