影片
更多
2013-03-03
25 浏览
有幸得到餐厅嘅邀请可以一尝意大利私房菜餐厅，今次除咗叫埋老友食家外，仲叫多咗位食友，三人行，真系好开心。餐厅位于铜锣湾，我们相约系时代广场等，由于都唔系好熟路，都揾咗一阵，之后见到大厦门口，起初系门口度都犹豫咗一阵，因为见唔到有提餐厅嘅 4/F，以为无 4/F 添，哈哈。刚巧有人进大厦内，我哋就跟埋入去，又继续犹豫，因为系信箱度又唔见有餐厅名称。跟住就搭升降机上去，呢度嘅升降机系自己开门，感觉好似我去咗欧洲咁，因为之前住过嘅酒店都系自己开门架。开咗门，升降机门就系自动，中间就无咗旧式嘅拉闸。我哋离开时仲研究如果架升降机未到，而我哋开门，咪会唔小心跌咗落去，于是我哋拉吓啦，原来系开唔度，哈哈，疑团已经解开。上到四楼，看到英文单位牌，于是我哋就转右找到 J 了，深黑色嘅大门，同隔离左右嘅单位有强烈嘅对比，见到门口有过了胶嘅餐厅名，于是就放心按门铃，哈哈，因为真系好惊去错。一进餐厅，完全系另一个世界，好似时空门咁，白色砖嘅墙身，黑色嘅天花。先经过蚝吧，然后看到投射于墙身嘅餐厅名。餐厅以黑白色为主，餐桌，櫈，窗帘都系用上黑色，与白色砖墙身衬托著，再用埋水晶灯，感觉简约得来又典雅。灯光柔和，配上
餐厅位于铜锣湾，我们相约系时代广场等，由于都唔系好熟路，都揾咗一阵，之后见到大厦门口，起初系门口度都犹豫咗一阵，因为见唔到有提餐厅嘅 4/F，以为无 4/F 添，哈哈。刚巧有人进大厦内，我哋就跟埋入去，又继续犹豫，因为系信箱度又唔见有餐厅名称。
跟住就搭升降机上去，呢度嘅升降机系自己开门，感觉好似我去咗欧洲咁，因为之前住过嘅酒店都系自己开门架。开咗门，升降机门就系自动，中间就无咗旧式嘅拉闸。我哋离开时仲研究如果架升降机未到，而我哋开门，咪会唔小心跌咗落去，于是我哋拉吓啦，原来系开唔度，哈哈，疑团已经解开。上到四楼，看到英文单位牌，于是我哋就转右找到 J 了，深黑色嘅大门，同隔离左右嘅单位有强烈嘅对比，见到门口有过了胶嘅餐厅名，于是就放心按门铃，哈哈，因为真系好惊去错。一进餐厅，完全系另一个世界，好似时空门咁，白色砖嘅墙身，黑色嘅天花。先经过蚝吧，然后看到投射于墙身嘅餐厅名。餐厅以黑白色为主，餐桌，櫈，窗帘都系用上黑色，与白色砖墙身衬托著，再用埋水晶灯，感觉简约得来又典雅。灯光柔和，配上悠悠嘅音乐，气氛也很浪漫。
餐厅内有两排窗，只是因为布帘未有拉上，观景就系隔离左右嘅大厦，最搅笑嘅系我哋见到对面大厦有人系度晾衫时，我哋仲话佢应该见唔到我哋，估计餐厅系用咗玻璃纸，出面睇唔到入面，入面睇到出面。当我哋离开后，再由地下望番上去，就知道原来晾紧衫嘅人其实系见到我哋望佢，哈哈。今次餐厅系邀请我哋试新菜式，四道菜晚餐，配面包，甜品和饮品，合供 $599，已包加一服务费。由于系私房菜关系，呢度只收现金。餐厅负责人为我们安排了食物嘅配搭，流畅及详细嘅讲解，充份表现到佢对菜式嘅熟悉程度，真系佩服。
餐厅环境比较昏暗，加上最近换了部相机，我仲探索紧，我哋影相嘅时间长咗，又试打灯，又试闪光，又试位。哈哈，亦都被餐厅负责人发现咗，特意为我们减慢上菜嘅速度，怕食物放凉了，真系细心。
面包配自制特式酱 (Bread with Homemade Sauce)
骤眼看有点像平时食嘅法包，内外都好脆好松，面包密度不高，系唔会食到饱肚。对于有少少整面包经验嘅我当然想知道系咪自家制，虽然心中已经有答案，哈哈。细问大厨之下，原来系来自上环某饼店，见系上环，都算我地球，谂住问吓系边，原来系巷仔内嘅面包店，不过就唔方便透露名称，等我仲谂住去睇吓添。而自家制嘅酱有两款，一款系蓝莓梨酱，一款系橄榄油同陈醋。蓝莓梨酱呈浅紫色，因为用咗梨嘅关系，梨味较突出，甜度适中，真系不错，一改我对果酱嘅印象。
法国生蚝 (Oyster from France)餐厅负责人为我哋安排咗餐牌内没有嘅生蚝，真系好喇！我都好钟意食生蚝架，曾经试过一次食二十只，嘻嘻。先尝 Ancelin，蚝很新鲜就唔驶讲，浓浓嘅海水味，店主话系会食到西瓜味，不过可能食得太快，我食唔出添，应该要试多几件先得，嘻嘻。而 Gillardeau 就比较爽口弹牙，味道很鲜甜，食后阵阵蚝香海水味。
冻烟法国鸭胸，血橙蓉 (Cool Smoke French Duck Breast, Blood Orange)在橙色嘅酱蓉上，粒粒鸭胸肉排列成线状，粉红色鸭胸肉，白色脂肪，加上鲜嫩菜叶点缀，颜色配搭得宜，卖相很别致。鸭胸肉切成粒状，味道和平时有点不同，更像火腿，食落更有嚼口，咸香味又恰到好处。配上酸甜嘅血橙蓉，亦减却肥腻感。
澳洲和牛他他 (Kobe Beef Tartare M6)澳洲 Kobe？神户？和牛他他，呈粉红色，肉和脂肪粒比例刚好，肉质鲜嫩软腍，拌入爽脆又不辣嘅洋葱，是很好嘅嘅配搭。而香脆干身嘅 Cracker 除了用作点缀之下，餐厅负责人解释是用来减轻斋食和牛他他嘅腻滞感。
香煎鹅肝配黄梅酱多士 (Foie Gras with Apricot Jam, Baguette)薄薄鹅肝轻煎至金黄色，与橙黄色嘅黄梅酱汁，份外相衬。鹅肝食落很嫩滑软腍，入口即溶，都唔错，如果可以厚身啲，香脆啲，就更合我口味。放底嘅多士同之前食嘅面包应该系同类，可能因为密度唔高，遇上鹅肝嘅湿润，加快咗变腍嘅速度。
白菌忌廉汤 (Cream of Mushroom)
平时钟意饮红汤多过白汤嘅我，因为见到另一个选择系西班牙蕃茄冷汤，于是就拣咗好似无咩特别嘅白菌忌廉汤。餐厅负责人介绍呢个忌廉汤系有三种质感嘅白菌嘅，有白菌蓉，有白菌粒，同埋有生鲜嘅白菌片。未饮已经闻到好香白菌味，汤面加了几滴香油，再饮就发觉其实呢个系白菌浓汤，啖啖汤都有白菌肉，不同质感嘅白菌，增加了层次感，真系好好饮，我想添饮呀！嘻嘻！
西班牙蕃茄冷汤 (Tomato Gazpacho with Grape, Berries)由于老友食家唔食得菌类，所以系没有其他选择下，拣咗个冷汤。西班牙蕃茄冷汤比想像中浅色，加入忌廉嘅蕃茄汤，可以中和酸味。最特别系汤中加了新鲜提子和蓝莓点缀，而汤嘅温度不会过冷。
香煎带子风干火腿 (Scallop with Parma Ham)
哗！珍宝带子好大粒，略为轻煎，外面熟，入面生，鲜味十足，肉质很嫩，又不失弹牙，配上柔软咸香嘅风干火腿，真系好好味，好想食多几粒呀！
水果雪葩 (Sorbet of the day)咁快食甜品？原来系传统嘅西餐，雪葩系安排系头盘同主菜之间，可以清一清味蕾。浅粉红色嘅雪葩，起初以为系我至爱嘅香桃。不过闻真啲，原来系蕃石榴。蕃石榴味香浓， 很清新。
法式油封鸭腿 (Confit de Canard)今日好似食咗好多鸭咁，哈哈。鸭腿表面香脆，以提子，梨和红菜头伴碟，甚有心思。鸭腿经过腌制，肉质软腍，我哋好轻易就可以分开啲肉。鸭味很浓，唔知点解越食得多，咸味就越重。
海胆意大利饭 (Sea Urchin Risotto)呢个主菜系要一日前预订，见到海胆两个字，真系好期待，因为海誊捞饭又真系几好味。海胆味甘，入口即溶，用来点缀，确是不错。意大利饭嘅酱汁不错，加上芝士，也不腻。意大利饭大大粒，比较硬身，真系好有嚼口，食完呢个饭，个咀都有啲攰。大厨解释系跟番传统嘅做法，提议可以略为调较一下，煮软一点点就可以，既有咬口，又可以迎合本地人嘅口味。
焗龙虾珊瑚蚌伴意大利云吞 (Lobster with Ravioli, Carol Mussels)
起初见到满布酱汁嘅龙虾钳时，谂住无咩肉食，因为我哋无工具拆肉，点知原来已经系拆咗出嚟，大厨真系细心。龙虾烹饪时间控制得好，肉质鲜嫩又爽口，配上酱汁，味道不错。唔知系咪因为要揾橙红色嘅食材已珊瑚蚌，配搭十分创新。不过在底嘅意大利云吞皮有点实，不够入味，有点失色。
是日甜品 (Dessert of the Day)今日嘅甜品系法式杏仁饼，小碟上放著三种不同口味，再用朱古力酱写成餐厅嘅名称，卖相简单又不失心思。我嘅三款味道有士多啤梨，柠檬同绿茶，另外两位都有其他口味，例如咖啡，Cappuccino 等。法式杏仁饼比平时见到嘅厚身，中间嘅馅料比较多。士多啤梨味甜酸味较突出，啱晒我，柠檬味清新而不过浓，而绿茶味比较淡，令杏仁味食落特别浓，不太适合怕杏仁味嘅我。
特式花茶 (Special Flower Tea)玫瑰花嘅香，绿茶嘅甘，蜜糖嘅甜，味道配搭得很好，是一杯不错嘅餐后饮品。
总括而言，食物和服务质素很不错，对于第一次食意大利私房菜餐厅嘅我，都感到有惊喜，亦都感受到餐厅负责人用心嘅一面。最后大厨出场，估唔到大厨咁年轻，好似学生哥，哈哈。
张贴
